Sport

Avokatja me origjinë shqiptare noton nga Italia në Shqipëri

Published

2 years ago

August 19, 2024

Betim Gashi

Eva Buzo ka përfunduar udhëtimin e saj me not prej 92 km, që zgjati 34 orë, nga brigjet e Leçes (San Focca), deri në Gadishullin e Karaburunit, ku dhe ka prekur tokën shqiptare në afërsi të Kepit të Gjuhëzës.

Një udhëtim i vështirë për avokaten me origjinë shqiptare, e cila e la në mes sfidën vitin e kaluar për shkak të komplikacioneve. Sot, Buzo e ka përfunduar rrugëtimin, duke treguar një forcë fizike dhe psikologjike.

Ajo ka ndaluar shumë pak duke pirë ujë dhe udhëtimi ka qenë konstant. Nuk ka pasur asnjë problem gjatë udhëtimit prej 34-orësh. Në momentin e mbërritjes Eva nuk ishte në gjendje të flasë për shkak të kalcifikimit të gojës nga kripa, por gjendja e saj shëndetësore është shumë e mirë.

Për rrugëtimin e saj ka shkruar edhe Kryeministri i Republikës së Shqipërisë, Edi Rama. Ai përmes një reagimi në Facebook ka thënë se Buzo bëri një histori mbresëlënëseme një forcë fizike dhe psikologjike të jashtëzakonshme.

Related Topics:Shqipëri Eva Buzo San Focca

Up Next

Besiktasi dhe Rashica: Një start i fuqishëm në Superligën Turke

Don't Miss

Një episod i tensionuar: Presidenti i Fenerbahçes sulmohet në stadium

Vendi

Akil Gjakova mbyll garën pa medalje në Abu Dhabi

Published

16 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

17 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

19 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/