Lajmet

Artistja afgane përmes artit shfaq jetën në Afganistan pas kthimit të talibanëve

Published

4 years ago

on

Vetëm disa ditë para se talibanët ta merrnin kontrollin në Kabul, Sara Rahmani gjatë kohës së lirë filloi të realizonte portretin e një vajze, në shtëpinë e saj në Kaliforni, mijëra kilometra larg nga vendi ku i rrah zemra më mirë: Afganistan.

“Fillova ta realizoja pikturën e një vajze të bukur si zakonisht, sepse më pëlqen të shfaq anën e bukur të njerëzve të mi, kulturën dhe fëmijët e bukur që janë atje. Fillova skicat dhe pastaj të vizatoja. Pas disa ditësh, ata e morën kontrollin në Kabul dhe ndjeja aq shumë dhimbje në zemër”, deklaroi ajo.

Rahmani dhe familja e saj shkuan në Amerikë katër vite më parë. Babai i saj po punonte në një kompani amerikane. Tani Rahmani studion në inxhinieri civile në ShBA dhe po e shijon artin si hobi.

Para se të zhvendosej në Kaliforni, Rahmani gjithashtu kishte ndjekur mësimet në inxhinieri civile në kryeqytetin e Afganistanit, Kabul, ku jetoi pjesën më të madhe të jetës së saj.

“Më vjen shumë keq për kolegjin tim dhe vajzat që ishin me mua atje. Ato janë vërtet të frustruara dhe me të vërtetë në një situatë të keqe. Nuk e dinë se çfarë do të ndodhë me të ardhmen e tyre”, deklaroi ajo.

Rahmani deklaroi se shumica e vajzave me të cilat ajo studionte punonin në zyre, por tani janë të papuna. Ato i treguan asaj se nuk mund të veshin çfarë të duan dhe kur dalin nga shtëpitë e tyre duhet të shoqërohen nga një burrë.

Ndërsa Rahmani i hodhi një sy pikturës së saj, zëri i saj ishte plot emocione.

Në pjesën e poshtme nga ana e majtë e pikturës ajo përfshiu ngjyrat e flamurit kombëtar të Afganistanit. Dy gra janë fotografuar të veshura me fustana tradicional, me gërsheta dhe bizhuteri që tregojnë kulturën e pasur të vendit, tha Rahmani. Njëra është duke realizuar një vallëzim tradicional që afganët shpesh e interpretojnë në ngjarje të veçanta siç janë dasmat, ndërsa tjetra po shkruan “paqe” në Farsi.

Rahmani pastaj vendosi një vajzë në qendër të pikturës.

“Ky është portreti i vajzës që e fillova, dhe pastaj u kthye në pikëllim. E shihni një copëz drite – është ana e mirë e Afganistanit para se talibanët ta marrin kontrollin në këtë shtet. Është e lumtur. Këtë lule të bukur e ka marrë nga e ëma. Shamia në kokën e vajzës është e gjelbër – njgyra e paqes, lumturisë dhe e gëzimit për afganët. Qielli është i kaltër. Dielli, lumturia dhe zogjtë po fluturojnë pranë aeroplanëve ushtarakë”, deklaroi ajo.

Në këtë imazh ajo shfaq edhe anën e errët, momentin e evakuimit, dikë që po mundohet ta shpëtojë fëmijën.

Duke shikuar këtë imazh, ajo tha: “Të jem në Amerikë, ndihem më mirë. Por në anën tjetër, s’është vendi yt. Je i huaj. Gjuha dhe kultura janë ndryshe. Gjithçka është ndryshe, edhe nëse jeni të qetë.. diçka i mungon zemrës – atdheu. Asgjë s’mund ta zëvendësojë atë”.

Teksa po i rridhnin lotët, ajo tha: “Dua që bota ta di se.. ata që po vrahen janë njerëz të pafajshëm. I humbën nënat, fëmijët.. kur do të përfundojë kjo?”/UBTNews

Related Topics:
Continue Reading

Rajoni

Me shumicë votash, Vesa Shatri zgjidhet Kryetare e re e Këshillit Studentor të UBT-së

Published

14 hours ago

on

December 3, 2025

By

Këshilli Studentor i UBT-së ka zhvilluar procesin zgjedhor për përzgjedhjen e përfaqësuesve të rinj të studentëve, në një proces të drejtë, transparent dhe të monitoruar nga autoritetet akademike të institucionit. Me shumicë votash, Vesa Shatri është zgjedhur Kryetare e Këshillit Studentor të UBT-së, duke marrë besimin e studentëve për të udhëhequr strukturën përfaqësuese të tyre.

Në përbërjen e re të kryesisë, janë zgjedhur këta përfaqësues:

  • Kryetare: Vesa Shatri
  • Nënkryetare: Eliona Kastrati
  • Sekretar: Mal Shehu
  • Këshilli Akademik: Ema Spahija
  • Komisioni për Ankesa: Elena Jashanica
  • Komisioni i Cilësisë: Odesa Mala
  • Komisioni Disiplinor: Rizgjim Sejdiu
  • Komisioni i Etikës: Arianit Hasani

Procesi zgjedhor u mbikëqyr nga përfaqësues të lartë të UBT-së, përfshirë Prorektorin e UBT-së, Prof. Dr. Binak Beqaj, sekretarin e institucionit, Prof. Dr. Artan Tahiri, këshilltarin në Zyrën e Rektorit, Prof. Dr. Elmi Kelmendi, koordinatoren për Çështje Akademike në UBT, Mirlinda Jashanica, si dhe Ismije Pllana, nga zyra e sekretarit.

Zgjedhja e kryesisë së re vjen me synimin që përfaqësimi i studentëve të jetë sa më efektiv, gjithëpërfshirës dhe i orientuar drejt përmirësimit të vazhdueshëm të jetës akademike e studentore në UBT. Përfaqësuesit e rinj do të angazhohen për të qenë zëri i studentëve, për të adresuar kërkesat e tyre dhe për të bashkëpunuar ngushtë me menaxhmentin e institucionit.

Në fjalën e saj, Kryetarja e re, Vesa Shatri, falënderoi studentët për besimin dhe theksoi angazhimin e saj për të mbrojtur interesat e tyre dhe për të ndërtuar ura komunikimi të qëndrueshme mes studentëve dhe strukturave drejtuese të UBT-së.

Continue Reading

Lajmet

BE-ja i kërkon KPK-së zbatimin e plotë të reformave: Shteti ligjor, parakusht i domosdoshëm për integrim

Published

14 hours ago

on

December 3, 2025

By

Zyra e Bashkimit Evropian ka njoftuar se në takimin e zhvilluar me Këshillin Prokurorial të Kosovës, u është bërë thirrje të gjithë anëtarëve të tij t’i zbatojnë plotësisht reformat e KPK-së.

Në njoftimin e lëshuar nga kjo zyrë, thuhet se shteti ligjor është parakusht thelbësor për Bashkimin Evropian.

“Zyra e BE-së në Kosovë u bëri thirrje sot të gjithë anëtarëve të tij që të zbatojnë plotësisht dhe së bashku reformën e KPK-së, të sigurojnë ligjshmërinë e vendimeve të tyre, të veprojnë me integritet dhe të mbrojnë besimin e publikut në sistemin e drejtësisë”, thuhet në njoftim.

Pas shkarkimit të u.d. së kryeprokurorit Besim Kelmendi dhe përplasjeve brenda KPK-së, Zyra e BE-së dje ka kërkuar takim urgjent me të gjithë anëtarët.

Ndërsa tri organizata të shoqërisë civile kanë paralajmëruar për rritje të rrezikut të kundërligjshmërisë në KPK.

Për këtë arsye ato kanë kërkuar ndërhyrjen e gjykatës./EO

Continue Reading

Lajmet

​Certifikohet NISMA

Published

16 hours ago

on

December 3, 2025

By

Komisioni Qendror i Zgjedhjeve ka certifikuar sot subjektin politik Nisma Socialdemokrate, për pjesëmarrje në zgjedhjet e parakohshme parlamentare të 28 dhjetorit.

Drejtori i Zyrës për Regjistrim, Certifikim dhe Kontrollin Financiar të Subjekteve Politike, Besnik Buzhala tha se Nisma ka përmbushur të gjitha kriteret sipas ligjit për zgjedhje dhe ka paguar taksën për certifikim.

“Periudha e certifikimeve politike ka përfunduar me 30 nëntor. Subjekti politik NISMA ka përmbushur kriteret për certifikim duke dorëzuar listën e nënshkrimeve dhe mbështetësve dhe ka paguar taksën për certifikim. Nuk ka gjoba nga PZAP, KQZ dhe Zyra”, tha Buzhala.

Më 2 dhjetor 2025, KQZ mori vendim për certifikimin e 22 subjekteve politike, 16 parti politike; tri koalicione, dy iniciativa qytetare dhe një kandidat i pavarur për pjesëmarrje në zgjedhjet e dhjetorit, ndërsa nuk e ka certifikuar Listën Serbe./KP

Continue Reading

Lajmet

Lista Serbe fton konferencë për media pas moscertifikimit nga KQZ

Published

16 hours ago

on

December 3, 2025

By

Lista Serbe, ka njoftuar se sot më 03.12.2025, në ora 15:00, në selinë e partisë do të mbajnë konferencë për media.

Sipas njoftimit, drejtuesit do të flasin për vendimin nga KQZ-ja i cili siç pretendojnë ata ka penguar pjesëmarrjen e subjektit në zgjedhjet e parakohshme parlamentare të 28 dhjetorit 2025, transmeton KosovaPress.

“Udhëheqja e Listës Serbe do të mbajë një konferencë të jashtëzakonshme për media, ku do të flasë për vendimin joligjor për të penguar pjesëmarrjen e Listës Serbe në zgjedhjet e parakohshme parlamentare më 28 dhjetor 2025” thuhet në njoftimin e partisë.

Ndërsa dje gjatë mbledhjes së dytë lidhur me përgatitjet për procesin zgjedhor, KQZ-së nuk ka certifikuar Listën Serbe për zgjedhjet e parakohshme parlamentare të 28 dhjetorit.

KQZ votoi certifikimin ndaras për partitë politike, meqë rast Lista Serbe me 2 vota për, 2 kundër dhe 7 abstenime nuk u certifikua./KP

Continue Reading

Të kërkuara