Kronikë e zezë

Arrestohet 22-vjeçari i dyshuar për 16 raste të veprave penale

Të dyshuarit i është caktuar masa e ndalimit policor për 48 orë.

Published

5 years ago

December 29, 2021

UBT news

Njësitet policore në Suharekë kanë arrestuar të martën të dyshuarin K. I., 22-vjeçar, mbi dyshime të arsyeshme për kryerje të disa të veprave penale te vjedhjeve të rënda në Suharekë.

Në një komunikatë për media bëhet e ditur se pas verifikimeve dhe bashkëveprimit ndërmjet hetueseve të Drejtorisë Rajonale të Policisë në Mitrovicë dhe hetuesve të Stacionit Policor në Suharekë, ka rezultuar se personi i arrestuar ishte po i njëjti, i cili ishte në kërkim si i dyshuar edhe për 16 vepra penale të ndryshme te raportuara ne rajonin e Mitrovicës si: vjedhje, vjedhje të rënda, grabitje, tentim grabitje, ku cak i këtyre veprave ishin: dyqane, shtëpi, çanta krahu, portofola, ndërsa grabitje të kryera në filiale për transferim të parave dhe pompa të derivateve.

Mbi dyshime të bazuara në kërkim të të dyshuarit lidhur me veprat penale, hetuesit e Rajonit të Mitrovicës, javë më parë në lokacione të ndryshme në Mitrovicë përfshirë edhe vendbanimin e tij kanë kryer bastisje, me ç’ rast gjatë bastisjeve në cilësi të provave materiale, janë gjetur dhe sekuestruar çanta, portofol, stoli ari, kapela, vegla te ndryshme, dylbi, çelësa të veturave, pistoletë lodër, thika, motorola, telefona, pasaportë, veshmbathje dhe gjësende të tjera që mund të shërbejnë si dëshmi për rastet në fjalë.

Të gjitha dëshmitë do te procedohen në rast si prova materiale.

Të dyshuarit me aktvendim të prokurorit të rastit i është caktuar masa e ndalimit policor për 48 orë.

Lajmet

Gjendet një person pa shenja jete në Pejë

Published

6 hours ago

August 7, 2026

UBTNews

Një person është gjetur pa shenja jete në Pejë, ka bërë të ditur Policia e Kosovës përmes raportit të saj.

Sipas raportit, në vendin e ngjarjes kanë dalë njësitet përkatëse policore, ndërsa ekipi mjekësor ka konstatuar vdekjen e viktimës burrë, shtetas i Kosovës.

Me vendim të prokurorit të shtetit, trupi i pa jetë është dërguar në Institutin e Mjekësisë Ligjore (IML) për obduksion, ndërsa rasti po hetohet si “Hetim i vdekjes”. /E.A/

Lajmet

Arrestohet një person për ngacmim seksual në Shtime

Published

6 hours ago

August 7, 2026

UBTNews

Një person është arrestuar në lidhje me një rast të ngacmimit seksual, ka bërë të ditur Policia e Kosovës në raportin e saj 24-orësh.

Sipas raportit policor, i dyshuari burrë është arrestuar pasi ka kryer veprën penale të ngacmimit seksual ndaj viktimës grua, shtetase e Kosovës.

Pas intervistimit nga hetuesit, me vendim të prokurorit të shtetit, i dyshuari është dërguar në mbajtje. /E.A/

Lajmet

Ekstradohet nga Gjermania një i kërkuar për vjedhje të rëndë

Published

7 hours ago

August 7, 2026

UBTNews

Një shtetas i Kosovës i shpallur në kërkim ndërkombëtar është ekstraduar sot nga Gjermania për në Kosovë, pas bashkëpunimit mes autoriteteve të të dyja shteteve.

Sipas njoftimit nga Policia e Kosovës, i dyshuari u arrestua nga autoritetet gjermane pasi ndaj tij kishte një fletarrestim ndërkombëtar të lëshuar nga INTERPOL-i, me kërkesë të institucioneve të drejtësisë në Kosovë, nën dyshimin për veprën penale “Vjedhje e rëndë”.

Procedura e ekstradimit u realizua nga Drejtoria për Bashkëpunim Ndërkombëtar Policor në bashkëpunim me njësitet përkatëse policore. Pas mbërritjes në Kosovë, i dyshuari u është dorëzuar organeve kompetente për procedim të mëtejshëm ligjor. /E.A/

Lajmet

Katër të lënduar në një aksident trafiku në aksin Gjilan-Koretishtë

Published

8 hours ago

August 7, 2026

UBTNews

Katër persona kanë pësuar lëndime trupore si pasojë e një aksidenti trafiku të ndodhur mëngjesin e së premtes në aksin rrugor Gjilan-Koretishtë, ku janë përfshirë dy automjete.

Zëdhënësi i Policisë së Kosovës për rajonin e Gjilanit, Valon Osmani, bëri të ditur se ngjarja ka ndodhur rreth orës 05:00. Si pasojë e përplasjes, përveç dëmeve materiale, lëndime kanë pësuar dy drejtuesit e automjeteve dhe dy pasagjerë.

“Të njëjtit, pas pranimit të tretmanit mjekësor në Qendrën Emergjente të Spitalit të Përgjithshëm në Gjilan, janë liruar për në shtëpi”, deklaroi Osmani.

Hetuesit e Njësisë Rajonale të Trafikut Rrugor në Gjilan kanë nisur hetimet për zbardhjen e plotë të rrethanave dhe shkaqeve të këtij aksidenti. /Ekonomia online/