Lajmet

Austria e Hungaria duan paqe të shpejtë mes Ukrainës e Rusisë

“Shpresoj se do të vazhdojmë të jemi të bashkuar në BE dhe do të flasim me një zë”, nënvizoi van der Bellen.

Published

on

Austria mbështet qartë sanksionet e BE-së kundër Rusisë, të cilat po japin rezultate, dhe shkaku i rritjes së çmimeve të energjisë dhe rritjes së përgjithshme të çmimeve nuk janë sanksionet, por një pasojë e drejtpërdrejtë e agresionit rus, tha sot presidenti austriak Alexander van der Bellen.

Vjena zyrtare dhe presidentja hungareze Katalin Novak theksuan se Budapesti ka një pozicion të qartë në dënimin e agresionit rus dhe se dëshiron negociatat e paqes sa më shpejt të jetë e mundur.

Në konferencën e përbashkët për shtyp, van der Bellen tha se është veçanërisht e rëndësishme në këtë kohë të bisedohet me fqinjët, e veçanërisht me Hungarinë, e cila është fqinje e Austrisë dhe Ukrainës.

“Shpresoj se do të vazhdojmë të jemi të bashkuar në BE dhe do të flasim me një zë”, nënvizoi ai.

Van der Bellen theksoi se nuk ka pothuajse asnjë ndërgjegjësim që hungarezët janë të prekur nga lufta, sepse në Ukrainë jetojnë rreth 115 mijë hungarezë.

“Kjo duhet të merret parasysh, si dhe sjellja e ukrainasve ndaj pakicave, e cila nuk është e tillë që të mos kritikohet”, tha ai.

“Hungaria ka një qëndrim të qartë në lidhje me luftën në Ukrainë – ne dënojmë agresionin e Rusisë dhe nuk do të pranojmë aneksime. Ne e mbështesim qartë Ukrainën në këtë luftë. Por në të njëjtën kohë shohim se përshkallëzimi i asaj lufte përbën një rrezik për të gjithë ne. Ne pajtohemi me Austrinë se do të ishte mirë të vendoset paqja sa më shpejt, një paqe që do të ishte e pranueshme për të gjithë”, theksoi Novak.

Ajo theksoi se pjesëtarët e minoritetit hungarez në Ukrainë tashmë janë viktima të luftës dhe se në mesin e tyre ka rreth 200 të vdekur.

“Ne po bëjmë gjithçka për të arritur negociatat e paqes. Të dyja palët duhet të ulen në tryezë dhe të bisedojnë për paqen dhe ne duam paqe afatgjatë në Evropë”, theksoi Novak.

Ajo kujtoi se Hungaria mbështeti të gjitha paketat e sanksioneve, pavarësisht pozicionit të saj gjeografik dhe varësisë energjetike.

“Nuk e di nëse Hungaria do të votojë ende për sanksione, por nuk shoh arsye që qeveria hungareze të ndryshojë qëndrimin e saj”, nënvizoi ajo.

Novak tha se takimi me Van der Bellen konfirmoi edhe një herë rëndësinë e forcimit të marrëdhënieve fqinjësore.

Lajmet

Osmani pranoi letrat kredenciale nga ambasadori i ri i Hungarisë në Kosovë

Published

on

By

Presidentja Vjosa Osmani ka pranuar sot letrat kredenciale nga ambasadori i ri i Hungarisë në Prishtinë Laszlo Istvan Dux.

Gjatë ceremonisë, presidentja Osmani i uroi mirëseardhje ambasadorit Dux, duke theksuar faktin se Hungaria ka qenë ndër vendet e para që e ka njohur pavarësinë e Kosovës.

Osmani vlerësoi marrëdhëniet ndërmjet dy shteteve dhe shprehu përkushtimin për zgjerimin e mëtejshëm të bashkëpunimit në fusha me interes të përbashkët, veçanërisht në arsim dhe ekonomi, raporton KosovaPress.

Continue Reading

Lajmet

Punëtorët e “Pastrimit” në ditën e nëntë të grevës

Published

on

By

Punëtorët e ndërmarrjes “Pastrimi” kanë hyrë në ditën e nëntë të grevës para Komunës së Prishtinës, duke kërkuar pagesën e borxhit prej 2.7 milionë euro që komuna i detyrohet ndërmarrjes.

Pavarësisht ndryshimeve klimatike, ata qëndrojnë në tenda ditë e natë dhe paralajmërojnë se nuk do të tërhiqen pa u realizuar kërkesat.

Nënkryetari i Sindikatës, Shpend Qosa, në një intervistë për Ekonomia Online tha se janë në pritje të një takimi vendimtar me zyrtarët komunalë, ndërsa theksoi se kërkesat kryesore janë sigurimi i naftës, pagave dhe stabilizimi i kompanisë.

Sot kemi hyrë në ditë e nëntë të grevës, ne e kemi pasur një takim me zyrtarët komunal jemi në shqyrtim të kërkesave tona edhe sot jemi në pritje të një takimi. Deri sa të gjejmë një zgjidhje për kërkesat tona. Diçka konkrete nuk kemi që do të arrijmë një zgjedhje ne vazhdojmë punën dhe dalim në punë. Ato kërkesa tona që i kemi në takim kemi folur, edhe komuna ka dhënë disa zgjidhje të saj të cilat i kemi shqyrtuar. Sot i presim në takim për të arrijmë një marrëveshje, realisht kërkesat tona janë me pasur naftë paga dhe me stabilizuar gjendja e kompanisë. Punëtorët pagat i kanë marr”, ka thënë Qosa.

Punëtori Blerim Hajdini, i cili punon prej 16 vitesh në këtë ndërmarrje, tha se greva nuk do të ndalet pa u plotësuar kërkesat.

Ai shprehu shqetësimin për pagat e ulëta dhe borxhet personale, duke theksuar se paga mujore prej 425 euro është e pamjaftueshme për të përballuar jetesën.

Jemi në grevë deri të na plotësohet kërkesat tona dhe kushtet tona nuk e kemi ndërmend ta ndalim grevën. Unë punoj që 16 vite këtu të gjithë kanë kredi të majme, unë i kam 15 euro kredi nuk mund t’ia dal assesi për arsye se paga është shumë vogël, e kemi 425 euro në kontratë. Kërkesa jonë është të na kthej borxhin 100 për qind dhe ta ndërpresin privatin menjëherë”, shtoi ai.

Continue Reading

Lajmet

Ministria e Shëndetësisë paralajmëron 100 inspektorë të rinj për luftën kundër duhanit

Published

on

By

Ministria e Shëndetësisë po planifikon t’i punësojë edhe 100 inspektorë me qëllim të rritjes së kontrollit të përdorimit të duhanit në Kosovë, kështu tha ministri në detyrë i Shëndetësisë, Arben Vitia gjatë një konference për media në prag të Ditës Botërore Kundër Duhanit.

Ministri i Shëndetësisë, Arben Vitia tha se është lajm i mirë që në Kosovë ka rënie të përdorimit të duhanit për shkak të politikave të ndërmarra, por shtoi se ende duhet punë.

Vitia theksoi se miratimi dhe zbatimi i udhëzimit administrativ për vërejtjet e kombinuara shëndetësore në pakot e duhanit ka dhënë rezultatet e tij.

Në Kosovë sipas STEPS përdorimi i duhanit është në rënie krahasuar me vitin 2011 apo hulumtimin paraprak, që natyrisht kjo është një lajm i mirë, ky është trend inkurajues që dëshmon efektivitetin e politikave të deritanishme, por një trend i pamjaftueshëm për qëllimet që ia kemi bërë vetes,” tha ai.

Ministri në detyrë i Shëndetësisë, Arben Vitia tha se me Ministrinë e Financave po shohin mundësinë t’i shtojnë kapacitetet inspektuese edhe për 100 inspektorë me qëllim të rritjes më të madhe të kontrollit të duhanit.

Rritja e akcizës në 65 euro për kilogram sipas vendimit të qeverisë së Kosovës është tjetër sinjal që politikat fiskale po japin efekt… Kemi fuqizuar edhe kapacitetin inspektues përmes rekrutimit të rreth 30 inspektorëve të rinj që kanë ndihmuar në zbatim të ligjit, por natyrisht kjo akoma nuk është e mjaftueshme dhe vazhdon të mbetet sfidë serioze, prandaj kohëve të fundit në bashkëpunim me ministrinë e Financave po përgatisim një plan për angazhimin e rreth 100 vetave shtesë që ky ligj të zbatohet në përpikëri në të gjitha vendet ku nuk duhet të pihet duhani,” theksoi Vitia.

 

Continue Reading

Lajmet

PDK-ja dorëzoi zyrtarisht në ZRRE kundërshtimin për daljen e bizneseve në tregun e lirë

Published

on

By

Partia Demokratike e Kosovës (PDK) ka dorëzuar sot në mënyrë zyrtare kundërshtimin e saj ndaj vendimit të Zyrës së Rregullatorit për Energji (ZRRE) për daljen e bizneseve në tregun e lirë, duke e cilësuar këtë vendim si të paligjshëm dhe të papërballueshëm për qytetarët.

Në një konferencë për media, deputeti i PDK-së, Abelard Tahiri, bëri të ditur se partia ka ndërmarrë hapa ligjorë për ta sfiduar këtë vendim brenda afateve të përcaktuara.

Ngritja e çmimit e ka bërë të pamundur përballimin e kësaj kostoje të lartë nga rritja e çmimeve që do të pasojë nga vendimet e paligjshme të ZRRE-së. Ne sot, duke ndjekur hapat ligjorë, e kemi dorëzuar kundërshtimin tonë administratës në ZRRE. Jemi të bindur që qëndrimet e tyre do të jenë të njëjta. Ne do të presim 15 ditë për ta anuluar këtë. Nëse brenda 15 ditëve ata nuk e anulojnë, ne do ta procedojmë në departament,” tha Tahiri.

Continue Reading

Të kërkuara