Kronikë e zezë

Arrestohen pesë persona për drogë

Policia po ashtu ka arritur të konfistkojë substanca të ndryshme narkotike.

Published

5 years ago

on

Policia e Kosovës në dy operacione të ndara ka arritur të arrestojë pesë persona për drogë.

Po ashtu ka arritur të konfistkojë substanca të ndryshme narkotike.

Ky është njoftimi i plotë pa ndërhyre i Policisë së Kosovës.

Rasti i parë: Zyrtarë policorë nga Drejtoria për Hetimin e Trafikimit me Narkotik (DHTN)-Njësia Ferizaj, pas hetimeve paraprake, më 25.10.2021, rreth orës 19:30, të ndihmuar nga zyrtarë policorë të Stacionit Policorë Ferizaj, kanë ndalur një veturë me targa vendore në të cilën është gjetur një çantë me substancë që dyshohet të jetë marihuanë. Me këtë rast policia ka arrestuar Xh.G., (viti i lindjes 1992, mashkull kosovar). Më pas, në proces të hetimit dhe operacionit policor, policia ka arrestuar edhe V.B., (viti i lindjes 1989, mashkull kosovar). Në koordinim me organet e drejtësisë janë realizuar kontrolle në banesat e dy të dyshuarve. Tek banesa e Xh.G., janë gjetur dhe konfiskuar: 13 qese najloni të mbushur me substancë narkotike që dyshohet të jetë kokainë, me peshë 4.1 gram. Kurse në banesën e V.B., nuk është gjetur asgjë e dyshimtë. Në cilësinë e provave materiale janë sekuestruar/konfiskuar, provat si në vijim: një qese e zezë najloni e mbushur me substancë që dyshohet të jetë marihuanë, me peshë 1283.3 gram, 13 qese najloni të mbushura substancë narkotike që dyshohet të jetë kokainë, me peshë 4.1 gram, 3 telefona mobil, para të gatshme dhe dy vetura. Me aktvendim të prokurorit të dyshuarit dërgohen në mbajtje për 48 orë.

Rasti i dytë: DHTN-Njësia Gjakovë, pas një kohë hetimesh, sot më 26.10.2021, ka realizuar urdhëresën e lëshuar nga Gjykata Themelore Gjakovë për kontrollim të pronave të të dyshuarave: G.I., (viti i lindjes 1996, mashkull kosovar), J.I., (viti i lindjes 1992, mashkull kosovar) dhe Rr.Sh., (viti i lindjes 1999, mashkull kosovar). Gjatë kontrollit të shtëpive të të dyshuarve G.I., dhe J.I., në pjesë të ndryshme të shtëpisë në cilësi të provave materiale është konfiskuar: 5 kilogram e 571 gram substancë që dyshohet të jetë marihuanë, tri vetura, katër telefon, një pushkë gjuetie, një karikatorë, pesë fishekë dhe një granat dore. Me aktvendim të prokurorit re të dyshuarit ndalohen për 48 orë.

Related Topics:
Continue Reading

Vendi

Arrestohet një person në Vushtrri për armëmbajtje pa leje

Published

11 hours ago

on

October 20, 2026

By

Një burrë është arrestuar në fshatin Prelluzhë të Vushtrrisë, pasi dyshohet se posedonte armë pa leje.

Sipas Policisë, më 18 tetor, ai kishte raportuar se nga shtëpia e tij i ishte vjedhur një pushkë gjuetie, me ç’rast ishte iniciuar rast për vjedhje të rëndë.

Gjatë verifikimeve të kryera më 19 tetor, njësia e hetimeve ka konstatuar se personi posedonte vetëm një dokument që dëshmonte se kishte aplikuar për armë, por jo leje përkatëse.

Me vendim të prokurorit, ai është arrestuar dhe intervistuar në cilësinë e të dyshuarit. Më pas, është liruar në procedurë të rregullt./A.K/

Continue Reading

Vendi

Katër raste të dhunës në familje brenda një dite në Kosovë

Published

11 hours ago

on

October 20, 2026

By

Policia e Kosovës ka bërë të ditur se gjatë 24 orëve të fundit janë raportuar katër raste të dhunës në familje në qytete të ndryshme të vendit.

Në Kaçanik një person ka shkaktuar dhunë psiqike në familjen e tij, pasi nuk u pëlqente rekomandimeve mjekësore për përdorimin e barnave. I dyshuari është dërguar për kontroll në repartin e psikiatrisë.

Ndërsa në Prishtinë një grua ka raportuar se është kanosur përmes mesazheve telefonike nga ish-bashkëjetuesi i saj. I dyshuari është intervistuar nga policia dhe me vendim të prokurorit është liruar në procedurë të rregullt.

Në Gjakovë është arrestuar një person i dyshuar për ushtrim të vazhdueshëm të dhunës fizike dhe psikike ndaj një gruaje. Me vendim të prokurorit, ai është dërguar në mbajtje.

Edhe në Mitrovicë e Jugut është arrestuar një person ku pas një mosmarrëveshjeje, një person ka ofenduar dhe sulmuar fizikisht bashkëshorten e tij. I dyshuari pas intervistimit është liruar në procedurë të rregullt. /E.A/

Continue Reading

Kronikë e zezë

Shtetasi turk sulmon fizikisht dy policë në Prishtinë, dërgohet në mbajtje

Published

11 hours ago

on

October 20, 2026

By

Një shtetas i Turqisë është arrestuar në Prishtinë, pasi dyshohet se nën ndikimin e alkoolit ka sulmuar fizikisht dy zyrtarë policorë.

Rasti ka ndodhur më 19 tetor, në rrugën “Bajram Kelmendi”.

Sipas Policisë, si dy zyrtarët policorë, ashtu edhe i dyshuari kanë pranuar tretman mjekësor.

Me vendim të prokurorit, i dyshuari është dërguar në mbajtje./A.K/

Continue Reading

Lajmet

68 persona të arrestuar pas protestës se djeshme në Tiranë, në mesin e tyre edhe të mitur

Published

13 hours ago

on

October 20, 2026

By

Policia e Tiranës ka njoftuar se vetëm gjatë ditës së djeshme janë arrestuar 68 persona në lidhje me protestën e mbajtur në kryeqytet. Në mesin e të arrestuarve janë edhe shtatë të mitur, të moshës 15 deri në 17 vjeç, ndërsa ndaj 22 protestuesve të tjerë ka nisur procedimi penal.

Përplasjet fizike gjatë ditës së gjashtë të protestës shkaktuan të lënduar në të dyja palët, si dhe dëme të konsiderueshme materiale në disa godina institucionesh ku u shfaqën edhe vatrat e para të flakëve.

Sipas njoftimit zyrtar të Policisë, personat e ndaluar dyshohen se kanë goditur zyrtarët policorë dhe godinat publike e private me gurë, sende të forta dhe lëndë piroteknike.

“Gjatë tubimit të djeshëm janë dëmtuar 20 punonjës Policie. Personat e ndaluar kanë dëmtuar fizikisht efektivët si dhe kanë shkaktuar dëme materiale në godinat e institucioneve dhe në sinjalistikën rrugore. Materialet procedurale i janë referuar Prokurorisë për veprime të mëtejshme”, thuhet në njoftimin e Policisë. /E.A/

Foto: REL

Continue Reading

Të kërkuara