Teknologji

Anulohet vendimi i SHBA për të bllokuar aplikacionet WeChat dhe TikTok

Urdhrat e rinj ekzekutiv të Biden anulojnë ndalimin e WeChat dhe TikTok së bashku me tetë kompani të tjera të teknologjisë financiare dhe të komunikimit.

Published

on

Presidenti Amerikan Joe Biden tërhoqi një seri urdhrash ekzekutivë të cilët do të ndalonin shkarkimin e aplikacioneve WeChat dhe TikTok me arsyetimin e përbënin kërcënim për sigurinë kombëtare të Shteteve të Bashkuara.

Administrata e ishte presidentit Trump kishte tentuar të bllokonte përdoruesit nga shkarkimi i aplikacioneve. Gjykatat bllokuan më herët përpjekje të tilla të cilat asnjëherë nuk hynë në efekte.

Urdhrat e rinj ekzekutiv të Biden anulojnë ndalimin e WeChat dhe TikTok së bashku me tetë kompani të tjera të teknologjisë financiare dhe të komunikimit.

Sakaq TikTok po hetohet nga Shtëpia e Bardhë. /PCWorld Albanian

Continue Reading

Teknologji

Musk sjell Grok 4 Fast, modelin që ul koston dhe rrit shpejtësinë

Published

on

Pas prezantimit të modelit Grok 4 dhe periudhës së vështirë që kaloi chatbot-i i tij, kompania xAI e Elon Musk po përpiqet të ecë përpara me një përditësim të ri: Grok 4 Fast.

Sipas njoftimit, Grok 4 Fast ofron të njëjtën performancë si Grok 4, por duke përdorur mesatarisht 40% më pak tokena të të menduarit.

Përveç shpejtësisë më të madhe, modeli ka edhe një kosto 98% më të ulët në realizimin e detyrave, qoftë për shkrimin e kodit apo për shfletimin e internetit me përgjigje të menjëhershme.

Ngjashëm me GPT-5 të OpenAI, që lëviz mes një modeli efikas e modelit të arsyetimit, Grok 4 funksionon mbi një arkitekturë të unifikuar.

Ai mund të kalojë nga përpunimi i kërkesave komplekse në mënyrë të avancuar drejt ofrimit të përgjigjeve më të thjeshta e më të shpejta, sipas rastit. Në testet krahasuese mes modeleve të AI-së, Grok 4 Fast u rendit i pari në detyrat e kërkimit dhe i teti në ato të bazuara në tekst.

Modeli i ri është i disponueshëm për të gjithë përdoruesit – përfshirë edhe ata falas – në web, iOS dhe Android.

Megjithatë, me konkurrencën gjithnjë e më të ashpër në fushën e modeleve të mëdha gjuhësore, pritet që edhe gjigantë si Google të sjellin një version të ri të Gemini, ose Anthropic të publikojë një përditësim të Claude Opus, pas versionit 4.1.

Continue Reading

Teknologji

Kaq e pati! Microsoft njofton përfundimin e mbështetjes për Office 2016 dhe 2019

Published

on

Kompania Microsoft ka bërë të ditur se mbështetja për paketat Office 2016 dhe Office 2019 do të përfundojë më 14 tetor 2025.

Pas kësaj date, përdoruesit nuk do të marrin më përditësime të sigurisë, asistencë teknike apo përmirësime të tjera për këto versione të njohura, të cilat ende përdoren nga shumë njerëz në mbarë botën.

Ky vendim vlen edhe për aplikacionet si Visio dhe Project, në versionet e viteve 2016 dhe 2019. Përdorimi i programeve pas këtij afati rrit rrezikun ndaj sulmeve kibernetike, problemeve me përputhshmërinë e dokumenteve dhe sfidave për t’u përmbushur standardet e sigurisë.

Microsoft këshillon përdoruesit të kalojnë te Microsoft 365 Apps, versioni me abonim që përditësohet vazhdimisht. Ata që preferojnë një blerje të vetme mund të zgjedhin Office 2024, i lançuar në tetor të vitit të kaluar për përdorues shtëpiakë dhe biznesorë.

Për kompanitë dhe institucionet që kërkojnë mbështetje, ekziston Office LTSC 2024, me mbështetje të garantuar deri më 9 tetor 2029.

Ekspertët e IT-së paralajmërojnë se vonimi në përditësimin e këtyre programeve mund të ketë pasoja serioze, duke përfshirë rrezikun për sigurinë e të dhënave dhe humbje të informacionit të rëndësishëm. /A.Z/UBT News/

Continue Reading

Teknologji

AI parashikon sëmundje vdekjeprurëse 10 vite para se të shfaqen

Published

on

Shkencëtarët thonë se kanë krijuar një mjet të ri të inteligjencës artificiale (AI) që mund të parashikojë rrezikun e njerëzve për të zhvilluar më shumë se 1,000 sëmundje deri në 10 vite përpara se të shfaqen.

Sipas studimit të botuar të mërkurën në revistën “Nature”, modeli mund të parashikojë nëse një pacient do të zhvillojë sëmundje si kanceri, infarkte, më shumë se 1 dekadë para se të diagnostikohen.

Me përparimin e AI në fushën mjekësore, studiuesit thanë se ky mjet është një nga shembujt më të mëdhenj deri tani se si AI mund të përdoret për të ndihmuar pacientët.

Modeli u trajnua duke përdorur të dhëna të anonimizuara nga 400,000 njerëz në Mbretërinë e Bashkuar dhe më pas u testua me të dhëna nga 1.9 milionë njerëz në Danimarkë.

Autorët e studimit thanë se mjeti i AI nuk është gati të përdoret në zyrat e mjekëve, por se tashmë mund të ndihmojë studiuesit të kuptojnë si zhvillohen sëmundjet me kalimin e kohës dhe si mënyrat e jetesës dhe historitë mjekësore të njerëzve ndikojnë në rreziqet shëndetësore.

Ekspertë të pavarur vunë në dukje se modeli u trajnua e testua mbi baza të dhënash të Mbretërisë së Bashkuar dhe Danimarkës, që janë të njëanshme për sa i përket moshës, etnisë dhe rezultateve shëndetësore.

Do të nevojitej shumë punë për t’u siguruar që modeli mund të parashikojë saktë rrezikun e sëmundjeve për grupe të ndryshme njerëzish.

Studiuesit thanë se mjeti ndihmon mjekët të identifikojnë pacientët me rrezik të lartë para se ata të sëmuren. /A.Z/UBT News/

Continue Reading

Teknologji

Zuckerberg lansoi supersyzet me Inteligjencë Artificiale, çka nuk shkoi në prezantimin e madh?

Published

on

 “Meta” ka zbuluar një gamë të re syzesh inteligjente, të mundësuara nga teknologjia e saj e inteligjencës artificiale (IA), ndërsa pretendon se ato do të jenë një aksesor i domosdoshëm për përdoruesit në të gjithë botën.

Në konferencën vjetore të zhvilluesve “Meta Connect”, shefi Mark Zuckerberg, njoftoi një sërë pajisjesh në partneritet dy firma syzesh.

Firma prezantoi një të quajtur byzylyk nervor, që me Meta Ray-Ban Display, lejon përdoruesit të kryejnë detyra si dërgimi i mesazheve me gjeste të vogla dore. Ngjarja vjen në një kohë kur pronari i Facebook, Instagram dhe WhatsApp përballet me shqyrtime të vazhdueshme mbi ndikimin e produkteve të tij, veçanërisht tek fëmijët.

Ai e quajti teknologjinë “zbulim shkencor” para audiences prej qindra personash në kampusin e kompanisë në Silicon Valley, informon BBC.

Meta Ray-Ban Display vjen me ekran me ngjyra të plota e rezolucion të lartë në një lente të vetme, ku përdoruesit mund të kryejnë video-thirrje dhe të shohin mesazhe. Ai përmban një kamerë 12 megapikselëshe.

Gjatë demonstratave të tij para audiencës, gjërat nuk shkuan gjithmonë sipas planit.

Një telefonatë nëpërmjet WhatsApp  e cila është gjithashtu në pronësi të Metës drejtuar syzeve, nuk u realizua pavarësisht përpjekjeve të përsëritura. “Nuk di çfarë t’ju them,” u tha Zuckerberg pjesëmarrësve. “Vazhdoj ta prish këtë gjë.”

Pavarësisht pengesës, Mark shpreson që linja e aksesorëve inteligjentë të Meta-s do të jetë një platformë kyçe për integrimin e mjetit të saj të inteligjencës artificiale, Meta AI, në jetën e njerëzve.

Analistët thonë se syzet ka të ngjarë të jenë më të suksesshme sesa projekti Metaverse me vlerë disa miliardë dollarë i firmës – botë virtuale për të lidhur përdoruesit në mjedise dixhitale.

“Ndryshe nga kufjet VR, syzet janë një formë e përditshme dhe jo e rëndë,” tha zv.presidenti dhe drejtori i kërkimit i Forrester, Mike Proulx.

Ai shtoi “barra është mbi Metën për të bindur shumicën e njerëzve që nuk zotërojnë syze me inteligjencë artificiale se përfitimet i tejkalojnë koston”.

Kompania nuk diskuton informacionin e shitjeve, por ka shitur rreth dy milionë palë syze inteligjente që kur hyri në treg në vitin 2023.

Syzet inteligjente të Metës do të jenë në dispozicion këtë muaj dhe do të kushtojnë 799 dollarë qindra dollarë më shumë se syzet aktuale inteligjente të Metës. Zuckerberg zbuloi syzet Oakley Meta Vanguard me çmim 499 dollarë, që u drejtohen entuziastëve të sportit, si dhe gjeneratën e dytë të syzeve Ray-Ban Meta, me çmim 379 dollarë.

Zuckerberg tha në korrik se kompania do të shpenzonte qindra miliarda dollarë për ndërtimin e qendrave të të dhënave të inteligjencës artificiale në SHBA. /A.Z/UBT News/

Continue Reading

Të kërkuara