Lajmet

Arifi: Serbia mund të planifikojë sulm, por jo luftë të drejtpërdrejtë

Published

3 years ago

December 21, 2023

UBT news

Njohësi i çështjeve politike, Dritëro Arifi ka kritikuar deklaratat e presidentes së Kosovës, Vjosa Osmani dhe kryeministrit, Albin Kurti lidhur me rrezikun në vend që mund të ndodhë pas sulmit të 24 shtatorit. Sipas tij, termet e përdorura si “luftë” përçojnë mesazhe tek Serbia.

Arifi në një intervistë tha se Serbia mund të planifikojë sulm në të ardhmen, por jo luftë të drejtpërdrejt.

“Sulme mund të ketë, tensione po, por jo luftë është bërë një narracion shumë i gabueshëm në shumë mediume kosovare dhe sidomos te elita politike që po e potencon gjatë tërë kohës që është shumë e gabueshme, sepse pikërisht kjo është çka po e kërkon Serbia, sepse Serbia me luftën hibride arriti me ndryshuar narracionin në Kosovë, që Kosova është vend i paqëndrueshëm, mund të ketë luftë, mund të ketë probleme dhe kjo e devijon komplet politikë bërjen e qeverisë së Kosovës. Pikërisht qeveria nuk është dashur të përmend këtë term, sepse është term që e involvon shtetin jo individ. Pra mos të harrojmë sulme terroriste ka pasur edhe në SHBA edhe në Evropë, por nuk ka pasur luftë, pra ka dallim të madh në mes sulmeve terroriste dhe luftës dhe në këtë rast mund të ketë inskenim të tillë por nuk do të ketë suksesin e 24 shtatorit, sepse NATO është në Kosovë edhe shërbimet e Kosovës, tash është një mekanizëm më i zgjeruar dhe nuk besoj që do të ketë luftë më shumë ndonjë narracion që i shkon përshtati i Rusisë dhe Serbisë për të destabilizuar Kosovës dhe vet aleatin më të madh të saj NATO-n”, tha Arifi.

Arifi derisa ka komentuar qëndrimin e liderëve të shtetit theksoi se të njëjtit duhet të punojnë në mënyrë diplomatike dhe të mos përdorin fjalën e fundit të parën.

Ai tha se qasja e qeverisë në këtë drejtim është e gabuar.

“Mendoj se kemi një naivitet dhe një jo përmirësim të qeverisë dhe gjatë gjithë kësaj kohe nuk po e kupton që nëse ka informacione të tilla të sakta ato duhet të dërgohen në kanale diplomatike dhe në vende më të rëndësishme si departamentin e mbrojtjes në SHBA, Bruksel, NATO, duhet të mësohemi të punojmë në mënyrë diplomatike që mos të përmendim fjalën e fundit të parën. Kjo është gabimi që e bënë qeveria gjatë gjithë kohës sepse kjo po krijon edhe në publik një atmosferë që do të kemi luftë sepse nuk është e vërtetë që do të kemi luftë, ne si shtet nuk duhet të frikësohemi nëse ka luftë ne jemi këtu dhe do të luftojmë kjo është shtëpia jonë. Policia i ka detyrat e veta i ka informacione është inteligjenca kosovare të cilat i bëjnë detyrat shumë mirë, por politika po e bënë detyrën jo mirë, kjo është gabimi që po bëhet në aspektin diplomatik. Çka duhet të bëjë qeveria e Kosovës është të bëjë detyrat e saj, më pak të flasë, më shumë të punojë, kjo të ishte këshilla e mirë për qeverinë e Kosovës në vitin 2024″, shtoi Arifi.

Krerët shtetërorë por edhe diplomatë të huaj kanë paralajmëruar për sulme të mundshme nga Serbia.

Vendi

UBT organizon Konferencën më të madhe shkencore për Mjekësinë Sportive, me pjesëmarrjen e profesionistëve botërorë

Published

23 minutes ago

October 19, 2026

UBTNews

UBT do të mirëpresë më 21 tetor, Konferencën e Dytë Ndërkombëtare për Mjekësinë Sportive – ICSM 2026, e cila do të bëjë bashkë profesionistë shëndetësorë, hulumtues, akademikë dhe ekspertë të sportit për të diskutuar zhvillimet e reja në mjekësinë sportive, inovacionin dhe qëndrueshmërinë në praktikën klinike dhe sportive.

Konferenca, e organizuar nga Instituti për Mjekësi Sportive i UBT-së, në bashkëpunim me International Federation of Sports Medicine (FIMS), SHAPE Project – Sport, Health, and the People dhe Kosovo Association of Sports and Exercise Medicine (KASEM), në Parkun Shkencor, Inovativ dhe Teknologjik të UBT-së, do të zhvillohet nën temën “Innovation and Resilience in Sport Medicine”, duke krijuar një platformë për shkëmbimin e njohurive shkencore, përvojave profesionale dhe praktikave bashkëkohore në këtë fushë.

Në kuadër të konferencës do të trajtohen tema me rëndësi për zhvillimin e mjekësisë sportive, përfshirë shëndetin funksional, radiologjinë, ortopedinë, teknologjitë e veshshme (wearable technologies), inteligjencën artificiale dhe mundësitë që sjell inovacioni teknologjik në përmirësimin e kujdesit shëndetësor dhe performancës sportive.

Konferenca synon të forcojë bashkëpunimin ndërmjet komunitetit akademik, profesionistëve shëndetësorë dhe sektorit sportiv, duke nxitur diskutimin mbi qasjet e reja shkencore dhe zbatimin e tyre në praktikë.

Konferenca është e akredituar nga Oda e Mjekëve të Kosovës (OMK), në kuadër të Edukimit të Vazhdueshëm Profesional (EVP).

Për më shumë informata rreth programit, të interesuarit mund të vizitojnë: LINKU.

Vendi

Skenderaj: Qëlloi qenin me armë, policia ia sekuestron armën

Published

39 minutes ago

October 19, 2026

UBTNews

Një person është shoqëruar në polici pasi dyshohet se ka shtënë me armë zjarri në drejtim të qenit të një bashkëqytetari në Skenderaj. Ngjarja ka ndodhur të dielën, më 18 tetor, rreth orës 10:20.

Pas raportimit të rastit, Policia e Kosovës, në konsultim me prokurorin e shtetit, ka ushtruar kontroll në shtëpinë e të dyshuarit, ku ka gjetur dhe sekuestruar një armë gjuetie.

I dyshuari është intervistuar nga hetuesit policorë dhe më pas, me vendim të prokurorit, është liruar në procedurë të rregullt. Rasti po hetohet nën dyshimin për veprat penale “Përdorim i armës” dhe “Mbajtje në pronësi, kontroll ose posedim të paautorizuar të armëve”. /E.A/

lajme

Gjenden mbi 140 fishekë të vjetër në një fushë në Gjakovë

Published

46 minutes ago

October 19, 2026

UBTNews

Gjatë ditës së djeshme, në një fushë të hapur në Gjakovë janë hasur disa municione të vjetra.

Sipas raportit 24-orësh të Policisë së Kosovës, pas marrjes së informacionit, njësitet përkatëse kanë dalë në vendin e ngjarjes ku kanë gjetur dhe sekuestruar rreth 144 fishekë.

Lidhur me rastin janë iniciuar hetimet dhe autoritetet po kryejnë procedurat e nevojshme. /E.A/

Lajmet

Zhduket një person në Gjakovë

Published

1 hour ago

October 19, 2026

UBTNews

Një burrë është rapotuar i zhdukur në Gjakovë pasi është larguar nga shtëpia e tij dhe nuk dihet më asgjë për vendndodhjen e tij.

Sipas raportit 24-orësh të Policisë së Kosovës, ngjarja ka ndodhur më 13 tetor, rreth orës 07:00 të mëngjesit.

Familjarët kanë njoftuar autoritetet për largimin e tij nga shtëpia.

Policia e Kosovës bën me dije se rasti tashmë ka kaluar në procedurë hetimore dhe po ndërmerren të gjitha veprimet e nevojshme për gjetjen e tij. /E.A/