Kulturë

Avokatja e Amber Heard: Klientja ime nuk dëshiron 100 milionë dollarët e Johnny-t, ajo donte të dërgonte një mesazh

Ky informacion erdhi të premten në një sallë gjyqi të Virxhinias.

Published

on

Amber Heard nuk po kërkon vërtet 100 milionë dollarë për të cilat ajo paditi Johnny Depp. Avokatja e saj tha të premten se ata thjesht kërkuan atë shumë për t’i dërguar një mesazh yllit të “Pirates of the Caribbean” pasi ai kërkoi gjysmën e asaj shume kur e paditi atë për shpifje.

Ky informacion erdhi të premten në një sallë gjyqi të Virxhinias, ndërsa ekipet ligjore për Depp dhe Heard regjistruan argumentet e tyre përfundimtare.

“Johnny Depp paditi për 50 milionë dollarë dhe ne dërguam një mesazh duke thënë: ‘Mirë, atëherë do të padisim për 100 milionë dollarë, sepse shiko çfarë i bëre asaj’. Ne nuk po ju kërkojmë të jepni 100 milionë dollarë”, tha avokatja Elaine Bredehoft para jurisë, duke folur për dëmet kompensuese. Ne po ju kërkojmë që të shikoni vetëm dëmet në këtë rast dhe thjesht të jeni të drejtë dhe të arsyeshëm në çdo gjë që përcaktoni”.

Avokati i Depp, Benjamin Rottenborn, deklaroi argumentet përfundimtare të të pandehurit duke paralajmëruar anëtarët e jurisë për mesazhin që do t’u dërgonin viktimave të abuzimit në familje nëse do të dilnin në favor të Johnny Depp.

“Nëse nuk keni bërë fotografi, nuk ka ndodhur. Nëse keni bërë foto, ato janë false. Nëse nuk i keni thënë miqve tuaj, ju jeni duke gënjyer. Nëse i keni thënë miqve tuaj, ata janë pjesë e mashtrimit. Nëse nuk ke kërkuar trajtim mjekësor, nuk je lënduar. Nëse ke kërkuar trajtim mjekësor, je i çmendur”, tha Rottenborn.

Rottenborn e quajti rastin “fajësimi i viktimave në rastin më të neveritshëm”. Këto deklarata erdhën pasi avokatët e Depp argumentuan se ai ishte viktima në lidhje.

“Ka një dhunues në këtë sallë gjyqi, por nuk është zoti Depp”, tha avokatja Camille Vasquez. “Dhe në këtë sallë gjyqi ka një viktimë të abuzimit në familje, por nuk është zonja Heard”.

Pas renditjes së 16 dëshmitarëve që kishin dalë në gjykatë për Depp personalisht ose përmes videove live, përfshirë ish të dashurën Kate Moss, ekipi i Depp më vonë tha se përveç motrës së Heard, Whitney Henriquez, “askush nuk u paraqit për znj. Heardnë këtë sallë gjyqi” përveç dëshmitarëve që ishin paguar për të dëshmuar. Ekipi i Heard prezantoi rastin në një pjesë të madhe përmes depozitimeve të videove të regjistruara paraprakisht./UBTNews/

Magazinë

Hailey Bieber rikthen unazën e martesës, mes thashethemeve për krizë me Justin Bieber

Published

on

Hailey Bieber ka tërhequr vëmendjen në New York , teksa u shfaq në dalje me fustan saten të gjelbër dhe unazën e martesës rikthyer vetëm një ditë pasi u fotografua pa të, duke nxitur thashetheme për tensione në martesën me Justin Bieber.

Modelja 28-vjeçare u shfaq elegante dhe e qetë, ndërsa shijonte një mbrëmje, duke kompletuar pamjen me syze dielli dhe një palë taka “kitten”.

Dalja vjen në një kohë kur fansat janë të shqetësuar për marrëdhënien me Justin, pas raportimeve për një përplasje të fortë gjatë Ditës së Babait, ku ajo thuhet ta ketë quajtur bashkëshortin e saj një “fëmijë të mallkuar”, shkruan DailyMail.

Justin zgjodhi të mos bëjë asnjë postim dedikuar bashkëshortes apo djalit nëntëmuajsh, Jack, duke ndarë mesazhe enigmatike dhe emocionale në rrjet, përfshirë ndjesinë e “thyer” dhe përpjekjet për të përballuar zemërimin dhe vetëvlerësimin.

Burime pranë çiftit raportojnë se Hailey ka qenë e irrituar nga veprimet e Justinit dhe se i ka kërkuar atij të kërkojë ndihmë profesionale.

Rikthimi i unazës në dorën e saj sugjeron një përpjekje për stabilitet, ose së paku një qëndrim publik që ndjenjat janë ende të forta – të paktën për kamerat.

Continue Reading

Magazinë

Ja kushtet që Chris Brown duhet të respektojë pas akuzës për sulm në Londër

Published

on

Chris Brown, 36 vjeç, është paraqitur sot në Gjykatën e Lartë të Southwark në Londër, për të dhënë deklaratën e tij lidhur me një sulm të dyshuar ndaj producentit muzikor Abraham Diaw, në një klub nate në shkurt 2023.

Sipas akuzës, Brown e ka goditur Diaw disa herë me shishe, dhe më pas e ka ndjekur në një zonë tjetër të lokalit ku e ka rrahur me grushta dhe shqelma, ndërsa viktima ndodhej i shtrirë në tokë. Ngjarja është filmuar nga kamerat e sigurisë dhe përshkruhet si “shumë serioze”.

Reperi amerikan është arrestuar në Manchester më 15 maj, disa orë pasi kishte mbërritur në Mbretërinë e Bashkuar me avion privat.

Ai është liruar nga burgu me një kaucion prej 5 milionë paundësh, por me disa kushte të rrepta, përfshirë:

•Të qëndrojë në një adresë të përcaktuar në Mbretërinë e Bashkuar

•Të mos i afrohet klubit “Tape” në Londër

•Të mos kontaktojë viktimën, bashkëpandehurin apo dëshmitarët

•Pasaportën ta përdorë vetëm për lëvizje të lidhura me turneun

Nëse shkel ndonjë nga këto kushte, rrezikon të humbasë shumën e garancisë dhe të kthehet pas hekurave.

Seanca u zhvillua edhe në prani të bashkëpandehurit, reperit amerikan Omololu Akinlolu, 38 vjeç, me të cilin do të përgatitet procesi gjyqësor.

Continue Reading

Kulturë

21 qershori – Dita Ndërkombëtare e Muzikës

Published

on

Festa e Muzikës, e njohur gjithashtu si Dita Ndërkombëtare e Muzikës, është një festë globale që kremton muzikën dhe krijuesit e saj, duke promovuar kulturën muzikore si një gjuhë universale që bashkon njerëzit pa dallim moshe, kulture apo origjine.

Ajo zhvillohet çdo vit më 21 qershor, në ditën më të gjatë të vitit në hemisferën veriore, duke shënuar edhe fillimin e verës.

Festa e Muzikës është krijuar nga Jack Lang , ish- Ministër i Kulturës i Francës në 21 qershor 1981 dhe festohet në të gjithë botën në formën e një festivali muzikor.

Festa e parë e Muzikës u zhvillua në Francë dhe që prej herës së parë, festa e Muzikës është kthyer në një fenomen ndërkombëtar dhe festohet në të gjithë botën, në të njëjtën ditë, në më shumë se 460 qytete në 110 vende, përfshirë Francë, Gjermani, Itali, Egjipt, Siri, Marok, Afrikë e Jugut, Australi, Vietnam, Kongo, Kamerun, Mauritius, Fizhi, Kolumbi, Kili, Nepal, Japonia.

 

 

 

Continue Reading

Magazinë

Postoi një foto të thjeshtë, por Jennifer Lopez kritikohet ashpër

Published

on

Jennifer Lopez ka ndarë me ndjekësit disa foto të reja, ku shfaqet me një bluzë me mëngë të gjata në ngjyrë ulliri pastel dhe xhinse me bel të lartë. Siç duket, fotot janë shkrepur në shtëpi, ku ajo ka pozuar thjesht por me stil.

Flokët i kishte ndarë në mes dhe kishte zgjedhur t’i mbante të drejta, një stil i thjeshtë dhe elegant. Grimi ishte natyral, me nuanca të ngrohta, sy “smokey” dhe buzë në nuancë kafe.

Deri këtu, gjërat duken në rregull. Faqja e njohur “Hollywood Unlocked” publikoi fotot duke komentuar pamjen e këngëtares, me përshkrimin:

“Për JLo vitet ecin mbrapsht,” shkruhet në foto, duke vlerësuar bukurinë e saj.

Por komentet nuk ishin të gjitha entuziaste. Disa ndjekës shprehën dyshimet e tyre për vërtetësinë e fotove.

“Nuk duket kështu në realitet,” komentoi dikush.

“E gjitha është filter. Po ta shohësh nga afër në tapetin e kuq, nuk duket aspak kështu,” tha një tjetër.

Të tjerë shtuan:

“Përdor shumë filtra.”

“Duket shumë mirë për moshën, por e kemi parë edhe pa filtra.”

Shumë personazhe kanë mundësinë të ndryshojnë ose “përmirësojnë” pamjen, disa përmes ndërhyrjeve kozmetike, të tjera me filtra dhe aplikacione.

Lopez nuk ka pranuar asnjë ndërhyrje apo përdorim të tepruar të efekteve, ndaj shumica e fansave pajtohen që ajo duket shumë e bukur pavarësisht moshës.

 

Continue Reading

Të kërkuara