Sport

Arsenali e rrit çmimin e Xhakës, kjo është shifra që ia kërkon Romës tani

Published

5 years ago

July 19, 2021

UBT news

Arsenali i ka bërë të ditur Romës se ata nuk do ta negociojnë asnjë ofertë nën 20 milionë euro për Granit Xhakën.

Raportet pretendojnë se “Topçinjtë” ende nuk kanë gjetur një zgjidhje në negociatat me skuadrën e Jose Mourinhos, pavarësisht interesit të fortë që skuadra italiane e ka për shërbimet e 28-vjeçarit.

Roma ka ofruar deri më tani 15 milionë euro, por duket se paraqitjet e mira ta Xhakës në Euro 2020 kanë rritur apetitet e Arsenalit të cilët tani kërkojnë që të përfitojnë sa më shumë nga largimi i tij.

Xhaka, i cili u bashkua me “Gunners” në 2016 nga Borussia Monchengladbach për 40.5 milionë funte, ka vetëm edhe dy vite në kontratën e tij në “Emirates”.

Përveç Romës, për Xhakën interesim së fundi raportohet se ka shprehur interesim edhe Juventusi.

Vendi

Akil Gjakova mbyll garën pa medalje në Abu Dhabi

Published

7 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

7 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

9 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/