

Teknologji
Apple po sjell një Siri më të zgjuar që do të bëjë më shumë për ju
Published
2 hours agoon
By
UBT NewsNë vitin 2024, Apple prezantoi një Siri të ripërtërirë në veprim: një asistent digjital që mund të kryente detyra komplekse nëpërmjet një komande të thjeshtë zanore.
Ky Siri – pjesa më e rëndësishme e Apple Intelligence – nuk gjendet askund, por kompania ka punuar në heshtje për një përmirësim që do të dalë shpejt.
Njohësi i brendshëm i Apple, Mark Gurman, në buletinin e tij Power On, thotë se kompania po bën përmirësime masive, shkruajnë mediat e huaja.
Këto përmirësime janë planifikuar të publikohen në pranverën e vitit të ardhshëm dhe do t’i lejojnë Siri-t të kryejë të paktën disa operacione të dobishme.
Siri u prezantua si e aftë për të gjetur edhe informacione specifike, kjo mbetet ëndërr e paparashikuar, përmirësimet e reja do t’i lejojnë Siri-t të kryejë të paktën operacione më të thjeshta si më poshtë:
Komentimi në një postim;
Gjetja, redaktimi dhe dërgimi i një imazhi të caktuar;
Shtimi i diçkaje në shportën tuaj të blerjeve;
Hyrja në një aplikacion.
Automobilizëm elektrikë
Ja 10 veturat elektrike më të shitura në Evropë
Published
15 minutes agoon
August 11, 2025By
UBT News
Pavarësisht vështirësive të muajve të fundit, kompania e Elon Musk, Tesla, vazhdon të kryesojë në renditjet e veturave elektrike më të shitura në Evropë. Si në qershor, ashtu edhe në gjysmën e parë të vitit, Model Y është vetura elektrike më e shitur në kontinent.
Pavarësisht një rënieje prej 33 për qind në shitje, Model Y mbetet vetura elektrike më e shitur në tregun evropian.
Model Y i ridizenjuar deri tani nuk ka arritur të sjellë rritjen e pritur të shitjeve për markën. Ndërkohë, konkurrenca nga BYD dhe Grupi Volkswagen e bën të vështirë për Teslan të mbajë pozicionin e saj kryesues.
Kështu, VW ID.7 bëri kërcimin më të madh, duke pasur parasysh se shitjet e Passatit elektrik u rritën me plot 573 për qind në gjysmën e parë të vitit.
Skoda ka një performancë shumë të dukshme me vetëm dy modele, ndërsa modeli Elroq vazhdon të ngjitet. Renault 5 është vetura më e përballueshme që hynë në këtë listë. Pavarësisht pozicioneve të larta, të gjitha modelet e Teslas kanë rënie të dukshme në shitje.
Tregu i automjeteve elektrike pati 1,193,397 regjistrime në gjashtë muajt e parë, rritja 25 për qind u gjenerua nga pothuajse të gjitha markat, përveç Teslas.
Teknologji
Si përdoret opsioni i ri “Repost” në Instagram?
Published
4 hours agoon
August 11, 2025By
UBT News
Instagram ka sjellë një funksion të ri që po tërheq vëmendjen e përdoruesve – opsionin “Repost”.
Keni vënë re opsionin e ri, që ndodhet në të njëjtin rresht me butonat Like e Share. Si funksionon ky opsion, ku mund ta gjeni dhe si ta çaktivizoni nëse nuk ju nevojitet? “Repost” funksionon njësoj si në aplikacionet për shpërndarje, mund të ripostoni postimet e preferuara e të shikoni çfarë kanë ripostuar miqtë tuaj.
Për të ripostuar një foto ose Reels, thjesht klikoni në ikonën me dy shigjeta që formojnë një rreth, poshtë postimit. Mund të shtoni edhe një mesazh në ripostimin tuaj duke shkruar në flluskën që shfaqet në ekran dhe duke shtypur “Ruaj”.
Nëse e keni ripostuar diçka gabimisht, ose ndryshoni mendje, mund ta anuloni duke shtypur sërish ikonën “Repost”. Ripostimet ruhen në një skedë të veçantë në profilin tuaj, mes “Reels” dhe “Fotot ku jeni etiketuar”. Ato do të mbajnë gjithmonë emrin e autorit origjinal, edhe kur shfaqen në profilin tuaj.
Mund të ripostoni çdo përmbajtje në Instagram, për sa kohë që postimi vjen nga një llogari publike. Përmbajtjet nga llogaritë private nuk mund të ripostohen.
Kur ripostoni një postim, do t’u rekomandohet ndjekësve tuaj në fidin e tyre. Kjo do të thotë që ripostimet e të tjerëve mund të shfaqen në fidin tuaj.
Si të çaktivizoni funksionin Repost?
Ndërsa nuk mund ta hiqni plotësisht funksionin “Repost” nga Instagrami, mund të parandaloni që të tjerët të ripostojnë përmbajtjen tuaj.
Ripostimet e të tjerëve do të vazhdojnë të shfaqen në fidin tuaj.
Për të çaktivizuar mundësinë që të tjerët të ripostojnë fotot dhe Reels-et tuaja, ndiqni këto hapa:
Hyni në profilin tuaj duke klikuar foton e profilit në këndin e poshtëm djathtas;
Hapni “Menu” në këndin e sipërm djathtas;
Zgjidhni opsionin “Sharing” (Ndarja);
Çaktivizoni “Allow reposts” (Lejo ripostimin);
Në këtë mënyrë, ju ruani kontrollin mbi përmbajtjen që ndani dhe ndaloni ripostimet e tyre nga të tjerët. /UBT News/
Teknologji
Pesë vitet e fundit, Sony ka shitur më shumë se 80 milionë konsola PlayStation 5
Published
3 days agoon
August 8, 2025By
UBT News
Sony në periudhën prej pesë vjetësh ka shitur më shumë se 80 milionë njësi të konzolës PlayStation 5, e cila këtë vit u shit më shumë se vitin e kaluar pavarësisht mungesës së video-lojërave ekskluzive.
Sony publikoi rezultatet më të fundit financiare, të cilat tregojnë se konzolla PS5 po shitet më mirë sesa kishte pritur kushdo.
Ky sukses arrihet pavarësisht mungesës së lojërave të reja. Lojtarët nuk ndalen së blatuari konzollën, midis prillit dhe qershorit të 2025 janë shitur 2.5 milionë njësi. Kjo është edhe më mirë krahasuar me vitin e kaluar, kështu që numri total nga fillimi i shitjeve deri sot arrin në 80.3 milionë konzolla.
Thashethemet thonë se konzolla Xbox është shitur “vetëm” 30 milionë njësi gjatë të njëjtës periudhë.
Sony u krenua edhe me numra të mëdhenj. PlayStation Network ka 123 milionë “përdorues aktivë,” që është 7 milionë më shumë se në të njëjtën periudhë të vitit të kaluar. Nga prilli në qershor në tremujorin e parë janë shitur 65.9 milionë lojëra për PS4 dhe PS5, që është 12 milionë më shumë se në vitin 2024, megjithatë vetëm 6.9 milionë janë tituj first party (video-lojëra të zhvilluara nga vetë Sony).
Duhet pasur parasysh se Nintendo ka shitur 6 milionë njësi të lojës Mario Kart World në vetëm një muaj e për një konzollë pa bazë ekzistuese përdoruesish, shifrat e Sony për lojërat ‘first party’ duken pak të pasigurta në këtë moment. Me suksesin e shërbimit PS Plus dhe pjesës së marrë nga çdo shitje softueri, duket se Sony nuk do të ketë arsye për shqetësim.
Të gjitha këto tregojnë se PS5 po arrin rezultatet gati të njëjta me PS4 dhe PS3 para tij, gjë që duhet ta gëzojë Sonyn. Ato konzolla janë shitur gjatë periudhës së rikuperimit financiar, ndërsa PlayStation 5 u lansua në mes të një katastrofe globale. Pandemia e coronavirusit ishte në kulm, dërsa mungesa e çipave dhe problemet në zinxhirin e furnizimit bënin që raftet të mos mbusheshin për muaj pas prezantimit.
Sony ka burime të ndryshme të ardhurash, nga muzika dhe filmat deri te teknologjia. Kompania arriti të realizojë shitje prej 17.8 miliardë dollarësh në të gjitha degët e saj gjatë tremujorit të parë, pak më shumë se vitin e kaluar. Filmat sollën 2.3 miliardë dollarë, ndërsa gaming më shumë se 6.3 miliardë.
Këto shifra shpjegojnë strategjinë e Microsoft-it për të filluar prezantimin e video-lojërave të tij për konzollën e Sony-t.
Baza prej 80 milionë blerësish potencialë është më shumë se dyfish më e madhe se e tij, dhe kjo po tregon rezultate jashtëzakonisht të suksesshme.
Teknologji
E re në WhatsApp: Dërgoni mesazhe edhe te ata që nuk e kanë aplikacionin
Published
3 days agoon
August 8, 2025By
UBT News
WhatsApp po punon për një veçori të re, e cila pritet të quhet Guest Chats, që do t’u mundësojë përdoruesve të komunikojnë me persona që nuk e përdorin aplikacionin. Kjo do të realizohet përmes një lidhjeje ftese, pa pasur nevojë që marrësi të shkarkojë aplikacionin ose të krijojë llogari.
Sipas WaBetaInfo, kjo risi po testohet në versionin beta 2.25.22.13 për Android dhe pritet të bëhet e disponueshme fillimisht për përdoruesit beta.
Si funksionon?
Guest Chats lejon përdoruesit e WhatsApp të dërgojnë një lidhje ftese te personi me të cilin duan të komunikojnë. Marrësi mund ta përdorë këtë lidhje përmes një ndërfaqeje të sigurt, të ngjashme me WhatsApp Web, duke klikuar thjesht mbi të.
Bisedat do të jenë të mbrojtura, duke garantuar që vetëm dy personat që komunikojnë mund të shohin përmbajtjen e tyre.
Gjithçka do të menaxhohet nga vetë sistemi i WhatsApp, duke e bërë funksionin të besueshëm dhe të shpejtë.
Kufizimet
Megjithëse funksioni duket premtues, ai ka disa kufizime të rëndësishme: Nuk do të mund të ndahen foto, video, GIF-e apo mesazhe zanore. Nuk do të ketë opsion për telefonata. Nuk do të lejohet krijimi i bisedave në grup. Pra, veçoria do të mbështesë vetëm dërgimin e mesazheve me tekst mes dy personave.
WhatsApp synon të tërheqë përdorues të rinj që ende nuk e kanë shkarkuar aplikacionin. Megjithatë, ende nuk ka një datë zyrtare për lansimin e funksionit.

Fluks i lartë automjetesh në Portin e Durrësit, 30 mijë udhëtarë në vetëm pesë ditë

Zjarret në Shqipëri, Rama: Zjarrvënien do të duhet ta barazojmë me vrasjen në Kodin Penal

Temperaturat e larta, MSH rekomandon masa mbrojtëse ndaj punëtorëve për periudhën 11-15 gusht

Gjykata Themelore në Gjilan thotë se Mefail Shkodra nuk ka lëndë aktive në këtë institucion

Aktakuzë ndaj tre ish-zyrtarëve policorë të dyshuar për keqtrajtimin e një personi në Klinë

Ja 10 veturat elektrike më të shitura në Evropë

Coco Chanel, vajza nga jetimorja që e bëri Parisin të ndiente aromën e guximit

Punoni shumë me kompjuter? Atëherë, ju duhet kjo vitaminë!

Presidentja Osmani në takim me drejtorin gjerman për Ballkanin Perëndimor
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT3 months ago
UBT organizoi Akademi Përkujtimore në nder të Prof. Dr. Naser Kamberit