Sport

Aston Villa rivalizon Barcelonën për shërbimet e yllit të Milanit

Barcelona dhe Aston Villa do të tentojnë me çdo kusht që ta transferojnë yllin e Milanit këtë verë.

Published

4 years ago

March 2, 2022

Betim Gashi

Sipas disa raportimeve nga “Calciomercato”, klubi anglez, Aston Villa tani i është futur garës për të siguruar shërbimet e mesfushorit të Milanit Franck Kessie.

Po ashtu, në garë për shërbimet e Kessiet gjendet edhe gjiganti katalunas Barcelona, ku kjo e fundit shihet si destinacioni i radhës për mesfushorin 25-vjeçar.

Franck Kessie vazhdon të jetë ndër lojtarët kyç në formacionin e Stefano Piolit që prej ardhjes nga Atalanta, ndërsa ka kontratë me “Rossonerët” deri në fund të këtij sezoni.

Barcelona dhe Aston Villa do të tentojnë me çdo kusht që ta transferojnë yllin e Milanit këtë verë, në formën e lojtarit të lirë, ndërsa raportohet se edhe Real Madridi është i interesuar në shërbimet e Kessiet.

Në këtë sezon, në 27 paraqitje në të gjitha garat, Franck Kessie ka regjistruar gjashtë gola dhe një asistim për gjigantin italian, Milan.

Related Topics:barcelona Milan Aston Villa

Up Next

Kupa e Mbretit vazhdon sot me vetëm një ndeshje

Don't Miss

Gjysmëfinalja e dytë e Kupës së Italisë, Juventusi mysafir i Fiorentinas

Sport

Eshref Beqiri delegat në gjysmëfinalen e Kupës Evropiane në hendboll

Published

12 hours ago

April 27, 2026

UBTNews

Anëtari i Federatës të Hendbollit të Kosovës, Eshref Beqiri, ka përfaqësuar sërish Kosovën në arenën ndërkombëtare, duke shërbyer si delegat i Federata Evropiane e Hendbollit në një ndeshje të rëndësishme evropiane të zhvilluar në fundjavë.

Beqiri ishte i angazhuar në mbarëvajtjen e takimit të parë gjysmëfinal të EHF European Cup për hendbollistë, ku u përballën skuadra sllovene RK Celje Pivovarna Laško dhe ekipi nga Maqedonia e Veriut, GRK Ohrid.

Ndeshja u zhvillua në Celje të Sllovenisë dhe përfundoi me fitoren e skuadrës vendase 27:26, duke lënë gjithçka të hapur për takimin e kthimit që do të luhet më 2 maj në Ohër.

Eshref Beqiri vazhdon të jetë i besuar nga Federata Evropiane e Hendbollit, duke u deleguar rregullisht në ndeshje të rëndësishme të garave evropiane gjatë këtij edicioni, çka vlerësohet si një konfirmim i punës së tij profesionale në këtë rol.

Sport

Sonte ndeshje finale në volejboll

Published

12 hours ago

April 27, 2026

UBTNews

Në Pallatin e Sporteve “Bill Clinton” në Ferizaj, sonte zhvillohen ndeshje shumë të rëndësishme finale në kuadër të Raiffeisen Superliga e Kosovës në volejboll.

Në konkurrencën e femrave, nga ora 20:30 luhet finalja e dytë e serisë për titullin e kampionit, ku përballen KVF Ferizaj dhe KV Fer Volley. Ky duel pritet të jetë vendimtar në garën për titull, pas ndeshjes së parë mes këtyre dy skuadrave rivale.

Ndërkohë, në konkurrencën e meshkujve, sonte nis seria e finaleve, ku në aktin e parë përballen dy skuadra nga i njëjti qytet, KV Ferizaj dhe KV Luboteni. Ndeshja fillon nga ora 18:00 dhe pritet të sjellë një rivalitet të fortë lokal.

Të dyja përballjet pritet të ofrojnë spektakël dhe interesim të madh nga tifozët, duke qenë se bëhet fjalë për ndeshje vendimtare në garën për titujt kampionë.

Sport

Kristian Prenga përballet me Anthony Joshua në Riad, para sfidës së madhe me Fury

Published

13 hours ago

April 27, 2026

UBTNews

Boksieri shqiptar Kristian Prenga do të përballet me një nga emrat më të mëdhenj të boksit profesionist, Anthony Joshua, në një duel që pritet të zhvillohet më 25 korrik në Riad të Arabisë Saudite.

Vetë Joshua ka konfirmuar rikthimin në ring për këtë përballje, e cila do të shërbejë si një test i rëndësishëm përpara sfidës së madhe që e pret më vonë gjatë vitit. Për Prengën, kjo është një mundësi e artë për t’u përballur me një kampion të njohur botëror dhe për të bërë hap të madh në karrierë.

Ndërkohë, vëmendja e botës së boksit është e përqendruar edhe te superndeshja e shumëpritur mes Joshua dhe Tyson Fury. Pas vitesh spekulimesh, dy rivalët kanë arritur marrëveshje për t’u përballur, duke e bërë këtë një nga duelet më të mëdha të kohëve të fundit.

Para kësaj përballjeje, Joshua synon të rikthehet në formë optimale pikërisht përmes meçit ndaj Prengës. Në anën tjetër, Fury tashmë është rikthyer në ring, duke fituar me pikë ndaj Arslanbek Makhmudov pas një pauze të gjatë prej 16 muajsh.

Nëse gjithçka shkon sipas planit dhe Joshua kalon me sukses sfidën e korrikut, përballja e madhe me Fury pritet të zhvillohet në nëntor, me shumë gjasa në Wembley Stadium, ndërsa interesimi global për këtë duel pritet të jetë jashtëzakonisht i madh.

Sport

Asllani shënon, Hajdari asiston në fitoren e Hoffenheimit ndaj Hamburgut

Published

14 hours ago

April 27, 2026

UBTNews

TSG Hoffenheim ka shënuar fitore të rëndësishme në udhëtim ndaj Hamburger SV me rezultat 2:1, në një ndeshje ku futbollistët shqiptarë patën rol vendimtar.

Golin e parë për Hoffenheimin e realizoi Tim Lemperle në minutat shtesë të pjesës së parë, pas një asistimi të saktë nga Albian Hajdari, i cili u dallua me paraqitje shumë të mirë gjatë gjithë takimit.

Në pjesën e dytë, në minutën e 64-të, ishte Fisnik Asllani ai që vulosi fitoren, duke shënuar golin e dytë për mysafirët dhe duke qenë një nga figurat kryesore të ndeshjes.

Paraqitja e dy futbollistëve shqiptarë ishte vendimtare për këtë sukses, me Hajdarin që kontribuoi me asist dhe Asllanin që gjeti rrugën e rrjetës, duke konfirmuar formën e mirë dhe rëndësinë e tyre në skuadër.

Hamburger SV arriti të shënojë një gol, por nuk ishte i mjaftueshëm për të shmangur humbjen ndaj një Hoffenheimi më efikas.