Kulturë

Amsterdami ndalon reklamat nga kompanitë e karburanteve fosile

Published

5 years ago

on

Amsterdami vendosi të jetë qyteti i parë në botë që ndalon reklamat nga kompanitë e karburanteve fosile dhe aviacionit në një përpjekje për të zvogëluar reklamat e tepërta të karburanteve fosile (lëndë djegëse fosile – lëndët e krijuara nga procese të gjata bio dhe gjeokimike, shpesh milionavjeçare).

Kjo do të thotë që automjetet me lëndë djegëse fosile, siç janë makinat me benzinë, nuk do të reklamohen më në stacionet e metrosë në Amsterdam ose në qendrën e qytetit. Ligji i ri erdhi si pasojë e lëvizjeve masive në dhe rreth kryeqytetit të cilat u drejtuan nga nisma Reclame Fossielvrij.

Amsterdami bëhet qyteti i parë në botë që ndalon

“Vendimi për të ndaluar reklamimin e karburanteve fosile nga stacionet e metrosë vjen në një moment vendimtar në luftën kundër ndryshimit të klimës. Reklamat që paraqesin lëndët djegëse fosile si normale përkeqësojnë përçarjen e klimës dhe nuk kanë vend qytet,” tha (via Euronews) Femke Sleegers, koordinator i Reclame Fossielvrij.

Amsterdami bëhet qyteti i parë në botë që ndalon

Fushata holandeze për momentin synon vetëm kryeqytetin, por nuk përjashtohet mundësia që të përhapet në qytete të tjera të mëdha, si Hagë, Roterdam dhe Utrecht.

“Të gjitha reklamat promovojnë nivele të paqëndrueshme të konsumit, pasi shumica e produkteve të reklamuara janë produkte për të cilat askush nuk ka nevojë. Kur njerëzit blejnë gjëra të domosdoshme, ata i blejnë ato sepse ekziston një nevojë e natyrshme e cila nuk ka nevojë t’u reklamohet atyre. Në mënyrë që të përmbysim krizën e klimës, ne duhet të synojmë të gjitha reklamat, jo vetëm lëndët djegëse fosile.” – tha (via Euronews) Leo Murray, themelues i një organizate për klimën, Possible, që synon të ndalojë këto reklama në Mbretërinë e Bashkuar.

Related Topics:
Continue Reading

Lajmet

Kosova për herë të parë në ekspozitën e UIA-së në Barcelonë, prezantohet arkitektura kosovare në skenën globale

Published

7 hours ago

on

June 30, 2026

By

Kosova po merr pjesë për herë të parë në Ekspozitën e Seksioneve Anëtare të UIA-së (UIA Member Sections Exhibition), e cila po mbahet në kuadër të Kongresit Botëror të Arkitektëve UIA 2026 në Barcelonë.

Vendi po përfaqësohet nga Asociacioni i Arkitektëve të Kosovës, në një ekspozitë ndërkombëtare ku marrin pjesë 55 shtete nga 121 shtete anëtare të UIA-së. Kjo pjesëmarrje vlerësohet si një hap i rëndësishëm për promovimin e arkitekturës kosovare dhe forcimin e pranisë së saj në arenën ndërkombëtare.

Sipas organizatorëve, prezantimi i Kosovës në këtë forum prestigjioz përbën një moment të rëndësishëm për afirmimin e arkitekturës vendore, si dhe për thellimin e bashkëpunimit profesional, shkëmbimin e përvojave dhe integrimin në rrjetin global të arkitekturës./A.K/

Continue Reading

Lajmet

Prishtina organizon ngjarje për 250-vjetorin e SHBA-së, theksohet partneriteti Kosovë–SHBA

Published

10 hours ago

on

June 30, 2026

By

Kryetari i Komunës së Prishtinës, Përparim Rama, ka njoftuar organizimin e një ngjarjeje të veçantë nën patronatin e Kryeqytetit me rastin e 250-vjetorit të pavarësisë së Shteteve të Bashkuara të Amerikës.

Ngjarja, me titull “America and Kosova – A Freedom Story for the Next 250 Years”, do të mbahet më 2 korrik, duke filluar nga ora 10:00, në Emerald në Prishtinë.

Sipas Ramës, aktiviteti synon të vërë në pah partneritetin e veçantë ndërmjet Kosovës dhe SHBA-së, si dhe të trajtojë historinë e lirisë dhe miqësisë mes dy vendeve.

Ai ka theksuar se kjo ngjarje do të fokusohet në bashkëpunimin e vazhdueshëm që, sipas tij, ka kontribuar në ndërtimin e së ardhmes dhe forcimin e marrëdhënieve ndërmjet dy shteteve./A.K/

Continue Reading

Lajmet

Bogujevci viziton ekspozitën “Sy më Sy”, vlerëson rëndësinë e ruajtjes së kujtesës së të mbijetuarve të dhunës seksuale

Published

11 hours ago

on

June 30, 2026

By

Ministrja e Kulturës, Rinisë dhe Sportit, Saranda Bogujevci, vizitoi ekspozitën “Sy më Sy”, ku u prit nga drejtoresha e Qendrës Kosovare për Rehabilitimin e të Mbijetuarve të Torturës, Feride Rushiti.

Gjatë vizitës u diskutua për rëndësinë e dokumentimit dhe ruajtjes së kujtesës së të mbijetuarve të dhunës seksuale gjatë luftës në Kosovë. Përmes dëshmive që sjell, ekspozita “Sy më Sy” synon të ruajë kujtesën kolektive dhe të fuqizojë përpjekjet për drejtësi, duke vendosur në qendër historitë e guximit, qëndresës dhe dinjitetit të të mbijetuarve.

Ministrja Bogujevci shprehu mirënjohjen e saj për punën shumëvjeçare të Qendrës Kosovare për Rehabilitimin e të Mbijetuarve të Torturës dhe të Feride Rushitit, duke vlerësuar angazhimin e tyre të vazhdueshëm në mbështetjen e të mbijetuarve dhe në ruajtjen e dëshmive që dokumentojnë një nga kapitujt më të dhimbshëm të historisë së Kosovës./A.K/

Continue Reading

Lajmet

Filmi “Dua” i Blerta Bashollit prezantohet sonte në festival ndërkombëtar

Published

1 day ago

on

June 29, 2026

By

Filmi artistik me metrazh të gjatë “Dua”, me skenar dhe regji të regjisores kosovare Blerta Basholli, do të prezantohet sonte në orën 20:30 në kuadër të një festivali ndërkombëtar të filmit, ku marrin pjesë produksione nga e gjithë bota.

Filmi ka tërhequr vëmendjen e skenës ndërkombëtare pasi është vlerësuar me Çmimin SACD Semaine de la Critique – Cannes 2026.

Sipas njoftimit zyrtar, pas prezantimit në festival, “Dua” pritet të nisë së shpejti edhe shfaqjet në kinema.

I vendosur në Kosovën e viteve ’90, filmi trajton sfidat me të cilat u përball populli shqiptar gjatë asaj periudhe, përmes rrëfimit të protagonistes kryesore, Dua, e interpretuar nga aktorja Pinea Matoshi./A.K/

Continue Reading

Të kërkuara