Sport

Artmotion rrëmben edhe futbollin francez, 17 ligave sportive i shtohet edhe Ligue 1

Published

on

Kompania më gjigante e Telekomunikacionit në vend Artmotion, nuk ka të ndalur! Këtë radhë për të gjithë adhuruesit e futbollit Francez, sjell ekskluzivitetin dhe emocionet e Kampionatit të Ligue 1 nga 7 Gushti në kanalet sportive të platformës, Art Sport!

Nga 7 Gushti në shtëpitë e juaja Artmotion sjell magjinë e futbollit francez, League 1. Kampionati më emocional në Evropë vjen si dhuratë për abonuesit e saj! League 1, me yjet e rinj dhe njërin prej futbollistëve më të mirë në botë, Kylian Mbappé, është bërë spektakolare.  Mbappé, nuk është i vetmi që vallëzon në stadiumet mitike të Francës. Krahë tij e luan samban braziliani më i njohur i momentit, Neymar.  Me ta maten çdo fundjavë tre futbollistët  më të mirë kosovarë: Valon Berisha, Bersant Celina e Arbër Zeneli.

Këta nuk janë yjet e vetëm që mbushin stadiumet plot me tifozë.  League 1 nxjerr më shumë se çdo kampionat evropian talent të rinj. Dëshmi e kësaj është skuadra e Lille që këtë sezon doli kampion duke e zbritur nga froni PSG-në. Futbolli francez tingëllon më bukur më koloritin e tifozëve. Ata qëndrojnë prapa  betejave që të adhuruarit e tyre shfaqin në arenat si: ” Stade Vélodrome” të Marsejë,  “Parc des Princes” në Paris dhe tempujt tjerë anembanë Francës.  Magjinë e League 1 me yjet aktual dhe ata që pritet të shndritin në sezonin e ri do ta shijoni në Artmotion nga 7 Gushti.

Artmotion sjell ekskluzivitetin e 18 ligave më të fuqishme botërore, ku së fundi ka fituar të drejtat ekskluzive të transmetimit të La Liga, Copa de Italia e Wimbledon dhe vazhdon të transmetojë ligat më të kërkuara si Champions League, Europa League ,Conference League, Superliga e Futbollit Kosovar, Superliga e Basketbollit Kosovar, Liga Unike,  NBA, Bundesliga, Kupa e Gjermanisë, Formula 1, Moto GP, Judo, One Championship e SporToto.

Artmotion me prurjet e fundit të ngjarjeve më gjigante sportive dëshmoi edhe njëherë se shtëpia e vetme e sportit ka vetëm një emër! Artmotion!

Sport

Kosova me Donjeta Sadikun dhe vëllezërit Bajoku në Kupën Botërore

Published

on

Federata e Boksit e Kosovës po vazhdon të marrë pjesë në garat ndërkombëtare me boksierët e saj.

Rrugëtimi i radhës është Kupa e Botës “Feliks Stamm”, që prej 10-17 maj 2025 do të mbahet në Varshavë të Polonisë.

Ekipi kosovar do të përfaqësohet në këtë garë prestigjioze me Donjeta Sadikun (60 kg), e cila do të udhëhiqet nga u.d. selektorja Marjola Sallauka.

Në konkurrencën e djemve do të marrin pjesë vëllezërit Bashkim Bajoku (55 kg) dhe Shpetim Bajoku (70 kg), të cilët udhëhiqen nga selektori, Faton Xhakli.

Krahas medaljeve, turneu është i vlefshëm edhe për të fituar pikë për ranglistën ndërkombëtare.

I ftuar nga Federata Botërore (World Boxing) për ta ndarë drejtësinë është edhe gjyqtari ndërkombëtar, Latif Demolli.

 

Continue Reading

Sport

UEFA vendos për lojtarin më të mirë të ndeshjes

Published

on

Gianluigi Donnarumma bëri pritje vendimtare në ndeshjen ndaj Arsenalit, por italiani megjithatë nuk ishte më i dalluari i ndeshjes.

Ekspertët e UEFA-s e kanë shpallur më të mirin lojtarin e krahut të djathtë të Parisit, Achraf Hakimin.

Hakimi e shënoi një gol, kishte tri ndërhyrje dhe katër topa të rikuperuar.

Hakimi ka vrapuar 11,2 kilometra, ndërsa sipas ekspertëve të UEFA-s e kishte paraqitjen më të mirë në fitoren 2:1 të Parisit ndaj Arsenalit.

Continue Reading

Sport

Ra në tokë dhe humbi ndjenjat, Oltion Bilalli po vazhdon nën kujdes intensiv në QKUK

Published

on

Futbolli kosovar ka pësuar një tronditje ditën e djeshme në ndeshjen Gjilani – Malisheva.

Sulmuesi i talentuar gjilanas, Oltion Bilalli ka pësuar tronditje pas një dueli me portierin e skuadrës mysafire Ilir Avdyli.

Bilalli ra në tokë dhe ka humbur ndjenjat, derisa me ambulancë është dërguar fillimisht në spitalin e Gjilanit e pastaj edhe në QKUK.

23-vjeçari ka pasur gjakderdhje të brendshme, derisa gjendja e tij sot është stabile, jashtë rrezikut për jetë.

Telegrafi mëson se Olti po vazhdon kujdesin intensiv në Qendrën Klinike Universitare të Kosovës (QKUK), ku të gjithë nga klubi i Gjilanit po i qëndrojnë afër.

Continue Reading

Sport

Milani fiton me përmbysje ndaj Genoas

Published

on

Një tjetër përmbysje në pjesën e dytë i dha Milanit tre pikë të vlefshme në transfertë ndaj Genoas të hënën mbrëma në Serie A, pas golave të zëvendësuesve Vitinha, Rafael Leao dhe një autogoli nga kapiteni i Genoas, Morten Frendrup.

Në një vendim befasues nga trajneri Sergio Conceicao, Leao nuk u përfshi në formacionin titullar në “Marassi”, duke u zëvendësuar nga Ruben Loftus-Cheek. Në anën tjetër, Patrick Vieira riktheu në formacion Stefano Sabellin, Junior Messiasin dhe Andrea Pinamontin.

Milani e nisi ndeshjen me disa goditje nga këndet, por pa arritur të rrezikonte portierin Nicola Leali. Tentativa e parë erdhi nga Brooke Norton-Cuffy, i cili provoi goditje nga e djathta, por Mike Maignan u tregua i gatshëm me një pritje të mirë.

Theo Hernandez u përpoq të surprizonte me goditje spektakolare nga mbi 70 metra largësi, por topi nuk mori drejtimin e duhur dhe përfundoi jashtë.

Momenti më i veçantë i pjesës së parë erdhi nga Maignan, i cili realizoi pritje të jashtëzakonshme të dyfishtë pas një goditjeje këndi, fillimisht duke ndalur topin në vijën fatale, pastaj duke pritur goditjen pasuese me thembër. Para pushimit, Leali ndali edhe një goditje të Christian Pulisic, pas një pasimi të shkëlqyer nga Leao, i cili hyri në lojë në minutën e 28-të pas dëmtimit të Youssouf Fofanas.

Pjesa e dytë nisi e fragmentuar për shkak të trajtimeve për Patrizio Masinin dhe Tijjani Reijnders. Gjithsesi, Vitinha, i sapofutur në fushë në minutën e 60-të, zhbllokoi rezultatin me një goditje të saktë me thembër nga një asist i Aaron Martinit. Ky ishte goli i tij i parë në këtë sezon.

Por Milani reagoi me dy gola brenda pak minutash. Santiago Gimenez asistoi nga e djathta për Leao, goditja e të cilit u devijua nga Norton-Cuffy dhe përfundoi në rrjetë – goli i tretë i Leao-s si zëvendësues këtë sezon në Serie A.

Dy minuta më pas, Reijnders shërbeu një top të ulët nga e majta që po shkonte për Joao Felix, por Frendrup ndërhyri keq dhe realizoi autogol për 1-2.

Kjo fitore nuk solli ndryshime në renditjen e Serie A – Milani qëndron në vendin e nëntë, ndërsa Genoa mbetet e 13-ta.

Continue Reading

Të kërkuara