Shëndet

Ankthi gjatë shtatzanisë

Çfarë e shkakton dhe si mund ta trajtoni?

Published

on

Shtatzënia është një periudhë emocionuese sepse së shpejti do të bëheni prind i një fëmije të adhurueshëm. Gjatë shtatëzanisë ju mund të përjetoni një mori emocionesh ose ato mund t’ju kapin në befasi. Disa gra ndiejnë gëzim në çdo rrahje apo goditje, duke u mrekulluar me trupin e tyre që ndryshon. Për të tjera, shtatzënia është e vështirë, pasi sjell lodhje të madhe, ndryshime humori dhe shqetësime të vazhdueshme.

Ju mund të vini re se në çdo muaj që kalon, mendimet mund të dalin jashtë kontrollit, duke ndikuar në performancën tuaj në punë dhe në marrëdhëniet personale. Ju njohim në këtë artikull me disa nga shkaktarët e zakonshëm të ankthit dhe trajtimet që mund t’ju ndihmojnë ta mbani nën kontroll.

Çfarë e shkakton ankthin gjatë shtatzënisë?
Ndryshimet hormonale, abortet spontane të mëparshme dhe vështirësia për të fjetur mund të jenë disa nga shkaktarët e ankthit tek nënat e ardhshme. Ju mund të shqetësoheni se si një fëmijë do të ndikojë në marrëdhëniet tuaja me miqtë ose anëtarët e familjes, shëndetin e fëmijës suaj të ardhshëm, përvojën e lindjes ose barrën financiare të një anëtari shtesë në familje. Por të gjitha këto shqetësime janë krejtësisht normale.

Cilat janë simptomat e çrregullimeve të ankthit gjatë shtatzënisë?
Edhe pse është normale të shqetësoheni për shëndetin e foshnjës tuaj, në disa raste ky shqetësim bëhet i rrezikshëm dhe mund të kërkojë vëmendje të mëtejshme. Mendimet për shëndetin e foshnjës mund të bëhen obsesive edhe nëse nuk keni asnjë arsyre konkrete për t’u shqetësuar. Shqetësimet mund të shfaqen edhe si shqetësime fizike, të tilla si rrahje të shpejta të zemrës, vështirësi në frymëmarrje ose sulme paniku. Dhe nëse kjo është hera e parë që përjetoni një nivel të lartë ankthi, kjo mund të jetë vërtetë e frikshme.

Kur ankthi fillon të ndërhyjë në përditshmërinë tuaj, në marrëdhëniet ose performancën në punë, ai mund të klasifikohet si një çrregullim ankthi. Ai mund të shfaqet në çdo kohë gjatë shtatzënisë, ose të shfaqet për herë të parë pas lindjes. Megjithatë çrregullimet e ankthit duket të jenë më të larta në tremujorin e parë dhe kjo për shkak të ndryshimeve hormonale.

Cilat janë disa trajtime për ankthin gjatë shtatzënisë?
Edhe pse më pak i studiuar se depresioni, hulumtimet sugjerojnë se ankthi mund të ndikojë negativisht si tek nëna ashtu edhe tek fetusi. Për fat të mirë, ka shumë trajtime që mund të zvogëlojnë ankthin gjatë shtatzënisë dhe t’ju ndihmojnë të ndiheni më mirë. Megjithatë për shumë gra, mjekimi nuk është një opsion gjatë shtatzënisë, pasi ka pak informacion mbi sigurinë e një ilaçi të tillë ndaj fetusit. Por kjo çështje mbetet për t’u diskutuar me mjekun tuaj. Sygjerohet më poshtë disa mënyra të thjeshta dhe të sigurta që mund t’ju vijnë në ndihmë gjatë shtatzanisë.

Kryeni aktivitet fizik të rregullt
Në përgjithësi është e sigurt të kryeni aktivitet fizik gjatë shtatzënisë. Por nëse jeni në rrezik për lindje të parakohshme ose keni komplikime gjatë shtatzënisë, konsultohuni fillimisht me mjekun tuaj.

Flini mjaftueshëm
Gjumi është një nga elementët kryesorë për reduktimin e stresit në jetën tuaj dhe rrjedhimisht është shumë i rëndësishëm gjatë shtatzanisë.

Mbani një ditar
Të shkruash shqetësimet tuaja mund t’ju ndihmojë të gjeni zgjidhje të mundshme dhe ju lejon të reflektoni mbi shqetësimet tuaja.

Yoga, masazh, meditim dhe akupunkturë
Gjetja e teknikave të relaksimit që funksionojnë për ju mund të kërkojë disa eksperimentime, por përfitimet e tyre do të vazhdojnë edhe pasi të fëmija të lindë./AgroWeb

Continue Reading

Shëndet

Si të trajtoni një ndrydhje të kyçit të këmbës?

Published

on

Është e rëndësishme të dini se si të kujdeseni në mënyrë të duhur për një dëmtim akut të indeve të buta në kyçin e këmbës.

Dikur, trajtimi konsistonte në vendosjen e akullit dhe pushim disa ditë. Sot, kërkimet tregojnë se ndrydhja është një proces që kërkon trajtim në disa faza.

Faza akute e ndrydhjes

ënjtje

mavijosje

gjakderdhje të lehtë

inflamacion

Në këtë fazë është e rëndësishme të:

Mbroni vendin e lënduar: Pushoni dhe përdorni suport (paterica ose fashë mbështetëse) nëse është e nevojshme. Mbani këmbën të ngritur: Përdorni jastëkë për ta mbajtur kyçin lart e për të reduktuar ënjtjen. Shmangni ilaçet anti-inflamatore: Inflamacioni ndihmon në shërimin e indeve. Marrja e këtyre ilaçeve mund të vonojë procesin e natyrshëm të shërimit.

Edukohuni: Pasi simptomat të jenë qetësuar, mësoni si të trajtoni dëmtimin për të përmirësuar rikuperimin.

Pas fazës akute:

Kur faza ka kaluar, është koha për të filluar ushtrimet, me mbikëqyrjen e një mjeku. Ai do të vendosë nëse duhet të filloni me ushtrime me peshën e trupit ose të kaloni në ushtrime me rezistencë. Rëndësi ka të ndiqni rendin e kohën e përshtatshme, për të forcuar përsëri kyçin.

Qëndrimi pozitiv ndihmon në rikuperim. Personat optimistë shërohen më shpejt dhe më mirë se ata që kanë frikë ose janë të shqetësuar.

Edhe gjatë rikuperimit, është e rëndësishme të ruani shëndetin kardiovaskular. Nëse nuk ka shumë ënjtje, mund të përdorni biçikletën për të përmirësuar qarkullimin e gjakut dhe aftësinë fizike, duke ndihmuar procesin e shërimit.

Ushtrime për rikuperim dhe parandalim:

Ushtrimet e forcës

Ushtrimet e ekuilibrit

Ushtrimet dinamike

Duke ndjekur hapat e duke ruajtur qëndrim pozitiv, rikuperimi nga një ndrydhje e kyçit do të jetë më i shpejtë dhe i qëndrueshëm. /A.Z/UBT News/

Continue Reading

Shëndet

Po e rrezikoni shëndetin, zgjatuesit nuk e përballojnë fuqinë e këtyre pajisjeve!

Published

on

Charanjit Mannu, ekspert i fushës elektrike dhe drejtues në Elec Training, ka lëshuar një paralajmërim të fortë mbi rreziqet që lidhen me përdorimin e zgjatuesve elektrikë për disa pajisje shtëpiake.

Ai zbuloi se çdo vit ndodhin shumë zjarre në banesa për shkak të mbingarkesës së zgjatuesve nga pajisjet me konsum të lartë energjie.

“Statistikat janë shqetësuese. Përjetojmë shumë raste ku zjarret shkaktohen nga zgjatuesit, sepse njerëzit nuk kuptojnë se cilat pajisje janë shumë të fuqishme për t’u përdorur me ta,” tha ai.

Mannu theksoi se pajisje si çajnikët elektrikë, ngrohësit dhe tosterët duhet të lidhen gjithmonë direkt në prizë, jo në zgjatues.

“Këto pajisje tërheqin sasi të mëdha rryme, më tepër se sa mund të përballojë në mënyrë të sigurt një zgjatues i zakonshëm. Një çajnik konsumon rreth 3000 vat, ngrohësit elektrikë përdorin 3000 vat ose më shumë, ndërsa një toster 800 deri në 1500 vat,” shpjegoi ai.

Eksperti nga Wolverhampton shtoi se pajisjet me fuqi të lartë mund të shkaktojnë ngrohje të tepërt të zgjatuesve.

“Kur zgjatuesit mbinxehën, plastika mbështjellëse mund të shkrihet dhe të ndezë materialet përreth. Shumë njerëz përkeqësojnë situatën duke i mbështjellë zgjatuesit gjatë përdorimit, gjë që përqendron nxehtësinë në një zonë të vogël,” paralajmëroi ai.

Ai theksoi gjithashtu se rreziku rritet kur në të njëjtin zgjatues lidhen disa pajisje të fuqishme njëkohësisht.

“Kam parë raste ku njerëzit lidhnin një çajnik, një mikrovalë dhe një toster në të njëjtin zgjatues në kuzhinë. Kjo është e rrezikshme, pasi fuqia totale që kërkojnë këto pajisje tejkalon ndjeshëm kapacitetin e sigurt të çdo zgjatësi shtëpiak,” përfundoi ai. /A.Z/UBT News/

Continue Reading

Shëndet

Muaji Rozë – Kujdesi dhe ndërgjegjësimi për kancerin e gjirit

Published

on

Tetori njihet si Muaji Rozë, periudhë kur vëmendja i kushtohet ndërgjegjësimit dhe parandalimit të kancerit të gjirit.

Informimi i saktë është fuqi – sa më shumë të dini, aq më të afta jeni të merrni vendime të kujdesshme për shëndetin tuaj.

Kontrolli dhe mamografia

Rekomandohet që gratë mbi 40 vjeç të kryejnë mamografi çdo vit. Në shumë raste, kjo është e mbuluar nga sigurimet shëndetësore ose ofrohet falas nga organizata të ndryshme për ato që nuk kanë sigurim. Kujdesi për shëndetin nuk duhet të ndalet për shkak të arsyeve financiare.

Mos e lini frikën t’ju ndalojë

Edhe pse për disa gra procesi i mamografisë mund të jetë i pakëndshëm apo i dhimbshëm, ai është i sigurt dhe i shpejtë. Për ta lehtësuar, mund ta planifikoni vizitën pas përfundimit të ciklit menstrual, kur gjoksi është më pak i ndjeshëm. Gjithashtu, një qetësues i thjeshtë si ibuprofeni, aspirina apo acetaminofeni, i marrë një orë para vizitës, mund të ndihmojë.

Jo çdo kancer gjiri është i dukshëm

Nuk duhet të prisni të ndjeni një “gungë” për ta kuptuar. Disa forma të kancerit të gjirit nuk shfaqin masa të prekshme. Shenja si ënjtje, dhimbje apo skuqje që zgjat më shumë se cikli menstrual, duhet të jenë sinjal për të kryer një kontroll.

Mund të prekë çdo moshë – edhe burrat

Edhe pse më shpesh prek gratë mbi 40 vjeç, rreth 11% e rasteve ndodhin tek gratë nën 45 vjeç. Po ashtu, edhe burrat nuk janë të përjashtuar – 1 në 830 burra diagnostikohen me këtë sëmundje.

Faktorët gjenetikë

Historia familjare është tregues i rëndësishëm. Gratë që kanë familjarë me kancer gjiri, vezorësh, pankreasi apo koloni, duhet të jenë më të kujdesshme. Megjithatë, një lajm inkurajues është se 90% e rasteve nuk lidhen drejtpërdrejt me gjenetikën.

Kanceri i gjirit është i trajtueshëm

Falë diagnostikimit të hershëm e përparimeve mjekësore, shanset për mbijetesë janë rritur ndjeshëm. Sipas Fondacionit Kombëtar të Kancerit të Gjirit, 62% e rasteve zbulohen në fazë të hershme, kur trajtimi është më efektiv.

Çka mund të bëni vetë?

Stili i jetesës ka një ndikim të madh në uljen e rrezikut:

Ushqehuni shëndetshëm, me shumë fruta dhe perime.

Kufizoni mishin dhe shmangni ushqimet e përpunuara.

Ushtrohuni rregullisht.

Shmangni ose ndaloni duhanin – një nga faktorët më të rrezikshëm për shëndetin. /A.Z/UBT News/

Continue Reading

Lajmet

UBT ofron 20 për qind bursë në programin Master në Shëndet dhe Aktivitet Fizik për punonjësit shëndetësorë dhe sportistët

Published

on

UBT po ofron një mundësi shumë të vlefshme për profesionistët e fushës së shëndetit dhe sportit. Me bursën prej 20 për qind në programin Master në Shëndet dhe Aktivitet Fizik, punonjësit shëndetësorë dhe sportistët kanë mundësinë të thellojnë njohuritë e tyre akademike, të zhvillojnë aftësi praktike dhe të përfitojnë nga një qasje e avancuar multidisiplinare për të adresuar sfidat komplekse të shëndetit dhe mirëqenies.

Ky program është i konceptuar për të integruar në mënyrë të balancuar aktivitetin fizik, sportin, ushqyerjen dhe stilin e jetës, duke u fokusuar në promovimin e shëndetit personal, parandalimin e sëmundjeve kronike dhe rehabilitimin pas gjendjeve të ndryshme shëndetësore.

Qëllimet kryesore të programit përfshijnë:

  • Edukimin e avancuar mbi përfitimet e aktivitetit fizik dhe sportit për shëndetin publik.
  • Zhvillimin e qasjeve të bazuara në prova për menaxhimin e sëmundjeve kronike, promovimin e mirëqenies mendore dhe fizike, si dhe përfshirjen e të gjitha grupmoshave në programe të përshtatura shëndetësore.
  • Përgatitjen e profesionistëve për të dizajnuar dhe zbatuar programe të personalizuara shëndetësore sipas kushteve, popullatës dhe nevojave sociale.
  • Promovimin e kohezionit social përmes sportit dhe aktivitetit fizik, duke kontribuar edhe në qëndrueshmërinë komunitare në kohë krizash apo emergjencash.
  • Nxitjen e kërkimeve shkencore dhe inovacionit në shkencat e sportit, rehabilitimit dhe shëndetit publik.

Studentët e këtij programi do të fitojnë:

  • Njohuri të thelluara për analizimin e profilit shëndetësor të popullatave dhe treguesve vitalë, si jetëgjatësia dhe prevalenca e sëmundjeve.
  • Aftësi praktike për të hartuar, zbatuar dhe monitoruar programe të aktivitetit fizik për grupe të ndryshme moshe dhe gjendjesh shëndetësore.
  • Ekspertizë në përdorimin e metodave moderne të stërvitjes dhe rehabilitimit, të përshtatura për individë me nevoja të veçanta.
  • Kompetenca për të vlerësuar kritikisht hulumtimet shkencore, duke siguruar qasje të bazuara në prova për përmirësimin e shëndetit publik.

Programi Master në Shëndet dhe Aktivitet Fizik në UBT është ndërtuar sipas kurrikulave bashkëkohore dhe standardeve ndërkombëtare, me mundësi për specializime në fusha si:

  • Aktiviteti fizik për grupmosha të ndryshme dhe të moshuarit,
  • Aktiviteti fizik në sëmundje kronike dhe paaftësi,
  • Ndërmjetësimi dhe kohezioni social përmes sportit,
  • Kërkim shkencor dhe inovacion në shëndet dhe sport.

Nëpërmjet kushteve moderne laboratorike, stafit akademik me përvojë ndërkombëtare dhe mobiliteteve studimore në universitete partnere evropiane, UBT garanton një eksperiencë të plotë akademike dhe profesionale.

UBT synon që përmes këtij programi të përgatisë gjeneratën e re të profesionistëve që do të kontribuojnë në ngritjen e cilësisë së jetës, përmirësimin e shëndetit publik dhe zhvillimin e sportit dhe rehabilitimit në Kosovë dhe rajon.

APLIKO TANI ONLINE dhe përfito nga bursa 20 për qind për të qenë pjesë e këtij programi inovativ në Shëndet dhe Aktivitet Fizik.

Continue Reading

Të kërkuara