Kulturë

Auli’i Cravalho heq dorë nga Moana

Cravalho ka konfirmuar se nuk do të portretizojë Moanën në versionin e ri.

Published

2 years ago

May 23, 2023

UBT news

Në prill, Disney konfirmoi se një riimagjinim live-action të Moana me aktorët e zërit origjinal – Dwayne Johnson dhe Cravalho – si producente ekzekutiv.

Por në një video në Instagram të postuar të premten, Cravalho konfirmoi se nuk do të portretizojë Moanën në versionin e ri.

“Kur mora rolin si Moana në moshën 14-vjeçare, ajo ndryshoi mrekullisht jetën time dhe filloi karrierën time. Në këtë ritregim live-action nuk do të ripërsëris rolin. Besoj se është absolutisht jetike që kasti të përfaqësojë me saktësi personazhet dhe historitë që duam. Si producent ekzekutiv i filmit, mezi pres të ndihmoj për të gjetur aktoren e radhës për të portretizuar shpirtin e guximshëm, zgjuarsinë e pamohueshme dhe forcën emocionale të Moanës”.

“Jam vërtet e nderuar t’ia kaloj këtë stafetë gruas së re të ardhshme me prejardhje nga ishulli i Paqësorit, për të nderuar popujt, kulturat dhe komunitetet tona të pabesueshme që ndihmuan në frymëzimin e historisë së saj. Dhe mezi pres të gjithë përfaqësimin e bukur të Paqësorit që do të vijë”.

Në një deklaratë për shtyp në lidhje me projektin Moana muajin e kaluar, Cravalho tha për personazhin: “Ajo ka pasur një ndikim kaq të thellë në mënyrën se si ne mendojmë për princeshat e Disney. Forca dhe këmbëngulja e Moanës janë frymëzuese – për audiencën në mbarë botën, për mua dhe për të gjithë ata që e ndihmuan për ta sjellë atë në jetë. Mezi pres ta ndaj historinë e saj në një mënyrë krejtësisht të re”.

Johnson, shtoi në një deklaratë të tij: “Jam thellësisht i përulur dhe i pushtuar nga mirënjohja për të sjellë historinë e bukur të Moanës në ekranin e madh të veprimit të drejtpërdrejtë”. /Lapsi.al

Mënyra e Jetës

Dilema e perdeve: cilat i përshtaten më mirë ambientit tuaj?

Published

49 minutes ago

November 8, 2025

UBT News

Perdet e gjata arrijnë deri në dysheme dhe japin ndjesi elegance e hapësire më të madhe.

Janë ideale për dhoma dite, dhoma gjumi dhe ambiente me tavane të larta. Për vendosje më estetike, shufra e perdes duhet të jetë rreth 15–20 cm mbi kornizën e dritares.

Avantazhet:

Zgjerojnë vizualisht hapësirën

Krijojnë pamje luksoze

Ruajnë ngrohtësinë

Të përshtatshme për dyer ballkoni

Perdet e shkurtra janë praktike kur dritarja ndodhet mbi radiator, banak apo tavolinë.

Avantazhet:

Nuk pengojnë ngrohjen

Të lehta për larje

Ideale për kuzhina, dhoma fëmijësh dhe hapësira të vogla

Materialet:

Zgjidhni pëlhura të lehta për kuzhina dhe më të dendura për privatësi më të madhe.

Kombinimi ideal:

Perdet rrotulluese ose veneciane me draperi anësore ofrojnë funksionalitet dhe stil.

Perdet e gjata japin elegancë, ato të shkurtra praktikë. Zgjidhni sipas nevojave të hapësirës dhe stilit që dëshironi. /A.Z/UBT News/

Lifestyle

Mos e merrni stresin në shtëpi: Si të mos mendoni për punën në fundjavë?

Published

5 hours ago

November 8, 2025

UBT News

Gjetja e ekuilibrit të duhur mes suksesit profesional dhe kohës personale është shpesh një sfidë e madhe, thuajse e pamundur, por jo e paarritshme.

Sipas ekspertes së karrierës Emily Durham, nëse keni vështirësi të vendosni kufij mes punës dhe jetës personale, filloni nga fundjavat. Fokusohuni te mënyrat si mund të ndaloni së menduari për punën gjatë këtyre ditëve të lira.

Më poshtë janë tre strategji që ekspertët rekomandojnë për t’u shkëputur mendërisht nga puna gjatë fundjavës:

1. “Pastroni” email-et dhe përfundoni detyrat para se të mbyllni javën

Për të pasur një fundjavë të qetë, duhet të përgatiteni të premten. Para se të largoheni, organizoni kutinë postare e listën e detyrave. Nuk është e nevojshme t’i përgjigjeni çdo email-i, mjafton të përcaktoni prioritetet dhe të arkivoni pjesën tjetër në një dosje që e hapni të hënën.

Durham thekson rëndësinë e krijimit të një ndjesie “mbylljeje” para se të shkëputeni nga kompjuteri i punës të premten. Mos harroni të fikni ose të çaktivizoni njoftimet nga aplikacionet e punës.

Sa më të qarta të jenë kufijtë që vendosni mes karrierës e kohës personale, aq më shumë i jepni mundësi mendjes dhe trupit të çlodhen.

2. Planifikoni diçka konkrete për të premten në mbrëmje

Fundjava fillon që të premten pasdite, mos e lejoni të shkojë dëm. Shpesh, përpiqemi të përfundojmë çdo detyrë të premten dhe përfundojmë duke punuar më shumë se zakonisht, duke hyrë në fundjavë të lodhur dhe pa energji.

Ekspertët e karrierës këshillojnë të bëni plane specifike për të premten në mbrëmje, qoftë një kafe me miqtë, një aktivitet relaksues apo edhe një takim te estetistja juaj. Këto plane do t’ju motivojnë të mbyllni detyrat në kohë dhe të largoheni nga puna pa ndjesi faji apo pasiguri.

3. Fikeni telefonin e punës

E kemi thënë dhe e themi sërish: vendosni kufij të qartë. Pse të mbani kontakt me punën në fundjavë, kur është koha për të pushuar dhe për t’u marrë me veten dhe të dashurit tuaj?

Kur themi “telefoni i punës”, nuk nënkuptojmë pajisje fizike, por çdo aplikacion, apo email që ju kthen te puna. Fikeni ose vendosini në heshtje. Sa më të fortë të jenë kufijtë që vendosni mes punës e jetës personale, aq më shumë i jepni vetes hapësirë për të rifituar energjinë.

Mos punoni falas në fundjavë. Mos sakrifikoni jetën personale për email-e që mund të presin të hënën. /A.Z/UBT News/

Lifestyle

Fundjavë me shi? Ja si ta kaloni bukur pa dalë nga shtëpia

Published

6 hours ago

November 8, 2025

UBT News

Kur jashtë bie shi dhe planet në natyrë dështojnë, fundjava mund të kthehet në një mundësi të shkëlqyer për pushim, kujdes për veten dhe aktivitete të thjeshta që sjellin mirëqenie.

Ja disa ide praktike për ta shijuar kohën në shtëpi:

1. Krijoni një atmosferë të ngrohtë

Ndezni disa qirinj aromatikë, përgatisni një filxhan çaj apo çokollatë të ngrohtë dhe dëgjoni muzikë të qetë. Shiu jashtë dhe qetësia brenda krijojnë kombinimin perfekt për relaks.

2. Organizoni shtëpinë

Shfrytëzoni këtë kohë për të rregulluar dollapin, për të hequr gjërat e panevojshme apo për të sistemuar bibliotekën. Një hapësirë e pastër ndikon direkt në qetësinë mendore.

3. Lexoni ose shikoni një film të mirë

Një ditë me shi është koha ideale për t’u zhytur në një libër që e keni lënë përgjysmë, ose për të parë një film a serial që ju relakson.

4. Gatuani diçka ndryshe

Përgatitja e një recete të re mund të jetë argëtuese dhe terapeutike. Aroma e gatimit e mbush shtëpinë me ngrohtësi dhe ju jep ndjesinë e një fundjave të plotë.

5. Kujdes për veten

Një maskë fytyre, një banjë e ngrohtë apo pak joga e lehtë – janë mënyra të thjeshta për t’u rilidhur me veten dhe për të rifituar energjinë.

Mos e shihni shiun si pengesë, por si një ftesë për të ndalur ritmin. Një fundjavë e tillë mund të jetë pikërisht ajo që ju duhet për t’u qetësuar, për t’u frymëzuar dhe për të rifilluar javën me më shumë energji. /A.Z/UBT News/