Lajmet

Anëtari i LDK-së për zgjedhjet në parti: Nuk ka asnjë ndërhyrje, votat do të jenë të fshehta

Published

5 years ago

on

Valon Murtezaj nga Lidhja Demokratike e Kosovës, ka thënë se të gjithë kandidatët e deritanishëm për kryetar të këtij subjekti janë figura serioze.

“Besoj se e gjithë kjo vëmendje e opinionit publik dhe mediave tregon se zgjedhjet për kryetar të LDK-së janë të një rëndësie të madhe, kemi një subjekt që është më i vjetri në Kosovë, një subjekt që ka traditën më të gjatë demokratike në Ballkan”.

“Deklarimi final i të gjitha kandidaturave bëhet në punimet e fundit, aty merr bekimin secila kandidaturë. Të gjitha kandidaturat deri tani të shpallura janë figura që kanë pika të forta dhe kanë mangësi, por të gjitha këto i bëjnë figura serioze për ta përfaqësuar LDK-në”.

Murtezaj në Klan Kosova ka deklaruar se cilido person që bëhet kryetar i LDK-së nuk duhet të jetë i frymës populliste, e cila sipas tij është problematikë edhe në vendet e zhvilluara të botës pos Kosovës.

“Ne po hyjmë në një klimë populiste të Qeverisë brenda në Kosovë. LDK-ja qoftë si pjesëmarrëse në formimin e institucioneve, qoftë si opozitë ne politikë bërje, duhet ta ketë të qartë të mos jetë populiste. Lideri i LDK-së duhet të jetë person që ofron vetën për t’i bërë bashkë të gjithë ata që besojnë në vlera të LDK-së, këto nuk janë vlera minore janë vlera qenësore për ekzistencën jo vetëm të LDK-së, por edhe të Kosovës”.

“Çdo politikan serioz duhet të punojë ta reduktojë populizmin në qasjen e tij në të bëri politik. Nëse popuzlimi bëhet problematik për demokracitë e forta evropiane, ajo është edhe në Kosovë. Cilido person që del në krye të LDK-së duhet të ketë komunikim me të gjitha nivelet e partisë, sepse LDK-ja duhet të jetë ashtu si i takon, duhet të jetë partia e parë e Kosovës, Kosova është më demokratike kur LDK-ja është më e fortë”.

Murtezaj ka theksuar se nuk ka asnjë ndërhyrje në sistemin e votimin të kryetarit të LDK-së, pasi sipas tij votat janë të fshehta.

Ai ka pohuar se cilido që zgjidhet kryetar i LDK-së ka përpara sfida të mëdha për të punuar.

“LDK-ja pas zgjedhjeve ka rënë në numër të votave, detyra e parë është që të mobilizohen të gjitha sferat e partisë. Ka sfida të mëdha kërkon shumë komunikim, këto kërkojnë shumë kapacitet të madh njerëzor nga ana e udhëheqësit të ri të LDK-së, kam shpresë të madhe se gjërat për LDK-në do të jenë të mira”, ka thënë Murtezaj.

Related Topics:
Continue Reading

Lajmet

KDI: Presidentja të ofrojë transparencë dhe qartësi për procesin e caktimit të mandatarit

Published

26 minutes ago

on

November 4, 2025

By

Instituti Demokratik i Kosovës (KDI) ka kërkuar nga Presidentja e vendit që të sigurojë transparencë dhe qartësi në procesin e caktimit të mandatarit për formimin e Qeverisë, pas dështimit të votimit në Kuvend më 26 tetor.

Sipas KDI-së, Presidentja ka obligim që deri nesër, brenda afatit dhjetëditor të përcaktuar me nenin 95.4 të Kushtetutës, të zhvillojë konsultime me të gjitha partitë parlamentare për të vlerësuar mundësinë reale të krijimit të një shumice të re qeverisëse dhe shmangien e zgjedhjeve të reja.

KDI thekson se hapat e Presidentes duhet të jenë të arsyeshëm dhe transparentë, përfshirë publikimin e kritereve që do të udhëheqin vlerësimin e “gjasës më të madhe për formim të shumicës” dhe mënyrën e verifikimit të mbështetjes në Kuvend.

Sipas institutit, këto kritere janë thelbësore për të garantuar paanshmëri dhe respektim të rendit kushtetues, si dhe për të ruajtur besimin publik në institucionet demokratike./EO

Continue Reading

Lajmet

​Dybala mungon një muaj

Published

50 minutes ago

on

November 4, 2025

By

Sulmuesi argjentinas Paulo Dybala do të mungojë të paktën për një muaj pas dëmtimit muskulor që pësoi në ndeshjen kundër Milanit të dielën.

Sipas Sky Sport Italia, ekzaminimet mjekësore kanë zbuluar një dëmtim të shkallës në bicepsin femoris të majtë. “La Gazzetta dello Sport” shkruan se ai do të humbasë pesë ndeshjet e ardhshme të Romës.

Dybala pritet të mungojë në takimet kundër Rangers, Udinese, Cremonese, Midtjylland dhe, me shumë mundësi, Napoli.

Trajneri Gian Piero Gasperini shpreson ta ketë sulmuesin gati më 30 nëntor kundër Napolit, por rikthimi i tij duket më i mundshëm në ndeshjen ndaj Cagliarit më 7 dhjetor./S.K/KP/

Continue Reading

Lajmet

Ndalohet importi i shpezëve dhe produkteve të tyre nga Italia

Published

57 minutes ago

on

November 4, 2025

By

Agjencia e Ushqimit dhe Veterinarisë së Kosovës (AUV) ka njoftuar se ndalon përkohësisht importin e shpezëve, kafshëve të gjalla dhe produkteve të tyre me origjinë nga zonat e infektuara të Italisë.

Vendimi vjen pas raportimeve të Organizatës Botërore për Shëndetin e Kafshëve (WOAH) dhe Komisionit Evropian, të cilat konfirmojnë përhapjen e gripit të shpezëve (Avian Influenza – H5N1) në rajonet Emilia-Romagna dhe Lombardia.

Sipas AUV-së, importet lejohen vetëm nëse produktet vijnë nga ferma të pa prekura, të paktën 50 kilometra larg zonave të infektuara. Ndalesa hyn në fuqi menjëherë dhe do të qëndrojë aktive deri në një vlerësim të ri të situatës.

AUV njofton se po e monitoron nga afër situatën dhe do të informojë publikun dhe bizneset për çdo zhvillim të ri./EO

Continue Reading

lajme

Ekipi përfaqësues i Kosovës merr dy çmime në garën botërore të robotikës FIRST Global Challenge në Panama

Published

1 hour ago

on

November 4, 2025

By

Nga Panamaja, ekipi përfaqësues i Kosovës në garën botërore të robotikës FIRST Global Challenge u vlerësua për videon më të mirë prezantuese dhe për dokumentimin më të mirë të garës në rrjetet sociale në mesin e 190 shteteve pjesëmarrëse.

Ky sukses tregon angazhimin dhe kreativitetin e të rinjve kosovarë, të cilët përfaqësuan vendin me krenari në një nga garat më prestigjioze ndërkombëtare të robotikës.

Tema e garës së sivjetme kishte në fokus ruajtjen e ekuilibrit të biodiversitetit dhe luftën kundër ndryshimeve klimatike, duke inkurajuar të rinjtë nga e gjithë bota të zhvillojnë zgjidhje teknologjike për mbrojtjen e mjedisit.

Continue Reading

Të kërkuara