Sport

Andrea Pirlo e aprovon transferimin e Giroud në Juventus

Published

6 years ago

on

Juventus u rikthye te fitorja, pasi mposhti Udinesen me rezultatin 4-1 në “Allianz Stadium” në një ndeshje ku protagonist ishte padyshim portugezi Cristiano Ronaldo, që dha një asist për Chiesen dhe shënoi dy gola vetë.

Megjithatë trajneri Andrea Pirlo nuk mund të jetë plotësisht i lumtur me organikën që ka në dispozicion, pasi dje u konfirmua sërish se pa një si Morata në sulm, puna bëhet më e vështirë për Cristiano Ronaldon, ndërsa Dybala nuk i ka cilësitë për të bërë pykën.

Pikërisht për këtë arsye drejtuesit e Juventusit janë vënë në kërkim të një qendërsulmuesi, për ta pasur si alternativë të parë në rast mungese të spanjollit dhe për momentin po studiohen disa emra “low cost”, teksa vetë Pirlo ka shtuar në listë edhe francezin Olivier Giroud.

“Është një lojtar mjaft interesant, që padyshim do të na shërbente shumë, port ë shohim çfarë mund të bëjmë gjatë këtyre ditëve. Shpresojmë të bëjmë diçka, për të qenë më të kompletuar edhe në atë pozicion”, deklaroi Pirlo.

Francezi është në vitin e fundit të kontratës dhe në verë mund të largohet me parametra zero, por bardhezinjtë duan ta marrin që në janar, ndonëse nuk do të jetë aspak e vështirë, pasi Chelsea po kalon një moment mjaft të vështirë dhe trajneri Lampard rrezikon shkarkimin, ndaj drejtuesit nuk kanë ndërmend të largojnë asnjë lojtar gjatë kësaj periudhe.

Drejtuesit e Juventusit kanë një marrëveshje totale edhe me sulmuesin polka Arkadiuz Milik, por nuk mund ta marrin menjëherë, pasi Napoli pretendon shumë, ndonëse 26-vjeçarit i kanë mbetur edhe pak muaj në kontratë.

Nëse nuk do të arrihet te asnjëri prej këtyre, atëherë Juventus do të synojë afrimin e njërit mes Graziano Pelle, i cili është lojtar i lirë prej pak ditësh dhe Leonardo Pavoletti, i cili nuk bën më pjesë në planet e Cagliarit.

Që të dy këta nuk janë emra bindës për një skuadër që dëshiron të fitojë trofe, por do të pranonin pankinën pa u ndjerë dhe do të tregoheshin të gatshëm të luanin sa herë që Pirlo të kishte nevojë për ta.

Related Topics:
Continue Reading

Sport

Më 20 shtator mbahet Kampionati Shtetëror i Karatesë për Kadetë, Juniorë dhe U21

Published

9 minutes ago

on

September 15, 2026

By

Federata e Karatesë e Kosovës ka njoftuar se këtë të diel, më 20 shtator 2026, do të organizohet Kampionati Shtetëror për kategoritë e kadetëve, juniorëve dhe moshat e reja U21.

Garat do të zhvillohen në Pallatin e Rinisë në Prishtinë, me fillim nga ora 11:00.

Marrë parasysh rëndësinë e këtij eventi për promovimin e talentit dhe përkushtimit të karatekave kosovarë, Federata u ka uruar sukses të gjithë pjesëmarrësve, ndërsa u ka bërë thirrje sportistëve, trajnerëve dhe dashamirësve të karatesë që të pranishëm për të mbështetur garuesit.

D.L

Continue Reading

Sport

UEFA cakton stadiumet e finaleve të Ligës së Kampionëve për vitet 2028 dhe 2029

Published

2 hours ago

on

September 15, 2026

By

Stadiumet ikonike “Allianz Arena” në Mynih  dhe “Camp Nou” në Barcelonë  do të jenë nikoqire të finaleve të mëdha të UEFA Champions League për vitet 2028 dhe 2029. Vendimi zyrtar u mor gjatë mbledhjes së Komitetit Ekzekutiv të UEFA-s.

Mynih 2028: Në shtëpinë e Bayern München, finalja do të zhvillohet për herë të tretë në histori (pas edicioneve të vitit 2012 dhe 2025).

Barcelonë 2029: “Camp Nou” do të presë gjithashtu finalen e tij të tretë historike, pikërisht një vit para se Spanja të bashkëorganizojë Kupën e Botës 2030 me Portugalinë dhe Marokun.

Sezonet e ardhshme: Finalja e edicionit të ardhshëm është caktuar të luhet në stadiumin “Estadio Metropolitano” në Madrid.

D.L

Continue Reading

Sport

Enzo Maresca po e fiton sfidën e madhe pas Guardiolas te Manchester City

Published

4 hours ago

on

September 15, 2026

By

Një analizë e BBC-së vë në pah se si Enzo Maresca po e menaxhon me sukses një nga detyrat më të vështira në futbollin modern: zëvendësimin e Pep Guardiolas te Manchester City. Pavarësisht presionit të madh, tekniku italian po e bën këtë tranzicion të duket i lehtë, duke udhëhequr Cityn drejt katër fitoreve në po aq ndeshje në Premier League, ku ndan kryesimin me Arsenalin.

Testi më i madh i Marescas erdhi në fundjavë me fitoren 1:0 ndaj Manchester Unitedit në “Old Trafford”, ku City luajti shumicën e kohës me një lojtar më pak pas përjashtimit të Phil Foden. Qetësia e skuadrës pasqyroi vetëpërmbajtjen e trajnerit në vijën anësore. Ndryshe nga sezoni i kaluar te Chelsea, ku një karton i kuq në të njëjtin stadium e bëri të reagonte me panik, këtë herë Maresca ruajti gjakftohtësinë, vlerësoi situatën dhe bëri lëvizje vendimtare taktike, si kalimi i Rayan Cherkit në të djathtë dhe inkuadrimi i Iliman Ndiayes.

BBC vëren një kontrast të madh mes Marescas dhe Guardiolas. Italiani shfaqet gjithmonë i buzëqeshur në konferenca për media dhe ka sjellë një frymë të re në stërvitje, përfshirë vendosjen e muzikës “house” për të rritur disponimin e lojtarëve. Kapiteni i ri, Ruben Dias, konfirmoi se parimet bazë të lojës mbeten të ngjashme me ato të Guardiolas, por me detaje të reja taktike që mbajnë vulën e trajnerit të ri.

Përderisa zëvendësimi i menaxherëve legjendarë si Ferguson apo Wenger solli kriza te klubet e tyre, Maresca po e përqafon këtë sfidë si një privilegj dhe nuk ndjen presion nga hija e paraardhësit të tij. Pavarësisht humbjes fillestare 3:0 ndaj Arsenalit në Superkupë, City është rikthyer fuqishëm me pesë fitore radhazi në të gjitha garat. Me ndeshjet e radhës ndaj Norwichit dhe Sunderlandit, Maresca është rrugës për të kompletuar një fillim pothuajse të përsosur në krye të gjigantit anglez.

D.L

Continue Reading

Sport

Dy golat ndaj Sassuolos e ndryshojnë situatën e Zhegrovës, por e ardhmja mbetet e paqartë

Published

6 hours ago

on

September 15, 2026

By

Dy golat e shënuar ndaj Sassuolos kanë përmirësuar ndjeshëm situatën e Edon Zhegrovës te Juventusi, por e ardhmja e sulmuesit kosovar në Torino ende nuk është e sigurt.

Sipas “Tuttomercatoweb”, emri i Zhegrovës vazhdon të përmendet në mesin e lojtarëve që mund të largohen nga Juventusi gjatë afatit kalimtar të janarit.

Në garë për shërbimet e tij është edhe Atalanta, e cila po e monitoron nga afër situatën e reprezentuesit të Kosovës.

Klubi nga Bergamo po shqyrton mundësinë e huazimit të Zhegrovës me opsion për blerjen e kartonit të tij në fund të sezonit. Megjithatë, deri më tani nuk ka pasur kontakte zyrtare mes dy klubeve dhe Atalanta nuk ka bërë ende ndonjë ofertë konkrete për Juventusin.

Sipas mediumit italian, gjithçka mund të varet nga situata e të dyja skuadrave në janar, si dhe nga roli që Zhegrova do të ketë te Juventusi deri në atë periudhë.

Dy golat ndaj Sassuolos padyshim që i kanë dhënë një shtysë të rëndësishme kosovarit, por mbetet për t’u parë nëse kjo paraqitje do të mjaftojë për ta bindur Juventusin që ta mbajë atë në skuadër.

D.L

Continue Reading

Të kërkuara