Kompania e famshme “Prada” njofton se ka bërë një marrëveshje përfundimtare për të blerë “Vesace” nga Capri Holdings, për një shumë parash prej 1.25 miliardë euro.

“Jemi të lumtur të mirëpresim Versace në Grupin Prada dhe të fillojmë një kapitull të ri për një markë me të cilën ndajmë angazhim të palëkundur ndaj kreativitetit, kujdesit ndaj produktit dhe trashëgimi të fortë kulturore,” deklaroi në një postim Patrizio Bertelli, president dhe drejtor ekzekutiv i grupit Prada.

“Qëllimi ynë është t’i japim vazhdimësi trashëgimisë së Versace, duke festuar dhe rinterpretuar estetikën e saj të guximshme dhe të përjetshme, ne do të ofrojmë një platformë solide, të forcuar me kalimin e viteve nga investimet e vazhdueshme industriale dhe të shpërndarjes. Organizata jonë është e gatshme dhe e pozicionuar mirë për të shkruar një faqe të re në historinë e Versace, duke shfrytëzuar vlerat dhe konfidencën e grupit,” shtoi ai.

“Jam absolutisht e kënaqur që Versace po i bashkohet familjes Prada. Gianni dhe unë kemi pasur gjithmonë admirim të madh për Miuwia, Patrizio dhe familjen e tyre.

Jam i nderuar të lë shtëpinë në duart e biznesit familjar italian të besuar e jam gati të mbështes epokën e re për markën në çdo mënyrë të mundshme,” u shpreh Donatella në një postim në rrjetet sociale.

Mbretëresha e Mbretërisë së Bashkuar Camilla ka ndarë sekretet e një martese të qëndrueshme me Mbretin Charles, teksa çifti mbretëror festoi 20-vjetorin e martesës ditë më parë, gjatë një vizite shtetërore në Itali.

“20 vjet… kush do ta besonte?!” ka thënë ajo për mediat britanike, ka raportuar FemaleFirst.

E pyetur për sekretin e një martese të suksesshme, ajo u përgjigj me thjeshtësi dhe humor duke thënë se mendon që ka të bëjë me miqësinë.

“Të qeshësh për të njëjtat gjëra. Të vazhdosh përpara me jetën. Shpesh jemi si dy anije që kalojnë pranë njëra-tjetrës gjatë natës. Kalojmë me shpejtësi përkrah njëri-tjetrit”, ka thënë ajo.

Më herët gjatë ditës, Camilla kishte veshur një version të modifikuar të veshjes që kishte mbajtur në ceremoninë e martesës së tyre në vitin 2005, e rifreskuar me detaje të reja qëndisjeje.

77-vjeçarja ka treguar se ajo dhe mbreti kishin rezervuar “pak kohë për të biseduar pas pesë angazhimeve publike dhe para darkës shtetërore”. E pyetur nëse Charles do ta konsideronte një ditë pushimi si dhuratë për përvjetor, ajo tha me humor “Ëndërroj!”

E pyetur nëse arrijnë të relaksohen bashkë gjatë turneve zyrtare, Camilla ka thënë se flasin gjatë darkës.

“Po, kemi pak kohë për të biseduar gjatë darkës. Do të ishte bukur të kishim një ditë pushimi për të vizituar ndonjë vend, por nuk do të ndodhë!”, ka thënë ajo.

Çifti nuk kishte shkëmbyer dhurata për përvjetorin, por Camilla planifikonte t’i dhuronte Charlesit diçka tradicionale, një komplet porcelani, si dhuratë klasike për 20-vjetorin e martesës.

“Do ta bëjmë kur të kthehemi. Nëse e bën tani, gjithçka bëhet me ngut dhe nuk ke kohë të thuash asgjë me kuptim. Mendoj se në fund të ditës, do të nxjerrim diçka nga xhepi. Kam diçka gati.”

Camilla e ndiente veten veçanërisht të lumtur që përvjetori u festua në Itali, një vend me të cilin ajo ka lidhje personale që nga fëmijëria, pasi familja e saj kishte një shtëpi pushimi në Firence.

“E kam dashur gjithmonë Italinë. Këtu ndihesh më mirë. Janë kaq miqësorë, të dashur. Ushqimi, moti… është diçka në ajër. Gjithçka ka më shumë shije. Pse domatet e makaronat kanë më shumë shije? I merr me vete në Angli, por nuk kanë të njëjtin shije”, ka thënë ajo.

Gjatë darkës shtetërore me 150 të ftuar, mbreti Charles, në një fjalim plot humor dhe mirënjohje, ai ka thënë se kjo vizitë është e veçantë për çiftin pasi festojnë 20 vjetorin e martesës.

“Kjo vizitë është dhe më e veçantë për ne, pasi festojmë 20-vjetorin e martesës. Duhet të them se është w mirë nga ana juaj, zoti president, që na keni organizuar këtë darkë me qirinj për dy vetë”, tha Charles.

Pak orë para darkës, çifti ka bërë një vizitë të papritur te Papa Françesku, i cili u uroi përvjetorin gjatë një takimi 20-minutësh.

Pallati Buckingham më pas ndau një fotografi në rrjetet sociale, me mbishkrimin: “Mbretit dhe Mbretëresha u prekën shumë nga fjalët e Papës për përvjetorin e tyre dhe u ndien të nderuar që ndanë urimet personalisht me të”.

Ed Sheeran dhe Taylor Swift kanë një miqësi të gjatë që daton që nga viti 2012, kur Sheeran u bë akti mbështetës në turneun “Red” të Swift.

Pavarësisht angazhimeve të shumta profesionale, ata vazhdojnë të mbajnë një lidhje të ngushtë dhe të fortë.

Në një intervistë të fundit, Sheeran theksoi se ata takohen rreth katër herë në vit dhe kalojnë kohë të konsiderueshme së bashku, duke pasur biseda të thella që mund të zgjasin deri në gjashtë orë.

Për Taylor Swift, Ed është një nga pak njerëzit që e kupton jetën e saj si figurë publike, duke e përshkruar miqësinë e tyre si një formë terapie.

Kjo miqësi është shumë e rëndësishme për të dy, dhe takimi i fundit publik i tyre ishte gjatë turneut të Swift “Eras” në Londër, ku Sheeran u bashkua me të në skenë, duke dhënë një moment të paharrueshëm për fansat.

Pavarësisht shkrimeve dhe angazhimeve, miqësia e tyre vazhdon të qëndrojë një model i pasionit dhe mbështetjes reciproke.

Michelle Obama duket se prej kohësh është në qendër të thashethemeve, por në fund të ditës nuk ka asgjë të vërtetë.

U përfol se çifti po shkon drejt divorcit, kjo pasi Michelle mungoi në funeralin e Jimmy Carter, ish-president i SHBA-së dhe më pas, në shpalljen e Donald Trump për të dytën herë si presidenti aktual i SHBA.

Në të dyja këto raste, Barack mori pjesë vetëm dhe zërat u shtuan. Çifti zgjodhi të mos i adresonte, derisa Michelle vendosi t’u jepte fund në podkastin e Sophia Bush, “Work in Progress”.

Ajo shpjegoi se po merret me veten e bën zgjedhjet personale, që i shtyjnë njerëzit të mendojnë se ka problem në martesën e çiftit.

“Kjo është ajo me të cilën përballemi si gra, frika se mos zhgënjejmë të tjerët,” tha Michelle Obama, duke vijuar: “Deri në atë pikë sa këtë vit njerëzit nuk mund ta konceptonin që po bëja një zgjedhje për veten. Duhej të supozonin që unë dhe bashkëshorti po divorcohemi. Nuk mund të ishte thjesht opsioni që një grua e rritur që po merrte një sërë vendimesh për veten? Kjo është ajo që shoqëria shkakton e nisim të mendojmë: “Çfarë jam unë? Ç’po bëj? Pse po e bëj?” Dhe nëse nuk përputhet me steriotipin që njerëzit mendojnë se duhet të ndjekin, atëherë etiketohet si diçka negative apo edhe e tmerrshme”.

Obama, ndonëse nuk e specifikoi, la të nënkuptohet se mungesa në funeralin e Carter apo në eventin e shpalljes së Trump si president, janë vendime që i ka marrë në të mirë të vetes. Michelle nuk është figurë politike, nuk i pëlqen, madje Barack pranoi se ndihet në “një borxh të madh” karshi së shoqes, pasi e ka përfshirë në angazhime intensive në lidhje me politikën.

Michelle u shpreh se po përjeton çlirim, më parë përdorte justifikime të ndryshme për të refuzuar ftesa. Tanimë, ajo nuk thotë më: “Duhet të sigurohem që vajzat janë mirë”; “Bashkëshorti im është president dhe unë s’mund ta bëj këtë”, por është e lirë të marrë vendime për veten.

“Tani, e di, nuk mund t’ia atribuoj vendimet apo pavendosmërinë time askujt tjetër përveç vetes,” shpjegoi Michelle. “Mendoj se, nëse do të isha e sinqertë me veten, do të kisha mundur t’i bëja shumë prej këtyre zgjedhjeve vite më parë. Por nuk ia kisha dhënë vetes atë liri.”

Pra, asgjë për t’u shqetësuar! Michelle nuk do të jetë prezente në këto evente dhe zgjedh të mos jetë!

Le të shërbejë ky si një mësim për ty që u thua “po” ftesave se nuk e ke ende në fjalor fjalën “jo”.