Sport

Ardhja e Potter te Chelsea, legjenda e United ka disa fjalë për Brojën

“Shumë njerëz kanë reaguar që Tuchel u largua, unë isha njëri prej tyre”, tha ai mes tjerash.

Published

on

Legjenda e Manchester United, Rio Ferdinand beson se të rinjtë e Chelseat janë tejet të gëzuar me ardhjen e Graham Potter në rolin e trajnerit, ku ish-mbrojtësi i United sugjeroi se disa nga produktet e akademisë mund të ishin larguar nga klubi nëse Thomas Tuchel do të ishte ende në krye të “Bluve”.

Vendimi i Chelseat për shkarkimin e Tuchel në fillim të shtatorit nuk u prit mirë nga shumë tifozë dhe ekspertë, duke përfshirë këtu Ferdinand, por Potter ka qenë në gjendje të fitojë ndaj dyshuesve të tij, pasi fitoi gjashtë ndeshje në Premier Ligë dhe mposhti Milanin në Ligën e Kampionëve.

Ferdinand pranoi se ai është bindur nga ish-trajneri i Brightonit, duke shpjeguar se aftësia e tij për të marrë lojtarët më të rinj dhe më të papërvojë te Chelsea ka qenë vendimtare për suksesin e tij të hershëm.

“Lojtarët e rinj, shembulli i Brojës ku shumë klube ishin duke e monitoruar gjendjen e tij, sa ishin duke kaluar vitet, ata do të lejoheshin që të largoheshin. E njëjta gjë është edhe me Conor Gallagher. Tani ata janë ulur dhe duke thënë ‘faleminderit zot për këtë njeri”, tha Ferdinand.

“Shumë njerëz kanë reaguar që Tuchel u largua, unë isha njëri prej tyre. Por do të ketë disa lojtarë të rinj të cilët do të përfitojnë nga kjo gjë. Chelsea ka një akademi fantastike për të rinjtë”, shtoi më tej legjenda e United.

Broja u inkuadrua nga banka rezervë për të shënuar golin e parë për Chelsean në këtë sezon në fitoren 3:0 kundër Wolverhampton, kurse Gallagher ka filluar të ketë minutazhë më të kënaqshme që prej rikthimit nga huazimit te Crystal Palace sezonin e kaluar.

Lajmet

Zyrtare: Felix transferohet nga Chelsea në Al-Nassr

Published

on

Joao Felix është larguar nga Chelsea dhe ka nënshkruar një kontratë të përhershme me Al-Nassr.

Portugezi bëri 20 paraqitje në të gjitha garat për Blues sezonin e kaluar, duke shënuar shtatë gola pas transferimit të tij të verës në Stamford Bridge nga Atletico Madrid.

Ai e kaloi gjysmën e dytë të sezonit 2024/25 si huazim te AC Milan dhe tani është larguar nga “Blutë” në mënyrë të përhershme, duke u bashkuar me skuadrën e Ligës Profesionale Saudite, Al-Nassr.

Continue Reading

Lajmet

​Presidenti i Milanit thyen heshtjen për Ardon Jasharit

Published

on

Presidenti i Milanit, Paolo Scaroni, këmbëngul se Ardon Jashari dëshiron t’i bashkohet Rossonerëve ‘me çdo kusht’, por gjigantët e Serie A nuk duan të ofrojnë shumë. Milani mbetet në kërkim të talentit zviceran Jashari, por oferta e tyre e fundit me vlerë 33.5 milionë euro plus bonuset u refuzua nga Club Brugge.

“Nuk duam të ofrojmë shumë, por ai dëshiron të vijë me çdo kusht”, tha presidenti i Milanit, Scaroni, të martën, nëpërmjet “Calciomercato”

Scaroni iu përgjigj shpejt një pyetjeje nga një gazetar në Lega Serie A në Milano, përpara një takimi me presidentët e tjerë të Serie A.

Gjatë të njëjtit takim, drejtuesit e Interit dhe Atalantës pritet të vazhdojnë negociatat për Ademola Lookman .

Drejtori i Milanit, Igli Tare, tha të dielën se Milani nuk do të bënte një ofertë tjetër për Jasharin, pavarësisht se e dinte se çmimi i kërkuar nga Club Brugge për 22-vjeçarin është vendosur në 40 milionë euro.

Jashari nuk ishte pjesë e skuadrës së Club Brugge për dy ndeshjet e para garuese këtë sezon.

Milani ka bërë ndryshime të mëdha në mesfushë këtë verë, duke shitur Tijjani Reijnders te Manchester City dhe duke nënshkruar me Samuele Ricci dhe Luka Modric.

Continue Reading

Lajmet

​Interi dhe Atalanta po zhvillojnë takimin vendimtar për Lookman

Published

on

Presidenti i Interit, Beppe Marotta, dhe drejtori ekzekutiv i Atalantës, Luca Percassi, kanë mbërritur për një takim të këshillit të ligës Serie A ku pritet të zhvillohen bisedime vendimtare për Ademola Lookman.

Një takim i zakonshëm i Lega Serie A do të zhvillohet në qytetin e Milanos të martën. Takimi mendohet të jetë me interes të veçantë për Interin dhe Atalantën, të cilët kanë të pranishëm drejtorë, ndërsa bisedimet për transferimin e lojtarit afrikan të vitit Lookman janë duke u nxehur.

Sipas mediave të ndryshme në Itali, Nerazzurrët pritet të rikthehen me një ofertë të re dhe të përmirësuar për 27-vjeçarin.

Atalanta thuhet se po kërkon një çmim prej 50 milionë eurosh, që do të thotë se një ofertë prej 45 milionë eurosh plus 5 milionë euro në bonuse mund të jetë e mjaftueshme për të arritur një marrëveshje.

 

Continue Reading

Lajmet

United po shqyrton transferimin e Donnarumma-s

Published

on

Manchester United ka mundësinë të nënshkruajë me Gianluigi Donnarumma këtë verë, por sado tërheqëse të duket marrëveshja, realizimi i saj duket i ndërlikuar.

Portieri italian, tani në vitin e fundit të kontratës së tij me PSG-në, është diskutuar në lidhje me një transferim te United, ndërsa klubi francez ecën përpara me planet për ta zëvendësuar atë. Bisedimet për një marrëveshje të re kanë ngecur në Paris, dhe me Lucas Chevalier që është renditur si pasardhës, mundësia është reale.

Megjithatë, United është pak i bllokuar. Dështimi i tyre për të larguar Andre Onanën do të thotë se nuk ka një rrugë të qartë për të sjellë një tjetër portier të nivelit të lartë. Ideja e transferimit të dy portierëve të përhershëm me paga të larta u hodh poshtë nga brenda ekipit në fillim të kësaj vere dhe ndryshimi i këtij qëndrimi tani do të thoshte prishje e planit të tyre të transferimeve.

Kishte gjithashtu shpresë se Altay Bayindir do të largohej për të liruar një vend në skuadër, por interesi për lojtarin turk ka qenë i kufizuar.

United aktualisht është i plotë në departamentin e portierëve dhe po punon në mënyrë aktive se si t’i riformësojë gjërat përpara se të mund të angazhohet për ndonjë gjë.

Brenda ekipit, ende ekziston dëshira për të sjellë konkurrencë për Onanën, nëse ai nuk mund të zëvendësohet menjëherë, në një përpjekje për të rritur standardet. Shpresa është që çdo nënshkrim i ri ose ta shtyjë numrin aktual 1 të rigjejë formën e tij, ose të jetë mjaftueshëm i mirë për të zënë vendin e tij.

Ideja e Donnarummës me fanellën e United padyshim që tërheq vëmendjen, por për momentin nuk duket më shumë se një ide.

Continue Reading

Të kërkuara