Lajmet

Arrestime, aksidente dhe raste të dhunës në Kosovë më 1 shtator 2025

Published

3 months ago

on

Policia e Kosovës ka bërë publike raportin 24-orësh për ngjarjet e ndodhura më 1 shtator 2025 në rajone të ndryshme të vendit. Rastet kryesore lidhen me posedim të paautorizuar të narkotikëve, përdorim armësh, vjedhje të rënda, aksidente trafiku dhe dhunë në familje.

Në Çagllavicë është arrestuar një shtetas i huaj, pasi gjatë kontrollit policia i ka gjetur një sasi të substancës së dyshuar narkotike. I dyshuari është dërguar në mbajtje me vendim të prokurorit.

“Është arrestuar i dyshuari mashkull shtetas i huaj, pasi që gjatë kontrollit tek i njëjti është gjetur dhe konfiskuar një sasi e substancës së dyshuar narkotike. Me vendim të prokurorit, i dyshuari është dërguar në mbajtje.” thuhet në njoftim.

Po ashtu, në kryeqytet janë raportuar të shtëna me armë zjarri, ku policia ka gjetur dhe konfiskuar dy gëzhoja. Hetimet për këtë rast vazhdojnë.

“Pas pranimit të një informate për të shtëna me armë zjarri , njësitet policore kanë dal në vendin e ngjarjes me ç’rast kanë gjetur dhe konfiskuar dy gëzhoja. Lidhur me rastin është njoftuar prokurori. Rasti po vazhdon të hetohet nga ekipet relevante policore.” thuhet në njoftim.

Në një tjetër rast, në Prishtinë një këmbësor ka mbetur i lënduar pasi u godit nga një veturë. Viktima është dërguar në QKUK për trajtim mjekësor.

“Raportohet se drejtuesi mashkull kosovar, me veturë dyshohet nga pa kujdesia ka goditur këmbësorin mashkull kosovar. Viktima është dërguar në QKUK për tretman mjekësor. Rasti në procedurë hetimore.” thuhet në raport.

Në Viti është arrestuar një person, pasi gjatë djegies së mbeturinave zjarri i doli jashtë kontrollit dhe përfshiu një fushë, duke rrezikuar edhe banorët e fshatit. Pas intervistimit, i dyshuari është liruar, ndërsa rasti po trajtohet në procedurë të rregullt.

“Është arrestuar i dyshuari mashkull kosovar, pasi që gjatë djegies se disa mbeturinave, zjarri ka dal nga kontrolli dhe ka djegur një fushë ku kishte paraqit edhe rrezik për banorët e fshatit. Zjarri është shuar nga zjarrfikësit. Me vendim të prokurorit, pas intervistimit i dyshuari është liruar dhe rasti vazhdon të trajtohet në procedurë të rregullt.” thuhet në njoftim.

Në Ferizaj është raportuar një vjedhje e rëndë. Persona të panjohur kanë deportuar në një market dhe kanë vjedhur një arkë me një shumë të konsiderueshme parash. Policia ka nisur hetimet.

“Ankuesi mashkull kosovar, menaxher i një marketi ka informuar se persona të pa njohur me forcë kanë deportuar në depo dhe kanë vjedhur një arkë, në të cilën kishte një shumë të konsiderueshme  para të gatshme. Rasti është duke u hetuar nga njësiti i hetuesisë.” thuhet në raportin 24-orësh.

Në Prizren, persona të panjohur kanë dëmtuar dyert e brendshme të një objekti.

“Raportohet se persona të pa njohur kanë dëmtuar dyert e brendshme të një objekti. Rasti në procedurë hetimore.” thuhet në njoftim.

Ndërkohë, gjatë një ahengu familjar janë arrestuar dy persona pasi dyshohet se kanë shtënë me armë zjarri. Policia ka konfiskuar katër pistoleta, pesë karikatorë, katër fishekë dhe tetë gëzhoja.

“Më 01.09.2025 janë arrestuar dy të dyshuar meshkuj kosovarë, pasi që të njëjtit gjatë ahengut familjar dyshohet se kanë shtënë me armë zjarri. Nga të dyshuarit janë konfiskuar katër pistoleta, pesë karikatorë , katër fishekë dhe tetë gëzhoja. Pas intervistimit, me vendim të prokurorit, të dyshuarit janë dërguar në mbajtje.” thuhet në njoftim.

Në Suharekë, dy persona janë arrestuar për posedim të narkotikëve, pasi policia u gjeti 22.53 gram marihuanë, letra mbështjellëse dhe dy telefona.

“Janë arrestuar dy të dyshuar meshkuj kosovarë, pasi që gjatë kontrollit tek të njëjtit janë gjetur dhe konfiskuar 22.53 gram substancë narkotike e llojit marihuanë, një pako me letra mbështjellëse dhe dy telefona. Pas intervistimit, me vendin të prokurorit, të dyshuarit dërgohen në mbajtje.” thuhet në njoftim.

Po në Suharekë, një punëtor humbi jetën në vendin e punës në rrethana ende të paqarta. Dy të dyshuar janë arrestuar, ndërsa trupi i viktimës është dërguar në IML për obduksion.

“Raportohet se në emergjencën e Suharekës është dërguar pa shenja jete viktima mashkull kosovar. Dyshohet se viktima në vendin e punës në rrethana ende të pa njohura ka pësuar lëndime trupore. Të gjitha njësitë përkatëse kanë dal në vendin e ngjarjes. Me vendim të prokurorit , dy të dyshuar meshkuj kosovarë janë arrestuar dhe pas intervistimit janë dërguar ne mbajtje, ndërsa trupi i pa jetë është dërguar në IML për obduksion.” njofton Policia e Kosovës.

Në Pejë është raportuar dhunë në familje, ku viktimat femra kanë deklaruar se janë sulmuar fizikisht nga një e dyshuar femër. Njëra prej viktimave ka marrë tretman mjekësor.

“Viktimat femra kanë informuar se janë sulmuar fizikisht nga e dyshuara femër kosovare. Njëra nga viktimat ka pranuar tretman mjekësor pasi kishte deklaruar lëndime. Lidhur me rastin është njoftuar prokurori kujdestar, i cili ka urdhëruar fillimin e hetimeve.”

Në Deçan, punëtorët e pastrimit kanë gjetur dy granata dore gjatë grumbullimit të mbeturinave. Ato janë tërhequr nga njësia për deminim e Policisë së Kosovës.

“Raportohet se punëtorët e pastrimit të qytetit, gjatë grumbullimit të mbeturinave kanë hasur në dy mjetet të dyshuara shpërthyese (granata dore). Njësia për dënimin i PK-së ka bërë tërheqjen e granatave. Rasti është duke u hetuar.” thuhet në njoftim.

Në Gjakovë janë arrestuar katër shtetas të huaj, pasi në veturën e tyre u gjetën medikamente pa dokumentacion. Njëri prej tyre është dërguar në mbajtje.

“Janë arrestuar katër të dyshuar, shtetas të huaj pasi që gjatë kontrollit të veturës me të cilën udhëtonin janë gjetur dhe konfiskuar disa pako me medikamente pa dokumente përkatëse. Pas intervistimit, me vendim të prokurorit, një i dyshuar ( drejtuesi i mjetit) dërgohet në mbajtje, ndërsa të tjerët lirohen në procedurë të rregullt.” thuhet në njoftim.

Në një rast tjetër, një shtetas i huaj nën ndikimin e alkoolit ka penguar policinë gjatë kryerjes së detyrës dhe është arrestuar.

“Është arrestuar i dyshuari mashkull shtetas i huaj pasi që i njejti nën ndikim të alkoolit ka penguar zyrtarët policor në kryerje të detyrës. Me vendim të prokurorit, i dyshuari është dërguar në mbajtje.” thuhet në njoftim.

Gjithashtu, dy persona janë arrestuar pas një konflikti familjar, por më pas janë liruar në procedurë të rregullt.

“Janë arrestuar dy të dyshuar meshkuj kosovarë pasi që të njëjtit pas një mosmarrëveshje, janë fjalosur në mes vete. Pas intervistimit, me vendim të prokurorit të dyshuarit janë liruar në procedurë të rregullt. ” raportohet nga Policia e Kosovës.

Në Vushtrri, një grua është sulmuar fizikisht nga një burrë pas një mosmarrëveshjeje. Viktima ka pranuar tretman mjekësor, ndërsa rasti po trajtohet në procedurë të rregullt.

“Viktima femër kosovare, ka raportuar pas një mosmarrëveshje është sulmuar fizikisht nga i dyshuari mashkull kosovar. Viktima ka pranuar tretman mjekësor , ndërsa me vendim te prokurorit pas intervistimit te palëve, rasti vazhdon të trajtohet në procedurë të rregullt.” thuhet në njoftim.

Në Skenderaj është raportuar një aksident trafiku me veturë, me dëme materiale por pa të lënduar.

“Drejtuesi mashkull kosovar, dysoshet se nga pa kujdesia ka shkaktuar vetë aksident me veturë. Përveç dëmeve materiale, nuk raportohet për të lënduar. Rasti është duke u hetuar.” thuhet në njoftim.

Në Leposaviq, një burrë ka raportuar se është sulmuar fizikisht nga një tjetër person. Viktima ka pranuar tretman mjekësor, ndërsa prokurori është njoftuar për rastin.

“Ankuesi mashkull kosovar, ka raportuar se është sulmuar fizikisht nga i dyshuari mashkull kosovar. Viktima ka pranuar tretman mjekësor. Lidhur me rastin është njoftuar prokurori, ndërsa rasti vazhdon të trajtohet në procedurë të rregullt.” thuhet në raport.

Në Zveçan, një grua ka raportuar se persona të panjohur kanë tentuar të vjedhin në shtëpinë e saj, duke e demoluar objektin, por pa arritur të marrin diçka.

“Ankuesja femër kosovare, ka raportuar se të dyshuar të panjohur me forcë kanë depërtuar në shtëpinë e saj , me ç’rast të njëjtën e kanë demoluar mirëpo nuk ka vërejtur se i mungon diçka. Lidhur me rastin është njoftuar prokurori.” thuhet në njoftim./UBTNews/

Related Topics:
Continue Reading

Lajmet

Kurti flet për paradoksin e zgjerimit të BE-së

Published

2 days ago

on

November 21, 2025

By

Kryeministri në detyrë i Republikës së Kosovës, Albin Kurti, mori pjesë në Samitin e Planit të Rritjes së Bashkimit Evropian, i mbajtur në kryeqytetin e Shqipërisë, Tiranë.

Në këtë samit ishin të pranishëm përfaqësues nga vendet e Ballkanit Perëndimor, Komisionerja për Zgjerimin e BE-së, Marta Kos, dhe Drejtori i Përgjithshëm për Fqinjët dhe Negociatat për Zgjerimin e BE-së, Gert.

Në fjalën e tij, Kurti përgëzoi Shqipërinë për avancimin drejt BE-së dhe theksoi rëndësinë historike të hapjes së të 33 kapitujve të negociatave. Ai përmendi progresin e Kosovës në sundimin e ligjit, duke theksuar renditjen e vendit tonë në vendin e tretë në Evropën Lindore dhe Azinë Qendrore sipas Indeksit të Botës për Sundimin e Ligjit, si dhe faktin se Kosova është konsideruar si vendi më i sigurt në rajon me kriminalitetin më të ulët dhe progres të dukshëm në luftën kundër korrupsionit.

Kurit vuri në pah rritjen ekonomike të Kosovës dhe heqjen nga listat e vendeve të brishta nga Banka Botërore dhe FMN-ja. Megjithatë, ai kritikoi masat kufizuese të BE-së ndaj Kosovës, duke kërkuar heqjen e tyre dhe dhënien e statusit të kandidatit, që sipas tij, Kosova e meriton dhe është e përgatitur për të.

“Të flasësh për urgjencë në zgjerim, ndërkohë që aplikimi i Kosovës mbetet i bllokuar për tre vjet, është një paradoks”, tha Kurti. Ai theksoi rëndësinë e reformave dhe përparimin e nevojshëm për zbatimin e Axhendës së Reformave të Planit të Rritjes.

Kurti gjithashtu theksoi rëndësinë e bashkëpunimit rajonal për integrimin në tregun e vetëm të BE-së dhe përparimin në lëvizshmërinë dhe tregtinë rajonale. Ai përmendi sektorët kyç të identifikuar në Samitin e Shkupit si pjesë e Autostradës së Tregut të Vetëm, duke përfshirë Teknologjinë e Informacionit dhe Komunikimit, mbrojtjen dhe bujqësinë.

Ai theksoi gjithashtu potencialin e Kosovës në transformimin ekonomik digjital dhe çmimin më të ulët të energjisë elektrike në rajon, duke e cilësuar vendin si një qendër të fortë potenciale për fabrikat e Inteligjencës Artificiale të BE-së.

Në përfundim, Kurti njoftoi planet për mobilizimin e të paktën një miliard euro investime kapitale në vit për projekte strategjike dhe theksoi rëndësinë e përmirësimit të infrastrukturës rrugore dhe korridoreve rajonale për avancimin e integrimit ekonomik./KP

Continue Reading

Lajmet

KQZ fillon përgatitjet për zgjedhjet e 28 dhjetorit, këto janë afatet kryesore

Published

2 days ago

on

November 21, 2025

By

Komisioni Qendror i Zgjedhjeve ka filluar me përgatitjet për organizimin e zgedhjeve të parakohshme për Kuvendin e Kosovës, të cilat do të mbahen më 28 dhjetor 2025.

Në mbledhjen e mbajtur, KQZ mori vendim për caktimin e afateve të aktiviteteve për organizimin e këtyre zgjedhjeve.

Sipas vendimit të KQZ-së, afatet e aktiviteteve zgjedhore përfshijnë: fushata zgjedhore, aplikimi i subjekteve politike dhe dorëzimi i listës së kandidatëve për deputetë, regjistrimi i votuesve jashtë Kosovës, akreditimi i vëzhguesve. Si në vijim:

KQZ pranon ekstraktin e parë të regjistrit qendror civil nga Ministria e Punëve të Brendshme/ Agjencia e Regjistrimit Civil më së voni me datën 22.11.2025;

KQZ merr vendim për caktimin e kufizimit të shpenzimeve të fushatës së zgjedhjeve për Zgjedhjet e parakohshme për Kuvendin e Kosovës 2025 më së voni me datën 24.11.2025;

Partitë politike të regjistruara deklarojnë mos pjesëmarrjen në zgjedhje në periudhën kohore 24.11.2025 deri më 30.11.2025;

Partitë politike të regjistruara deklarohen për pjesëmarrje në zgjedhje përmes koalicioneve, në periudhën kohore 24.27.2025 deri më 30.11.2025;

Periudha e aplikimit për certifikim të subjekteve politike realizohet nga data 24.11.2025 deri më 30.11.2025;

Periudha e dorëzimit të listës së kandidatëve të subjekteve politike të certifikuara realizohet nga data 24.11.2025 deri më 07.12.2025;

Tërheqja e shortit për renditjen e subjekteve pulitke në fletëvotim realizohet në datën 08.12.2025;

KQZ merr vendim për emërimin e anëtarëve të Komisioneve  Komunale Zgjedhore me datën 26.11.2025;

KQZ publikon listën e Qendrave të Votimit me datën 25.11.2025;

KQZ miraton dhe publikon listën e Qendrave Komunale të Numërimit me datën 25.11.2025;

Periudha e shërbimit të votuesve për ndërrimin e qendrave të votimit fillon me datën 26.11.2025 dhe përfundon me datën 06.12.2025;

Periudha e kundërshtimit dhe konfirmimit e listës së votuesve fillon me datën 26.11.2025 dhe përfundon me datën 07.12.2025;

Periudha e aplikimit për regjistrimin e votuesve jashtë Kosovës fillon me datën 26.11.2025 dhe përfundon me datën 06.12.2025;

Lista e votuesve që përfshinë votuesit brenda dhe jashtë Kosovës certifikohet nga KQZ, me datën 10.12.2025;

Periudha e votimit përmes postës fillon me datën 12.12.2025 dhe përfundon me datën 27.12.2025;

Fushata zgjedhore e subjekteve politike të certifikuara fillon me datën 17.12.2025 dhe përfundon me datën 28.12.2025;

Periudha e regjistrimit të personave me nevoja të veçanta fillon me datën 11.12.2025 dhe përfundon me datën 21.12.2025;

KQZ emëron këshillat e vendvotimeve, më së voni me datën 16.12.2025;

KQZ emëron këshillat e vendvotimeve në përfaqësi diplomatike më së voni me datën 16.12.2025;

KQZ emëron ekipet e numërimit për Qendrat Komunale të Numërimit më së voni me datën 16.12.2025;

Periudha e aplikimit për akreditimin e vëzhguesve fillon me datën 05.12.2025 dhe përfundon me datën 20.12.2025./EO

Continue Reading

Lajmet

FSK në ushtrimin “Golden Sabre 25”, të organizuar nga misioni i NATO-s në Kosovë

Published

2 days ago

on

November 21, 2025

By

Forca e Sigurisë së Kosovës mori pjesë në ushtrimin “Golden Sabre 25”, të organizuar nga misioni i NATO-s në Kosovë.

“FSK dëshmon kapacitetet specialistike të Gardës Kombëtare në ushtrimin “Golden Sabre 25” për herë të dytë këtë vit. Pjesëmarrja e njësive specialistike të FSK-së në një ushtrim të këtij konteksti, përfaqëson një hap të rëndësishëm në avancimin e bashkëpunimit ndërinstitucional në mes të KFOR, FSK, PK dhe EULEX”, thuhet në njoftimin e FSK-së.

Më tej, thuhet se “Angazhimi i FSK-së në këtë kontekst shumëkombësh, me kapacitetet specialistike të Gardës Kombëtare, përbën një dëshmi të qartë të avancimit të aftësive në realizimin e detyrave kyçe për ofrimin e Mbështetjes Ushtarake për Autoritetet Civile( MUAC) në përputhje me standardet e NATO-s. Ky aktivitet mblodhi pjesëmarrës nga vende të ndryshme partnere dhe aleate, me qellim të rritjes së ndërveprueshmërisë dhe testimit të gatishmërisë dhe përgjigjes së koordinuar ndaj krizave, në një mjedis kompleks operacional”.

FSK vazhdon të thellojë angazhimin e saj në iniciativa të përbashkëta vendore dhe ndërkombëtare, duke u mbështetur në partneritet të qëndrueshëm dhe në vizionin e një vendi të sigurt, të integruar dhe të gatshëm për të kontribuar në paqen dhe stabilitetin global./EO

Continue Reading

Lajmet

BE kërkon sinkronizim të reformave, Kos u dërgon porosi të qartë vendeve të Ballkanit Perëndimor

Published

2 days ago

on

November 21, 2025

By

Komisionerja për zgjerimin e Bashkimit Evropian, Marta Kos, ka kërkuar nga gjashtë vendet e Ballkanit Perëndimor të ecin në sinkron sa i përket realizimit të reformave në kuadër të Planit të Rritjes së BE-së.

Sipas saj, është e rëndësishme të mos krijohen hendeqe mes gjashtë vendeve të rajonit, derisa tha se muaji qershor i vitit 2026 është një afat i rëndësishëm në zbatimin e Planit të Rritjes, pasi skadon periudha njëvjeçare e pritjes për reformat e papërmbushura.

Plani i Rritjes është një kornizë e re e BE-së për përshpejtimin e reformave për integrim evropian të tërë rajonit, që kombinon reformat me kontribut të drejtpërdrejtë financiar nga fondet e BE-së në buxhetet e vendeve përfituese dhe projekte investuese.

Kos, në konferencë për media pas përfundimit të samitit rajonal për Planin e Rritjes që u mbajt të premten në Tiranë, tha se të gjitha vendet e Ballkanit Perëndimor duhet të jenë pjesë e BE-së, si shpërblim i merituar për përafrimin me legjislacionin e BE-së dhe vlerat e unionit.

“Objektivi ynë është që të gjitha vendet e Ballkanit Perëndimor të ecin përpara në sinkron dhe nuk duam që të krijohen hendeqe të reja mes jush gjashtë vendeve të rajonit. Në fund të fundit, të gjitha vendet e Ballkanit Perëndimor i përkasin Bashkimit Evropian dhe duhet të jenë pjesë e tij. Të gjitha vendet e Ballkanit Perëndimor duhet të bëhen shtete anëtare me të drejta të plota të BE-së si shpërblim i merituar për përafrimin me legjislacionin e BE-së dhe vlerat. Le të përqendrohemi sot në mënyrën sesi të përshpejtojmë punën… Në qershor do të kemi skadimin e periudhës tranzitore njëvjeçare për reformat e papërmbushura nga raundi i dytë i raportimit. Për këtë arsye i bëj thirrje të gjithë udhëheqësve të rajonit që të punojnë më fort për reformat”, theksoi ajo.

Në anën tjetër, kryeministri i Shqipërisë, Edi Rama, tha se samiti i sotëm ishte i frytshëm, duke konfirmuar se Plani i Rritjes është një urë e sigurt drejt tregut të përbashkët evropian.

“Sot mund të them se kemi mbyllur një takim edhe një herë tjetër të frytshëm me hapa konkretë të mëtejshëm që e afrojnë më tej rajonin me Bashkimin Evropian. Duke konfirmuar përsëri se Plani i Rritjes është një urë e shpejtë dhe e sigurt drejt tregut të përbashkët evropian”, deklaroi Rama.

Pjesë e samitit ishte edhe kryeministri në detyrë, Albin Kurti. Kosova ende nuk ka përfituar nga Plani i Rritjes, pasi disbursimi i mjeteve të para-financimit për Kosovën është i ndërlidhur me miratimin e dy marrëveshjeve ndërkombëtare në Kuvend, por të cilat, për shkak të krizës politike në Kosovë, nuk u miratuan në legjislativ.

Me zbatimin e këtyre reformave, Kosova do të përfitojë deri në 882,6 milionë euro fonde të BE-së. Nga kjo shumë totale, 253,3 milionë euro janë grante, ndërsa pjesa tjetër prej 629,3 milionë eurosh janë hua afatgjata./KP

Continue Reading

Të kërkuara