Sport
Armando Broja i mallkuar, dëmtohet rëndë në FA Cup, del me barelë nga fusha
Armando Broja pësoi një dëmtim të rëndë në minutën e 68-të të takimit të FA Cup mes Evertonit dhe Peterborough (2-0). Sulmuesi i Kombëtares Shqiptare u fut në fushë për të zëvendësuar Beton, por gjatë një dyluftimi ai ra në tokë pas një goditjeje të keqe të këmbës. Stafi mjekësor u fut menjëherë në fushë dhe e stabilizoi këmbën e tij me protezë.
Broja doli me barelë nga fusha mes lotësh dhe me shumë shqetësime, pasi ky ishte një tjetër dëmtim i rëndë për të, teksa pritej që ai të kthehej në versionin më të mirë të tij. Megjithatë, shkalla e dëmtimit do të përcaktohet pas ekzaminimeve mjekësore më të detajuara./UBTNews/
Sulmuesi i Manchester Cityt, Erling Haaland, thuhet se ka ambicie të transferohet te gjiganti spanjoll Real Madrid në të ardhmen e afërt. Kjo pas nënshkrimit të një kontrate të re 9.5-vjeçare me Manchester Cityn, që i siguron atij qëndrimin në këtë klub deri në vitin 2034.
Megjithatë, burime të besueshme nga mediume të ndryshme raportojnë se kontrata e Haaland përmban një klauzolë të veçantë, e cila mund të lejojë largimin e tij nga Manchester City në rast se një ekip i interesuar paguan një tarifë të caktuar për transferimin e tij. Kjo tarifë, sipas burimeve, mund të jetë rreth 180 milionë euro, që do të mundësonte një transferim të mundshëm për Real Madridin, ndoshta brenda një ose dy vitesh.
Një nga gazetarët e njohur të El Chiringuito TV ka konfirmuar se është në dijeni të dëshirës së Haaland për të luajtur në Santiago Bernabeu. Ai ka thënë se Haaland nuk e ka shpallur këtë publikisht, por ka një burim të besueshëm që ka informuar se sulmuesi norvegjez e ka bërë të qartë dëshirën e tij për të luajtur te Real Madridi, dhe se kjo do të ndodhë një ditë.
Me këtë deklaratë, spekulimet për një kalim të mundshëm të Haaland në La Liga, pas eksperiencës së tij të suksesshme në Premier League, kanë shtuar gjithnjë e më shumë tension dhe interes në qarqet e futbollit botëror./UBTNews/
Vedat Muriqi ka rikthyer formën e tij ideale dhe është shpallur lojtari i ndeshjes në fitoren e Mallorcës ndaj Las Palmas, ku shënoi dy gola në pjesën e parë. Ylli kosovar ka qenë protagonist në këtë ndeshje dhe ka treguar formë të shkëlqyer, duke ndihmuar skuadrën e tij të marrë tri pikë të rëndësishme.
Pas këtij performance të shkëlqyer, Muriqi u vlerësua lart nga faqja e specializuar për vlerësimin e lojtarëve, Sofascore, e cila e përfshiu atë në formacionin e javës së 24-t të La Ligës. 30-vjeçari mori notën 8.2, një vlerësim i lartë për paraqitjen e tij të shkëlqyer. Kjo është një arritje e madhe për Muriqin, i cili është përfshirë në ekipin ideal të javës, duke lënë jashtë yje të tjerë si Mbappé, Lewandowski, Vinicius dhe Yamal.
Në këtë sezon të La Ligës, Muriqi ka shënuar gjithsej gjashtë gola dhe ka dhënë dy asistime. Pavarësisht vështirësive që ka kaluar këtë sezon, përfshirë lëndimet dhe rënien e formës, ai ka arritur të arrijë një bilanc të ngjashëm me sezonin e kaluar, kur shënoi një gol më shumë.
Muriqi ka qenë një figurë kyçe për Mallorcan gjatë tre sezonesh të fundit dhe padyshim ka luajtur një rol të rëndësishëm në sukseset e skuadrës, duke u bërë një nga lojtarët më të rëndësishëm të klubit./UBTNews/
Ndeshja mes Sporting Kansas Siti dhe Inter Majemit, e vlefshme për Champions Cup, do të shtyhet për një javë për shkak të kushteve ekstreme të motit. Ndeshja ishte parashikuar të zhvillohej sonte, por për shkak të temperaturave artike në Kansas, e cila shënon -15 °C, dhe erës së fortë që pritet të përkeqësojë më tej kushtet atmosferike, Lionel Messi vendosi të bojkotojë këtë takim të parë sezonal.
Sipas “The New York Times”, Messi ka komunikuar me drejtuesit e Inter Majemit dhe ka kërkuar që të mos luajë përballë Sporting Kansas Siti për shkak të kushteve të rrezikshme. Ndeshja e kthimit në Florida do të zhvillohet në datën e parashikuar, në “Chase Stadium” të Fort Lauderdale.
Ky vendim i Mess-is vjen në një kohë kur të dy ekipet janë të gatshëm për të nisur sezonin e ri të MLS-së, me Inter Majemin që do të presë Nju Jork Siti, ndërsa Sporting Kansas Siti do të ndeshet me Ostin FC./UBTNews/
Sot do të zhvillohen ndeshjet e kthimit për fazën “play-off” të Ligës së Kampionëve, ku katër skuadra do të sigurojnë kalimin në fazën tjetër të kompeticionit.
Dueli i parë është ai mes Milanit dhe Fejnordit, që do të luhet në orën 18:45 në “San Siro”. Milani është në një situatë të vështirë, pasi duhet të fitojë me çdo kusht për të siguruar kalimin më tej, pas humbjes minimale 1-0 në ndeshjen e parë në Holandë. Kuqezinjtë do të kërkojnë të rikthejnë rezultatet e mira para tifozëve të tyre dhe të përmbysin disavantazhin e takimit të parë.
Në ndeshjen tjetër, Atalanta do të përpiqet të shfrytëzojë ndeshjen e kthimit pas humbjes 2-1 në shtëpi ndaj Bryzhit, dhe do të kërkojë të rikuperojë rezultatin për të kaluar në fazën tjetër.
Nga ana tjetër, Bajerni dhe Benfika e kanë më të lehtë, pasi kanë fituar ndeshjet e para dhe janë në një pozita komode për të kaluar në raundin tjetër të Ligës së Kampionëve./UBTNews/
Libani bën thirrje për tërheqje të plotë të Izraelit nga jugu
Arrestohen 2 shtetas britanik në Iran, akuzohen për spiunazh
Varshavë, Bislimi flet për sulmet e vazhdueshme hibride me të cilat është përballur Kosova
Armëpushim dhe zgjedhje në Ukrainë, plani që u diskutua mes amerikanëve dhe rusëve
Tregjet e kriptove “në të kuqe”, bitcoin ra në 91,953 euro
Ushtarët amerikanë të KFOR-it patrullojnë në kufirin verior me Serbinë
“Vdiq për një çokollatë”, Pakistani në protestë për vrasjen e 13-vjeçares shërbyese
Osmani: Familja Jashari është themeli mbi të cilën u ngrit liria e Kosovës
Arrestime dhe hetime për keqpërdorimin e 19.5 milionë eurove në Bosnjë dhe Hercegovinë
-
Magazinë2 months agoKy mendohet se është djali 20 vjeçar i Parashqevi Simaku, Luke Nohfe
-
Bota3 weeks agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota4 weeks agoFluturimet e dëbimit kanë filluar, thotë Shtëpia e Bardhë
-
Bota3 weeks agoShtëpia e Bardhë: Armëpushimi në Liban do të zgjatet deri më 18 shkurt