Bota

Atletja bjelloruse e “lumtur që është e sigurt” në Poloni

Published

on

Atletja bjelloruse, Krystsina Tsimanouskaya ka thënë se është e lumtur që është e sigurt në Poloni, tri ditë pasi arriti t’i shmangej tentimeve të ekipit kombëtar të saj për ta dërguar në vendlindje pasi ajo kritikoi trajnerët.

Vrapuesja olimpike kishte bërë thirrje për ndihmë ndërkombëtare për të shmangur dërgimin e saj në shtëpi para kohe nga Lojërat Olimpike në Tokyo.

Njëzet e katër vjeçarja arriti në Varshavë gjatë natës me mbrojtje diplomatike dhe tani pritet një kërkesë për azil.

Ajo tha më 5 gusht se është mirënjohëse ndaj Polonisë për ndihmën e këtij shteti por prapë shpreson që do të kthehet ndonjë ditë në “Bjellorusinë e lirë”.

“Do të jem gati të kthehem në Bjellorusi sapo të jetë e sigurt për mua që ta bëjë këtë”, tha ajo.

“Nuk e kam tradhtuar, është atdheu im”, shtoi atletja.

Tsikhanouskaya ka thënë se nuk e ka takuar kurrë Alyaksandr Lukashenkan që e ka kapur shtetin që nga zgjedhjet e kontestuara një vit më parë. Ajo nuk pati asgjë për të thënë për të.

Por, ajo tha se gjëra “të tmerrshme” kanë ndodhur në Bjellorusi.

Rasti i atletes bjelloruse ka nxitur reagime ndërkombëtare pasi është parë si një përpjekje tjetër e regjimit të Alyaksandr Lukashenka për të shtypur kundërshtarët, mediat dhe aktivistët e opozitës.

Protestat në Bjellorusi shpërthyen pas zgjedhjeve presidenciale të muajit gusht 2020, të cilat Lukashenka pretendon se i ka fituar.

Që atëherë, më shumë se 35.000 njerëz janë arrestuar dhe mijëra të tjerë janë keqtrajtuar nga policia.

Figurat kyçe të opozitës janë burgosur ose janë detyruar të largohen nga vendi./REL

Continue Reading

Bota

OKB paralajmëron për ditë të rëndësishme për ndihmën humanitare në Gazë

Published

on

By

Shefi i ndihmës së OKB-së, Tom Fletcher, tha se ditët e ardhshme janë të rëndësishme, pasi pauza ushtarake e Izraelit në disa pjesë të Gazës mund të zgjasë “një javë ose më shumë”.

Pauza ditore 10-orëshe vjen pasi agjencitë e ndihmës paralajmëruan për urinë masive në të gjithë Rripin e Gazës.

Tom Fletcher, i pyetur se sa do të zgjasë pauza humanitare për të lejuar më shumë ndihmë, tha se ka dëgjuar “nga ekipi në terren” se pauzat do të zgjasin “një javë a më shumë”, gjë që ai tha se është “qartësisht e pamjaftueshme”, raporton BBC.

Nevojitet një periudhë e qëndrueshme javësh ose muajsh për të ndaluar urinë, tha ai, dhe në fund të fundit nevojitet një armëpushim.

Të dielën, Organizata Botërore e Shëndetësisë tha se kequshqyerja ka arritur “nivele alarmante”.

OKB-ja ka mirëpritur masat e reja të ndihmës, por tha gjithashtu se veprimi duhet të “vazhdojë” – dhe se “nuk duhet të ketë më sulme ndaj njerëzve që mblidhen për ushqim”.

Disa ndihma u hodhën në Gazë nga ajri gjatë fundjavës por, ishte një pjesë shumë e vogël e nevojave ditore të banorëve të Gazës.

Të dielën, IDF njoftoi se do të zbatonte pauza ditore 10-orëshe në operacionet e saj ushtarake në të gjithë Gazën për të “përmirësuar përgjigjen humanitare”.

Aktiviteti ushtarak do të ndërpritet në tre zona të populluara të Gazës – zona El-Mawasi, Deir al-Balah qendror dhe Qyteti i Gazës veriore – për të lejuar OKB-në dhe organizatat e tjera të shpërndajnë ushqim dhe ilaçe për njerëzit “deri në njoftim të mëtejshëm”.

Ushtria izraelite tha se do të “vazhdojë të mbështesë përpjekjet humanitare së bashku me operacionet ofensive kundër organizatave terroriste në Rripin e Gazës, me qëllim mbrojtjen e civilëve izraelitë”.

Continue Reading

Bota

​Ministrja austriake: Putinit po i mbaron koha, arkivolet në Rusi do të grumbullohen

Published

on

Ministrja e Jashtme austriake, njëherësh lidere e partisë liberale NEOS, Beate Meinl-Reisinger deklaroi se Kremlinit po i mbaron koha dhe Rusisë po i mbaron forca për të vazhduar luftën në Ukrainë, Ajo bëri thirrje për angazhim më të madh në politikën evropiane të mbrojtjes.

Ajo në një intervistë për Die Welt tha se presidentit rus Vladimir Putin po i mbaron koha, andaj po bën luftë me këtë brutalitet.

Kur u pyet nëse do të kishte një armëpushim në Ukrainë së shpejti, Meinl-Reisinger u përgjigj: “Ukraina dëshiron paqe, Rusia jo. Nëse Putin donte vërtet paqe, ai do të kishte filluar tashmë negociatat për një armëpushim.”

Ajo theksoi se presidenti i SHBA-së Donald Trump “i ofroi Putinit Krimenë dhe disa rajone lindore në një pjatë”, si dhe përjashtimin e Ukrainës nga NATO, por Kremlini nuk e përdori këtë për të ulur tensionet. Në vend të kësaj, Rusia vazhdon me një “luftë shkatërrimi”.

Edhe pse dëgjohet shpesh se Rusia ka iniciativën në fushën e betejës, ministrja e jashtme austriake beson se kjo nuk është e sigurt.

“Në një moment, arkivolet do të grumbullohen në Rusi. Përveç kësaj, ekziston edhe situata katastrofike ekonomike. Po bëhet gjithnjë e më e vështirë për Kremlinin të vazhdojë këtë luftë. Putini e di se po i mbaron koha. Kjo është arsyeja pse ai tani po e zhvillon luftën me një intensitet kaq brutal”, tha Meinl-Reisinger.

Continue Reading

Bota

​Përmbyset anija në Nigeri, 25 të vdekur

Published

on

Të paktën 25 persona humbën jetën kur një anije pasagjerësh u përmbys në një lumë në shtetin Niger të Nigerisë, thanë raportet e medias të dielën.

Anija po transportonte njerëz nga rajoni Munya dhe u fundos në zonën Shiroro, duke lënë dhjetëra të zhdukur, sipas raporteve fillestare, raporton Anadollu.

Autoritetet thanë se operacionet e kërkim-shpëtimit janë duke vazhduar, por paralajmëruan se numri i viktimave mund të rritet.

Po bëhen përpjekje për të gjetur dhe shpëtuar pasagjerët e zhdukur, tha një zyrtar, i cili nuk u dha numrin e personave në bord gazetarëve.

Aksidentet me anije janë të shpeshta në Nigeri gjatë sezonit të shirave, veçanërisht në lumenj dhe liqene që përdoren për transport.

Continue Reading

Bota

​Izraeli njofton ndërprerjen e luftimeve në disa pjesë të Gazës, ndërsa agjencitë kritikojnë dërgesat e ndihmave nga ajri

Published

on

By

Izraeli njoftoi një “pauzë taktike në aktivitetin ushtarak” në disa pjesë të Gazës, veprim ky i cili vjen pasi tha se ka dërguar ndihma nga ajri, të shtunën në mbrëmje. Ndihma përmbante “shtatë pako që përmbanin miell, sheqer dhe ushqim të konservuar”, raporton BBC.

Izraeli është përballur me presion në rritje nga qeveritë perëndimore, me agjencitë e ndihmës që paralajmërojnë se uria masive po përhapet në Gazë.

Agjencitë e ndihmës më parë e kanë kritikuar planin e Izraelit për dërgesën nga ajri, duke thënë se sasia është e pamjaftueshme, ndërsa banorët e Gazës kanë frikë se metoda mund të jetë e pasigurt.

Të paktën 127 njerëz kanë vdekur nga kequshqyerja që nga fillimi i luftës, sipas Ministrisë së Shëndetësisë që drejtohet nga Hamasi.

IDF thotë se dërgesa nga ajri është pjesë e një “serie veprimesh” – duke përfshirë krijimin e korridoreve humanitare për konvojet e OKB-së – për të “hedhur poshtë pretendimin e rremë për urinë e qëllimshme”.

Continue Reading

Të kërkuara