Lajmet

Autoritetet në Filipine urdhërojnë mbylljen e një faqeje të lajmeve

Rappler është një nga mediumet e pakta në Filipine që kritikojnë qeverisjen e presidentit Rodrigo Duterte.

Published

on

Autoritetet në Filipine urdhëruan sërish mbylljen e një uebfaqeje të gazetarisë hulumtuese që u themelua nga laureatja e çmimit Nobel, Maria Ressa.

Rappler është një nga mediumet e pakta në Filipine që kritikojnë qeverisjen e presidentit Rodrigo Duterte. Vendimi i rregullatorit vjen pak përpara se Duterte të largohet nga detyra dhe të pasohet nga aleati i tij, Ferdinand Marcos Jr. i cili fitoi zgjedhjet në muajin maj.

Themeluesja e Rappler tha se faqja e lajmeve nuk do të mbyllet dhe se do të përballen në gjyq.

“Ne do të vazhdojmë të punojmë dhe të bëjmë biznes si zakonisht. Ne do të ndjekim procesin ligjor dhe do të mbrojmë të drejtat tona”, deklaroi mes tjerash ajo.

Ajo tha se vendimi ka ardhur pas procedurave shumë të parregullta dhe se faqja nuk mund të llogarisë më në sundimin e ligjit.

Rregullatori fillimisht trajtoi një çështje kundër mediumit Rappler në vitin 2018, duke zhvleftësuar kredencialet e organizatës së lajmeve, sepse sipas tij, kompania i kishte shitur kontrollin e vetes një entiteti të huaj duke shkelur kufizimet e pronësisë së huaj në mediat filipinase. Rappler ka luftuar kundër vendimit që atëherë. Mediumi mohon se financimi i saj nga investitorët amerikanë është kundër ligjit./UBTNews/

Lajmet

​Legjenda e Barcelonës njofton pensionimin nga futbolli

Published

on

Mesfushori i Inter Miami, Sergio Busquets, ka bërë të ditur se do të tërhiqet nga futbolli në fund të këtij sezoni, duke i dhënë fund një karriere gati 20-vjeçare.

37-vjeçari e bëri njoftimin përmes një videoje në Instagram, ku falënderoi Barcelonën, kombëtaren spanjolle, Inter Miamin, shokët e skuadrës, tifozët dhe familjen e tij.

“Ndjej se ka ardhur koha t’i them lamtumirë karrierës sime si futbollist profesionist. “Kanë kaluar pothuajse 20 vjet duke shijuar këtë histori të pabesueshme për të cilën gjithmonë kam ëndërruar”, tha Busquets.

Busquets ishte një figurë kyçe te Barcelona për 14 vite, me mbi 700 paraqitje dhe 32 trofe të fituar, përfshirë 9 tituj të La Ligës dhe 3 Liga të Kampionëve.

Me Spanjën, ai regjistroi 143 ndeshje dhe fitoi Kupën e Botës 2010 dhe Euro 2012.

“Nuk e di se sa gjatë do të luajë Busi, por mendoj se ai është një nga mesfushorët më të mirë në histori… Shpresojmë që ai do të na ndihmojë në fazën eliminatore sepse është një lojtar kyç”, tha trajneri i Inter Miami, Javier Mascherano.

Busquets, i njohur për inteligjencën taktike dhe pasimet e sakta, është aktualisht lojtari me më shumë minuta të luajtura për Inter Miami këtë sezon./S.K/KP/

 

Continue Reading

Lajmet

Osmani takohet me presidentin e Senegalit

Published

on

By

Presidentja e vendit, Vjosa Osmani, gjatë qëndsrimit të saj në New York, është takuar me presidentin e Senegalit Bassirou Diomaye Faye.

Osmani përmes një njoftimi në Facebook, ka treguar se diskutuar mundësitë për thellimin e bashkëpunimit në fusha strategjike.

“Me Presidentin e Senegalit, Bassirou Diomaye Faye, zhvilluam një takim në Neë York për të diskutuar mundësitë për thellimin e bashkëpunimit në fusha strategjike.

Partneriteti ynë i qëndrueshëm përbën një shembull të miqësisë dhe bashkëpunimit, të cilin do të vazhdojmë ta forcojmë”, shkruan Osmani./D.B/EO

Continue Reading

Lajmet

​Arrestohet një i dyshuar për sulm seksual ndaj një të miture në Podujevë

Published

on

By

Policia e Kosovës ka njoftuar se ka arrestuar një person të dyshuar për sulm seksual ndaj një të miture në Podujevë. Rasti raportohet të ketë ndodhur gjatë muajit shtator.

Sipas raportit 24-orësh të Policisë, i dyshuari, shtetas kosovar, është dërguar në mbajtje./D.B/KP

Continue Reading

Lajmet

​Nis Superliga e Kosovës në futsall këtë fundjavë

Published

on

Superliga e Kosovës në futsall nis këtë fundjavë me edicionin e ri 2025/26, ku java e parë do të zhvillohet të dielën dhe të hënën, me disa duele interesante në program.

Të dielën, FC Liqeni përballet me FC Trepçën në Drenas, ndërsa në kryeqytet do të luhet derbi mes FC Mabetex Prishtina dhe FC Drenicës.

Të hënën, në kuadër të javës së parë, FC Drenasi do të sfidojë FC Shtimja 26, kurse FC Malisheva pret FC Prishtina 01.

Skuadra e FC Obiliqit do të pushojë këtë javë./S.K/KP/FFK-Futsal/

Continue Reading

Të kërkuara