Lajmet

Angli: Gjashtë persona, përfshirë një fëmijë, kanë vdekur nga të shtënat

Publikuar

3 vjet më parë

më

Gjashtë persona, përfshirë një person të armatosur të dyshuar, kanë vdekur nga të shtënat në Plymouth.

Policia e Devon dhe Cornwall thanë se tre femra, dy meshkuj dhe i dyshuari kishin vdekur në zonën Keyham të qytetit të enjten në mbrëmje.

Një nga të vdekurit ishte një fëmijë nën 10 vjeç, sipas tëdhënave, por të shtënat nuk kanë lidhje me terrorin, konfirmoi policia.

Numri i të vdekurve do të thotë se është të shtënat masive më të këqija në Mbretëri të Bashkuar për më shumë se një dekadë.

Shërbimet e urgjencës u thirrën në Biddick Drive pak pas orës 18:00 (sipas orës në Britani) të enjten.

Njerëzve iu tha të qëndrojnë brenda dhe të ndjekin këshillat e policisë ndërsa reagimi i urgjencës ishte duke u zhvilluar.

Një dëshmitare okulare, tha se ajo që ndodhi ishte “e tmerrshme dhe shumë e trishtueshme”.

“Së pari, pati një britmë, e ndjekur nga të shtëna armësh – tre ndoshta katër për të filluar”, tha ajo.

“Kjo ishte kur sulmuesi goditi në derën e një shtëpie dhe filloi të qëllonte. Ai iku nga shtëpia duke qëlluar ndërsa vraponte dhe vazhdoi të gjuante mbi disa persona në parkun linear nga makina.”

Ajo tha se “sulmuesi vazhdoi përgjatë Avenue Royal Navy ende duke qëlluar”.

Një dëshmitar tjetër, Robert Pinkerton, tha se burri ishte veshur i tëri në të zeza.

Në një deklaratë, policia thanë se dy femra dhe tre meshkuj vdiqën në vendin e ngjarjes, ndërsa një femër vdiq pak më vonë në spital.

Oficerët i bënë thirrje publikut që të mos spekulojnë ose ndajnë fotografi të skenës në mediat sociale ose kudo tjetër./UBTNews

Etiketa
Vazhdo të lexosh

Lajmet

​BE mban trendin e rënies së emetimeve të gazrave serrë

Publikuar

2 orë më parë

më

18 Maj, 2024

nga

Trendi në rënie në emetimet e gazrave serrë të BE-së vazhdoi gjatë gjithë vitit 2023 me një rënie prej pak më shumë se 5%, sipas të dhënave të Eurostat të publikuara këtë javë.

Shtetet anëtare të BE-së lëshuan më shumë se 3.4 miliardë ton ekuivalent të dyoksidit të karbonit të gazeve serrë në vitin 2023. Kjo është 5.1% më pak se në vitin 2022, kur u lëshuan rreth 3.6 miliardë ton ekuivalent të dyoksidit të karbonit.

Bullgaria emetoi 47.5 milion ton ekuivalent të dyoksidit të karbonit ose rreth 1.4% të emetimeve të gazit serrë të BE, sipas llogaritjeve të BTA bazuar në të dhënat e Eurostat.

Vendi uli emetimet e gazeve serrë me pothuajse një të pestën (-19.6%) në 2023, duke regjistruar rënien e dytë më të madhe pas Estonisë (-27%).

Në tremujorin e katërt të vitit të kaluar, Bullgaria u rendit e dyta në mesin e vendeve anëtare të BE-së me uljen më të madhe të emetimeve të gazrave serrë. Pas Estonisë (-23%), ky vend regjistroi një rënie prej afro 17% nga viti në vit.

Vazhdo të lexosh

Lajmet

Edhe Spanja do ta njohë shtetin palestinez bashkë me vendet tjera

Publikuar

4 orë më parë

më

18 Maj, 2024

nga

Kryeministri spanjoll, Pedro Sanchez njoftoi të premten se vendi i tij do ta njohë shtetin palestinez bashkë me vendet tjera.

Në një intervistë për televizionin La Sexta, Sanchez mohoi raportimet se njohja do të ndodhë më 21 maj./UBTNews/

Vazhdo të lexosh

Lajmet

IBM ka në plan të krijojë 800 vende të reja pune

Publikuar

6 orë më parë

më

18 Maj, 2024

nga

IBM-ja njoftoi se planifikon të punësojë deri në 800 persona në Irlandë për të ndërtuar një sistem softueri të avancuar sipas teknologjisë së Inteligjencës Artificiale.

Kjo shënon numrin më të madh të vendeve të punës në sektorin shumëkombësh të vendit. IBM është tashmë një nga punëdhënësit më të mëdhenj shumëkombësh në Irlandë me 3 mijë persona staf.

Përmes posteve të reja do t’u kërkohet punonjësve të krijojnë softuer të avancuar bazuar në inteligjencë artificiale gjeneruese në fushat sikurse siguria, automatizimi, etj./UBTNews/

Vazhdo të lexosh

Art

Gruaja më e pasur e Australisë kërkon që të largohet portreti i saj nga një ekspozitë

Publikuar

8 orë më parë

më

18 Maj, 2024

nga

Arti është subjektiv. Dhe përderisa shumica e artistëve dëshirojnë të ndajnë punën e tyre me botën, nuk ka garanci se publiku do ta kuptojë apo pëlqej punën e tyre artistike.

Kështu duket të jetë edhe rasti i një pikture nga artisti vendas, Vincent Namatjira, që përfshin një portret të gruas më të pasur në Australi, manjates së minierave Gina Rinehart.

Rinehart i ka kërkuar Galerisë Kombëtare të Australisë (NGA) të largojë portretin e saj, një prej 21 veprave të tij individuale që përbëjnë një pjesë të vetme në ekspozitën e Namatjiras, “Australia in Color”.

Kjo ekspozitë po shfaqet në galerinë e kryeqytetit australian, Kanberra, që nga muaji mars.

Subjekte të tjera të kësaj ekspozite janë edhe Mbretëresha Elizabetë II, muzikanti amerikan, Jimi Hendrix, aktivisti australian për të drejtat e aborigjenëve Vincent Lingiari, si dhe ish-kryeministri australian, Scott Morrison./UBTNews/

Vazhdo të lexosh

Të kërkuara