Lajmet

Arifi: Privatizimi diskriminoi punëtorët, është bërë etnikisht spastrim i vendeve të punës

Published

6 years ago

on

Në Komisionin hetimor parlamentar lidhur me procesin e privatizimit në Kosovë është ftuar për raportim Haxhi Arifi, ish-anëtar i Bordit në Agjencinë Kosovare për Privatizim (AKP), aktualisht përfaqësues i sindikatave të punëtorëve.

Arifi gjatë raportimit në Komision ka thënë se në procesin e privatizimit është bërë diskriminim i punëtorëve, ku është bërë etnikisht spastrimi i vendeve të punës.

Arifi i pyetur nga anëtari i Komisionit, Harullah Çeku nëse procesi i privatizimit në Kosovë ka qenë korrekt në raport me të drejtat e punëtorëve, është shprehur se si anëtar i bordit të AKP-së, ka insistuar që të ketë një program për punëtorët që mbesin papunë gjatë procesit të privatizimit.

“Kërkesa ime e parë ka qenë që ta kemi një program për punëtorët që mbesin papunë gjatë procesit të privatizimit. Kurse kërkesa e dytë ka qenë që punëtorëve tu takoj 20 përqindshi nga vitet 90 e këndej. Privatizimi ka sukseset e veta, por ne si BSKP kemi parë diskriminim të punëtorëve”, deklaroi ai.

Gjithashtu në Komision do të raportojnë edhe Ekrem Hajdari, ish-drejtor Menaxhues në Agjencinë Kosovare për Privatizim dhe Mrika Tahiri, ish-drejtore Menaxhuese në Agjencinë Kosovare për Privatizim.

Anëtarët e këtij komisioni miratuan edhe listën e dytë të atyre që do të intervistohen për procesin e privatizimit.

Kryetari i Komisionit, Hajrullah Çeku tha se në këtë listë bëjnë pjesë edhe disa ndërmarrje si “KEDS-i”, “Ferronikeli”, “Sharr Cem”, “Hotel Grandi”.

Related Topics:
Continue Reading

Lajmet

Vritet një person pas një rrahjeje në Dragash, i dyshuari në arrati

Published

18 minutes ago

on

June 30, 2026

By

Një person ka humbur jetën si pasojë e plagëve të marra nga një mjet i mprehtë pas një rrahjeje që ka ndodhur në fshatin Zlipotok të Dragashit.

Sipas Policisë së Kosovës, rasti ndodhi pasi disa persona u përfshinë në një përleshje, ku viktima, mashkull kosovar, dyshohet se u godit me një mjet të mprehtë.

I lënduari u dërgua për trajtim mjekësor në Qendrën Kryesore të Mjekësisë Familjare (QKMF) në Dragash, por mjeku kujdestar konstatoi vdekjen e tij.

Policia ka bërë të ditur se i dyshuari për rastin është identifikuar, por ndodhet në arrati. Rasti është cilësuar si “Vrasje e rëndë”, ndërsa hetimet për kapjen e të dyshuarit janë duke vazhduar./A.K/

Continue Reading

Lajmet

Humb jetën një person pasi ra në një bunar në Gjilan

Published

20 minutes ago

on

June 30, 2026

By

Një person ka humbur jetën pasi ka rënë në një bunar në fshatin Dobërqan të Gjilanit.

Sipas Policisë së Kosovës, viktima, mashkull kosovar, dyshohet se ka rënë në bunar derisa ishte duke e pastruar atë.

Në vendin e ngjarjes kanë dalë njësitë relevante policore dhe ekipet e zjarrfikësve, të cilët kanë arritur ta nxjerrin viktimën, por ai ishte pa shenja jete. Vdekja është konstatuar nga mjeku në vendin e ngjarjes.

Me urdhër të prokurorit, trupi i pajetë është dërguar në Institutin e Mjekësisë Ligjore (IML) për obduksion, ndërsa rrethanat e rastit po hetohen./A.K/

Continue Reading

Lajmet

Dy të dyshuar arrestohen për tentim-vrasje në Prishtinë, dorëzohet arma që dyshohet se u përdor në rast

Published

24 minutes ago

on

June 30, 2026

By

Policia e Kosovës ka arrestuar dy persona të dyshuar në lidhje me një rast të vrasjes së rëndë në tentativë dhe mbajtjes në pronësi, kontroll ose posedim të paautorizuar të armës, që kishte ndodhur në rrugën “Ahmet Krasniqi” në Prishtinë.

Sipas policisë, dy të dyshuarit janë paraqitur në stacionin policor së bashku me avokatët e tyre mbrojtës. Njëri prej tyre ka dorëzuar një armë zjarri – pistoletë, e cila dyshohet se është përdorur gjatë kryerjes së veprës penale.

Pas intervistimit, me vendim të prokurorit, të dy të dyshuarit janë arrestuar dhe janë dërguar në mbajtje, ndërsa hetimet për rastin vazhdojnë./A.K/

Continue Reading

Lajmet

Gjashtë raste të dhunës në familje brenda dy ditësh, pesë persona arrestohen

Published

25 minutes ago

on

June 30, 2026

By

Policia e Kosovës ka raportuar gjashtë raste të dhunës në familje të regjistruara në komuna të ndryshme të vendit, ku pesë persona janë arrestuar, ndërsa viktimat kanë pranuar trajtim mjekësor dhe në një rast një i mitur është dërguar në strehimore.

Në Prishtinë, një burrë u arrestua pasi dyshohet se sulmoi fizikisht djalin e tij të mitur. Pas trajtimit mjekësor, i mituri u dërgua në strehimore, ndërsa i dyshuari u lirua në procedurë të rregullt me vendim të prokurorit.

Në Graçanicë, një grua raportoi se ishte keqtrajtuar nga bashkëshorti i saj pas një mosmarrëveshjeje. I dyshuari u shoqërua në stacionin policor dhe rasti u procedua në procedurë të rregullt.

Në Kaçanik, policia arrestoi një burrë që dyshohet se kishte sulmuar fizikisht një grua pas një mosmarrëveshjeje. Viktima mori trajtim mjekësor, ndërsa i dyshuari u dërgua në mbajtje.

Në Istog, një person u arrestua nën dyshimin se kishte kanosur dy gra. Pas intervistimit, ai u dërgua në mbajtje me vendim të prokurorit.

Në Gjakovë, policia arrestoi një të dyshuar në lidhje me një rast të mëhershëm të dhunës në familje. Me urdhër të prokurorit, ai u dërgua në mbajtje.

Ndërkohë, në Mitrovicën e Jugut, një burrë u arrestua pasi dyshohet se kishte ushtruar dhunë ndaj bashkëshortes së tij. Pas intervistimit, edhe ai u dërgua në mbajtje me vendim të prokurorit./A.K/

Continue Reading

Të kërkuara