Lajmet

Avokati i Mustafës: Prokuroria po përpiqet t’i ndryshojë dëshmitë, për t’i përshtatur me argumentet e tyre

Sipas tij, kjo zyrë po përpiqet të ndryshojë numrin e ndërtesave në të cilat pretendohet të jenë mbajtur persona.

Published

on

Avokati i Salih Mustafës ka paraqitur pretendimet e mbrojtjes lidhur me mos besueshmërinë e deklaratave të dëshmitarëve të Zyrës së Prokurorit të Specializuar.

Julius von Bone ka thënë se kjo zyrë po përpiqet të ndryshojë numrin e ndërtesave në të cilat pretendohet të jenë mbajtur persona dhe sipas tij po përpiqet të ndryshojë dëshmitë në mënyrë që ato të përshtaten me argumentet e prokurorisë. Sipas mbrojtjes, nëse trupi gjykues e shqyrton që ZPS ka ndryshuar qëndrimin e saj atëherë mbrojtja kërkon të dëgjojë përsëri dëshmitarët e prokurorisë.

Mbrojtja e Salih Mustafës ka thënë se aktakuza e konfirmuar në këtë çështje është e bazuar mbi faktin që ka qenë vetëm një ndërtesë në të cilën janë ndaluar njerëzit në Zllash, ndërsa në dëshmitë e dëshmitarëve të ZPS-së, ai ka thënë se përmenden disa ndërtesa dhe sipas tij nuk është e qartë kush në cilin objekt ka qëndruar.

“Nëse trupi gjykues është në gjendje të shqyrtojë që ZPS ka ndryshuar qëndrimin e saj atëherë pala mbrojtëse dëshiron të dëgjojë dëshmitarët e ZPS-së edhe njëherë dhe duam të na jepet koha për të hetuar dhe për të gjetur persona të tjerë që mund të gjejmë që kanë qenë në atë vend në atë kohë, dhe që mund të na tregojnë lidhur me përdorimin e ndërtesave 4a dhe 5, qëndrimi ynë është që ne nuk mund të ndryshojmë rregullat e lojës kur loja është në mes të saj dhe ZPS nuk mund të ndryshojë qëndrimin e saj apo faktet bazë mbi të cilat e kemi bazuar punën tonë që në fillim. Më lejoni të shtoj që edhe gjykatësi i procedurës paraprake është mashtruar ose kështu duket, nga ZPS, po t’i hedhim një sy vendimit të tij për konfirmimin e aktakuzës, ideja e tij dhe këtë mund ta shohim në citimet e vendimit të tij është që bëhet fjalë për vetëm një ndërtesë dhe jo për shumë ndërtesa”, ka thënë avokati i Mustafës.

Mbrojtja e Mustafës ka thënë se ZPS duhet të sigurojë gjyq të barabartë dhe në bazë të standardeve të të drejtave të njeriut dhe jo të bëjë deklarata të pasakta para trupit gjykues.

“Dëshmitari W1679 nuk po tregon të vërtetën apo 4669 nuk po e tregon të vërtetën pasi rrëfimet e tyre nuk pajtohen lidhur me të njëjtën çështje, ZPS thotë që 04669 ishte në ndërtesën 5, 01679 thotë që ishte në ndërtesën Oda, me kënd ishte 1679 dhe si mund të jetë e mundur siç thotë ZPS që 4669 të ndodhej në një ndërtesë tjetër, 4669 ka thënë vet që ai ka qenë së bashku me viktimën e supozuar të vrasjes. 03495 nuk ka thënë që të ketë qenë së bashku me 04669. A nënkupton kjo thjesht që 01679 nuk tregon të vërtetën që ka qenë së bashku me 04669”, ka thënë avokati.

Sipas tij, nëse ZPS ka pasur parasysh një numër më të madh të ndërtesave atëherë pala mbrojtëse do të kishte pasur mundësinë të marrë në pyetje njerëz të tjerë të cilët do të mund t’i kishin shfrytëzuar ato ndërtesa.

“Po të marrim rrëfimin e 1679, 3594 apo 3593 apo 4669 nuk mund të kuptojmë se kush ka qëndruar me kë. Të nderuar gjykatës si mund të arrijmë në një përfundim bazuar mbi faktet dhe dëshminë se kush ka qëndruar me kë dhe në cilën ndërtesë. ZPS është përpjekur ta bëjë që të përshtatet me argumentet e tyre. Të gjitha këto rrëfime nuk mund të jenë të vërteta në të gjitha pikat, ZPS përpiqet që në momentin e fundit të ndryshojë numrin e ndërtesave në të cilat janë mbajtur njerëzit. Ata po përpiqen që t’i ndryshojnë dëshmitë në mënyrë që të përshtaten me argumentet e tyre. Si mund të shpjegojë ZPS, që 1679 është në ahur dhe shikon viktimën e supozuar të vrasjes, viktima e supozuar e vrasjes ka arritur shumë më vonë se 1679”, ka thënë Julius von Bone.

Mbrojtja ka deklaruar që Salih Mustafa nuk mund të shpallet fajtor.

“Prokuroria pretendon se për provat e paraqitura viktima është vrarë nga anëtarët e njësisë BIA. Megjithatë prokuroria nuk na ka dhënë ndonjë provë materiale për të provuar se viktima është vrarë apo se shkaku i vdekjes së viktimës ka qenë ai. Prokuroria nuk ka dhënë asnjë provë për të vërtetuar kohën e vdekjes dhe vendin e vdekjes. E vetmja provë që ka ofruar prokuroria për deponimin e vdekjes së viktimës janë fotot ERN me numër 00209313 deri në 00209320. Që viktima 4676 i ka marrë në vendin e krimit në kohën kur viktima është varrosur”, ka thënë ai.

Një pjesë e seancës ka qenë e redaktuar për publikun.

Lajmet

​Vdes një person nga aksidenti në rrugën Prishtinë-Podujevë

Published

on

By

Një person ka vdekur dhe katër të tjerë janë lënduar nga aksidenti që ka ndodhur mes një veture dhe traktori në rrugën Prishtinë-Podujevë.

Policia e Kosovës konfirmoi për KosovaPress se aksidenti ka ndodhur rreth orës 14:00.

Si pasojë e aksidentit në vendin e ngjarjes ka humbur jetën një person dhe janë lënduar katër të tjerë. Personat e lënduar janë dërguar për tretman mjekësor ndërkohë që me rastin po merret njësiti i trafikut rajonal”.

Continue Reading

Lajmet

Range Rover tashmë ka një logo të re

Published

on

Range Rover ka një logo të re. Megjithëse, një që nuk do ta shihni në një veturë.

Logo u shfaq kohëve të fundit për investitorët dhe është zhvilluar si një simbol për vendet ku nuk përshtatet shenja e njohur e markës si p.sh në një etiketë dhe brenda hapësirave të ngjarjeve ku një emblemë është më e përshtatshme.

Ndryshe, ajo që Range Rover po bën këtu nuk është pa precedent. BMW pesë vjet më parë debutoi një version të ri të logos së saj ikonike që e përdor në markë, por jo në vetura. Shumë marka makinash po debutojnë gjithashtu logo të reja.

Vetëm javën e kaluar, pamë për herë të parë logon e re të Bentley. Dhe Jaguar mori një logo të re si pjesë e transformimit total që është duke u zhvilluar aktualisht. Ky do të jetë një vit i madh për Range Rover, me mbërritjen e afërt të modelit kryesor tërësisht elektrik.

Do të duket identik me Range Rover-in e madh me benzinë. Logo dhe gjithçka.

Continue Reading

Lajmet

​KQZ miraton 566 kërkesa për ndërrim të qendrave të votimit

Published

on

By

Në mbledhjen e Komisionit Qendror të Zgjedhjeve të mbajtur të enjten, më 10 korrik, u bë e ditur se është duke u zhvilluar periudha për ndërrimin e Qendrës së Votimit brenda komunës, për zgjedhjet lokale që do të mbahen me 12 tetor. Nga 28 qershori deri më 9 korrik 2025, janë pranuar 633 kërkesa – prej të cilave 566 janë aprovuar, ndërkaq 66 të tjera janë refuzuar.

Drejtori në Zyrën për Regjistrim, Certifikim dhe Kontrollin Financiar të Subjekteve Politike, Besnik Buzhala tha se janë refuzuar për shkak se nuk kanë bashkangjitur fotografinë e tyre duke mbajtur në dorë dokumentin identifikues.

Periudha e shërbimeve të votuesve e cila ka filluar me datë 28 qershor dhe deri dje me datë 9 korrik 2025 në orën 16:00 janë parashtruar gjithsej 633 kërkesa për ndërrimin e qendrës së votimit nga të cilat 566 janë aprovuar, ndërsa 66 janë refuzuar për shkak se votuesit nuk kanë bashkangjitur fotografinë së bashku me dokumentet identifikues në dorë”, tha Buzhala.

Po ashtu, anëtarët e KQZ-së, u njoftuan nga Buzhala edhe për periudhën e aplikimit online për certifikimin e subjekteve politike dhe kandidatëve të tyre, e cila ka filluar më 26 qershor dhe do të përfundojë më 13 gusht 2025.

Deri më tani, Zyra për Regjistrim, Certifikim dhe Kontrollin Financiar të Subjekteve Politike u ka krijuar qasje në platformën për certifikim 47 subjekteve politike të regjistruara, 6 iniciativave qytetare dhe 1 kandidati të pavarur.

Po ashtu periudha e aplikimit për certifikimin e subjekteve politike dhe kandidatëve të tyre që ka filluar me datë 26 qershor dhe do të përfundoj më 13 gusht 2025. I kemi shpërnda të gjitha të dhënat për hapjen e llogarive me qëllim të aplikimit për certifikim. Deri më datën 9 korrik 2025 janë hapur llogari të cilat janë aktive për 47 subjekte politike të regjistruara, gjashtë iniciativa qytetare dhe një kandidat të pavarur, totali i llogarive të hapura në total është 54”, tha Buzhala.

Anëtari i KQZ-së nga PDK-ja, Ilir Gashi, kërkoi nga Buzhala që në mbledhjen e radhës të ketë një raport shtesë për buxhetin shtesë për dërgimin e fletëvotimeve te qytetarët në diasporë, për të shikuar se a ka buxhet të mjaftueshëm.

Po bëhen pothuajse katër javë që keni dërguar një kërkesë shtesë në institucione të Kosovës për me nda një buxhet shtesë për faktin se në rregulloret tona, ne kemi parapa që fletëvotimet e qytetarëve tanë në diasporë tua dërgojmë secilit në shtëpitë e tyre. Ky operacion kërkon buxhet shtesë dhe është një operacion i cili ka për synim të kthimit të integritetit të procesit në diasporë. Prandaj unë mendoj që ju do të duhej në mbledhjen e radhës të na bini një raport shtesë të detajuar sa i përket kësaj çështje sepse mos ndarja e këtij buxheti nënkupton edhe mos mundësinë e realizimit ë këtij operacioni. Ju duhet të na tregoni se a do të mundemi t’i tërheqim fletëvotimet me një operator të suksesshëm apo do të përballemi me problematikën e njëjtë”, theksoi Gashi.

KQZ u njoftua se është përzgjedhur operatori fitues në procesin e prokurimit “Auditimi i raporteve financiare të fushatës së zgjedhjeve për Zgjedhjet për Kuvendin e Kosovës 2025”. Së shpejti, auditorët do të fillojnë auditimin e raporteve financiare të subjekteve politike dhe raportet e audituara do të publikohen nga KQZ.

Gjithashtu në këtë mbledhje u miratua edhe vendimi për çregjistrimin e partisë politike “Lëvizja për Bashkim” e cila ka paraqitur në Zyrën për Regjistrim, Certifikim dhe Kontrollin Financiar të Subjekteve Politike (ZRCKFSP) vendimin dhe dokumentacionin mbështetës për pushimin e të gjitha aktiviteteve politike.

Pas këtij vendimi, Zyra do të njoftojë Bankën Qendrore të Kosovës për bllokimin dhe deri në mbylljen e llogarisë bankare dhe Administratën Tatimore për fshirjen e numrit fiskal.

Continue Reading

Aktualitet

Ursula von der Leyen i mbijeton mocionit të mosbesimit

Published

on

Një mocion mosbesimi kundër presidentes së Komisionit Evropian, Ursula von der Leyen dhe vetë Komisionit dështoi të miratohej në Parlamentin e BE-së në Strasburg.

Ursula von der Leyen e Komisioni Evropian i mbijetuan votës së mosbesimit në Parlamentin Evropian, me 175 eurodeputetë që votuan në favor të mocionit të mosbesimit, 360 kundër, 18 abstenime. Votat në favor ishin më poshtë shumicës prej dy të tretash të të gjitha votave që mocioni të jetë i suksesshëm.

Von der Leyen, e cila nuk ishte e pranishme gjatë votimit, është e sigurt. Por votimi e ka dobësuar e ka lënë pikëpyetje mbi mbështetjen për agjendën e saj në Parlament. Grupi i Socialistëve dhe Demokratëve mori një premtim për buxhetin e ardhshëm afatgjatë në këmbim të mbështetjes së tyre, një premtim që do të vihet në provë javën e ardhshme kur propozimi i Komisionit duhet të publikohet.

Grupet e krahut të djathtë Patriotët për Evropën dhe Evropa e Kombeve Sovrane, plus shumë nga Konservatorët dhe Reformistët Evropianë dhe disa delegacione nga e Majta, votuan në favor të mocionit.

Continue Reading

Të kërkuara