Kronikë e zezë

Arrestohen dy 20-vjeçarë në Vushtrri, dyshohen për posedim të substancave narkotike

Pas procedurave intervistuese, dy të dyshuarit janë liruar.

Published

5 years ago

on

Dy të rinj në Vushtrri janë arrestuar me dyshimin e posedimit të substancave narkotike.

Policia njofton se tek dy 20-vjeçarët e arrestuar janë gjetur dy qese të vogla substancë e dyshuar narkotike.

Pas procedurave intervistuese, me urdhër të prokurorit dy të dyshuarit janë liruar në procedurë të rregullt.

“Në orët e mesditës së datës 13 dhjetor 2021, policia në Vushtrri, ka arrestuar dy person të dyshuar për substancë të dyshuar narkotike. Arrestimi i dy të dyshuarve është realizuar në kohën kur zyrtarë policorë në rroba civile të angazhuar në planin operativ ‘Siguria në shkolla’, mbi dyshime të arsyeshme në rrugën ‘Ukshin Kovaqica’ kanë ndaluar dy të dyshuarit, me ç’ rast gjatë kontrollit të detajuar tek të dyshuarit janë gjetur dhe sekuestruar dy qese të vogla substancë e dyshuar narkotike. Në cilësi të të dyshuarve janë arrestuar A. J.,20 vjeçar, dhe E. B.,20 vjeçar, të dy shtetas të Republikës së Kosovës. Ndërsa pas procedurave intervistuese me urdhër të prokurorit të rastit dy të dyshuarit janë liruar në procedurë të rregullt. Ndaj të dyshuarve është iniciuar rast për veprën penale ‘Posedimi i paautorizuari i substancave narkotike’. Hetimet e mëtejme lidhur me rastin do ti zhvilloj njësia përkatëse hetimore”, thuhet në njoftimin e policisë. 

Related Topics:
Continue Reading

Lajmet

Mjet i pashpërthyer gjendet në Bjeshkët e Junikut, intervenon FSK dhe KFOR

Published

12 hours ago

on

July 3, 2026

By

Një mjet i dyshuar i pashpërthyer është gjetur të enjten në Bjeshkët e Junikut, kanë bërë të ditur autoritetet.

Sipas raportit policor, rasti është raportuar më 2 korrik 2026, rreth orës 14:00, pasi në një zonë pyjore është hasur një mjet i dyshuar shpërthyes.

Menjëherë pas pranimit të informatës, njësitë e Policisë së Kosovës kanë dalë në vendin e ngjarjes dhe kanë siguruar perimetrin për të shmangur rrezikun për qytetarët.

Më pas, në vendin e ngjarjes kanë intervenuar njësiti për deminim i Forcës së Sigurisë së Kosovës (FSK) dhe forcat e KFOR-it, të cilët kanë bërë largimin e mjetit pa incidente./A.K/

Continue Reading

Lajmet

Dogana e Kosovës ndalon 23,500 euro të padeklaruara në Merdarë

Published

12 hours ago

on

July 3, 2026

By

Dogana e Kosovës ka zbuluar 23,500 euro të padeklaruara gjatë kontrollit të një automjeti në dalje të Pikës së Kalimit Kufitar në Merdarë.

Sipas njoftimit zyrtar, automjeti ishte përzgjedhur për kontroll bazuar në analizën e riskut dhe më pas ishte dërguar në vijën e dytë për kontroll të detajuar nga zyrtarët doganorë dhe Policia Kufitare.

Gjatë kontrollit janë gjetur 10 mijë euro në çantën personale të udhëtarit, ndërsa 13,500 euro të tjera ishin të fshehura në zarfe brenda një ndarjeje të automjetit, duke e çuar shumën totale në 23,500 euro të padeklaruara.

Autoritetet kanë bërë të ditur se personi kishte dokumente që dëshmojnë prejardhjen e ligjshme të mjeteve monetare, përfshirë kontratë noteriale për shitblerje prone dhe dëshmi të tërheqjes bankare.

Rasti i është referuar Hetimeve Doganore për procedura të mëtejshme, ndërsa në bazë të ligjit është mbajtur 25 për qind e shumës së padeklaruar, kurse pjesa tjetër i është kthyer poseduesit.

Dogana e Kosovës ka rikujtuar se çdo person që hyn ose del nga vendi me 10 mijë euro e më shumë është i obliguar t’i deklarojë ato, në të kundërtën përbën kundërvajtje dhe mund të sjellë masa ligjore./A.K/

Continue Reading

Lajmet

Zhduket një 78-vjeçar me demencë në Prishtinë

Published

13 hours ago

on

July 3, 2026

By

Një 78-vjeçar nga Prishtina, i identifikuar si Xhafer Raqi, është zhdukur që nga orët e hershme të mëngjesit të sotëm dhe familjarët po kërkojnë ndihmën e qytetarëve për gjetjen e tij.

Raqi, i cili banon në lagjen “Bregu i Diellit”, vuan nga demenca dhe është larguar nga shtëpia rreth orës 08:00 të mëngjesit, duke mos lënë asnjë gjurmë për vendndodhjen e tij. Familjarët kanë bërë të ditur se rasti është raportuar menjëherë edhe në Policinë e Kosovës.

Të afërmit bëjnë apel tek të gjithë ata që mund ta kenë parë apo që kanë çfarëdo informacioni për vendndodhjen e tij, të lajmërojnë urgjentisht në numrin e telefonit: +383 44 737 900 ose të kontaktojnë stacionin më të afërt policor. /E.A/

Continue Reading

Kronikë e zezë

Theret me thikë një person në Shtime, policia nis hetimet

Published

14 hours ago

on

July 3, 2026

By

Një person ka mbetur i lënduar pasi dyshohet se është therur me thikë nga persona të panjohur në Shtime.

Sipas Policisë, rasti ka ndodhur të enjten, më 2 korrik, rreth orës 22:12. Viktima, mashkull kosovar, ka kërkuar ndihmë mjekësore pasi kishte pësuar lëndime nga therja me thikë dhe më pas është dërguar për trajtim në Spitalin e Ferizajt.

Policia ka bërë të ditur se rasti është cilësuar si “Lëndim i rëndë trupor”, ndërsa njësitë relevante policore kanë nisur hetimet për identifikimin e të dyshuarve dhe zbardhjen e plotë të rrethanave të ngjarjes.

D.L

Continue Reading

Të kërkuara