

Kulturë
Amber Heard largohet nga Hollywood, zhvendoset në Spanjë bashkë me vajzën e saj
“Ndoshta do të kthehet kur të jetë koha e duhur”, tha një burim i Daily Mail.
Published
2 years agoon
By
UBT newsAmber Heard thuhet se ka lënë Hollywood dhe është transferuar në Madrid të Spanjës.
“Mund të zbuloj se Heard është larguar nga Hollywood dhe është zhvendosur në heshtje në Spanjë me vajzën e saj të vogël Oonagh”, pohoi Daily Mail.
Sipas gazetës, një mikeshë e Heard tha se ajo e ka gjuhë dytësore spanjishten dhe se “është e lumtur atje, duke e rritur vajzën e saj larg zhurmës”.
Mikesha tha gjithashtu se aktorja 37-vjeçare mund të kthehet një ditë në Tinseltown.
“Unë nuk mendoj se ajo po nxiton të kthehet në punë ose në Hollywood, por ndoshta do të kthehet kur të jetë koha e duhur, për projektin e duhur”, shpjegoi ajo, sipas Daily Mail.
Heard shiti shtëpinë e saj në korrik të 2022-ës për 1.1 milion dollarë. Që atëherë, ajo ka kaluar mjaft kohë në Spanjë.
Ditë më parë, ajo u pa duke luajtur me vajzën e saj, Oonagh, 2 vjeç, në një park për fëmijë.
Lëvizja e dyshuar e Heard në Spanjë vjen gati një vit pas gjyqit të saj për shpifje me ish-bashkëshortin Johnny Depp./UBTNews/
Magazinë
Prokurorët britanikë: Autorizohen 21 akuza kundër vëllezërve Tate
Published
55 minutes agoon
May 29, 2025
Prokurorët në Mbretërinë e Bashkuar kanë konfirmuar për herë të parë se kanë autorizuar 21 akuza kundër Andrew dhe Tristan Tate, duke përfshirë përdhunim, dëmtim trupor dhe trafikim qeniesh njerëzore.
Shërbimi i Prokurorisë së Kurorës tha se kishte autorizuar akuzat kundër vëllezërve më 2024, para se të lëshohej urdhër ekstradimi për t’i sjellë nga Rumania.
Dy britaniko-amerikanët janë nën hetim në Rumani, duke u përballur me një numër akuzash, që i mohojnë e CPS tha se “çështjet penale të brendshme në Rumani duhet të zgjidhen së pari”. Vendimi i CPS-së për ngritjen e akuzave erdhi pasi mori dosje me prova nga Policia e Bedfordshire në lidhje me akuzat e bëra në Mbretërinë e Bashkuar.
CPS tha se Andrew Tate, një influencues 38-vjeçar dhe ish-kikbokser, përballet me 10 akuza të lidhura me tre viktima të dyshuara, duke përfshirë përdhunim, dëmtim trupor, trafikim qeniesh njerëzore dhe kontrollim të prostitucionit për qëllime fitimi. Tristan Tate, 36 vjeç, përballet me 11 akuza të lidhura me një viktimë të supozuar, duke përfshirë përdhunim, dëmtim trupor dhe trafikim qeniesh njerëzore.
Dyshja u lindën në SHBA, por u zhvendos në Luton të Mbretërisë së Bashkuar me nënën pasi prindërit e tyre u divorcuan. Vitet e fundit, Andrew Tate ka ndërtuar prani masive online, duke përfshirë 10 milionë ndjekës në X, duke ndarë stilin e tij të jetesës me makina të shpejta, avionë privatë dhe jahte.
Ai dhe vëllai u arrestuan për herë të parë në Rumani në dhjetor 2022, me Andrew-n të akuzuar për përdhunim dhe trafikim qeniesh njerëzore dhe Tristan-in të dyshuar për trafikim qeniesh njerëzore.
Magazinë
Hailey Bieber shfaqet e tensionuar mes thashethemeve për krizë martesore
Published
3 hours agoon
May 29, 2025
Hailey Bieber është fotografuar ditën e martë në Beverly Hills, duke lënë ndërtesën e agjencisë UTA me një pamje të lodhur dhe të ftohtë.
28-vjeçarja, e cila aktualisht përfaqësohet nga IMG Models – një rival i UTA – zgjodhi të qëndrojë larg vëmendjes, ndërsa ndjekësit e saj vijojnë të komentojnë veprimet e fundit të Justin Bieber në rrjete sociale.
E veshur me një xhaketë lëkure të zezë, crop top dhe pantallona të gjera, Hailey u pa e vetme në dalje, pa bashkëshortin e saj, ndërsa spekulimet për probleme në martesë vazhdojnë.
Edhe pse u kthye në Los Angeles me avion privat, modelja duket se po fokusohet tek angazhimet profesionale në këtë periudhë të turbullt.

Sot mbi vendin tonë do të mbajë mot me vranësira e pritet dhe shiu.
Temperaturat do të pësojnë një rënie të lehtë, ku do të sillen nga 10°C deri në 14°C.
Edhe nesër, data 30 maj do të jetë moti pothuajse i ngjashëm me temperatura nga 9 °C deri në 17 °C. /UBT News/
Kulturë
Shqipëria, një nga pesë vendet europiane më mikpritëse për amerikanët
Published
18 hours agoon
May 28, 2025
Shqipëria është një nga pesë destinacionet europiane më mikpritëse për shtetasit amerikanë.
Cepee Tabibian, eksperte për lëvizjet jashtë vendit, tregon se cilët faktorë i bëjnë disa vende më mikpritëse se të tjerat.
“Vendet europiane më mikpritëse për amerikanët ofrojnë viza të përshtatshme, kosto të ulët jetese dhe një klimë sociale të hapur. Prania e komuniteteve të huaja dhe njohja e gjuhës angleze ndihmojnë gjithashtu në një integrim më të lehtë. Këta faktorë i bëjnë këto destinacione ideale për një fillim të ri jashtë SHBA”.
Në moshën 35 vjeç ajo vendosi të braktis Teksasin për tu zhvendosur në Spanjë pa plan të qartë dhe me shumë pikëpyetje.
Ndryshimi erdhi menjëherë. Larg rutinës së zakonshme të punës 9-me-5, zbuloi pasionet e vërteta: shkrimin, krijimin e përmbajtjes dhe ndërtimin e komunitetit. Vetëm 18 muaj më vonë, themeloi She Hit Refresh, një platformë dhe komunitet që ndihmon gratë mbi 30 vjeç të kuptojnë dhe përshpejtojnë procesin e zhvendosjes jashtë vendit
Shumë prej atyre që duan të largohen nga SHBA nisin me një pyetje të vetme, por të rëndësishme: Ku duhet të shkoj?
Spanja
Një zgjedhje e preferuar për amerikanët, falë vizave për nomadë dixhitalë e qëndrimit pa punë, kujdesit shëndetësor të përballueshëm dhe kulturës sociale që vlerëson lidhjen mes njerëzve. Sipas përvojës, banorët ndajnë kohë për njëri-tjetrin, mblidhen dhe bisedojnë për orë të tëra.
Megjithëse anglishtja nuk flitet gjerësisht e qytete si Barcelona përballen me mbingarkesë turistike, shumë qytete dhe fshatra më të vegjël janë të gatshëm të presin të ardhurit. Në Madrid, autorja e rrëfimi gjeti një komunitet njerëzish që kishin braktisur rrugën tradicionale të suksesit për të ndjekur një jetë më të lirë e krijuese, duke lënë punën me orar të plotë për të dhënë mësim, punuar në mënyrë të pavarur dhe për të ndërtuar një biznes të vetin.
Aktualisht ajo jeton në Málaga, një qytet që ka tërhequr evropianë për pushime prej dekadash. Banorët janë të hapur ndaj të huajve, gjë që ka bërë më të lehtë krijimin e miqësive dhe ndjesinë e të qenit në shtëpi.
Portugalia
Një nga vendet më të hapura ndaj dixhitalëve nomadë në Europë, falë stilit të relaksuar të jetesës, pranisë së gjerë të gjuhës angleze dhe opsioneve të shumta për viza. Përveç vizës për nomadë digjitalë, ofron edhe vizën D7, që u lejon amerikanëve me të ardhura pasive të qëndrueshme të jetojnë në vend.
Qytetet si Lisbona e Porto përballen me sfida nga mbingarkesa turistike. Në Algarve, emigrantët tërhiqen nga kombinimi i vendasve e të huajve si dhe klima mesdhetare, gjeografikisht ndodhet në brigjet e Atlantikut. Ishujt Madeira e Azoret ofrojnë përvojë të veçantë për ata që kërkojnë natyrë të paprekur e ritëm jetese të qetë.
Siguria, përballueshmëria dhe komunitetet të konsoliduara të të huajve e bëjnë Portugalinë një zgjedhje ideale për gratë që udhëtojnë vetëm, familjet dhe pensionistët.
Franca
Ofron stil jetese më të ngadaltë e cilësor që po tërheq amerikanëT. Një shembull është Mary Alice Duff, e cila la pas ritmin e vrullshëm të Filadelfias për qetësinë e jugut të Francës, tani shijon shëtitjet me biçikletë drejt plazhit me vajzën e saj, transportin publik falas dhe një rreth miqsh ndërkombëtar të afërt dhe të larmishëm.
Vizza profession libérale është mundësi për punonjës të pavarur dhe sipërmarrës të vegjël, duke ofruar fleksibilitet për punë në distancë. Franca ofron kujdes shëndetësor dhe konsiderohet shumë miqësore për familjet. Ka një nga normat më të larta të lindshmërisë në Europë, ndihmuar nga përfitime fiskale e kujdes fëmijësh me kosto të ulët. Një pengesë është mungesa e një vize të posaçme për nomadët digjitalë, çka e vështirëson qëndrimin afatgjatë për punonjësit në distancë.
Holanda
E njohur për mikpritjen ndaj të huajve, me infrastrukturë të shkëlqyer transporti publik, rrugë të dedikuara për biçikleta, përdorim të gjerë të gjuhës angleze dhe një ambient të favorshëm për sipërmarrësit. Për amerikanët e vetëpunësuar, viza DAFT ofron mundësinë për të jetuar e punuar në vend përmes regjistrimit të një biznesi dhe depozitimit të 4,500 eurove në një llogari bankare biznesi. Megjithatë, gjetja e banesës mbetet një sfidë për shkak të krizës së strehimit.
Denise Segler, u zhvendos në Holandë më 2024, në të 50-at e saj. E divorcuar e me fëmijë të rritur, e përqafoi këtë kapitull të ri për të ndërtuar jetën në kushtet e saj. Edhe pse vetëm disa muaj nga zhvendosja, ajo e ka ndjerë mikpritjen e vendasve dhe ka nisur të krijojë një rrjet të ri përmes eventeve të shumta të rrjetëzimit.
Shqipëria
U lejon shtetasve amerikanë të qëndrojnë deri një vit pa vizë. Me hyrje të lehtë e kosto të ulët jetese, është perfekte për punonjësit në distancë që kanë buxhet të kufizuar. Shumë amerikanë jetojnë në Tiranë, ku komuniteti i të huajve është i fortë dhe anglishtja flitet gjerësisht. Riviera shqiptare nuk duhet anashkaluar; bregdeti përgjatë Detit Jon ka disa nga plazhet e peizazhe të bukura në gjithë Europën. Shumë amerikanë e përdorin Shqipërinë si pikënisje të lehtë, duke qëndruar nga një deri në katër vjet përpara se të zhvendosen në destinacionin e tyre të radhës.

Peci: Nuk i marrë seriozisht ato çka raportohen në media

Një shegë në ditë kundër infeksioneve të veshkave

Elon Musk largohet nga administrata Trump

WhatsApp bëhet me aplikacion për iPad

Prokurorët britanikë: Autorizohen 21 akuza kundër vëllezërve Tate

Kamionë, qytetarë e policë të shumtë në hyrje të Prishtinës, nis protesta e bizneseve

Kurti për protestën e bizneseve: Duan të bëjnë barrikada në hyrje të Prishtinës, koha e barrikadave ka perënduar!

Çeku: Kurrë më parë nuk është investuar kaq shumë në infrastrukturën e futbollit

Evakuime masive për shkak të zjarrit në Kanada: Më shumë se 17,000 njerëz largohen
Të kërkuara
-
Lajmet nga UBT1 month ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Kulturë2 months ago
Shkëlqeu me rolin e tij në ‘Kontesha Arduini’, intervistë me Mirsad Ferati
-
Kulturë2 months ago
27 marsi/Dita Ndërkombëtare e Teatrit! Mitrovica sjell shfaqjen “Kontesha Arduini”, histori magjepëse që nuk duhet humbur