Sport

Arrihet marrëveshja për fillimin e rinovimit të stadiumit “Camp Nou”

Punimet e rinovimit në “Camp Nou”, epiqendra e projektit Espai Barça, do të nisin këtë qershor.

Published

on

Është arritur marrëveshja për fillimin e punimeve në rikonstrukturimin e stadiumi “Camp Nou” që do të nis sa të përfundoj edicioni garues 2021/22.

Këshilli Bashkiak i Barcelonës ka dhënë licencën për të filluar punën menjëherë pas përfundimit të sezonit, duke u fokusuar në nivelin e parë dhe të dytë, teknologjinë, mjedisin e stadiumit dhe urbanizimin e jashtëm.

Kryetarja e Barcelonës, Ada Colau dhe presidenti i Barcelonës, Joan Laporta, dolën në konferencë për media në Bashkinë e Barcelonës menjëherë pasi Komisioni Drejtues i Këshillit Bashkiak kishte miratuar dhënien e një leje për ristrukturimin e stadiumit.

Punimet e rinovimit në “Camp Nou”, epiqendra e projektit Espai Barça, do të nisin këtë qershor, sapo të ketë përfunduar sezoni futbollistik dhe në përputhje me lejen e ndërtimit të miratuar mëngjesin e se enjtes.

Puna do të fokusohet në nivelin e parë dhe të dytë, aspektet teknologjike, rrethinat e stadiumit dhe urbanizimin e jashtëm. Veprimet brenda “Camp Nou” do të përfshijnë prishjen e strukturës shtesë në zonën jugore ku ishte vendosur Qendra Mjekësore, punë restauruese, anti-karbonim dhe hidroizolim të tribunave, si dhe përfundime strukturore dhe përmirësimin dhe rinovimin e sistemeve të ritransmetimit.

Në aspektin teknologjik, plani është instalimi i lidhjeve të reja të telekomunikacionit, zhvendosja e qendrës së përpunimit të të dhënave, krijimi i një dhome teknike për monitorimin e infrastrukturës së brendshme të telekomunikacionit dhe instalimi i objekteve të reja për Kompleksin e TV-së, për parkimin e njësive të lëvizshme televizive etj.

Do të ketë gjithashtu veprime rreth stadiumit, duke përfshirë punën në parkimin e makinave të Zonës Laterale, ndërtimin e zonës së re të magazinimit qendror inteligjent, një hapësirë eksperimentale për informimin e anëtarëve dhe marketingun e projektit, si dhe transplantimin dhe kondicionimin e pemëve.

Continue Reading

Sport

Xhaka në qendër të polemikave, eksperti i referimit mbron vendimin e gjyqtarit

Published

on

By

Kapiteni i Zvicrës, Granit Xhaka, ishte në qendër të vëmendjes në ndeshjen ndaj Kanadasë, e vlefshme për Kupën e Botës 2026. Mesfushori u ndëshkua me karton të verdhë në minutën e 32-të pas një incidenti gjatë ekzekutimit të një goditjeje dënimi.

Xhaka tentoi të ekzekutonte një ndërprerje, por nuk e goditi topin dhe në të njëjtin moment pati kontakt me sulmuesin kanadez Cyle Larin. Gjyqtari brazilian Ramon Abatti vendosi të ndëshkojë me karton të verdhë të dy lojtarët, pasi edhe Larin nuk kishte respektuar distancën e kërkuar gjatë ekzekutimit të goditjes së lirë.

Përzgjedhësi i Zvicrës, Murat Yakin, la të kuptohet se situata mund të ishte interpretuar ndryshe nga gjyqtari. Megjithatë, ish-gjyqtari i njohur zviceran dhe eksperti i referimit, Urs Meier, e mbështeti plotësisht vendimin e arbitrit.

“Kartoni i verdhë për të dy lojtarët ishte vendimi i duhur. Edhe unë do të veproja njësoj”, deklaroi Meier për mediat zvicerane.

Pavarësisht këtij episodi, Zvicra triumfoi ndaj Kanadasë dhe siguroi vendin e parë në grup, duke avancuar me sukses në fazën eliminatore të Kupës së Botës.

D.L

Continue Reading

Sport

Maroku kalon në fazën eliminatore pas fitores ndaj Haitit

Published

on

By

Maroku ka siguruar kualifikimin në rundin e 32 skuadrave më të mira të Kupës së Botës, pasi mposhti Haitin me rezultat 4:2 në ndeshjen e fundit të fazës së grupeve.

Përfaqësuesja marokene e mbylli Grupin E në vendin e dytë me gjashtë pikë, pas Brazilit dhe para Skocisë e Haitit.

Golashënuesit për Marokun ishin Achraf Hakimi në minutën e 39-të, Ismael Saibari në minutën e 45-të, Soufiane Rahimi në minutën e 78-të dhe Gessime Yassine në minutën e 89-të.

Nga ana tjetër, Haiti realizoi përmes autogolit të portierit Yassine Bounou (Bono) në minutën e 10-të dhe golit të Wilson Isidor në minutën e 43-të.

Me këtë fitore, Maroku avancon në fazën eliminatore, ku pritet të përballet me fituesin e Grupit F, pozitë që aktualisht mbahet nga Holanda.

Ndërkohë, shpresat e Skocisë për një kualifikim historik në fazën nokaut mbeten ende të hapura, por varen nga rezultatet e grupeve të tjera. Humbja ndaj Brazilit e la skuadrën skoceze me gol-diferencë -3, duke e detyruar të presë për të parë nëse do të renditet mes tetë përfaqësueseve më të mira që përfundojnë në vendin e tretë dhe sigurojnë një vend në rundin eliminator.

D.L

Continue Reading

Lajmet

Brazili kalon si lider i grupit në fazën nokaut, Vinicius shkëlqen ndërsa kthehet Neymar

Published

on

By

Pesë herë kampionët e botës, Brazili, kanë siguruar vendin e parë në Grupin C të Kupës së Botës 2026, pas një fitoreje bindëse 3-0 ndaj Skocisë. Ndeshja e zhvilluar në mesnatën mes të mërkurës dhe enjtes (sipas kohës në Kosovë), përveç dominimit brazilian, solli edhe një moment të shumëpritur: rikthimin e yllit Neymar në fushë pas tre vjetësh mungesë.

Figura qendrore e këtij takimi ishte Vinicius Junior, i cili shkëlqeu duke realizuar dy golat e parë. Sulmuesi i Real Madridit hapi serinë e golave që në minutën e 7-të, ndërsa dyfishoi epërsinë në minutën e tretë shtesë të pjesës së parë. Me këto dy realizime, Vinicius ka arritur në kuotën e katër golave në këtë Botëror, duke u barazuar me Erling Haaland dhe Kylian Mbappe, dhe duke mbetur vetëm një gol pas Lionel Messit që kryeson listën. Fitoren e “Seleçaos” e vulosi Matheus Cunha në minutën e 60-të për rezultatin përfundimtar 3-0.

Përveç spektaklit të golave, vëmendjen maksimale e mori minuta e 76-të, kur stadiumi “Hard Rock” shpërtheu në ovacione të mëdha për hyrjen në fushë të Neymarit. Sulmuesi 34-vjeçar, i cili është golashënuesi më i mirë në historinë e Brazilit me 79 gola, regjistroi paraqitjen e tij të parë ndërkombëtare që nga viti 2023.

Me këtë sukses, Brazili pozicionohet i pari në grup dhe të hënën do të luajë në Houston në kuadër të 1/32 së finales kundër vendit të dytë të Grupit F.

Në anën tjetër, Skocia, që merr pjesë në një Botëror për herë të parë që nga viti 1998, dështoi të shkruajë historinë për të kaluar fazën e grupeve në tentativën e nëntë. Megjithatë, shpresat e tyre nuk janë shuar plotësisht; me një diferencë golash prej -3, skocezët do të presin në kampin e tyre në Charlotte rezultatet e grupeve të tjera me shpresën për t’u kualifikuar tutje si një nga katër kombëtaret më të mira të vendeve të treta. /E.A/

Continue Reading

Sport

Zvicra mposht Kanadanë dhe kalon si lidere e grupit, shkëlqen Manzambi e Xhaka

Published

on

By

Zvicra e ka mbyllur me sukses të plotë fazën e grupeve në Kupën e Botës 2026, duke mposhtur Kanadanë me rezultat 2-1. Me këtë triumf, helvetikët kanë siguruar vendin e parë në grup me shtatë pikë, ndërsa Kanadaja, pavarësisht humbjes, kalon tutje në fazën e eliminimit direkt si e dyta me katër pikë.

Skuadra e Murat Yakinit e dominoi pjesën më të madhe të takimit, por golat erdhën vetëm në pjesën e dytë. Menjëherë në minutën e 46-të, Johan Manzambi shërbeu bukur për Ruben Vargas, i cili realizoi për 1-0 me një goditje të saktë që u ndihmua edhe nga shtylla. Zvicra nuk u ndal dhe në minutën e 57-të dyfishoi epërsinë, kur Breel Embolo asistoi për Manzambin, i cili këtë herë finalizoi vetë me qetësi për 2-0.

Kanada, nën drejtimin e Jesse Marsch, u rikthye në lojë në minutën e 76-të. Nathan Saliba dërgoi një top të saktë në zonë, ndërsa Promise David shënoi për 2-1, duke ndezur emocionet e minutave të fundit. Kanadezët patën madje një mundësi të artë në kohën shtesë për të barazuar, kur pas një krosimi që kaloi portierin Gregor Kobel, Derek Cornelius u gjend përballë portës së zbrazët, por çuditërisht e dërgoi topin jashtë.

Një nga figurat kryesore të ndeshjes padyshim ishte Johan Manzambi me një gol dhe një asistim. Një paraqitje mjaft solide në mesfushë zhvilloi edhe kapiteni Granit Xhaka, i cili kontrolloi tërësisht ritmin e lojës dhe organizoi aksionet e zviceranëve. Pas këtij rezultati, të dyja kombëtaret vazhdojnë rrugëtimin e tyre në fazën e eliminimit direkt të Botërorit. /E.A/

 

Continue Reading

Të kërkuara