Lajmet

Ashpërsimi i gjobave në trafik, si do të ndikojë në rritjen e sigurisë në komunikacion?

Me ligjin e ri parashihen gjoba dukshëm më të larta për kundërvajtësit në komunikacion.

Publikuar

Nga fillimi i muajit prill pritet të hyjnë në fuqi ndryshimet në Ligjin për Rregullat e Trafikut Rrugor, me të cilat parashihen gjoba dukshëm më të larta për kundërvajtësit në komunikacion.

Selman Kolgeci, ekspert i komunikacionit shprehet optimist se ky ligj do të ndikojë në rritjen e sigurisë në komunikacion. Në një intervistë për UBTNews ai shpjegon se cilat do të jenë disa prej ndryshimeve që parashihen në të.

“Me këto ndryshime për kundërvajtësit recidivist është paraparë gjobë e dyfishtë dhe e trefishtë e shoqëruar me masë mbrojtëse si ndalim i drejtimit të mjetit me kohëzgjatje prej tre, gjashtë, nëntë apo 12 muajve, varësisht prej kundërvajtjes”, deklaroi ai.

Kolgeci thotë sfidë mbetet monitorimi i shpejtësisë.

“Sfidë vazhdon të mbetet monitorimi i shpejtësisë së lëvizjes së automjeteve nëpër shumë akse rrugore, si ato nacionale dhe ato lokale. E kjo mund të bëhet përmes radarëve statik apo mobil”, deklaroi ai.

Ndërkaq njohësi i çështjeve të Ekonomisë, Artan Haziri thotë se krahasuar me vendet e rajonit, këto gjoba do të jenë shumë të larta dhe të papërballueshme për qytetarët e Kosovës. Megjithatë thotë se është e vetmja mënyrë në parandalimin e aksidenteve të cilat jo rrallë përfundojnë edhe me fatalitet.

“Gjobat do të jenë shumë të larta nëse krahasohen me vendet e rajonit dhe më gjerë. Nëse e marrim parasysh pagën mesatare në Kosovë, e duke ia shtuar kësaj edhe shportën e konsumatorit, vimë në një përfundim që gjobat janë tejet të larta dhe të papërballueshme, për të gjithë qytetarët e Kosovës. Por duke pasur parasysh edhe informatat tjera që ka aksidente shumë viteve të fundit edhe me fatalitet, besoj që e vetmja rrugë që të ndalet kjo është rritja e gjobave”, deklaroi Haziri.

Haziri propozon krijimin e një fondi të posaçëm nga këto gjoba, i cili mund të shfrytëzohet mes tjerash edhe në përmirësimin e infrastrukturës rrugore.

“Besoj që një shumë e konsiderueshme do të krijohet nga këto gjoba prej muajit të ardhshëm dhe shteti mundet nga këto të krijojë një fond të posaçëm, fond i cili mund të përdoret në forma të ndryshme, qoftë për përmirësimin e infrastrukturës ekzistuese, por edhe për vazhdimin e autostradës e cila është në vijim e sipër”, deklaroi Haziri.

Hera e fundit kur Kosova bëri ndryshime në Ligjin për Rregullat në trafikun rrugor ishte në vitin 2016./UBTNews/

Realizoi: Fjolla Gashi

Lajmet

Kush fitoi e kush humbi në zgjedhjet në Maqedoninë Veriore?

Siljanovska-Davkova dhe Pendarovski shkojnë në balotazh.

Publikuar

nga

Zgjedhjet Presidenciale në Maqedoninë Veriore do të vazhdojnë në raundin e dytë. Në zgjedhjet që u mbajtën të mërkurën, kandidati shqiptar nga Fronti Evropian, Bujar Osmani, doli i treti, ndërsa kandidati tjetër shqiptar nga koalicioni VLEN u rendit në vendin e katër. Balotazhi do të mbahet mes Siljanovska Davkova dhe Stevo Pendarovski.

Gordana Siljanovska Davkova e mbështetur nga VMRO-DPMNE, dhe Stevo Pendarovski i mbështetur nga LSDM, do të shkojnë në balotazh në zgjedhjet presidenciale në Maqedoninë Veriore.

Siljanovska Davkova, sipas rezultateve fillestare jozyrtare të Komisionit shtetëror zgjedhor nga votat e numëruara, ka fituar 349.746 vota – 40,23 përqind, përderisa Pendarovski 173,612 vota përkatësisht 19,97 përqind.

Në këto zgjedhjet, shqipatër garuan me dy kandidatë, Bujar Osmani nga Fronit Evropian dhe Arben Taravari nga koalicion VLEN.

Osmani nga BDI mori 116.319 vota (13,38), më pas Arben Taravari me 81.671 (13,38).

Ndërsa, Maksim Dimitrievski nga ZNAM me 76.894 (8,85), Biljana Vankovska me 39.660 (4,56) e mbështetur nga E Majta, dhe me më së paku vota është Stevço Jakimovski nga GROM me 7.898 vota.

Çka thanë Osmani e Taravari?

Bujar Osmani pak orë pasi dolën rezultate e para, shpalli fitoren e Frontit Evropian.

Osmani tha se që kanë shënuar fitore pothuajse në çdo komunë, teksa e pati një porosi për kundërshtarin të tij Arben Taravarit nga VLEN.

“Arben pavarësisht goditjeve të ulëta patëm një fushatë të ndershme dhe fer që me dinjitet sot të pranohet humbja dhe poashtu dhe fitorja. Vullneti i popullit është ai që përcakton karierat tona. Duhet të pranojmë këtë vullnet por edhe mesazhin që e dërguan sot shqiptarët dhe gjitha komunitetet tjera.” – ka thënë Osmani.

Nga ana tjetër, Arben Taravari, kandidat i koalicionit VLEN, ka thënë se ‘ata janë fitues të votës shqiptare’.

Kështu tha Taravari në një deklaratë për gazetarë:

“Jemi fitues të votës shqiptare. VLEN është përfaqësues i vetëm në qeverinë e ardhshme. BDI e ka humbur legjitimitetin te shqiptarët prandaj në zgjedhjet e 8 majit ne do të fitojmë. Do ta përmbysim rezultatin që sot BDI e mori me metoda kriminale. Ne treguam që jemi opsion demokratik që respektojmë vlerat evropiane. Me angazhimin e madh për ndryshim do ta kthejmë situatën. BDI arriti ta shkatërrojë mundësinë që presidenti të zgjidhej me zgjedhje të drejtpëdrejta. BDI do të shkruhet me shkronja të zeza në historinë e re politike, si një parti që punon për interesa të saj.” – ka thënë ai.

Këto zgjedhje patën vëmendje të madhe edhe në Kosovë, për shkak se Qeveria e Kosovës bashkë me kryeministrin, Albin Kurti, dolën hapur në përkrahje të kandidatit, Arben Taravari.

Ndaj Kurtit pati shumë kritika për përçarjen e shqiptarëve atje dhe humbjen e një mundësi që presidenti të jetë shqiptar.

Vazhdo të lexosh

Lajmet

​Kurti fton mërgatën për pjesëmarrje në regjistrimin e popullsisë

Kurti mori pjesë në panairin “Hannover Messe 2024”.

Publikuar

nga

Gjatë qëndrimit në Hanover të Gjermanisë, kryeministri i Kosovës, Albin Kurti mori pjesë në panairin “Hannover Messe 2024”.

Kurti së bashku me ambasadorin e Kosovës në Gjermani, Faruk Ajeti, ka takuar edhe pjesëtarë të mërgatës atje, me të cilët bisedoi për përfshirjen e tyre në shoqërinë e Kosovës, pjesëmarrjen në regjistrimin e popullsisë, zgjedhjet evropiane në qershor të këtij viti dhe tema tjera me interes.

“Kryeministri Kurti i njoftoi ata për zhvillimet e fundit në vend, dhe me rezultatet e qeverisjes tash më shumë se tri vjet, dhe me politikat sociale dhe zhvillimore të qeverisë, përfshirë ato të punësimit të të rinjve dhe ndërlidhjes së arsimit me tregun e punës frymëzuar nga modelet e arsimit dual që i gjejmë pikërisht në Gjermani, Zvicër e Austri”, thuhet në njoftim të lëshuar nga zyra e kryeministrit.

Kryeministri ftoi edhe inkurajoi mërgatën që të investojnë në Kosovë.

“Atyre që kanë biznese në Gjermani u bëri thirrje që të hapin degë në Kosovë, ku ju ofrohen kushte të favorshme për investime. Në kohën kur po zhvillohet procesi i regjistrimit të popullsisë, ekonomive familjare dhe banesave, kryeministri përfitoi nga rasti për t’ua rikujtuar dhe për t’i ftuar mërgatën që të regjistrohen nëpërmjet platformës online ediaspora.rks-gov.net deri më 17 maj. Ai theksoi se ky proces na mundëson që të dimë se sa e kemi diasporën dhe është përcaktues për politikat zhvillimore të dekadës së ardhshme”, thuhet tutje.

Ndërkaq sa i përket zgjedhjeve evropiane të 9 qershorit, kryeministri porositi të gjithë ata që janë qytetarët të shteteve të Bashkimit Evropian të ushtrojnë të drejtën e tyre për votë dhe të jenë pjesëmarrës në proceset demokratike të vendeve tyre dhe të kontinentit evropian.

Vazhdo të lexosh

Lajmet

Vazhdon gjykimi në Hagë ndaj ish-krerëve të UÇK-së

Seanca është paraparë të zgjasë nga ora 09:00-16:30.

Publikuar

nga

Në Gjykatën Speciale në Hagë vazhdon sot procesi gjyqësor ndaj ish-krerëve të UÇK-së, i njohur si rasti “Thaçi dhe të tjerët”.

Seanca është paraparë të zgjasë nga ora 09:00-16:30.

Vazhdo të lexosh

Lajmet

​Osmani: Kosova duhet të ecë përpara me statusin e vendit kandidat për BE

Osmani theksoi progresin e Kosovës në fushën e sundimit të ligjit, luftës kundër korrupsionit dhe krimit të organizuar, transparencës.

Publikuar

nga

Presidentja Vjosa Osmani ka pritur sot në takim një delegacion të Grupit Punues të BE-së për Ballkanin Perëndimor me të cilët ka biseduar mbi zhvillimet e fundit në vend dhe procesin e dialogut me Serbinë.

Osmani theksoi progresin e Kosovës në fushën e sundimit të ligjit, luftës kundër korrupsionit dhe krimit të organizuar, transparencës, qeverisjes së mirë dhe në veçanti respektimit të të drejtave të njeriut.

Ajo rikujtoi se Kosova ka aplikuar për statusin e vendit kandidat në BE, në dhjetor të vitit 2022 dhe se është e përkushtuar për t’i përmbushur obligimet dhe kriteret për anëtarësim.

“Kosova është në linjë të plotë me politikën e jashtme dhe të sigurisë së BE-së. Rrjedhimisht duhet të ecet përpara me statusin e vendit kandidat”, tha Osmani.

Duke folur për procesin e anëtarësimit në Këshillin e Evropës, presidentja Osmani theksoi rëndësinë e anëtarësimit në këtë organizatë në funksion të rritjes së efektivitetit të mbrojtjes së të drejtave të të gjithë qytetarëve tanë pa dallim, duke u dhënë atyre qasje në mekanizmat për të drejta të njeriut.

Osmani theksoi se Kosova ka nevojë për mbështetje të mëtejme nga shtetet edhe në fazën e fundit, në votimin që mund të mbahet në muajin maj, në Komitetin e Ministrave.

Vazhdo të lexosh

Të kërkuara