Kronikë e zezë

Arrestohen pasi sulmuan dy policë në Graçanicë

Rasti është hapur si “Pengim i personit zyrtar gjatë kryerjes së detyrës zyrtare & sulm ndaj personit zyrtarë”.

Published

3 years ago

September 15, 2023

UBT news

Policia e Kosovës ka arrestuar dy persona në Graçanicë, pasi të njëjtit dyshohet se kishin sulmuar dy zyrtarë policorë teksa po kryenin detyrën e tyre.

Në raportin 24-orësh të Policisë së Kosovës bëhet e ditur se zyrtarët policorë kanë pranuar tretman mjekësor.

“Në vendin e ngjarjes kanë dalë njësitë relevante policore dhe prokurori kujdestar i cili ndaj të dyshuarve ka caktuar masën e ndalimit për 48 orë dhe nën mbikëqyrjen e njësitit policor kompetent kanë pranuar tretman mjekësor”, thuhet aty.

Rasti është hapur si “Pengim i personit zyrtar gjatë kryerjes së detyrës zyrtare & sulm ndaj personit zyrtarë”.

Rasti është nën hetime.

Lajmet

Vdesin babë e bir në Deçan, dyshohet nga rryma

Published

8 minutes ago

June 29, 2026

UBTNews

Dy persona, babë e bir, kanë vdekur të dielën në fshatin Maznik të Deçanit, pasi dyshohet se kanë rënë në kontakt me rrymën elektrike.

Viktimat janë Xhemajl dhe Hasan Mustafaj.

Lajmin për vdekjen e tyre e ka konfirmuar kryesuesi i Kuvendit Komunal të Deçanit, Hajdar Sutaj.

Përmes një postimi në rrjetet sociale, ai i ka shprehur ngushëllime të thella familjes Mustafaj, duke u uruar forcë për të përballuar këtë dhimbje të madhe. /E.A/

Lajmet

Vrasje në Ferizaj pas një përleshjeje me armë zjarri

Published

22 minutes ago

June 29, 2026

UBTNews

Një burrë ka mbetur i vrarë me armë zjarri të dielën mbrëma në Ferizaj, rreth orës 22:50, në rrugën “Sejdi Sejdiu”.

Lajmin pë Ekonomia Online e ka konfirmuar zëdhënësi i policisë rajonale, Kanun Veseli, i cili bëri të ditur se ngjarja ka ndodhur pas një përleshjeje.

Sipas tij, në vendngjarje është gjetur pa shenja jete një burrë i moshës madhore, i cili dyshohet se ka marrë plagë nga arma e zjarrit.

Vdekja e viktimës është konfirmuar nga ekipi mjekësor i spitalit të Ferizajt, ndërsa policia po merret me rastin. /Ekonomia Online/ /E.A/

Lajmet

Vendoset mjet shpërthyes dhe letër kërcënuese në derën e një shtëpie në Pejë

Published

3 days ago

June 26, 2026

UBT News

Një mjet shpërthyes dhe një letër me përmbajtje kërcënuese janë gjetur të vendosura në derën e një objekti banimi në Pejë.

Sipas Policisë së Kosovës, rasti ka ndodhur më 25 qershor 2026, rreth orës 23:43. Menjëherë pas raportimit, policia ka siguruar vendin e ngjarjes, ndërsa njësia për deminim ka bërë largimin e mjetit shpërthyes.

Rasti është duke u hetuar./A.K/

Kronikë e zezë

Gjashtë raste të dhunës në familje brenda një dite në Kosovë

Published

3 days ago

June 26, 2026

UBTNews

Policia e Kosovës ka njoftuar se gjatë ditës së djeshme janë regjistruar gjashtë raste të ndryshme të dhunës në familje në disa qytete të vendit.

Në Graçanicë, pas një mosmarrëveshjeje familjare, tre burra janë përleshur mes vete. Ata janë intervistuar dhe me vendim të prokurorit janë liruar në procedurë të rregullt.

Në Prishtinë, është arrestuar një grua pasi ka sulmuar fizikisht një grua tjetër. Viktima ka marrë tretman mjekësor, ndërsa e dyshuara është dërguar në mbajtje.

Në Viti, një grua ka raportuar se pas një fjalosjeje është sulmuar fizikisht nga një burrë. Viktima ka marrë ndihmë mjekësore, ndërsa i dyshuari është arrestuar dhe dërguar në mbajtje.

Në Mitrovicë, është arrestuar një burrë pasi ka sulmuar fizikisht një grua. Viktima ka pranuar tretman mjekësor, ndërsa i dyshuari është dërguar në mbajtje.

Në Pejë, një grua ka raportuar se një burrë ka ushtruar në vazhdimësi dhunë fizike dhe psikike ndaj saj, si dhe e ka kërcënuar përmes telefonit. Pas intervistimit, palët janë liruar në procedurë të rregullt.

Në Deçan, është arrestuar një burrë pasi ka sulmuar fizikisht një burrë tjetër. Viktima ka pranuar tretman mjekësor, ndërsa i dyshuari është dërguar në mbajtje. /E.A/