“Po vazhdojnë të zhvillohen punimet për instalimin e ndriçuesve “Flood Lights” në stadiumin kryesor të Kampit Nacional në Hajvali. Po ashtu, është duke u punuar me intensitet të lartë për ndërtimin e tribunave veriore dhe jugore, projekt ky i financuar nga FIFA Forward dhe UEFA HatTrick”, ky është njoftimi që Federata e Futbollit të Kosovës ka lëshuar sot në lidhje me punimet në Kampin Nacional në Hajvali.

Kampi Nacional është një nga projektet më të mëdha që FFK po realizon gjatë këtyre viteve. Ky kamp po shfrytëzohet për ngjarje dhe organizime të ndryshme, duke përfshirë edukimin e trajnerëve, zhvillimin e programeve në bashkëpunim me UEFA dhe FIFA, siç janë Grassroots, TDS, Ëomen’s Development, Elite Youth, Futbolli në Shkolla dhe Futbolli për Shkolla.

Rritja dhe përmirësimi i infrastrukturës është hapi më i rëndësishëm strategjik i FFK-së për përmirësimin e kushteve dhe zhvillimin e futbollit në Kosovë.

Federata e Boksit e Kosovës (FBoxK) do të organizojë turneun e 17-të ndërkombëtar “PAVARËSIA”, i cili do të mbahet me 15 Shkurt 2025 në Pallatin e Rinisë dhe Sportit në Prishtinë.

FBoxK ka bërë të ditur se ka kryer të gjitha përgatitjet për organizimin sa më të mirë të këtij turneu, i cili nga viti në vit po bëhet edhe më masiv dhe cilësor.

Pjesëmarrëse në turne do të jenë: Bullgaria, Maqedonia e Verut, Shqipëria dhe Kosova. Duelet do të zhvillohen me fillim nga ora 13:00.

Kanë mbetur edhe një muaj deri te ndeshjet thuajse vendimtare të Kombëtares së Kosovës në hendboll për kualifikim në Kampionatin Evropian të vitit të ardhshëm.

Më 13 mars në Prishtinë, nga ora 20:15, është ndeshja mes Kosovës dhe Ukrainës. Menjëherë më 16 mars është ndeshja Ukrainë – Kosovë.

Për shkak të pushtimit rus, Ukraina ndeshjet si nikoqire i luan në vende të tjera. Ndeshjen me Kosovën ka vendosur ta organizojë në Klaipeda të Lituanisë.

Kombëtarja e Kosovës dhe ajo e Ukrainës janë në Grupin 6 të kualifikimeve të Evropianit për hendbollistë. Tashmë janë luajtur dy xhiro.

Më 6 nëntor, Kombëtarja jonë luajti në Torshavn dhe pësoi humbje 32:21 nga Ishujt Faroe. Ukraina një ditë më pas humbi 40:39 nga Holanda. Menjëherë më 10 nëntor, Kombëtarja jonë i përmirësojë dukshëm përshtypjet, duke barazuar 33:33 me Holandën në Prishtinë. Holanda është favorite e madhe e grupit. Ndërkohë Ukraina fitoi 35:32 ndaj Ishujve Faroe.

Dy të parët në grup kualifikohen në Evropian, ndërsa gjasa për kualifikim ka edhe prej vendit të tretë. Kualifikohen gjysma e tetë kombëtareve që përfundojnë në vendin e tretë, por që nuk llogariten rezultatet e ndeshjeve me kombëtaren e vendit të katërt.