Lajmet

Ambasadorja Dua Lipa – rrugëtimi i saj nga Kosova drejt botës

Në moshën 15-vjeçare u kthye në Londër për të bërë atë shtëpinë e saj të dytë dhe të vazhdojë rrugëtimin në industrinë muzikore.

Published

on

Profil për yllin Dua Lipa

E lindur me 22 gusht të vitit 1995 në Londër. Rrugëtimi i yllit ndërkombëtar nisi që nga ëndrra e saj në Kosovë. Në një moshë mjaft të hershme u transferua në Londër sërish pasi një pjesë të fëmijërisë së saj e kaloi në Kosovë. Në moshën 15-vjeçare u kthye në Londër për të bërë atë shtëpinë e saj të dytë dhe të vazhdojë rrugëtimin në industrinë muzikore.

Që nga vegjëlia, Dua Lipa ishte mjaft shumë e ekspozuar ndaj një game shumëngjyrëshe zhanresh muzikore. Ekspozimi ndaj ndikimeve të ndryshme muzikore dhe vendosmëria e saj e shtyu atë për të ndjekur një karrierë muzikore pavarësisht përballjes me sfidat fillestare. Dukagjin Lipa (babai i Dua Lipës) ka qenë dhe mbetet ende mbështetësi më i madh i karrierës së vajzës së tij dhe trashëgimia e tyre shqiptare është një pjesë thelbësore e identitetit të Dua Lipës.

Dukagjin Lipa ndryshe njihet dhe si një nga muzikantët më të njohur rock dhe dashuria e saj për muzikën u nxit duke dëgjuar artistë të ndryshëm. Por lidhja me familjen dhe rrënjet e saj ka qenë një pjesë integrale e rrëfimit të Dua Lipës, duke ndikuar si në muzikën e saj, ashtu edhe në ndjenjën e saj të identitetit. Kjo falë ndoshta dhe ndikimit të babait të Dua Lipës i cili luajti një rol në formimin e ekspozimit të hershëm të Dua Lipës ndaj muzikës dhe nxitjen e interesit të saj në industri.

Pas kthimit nga Kosova në Angli, Lipa shpreh se u përball me sfida të shumta për të depërtuar në industrinë e muzikës, duke punuar në moshë shumë të hershme me të vetmën arsye që të ndjekë pasionin e saj për të kënduar.

Kur zëri i saj filloi të godas çdo derë, që nga albumi i saj debutues i vetëtitulluar i vitit 2017, që mes tjerash përfshinë dhe hitin e saj të njohur “Be The One” dhe “IDGAF”, duke e bërë amasadoren e vendit tonë të krijojë fuqi si pop artiste.

Albumi i dytë i Dua Lipës emërtohet “Future Nostalgia”, duke marrë vlerësime të kritikëve dhe çmime të shumta, dhe kënga më e njohur nga ky album pa dyshim është “Don’t Start Now”, ku u krijua një hit i top-listave, duke e përforcuar pozicionin e saj edhe më shumë në skenën muzikore.

Përtej muzikës dhe artit, ajo ka depërtuar edhe në botën e modelingut, duke arritur të bashkëpunojë me marka shumë të njohura të modës. Ndryshe ajo ka qenë një zë i fuqishëm i ndërgjegjësimit ndaj shëndetit mendor dhe të drejtave të LGBTQ+, duke arritur të shfrytëzoj ndikimin e saj për të promovuar gjithëpërfshirje, barazi në botë dhe pozitivitet.

Ajo ndryshe është mjaft aktive në platformën e saj për mbeshtetjen e kauzave të ndryshme sociale dhe për të mbrojtur ndryshime pozitive dhe më posht mundë të shihni disa nga këto.

Lipa ndihmoi në një masë të madhe për COVID-19. Gjatë vitit 2020 ajo dhuroi 20 mijë euro për UNICEF-in dhe ngriti zërin duke iu kërkuar fansave të saj të kontribuojnë për të ndihmuar fëmijët e cënueshëm që u prekën nga pandemia.

Nuk kishte si të mungonte nga ylli i pop muzikës mbështetja për feminizimin dhe barazinë e tyre, ndryshe Dua Lipa është një mbështetëse e barazisë gjinore dhe ka folur për rëndësinë e fuqizimit të grave në industrinë muzikore.

Ndikimi global, angazhimi i saj për kauzat sociale shtrihet përtej muzikës së saj, duke demonstruar një shqetësim të vërtetë për çështjet që shqetësojnë njerëzit në mbarë botën. Nëpërmjet veprimeve dhe zërit të saj, ajo vazhdon të frymëzojë ndryshime pozitive dhe të inkurajojë fansat e saj që të përfshihen në ndryshim.

Ndërsa Dua Lipa nuk është e përfshirë gjerësisht në tokën kosovare dhe aktivitetet e saj, lidhja e saj me vendin është mjaft domethënëse. Ajo ndryshe njihet dhe si themeluesja e festivalit më të madhë në Kosovë, “Sunny Hill Festival”. Edicioni i parë i këtij festivali u mbajt në vitin 2018 dhe korri një sukses të lartë, ku dhe kështu ajo filloi që të mbahet çdo vitë, duke arritur të vendos Kosovën në harta të botës për kulturën e saj.

Dua Lipa, me prejardhje shqiptare, shpeshherë është shprehur krenare për rrënjët e saj kosovare. Ajo gjithashtu ka pranuar trashëgiminë e saj në intervista dhe rrjete sociale, duke rritur nivelin e ndërgjegjësimit për Kosovën dhe kulturën e saj.

Për më teper suksesi i Dua Lipës në skenën muzikore botërore ka shërbyer si burim i frymëzimit për shumë në Kosovë.

Arritjet e saj festohen si simbol i krenarisë për vendin dhe popullin tonë, duke arritur përmes artit të saj dhe njohjes ndërkombëtare të tërheq vëmendjen për pasurinë kulturore që posedon Kosova.

Ndikimi kulturor dhe krenaria që ajo rrënjos te populli i Kosovës, kontribuon në një narrativë pozitive për rajonin në skenën globale.

Dua Lipa ndryshe është në përfundimin e albumit të saj të tretë, i cili pritet të publikohet në vitin 2024. Çfarë u bë e ditur deri më tani është se rekordi i radhës do jetë ende pop, por megjithëse po zhvillon një tingull të ri që mund të informohet më pak nga ritmet e shtëpisë dhe disko nën këngë siç janë “Physical” dhe “Halucinate”./UBTNews/

Realizoi Dea Berisha, studente e vitit të tretë në Fakultetin për Shkenca Politike

Lajmet

​Stadiumi ikonik botëror del në shitje për shkak të krizës financiare

Published

on

Një nga stadiumet më të famshme në botë, Maracana në Rio de Janeiro, është vënë në shitje nga autoritetet braziliane për shkak të problemeve financiare të shtetit.

Sipas raportimeve nga “Marca”, qeveria e Rio de Janeiros e ka përfshirë stadiumin ndër 62 asetet shtetërore që pritet të shiten, për të mbledhur fonde dhe për të shlyer një borxh prej rreth 1.7 miliardë paund ndaj administratës qendrore të Brazilit.

Maracana, që ka pritur dy finale të Kupës së Botës: një në vitin 1950 dhe në vitin 2014 i kushton shtetit afro 140 mijë paund për ndeshje në mirëmbajtje.

Presidenti i komisionit që mbikëqyr propozimin, Rodrigo Amorim, tha se shitja mund të sjellë mbi 279 milionë paund të ardhura dhe se mirëmbajtja e stadiumit është bërë e papërballueshme për buxhetin publik.

Stadiumi me kapacitet 78,838 vende, që përdoret nga klubet Flamengo dhe Fluminense, është pjesë e identitetit sportiv të Rios dhe ka pritur gjithashtu ceremonitë olimpike dhe koncerte të mëdha.

Megjithatë, vendimi për ta privatizuar ka shkaktuar zemërim të madh publik, pasi shumë e shohin Maracana-n si një simbol kombëtar të futbollit brazilian.

Propozimi për shitjen e tij pritet të votohet nga Asambleja Legjislative e Rios në javët e ardhshme./S.K/KP/

Continue Reading

Lajmet

Ky pritet të jetë trajneri i ri i Zhegrovës te Juventusi

Published

on

Juventusi është pranë emërimit të Luciano Spallettit si trajneri i ri, pas shkarkimit të Igor Tudor, me një strukturë kontrate që tashmë po merr formë.

Sipas informacionit të raportuar nga “La Gazzetta dello Sport” marrëveshja pritet të jetë afatshkurtër, por me bonuse stimuluese.

Spalletti thuhet se është pranë arritjes së një akordi që do ta lidhte me klubin deri në qershor në fund të sezonit aktual.

Elementi kyç i marrëveshjes do të ishte një klauzolë e qartë: rinovim automatik i kontratës nëse Spalletti arrin ta kualifikojë Juventusin në Ligën e Kampionëve (duke përfunduar sezonin në katër vendet e para). Kjo strukturë pasqyron prioritetin e menjëhershëm të klubit-shpëtimin e sezonit dhe sigurimin e futbollit evropian fitimprurës, ndërsa njëkohësisht ruan fleksibilitetin për planifikimet afatgjata.

Një takim midis Damien Comolli dhe trajnerit pritet të zhvillohet sot, dhe nëse gjithçka shkon mirë, italiani do të jetë shumë afër emërimit zyrtar./S.K/EO/

Continue Reading

Lajmet

Xhaka vrapon më së shumti në Premier League, Reinildo e quan ëndërr paraqitjen përkrah tij

Published

on

Futbollisti i Sunderlandit nga Mozambiku, Reinildo ka thënë se është ëndërr e realizuar paraqitja e tij përkrah mesfushorit Granit Xhaka.

Të hënën mbrëma Sunderlandi ka prezantuar të dhënën se Xhaka është lojtari që ka vrapuar më së shumti këtë edicion në Premier League.

Mesfushori shqiptar tashmë ka arritur shifrën e 100.83 kilometrave të kaluara. Ai po ashtu nuk ka munguar në asnjërën nga nëntë ndeshjet e deritashme.

Bashkëlojtari i Xhakës, Noah Sadiki, është i dyti në listë me 100.14 kilometra. Të tjerët kanë më pak se 100 kilometra.

Për të veçantat e Xhakës, ku nuk përfshihet vetëm vrapimi, ka folur 31-vjeçari Reinildo, që ka bërë karrierë edhe tek Atletico Madridi e Lille.

“Graniti është lojtar shumë i madh dhe të flas për të është e veçantë. Ai ka mendësi aq të mirë. Është ndryshe, në nivel shumë të lartë. Ai ka aq shumë kualitete, jo vetëm në fushë por edhe jashtë saj. Ai na shtyn para në stërvitje. E ndan me ne përvojën, është e veçantë. Jam shumë krenar që luaj me të, është ëndërr”, ka thënë Reinildo./S.K/EO/

Continue Reading

Lajmet

Rusia bën ofertë për ta organizuar EURO 2032, pas shqetësimeve rreth stadiumeve në Itali

Published

on

Në shtatë vjet, Kampionati Evropian i Futbollit për meshkuj 2032 do të mbahet në Itali dhe Turqi, dhe së fundmi raportohet se Rusia ka bërë një ofertë surprizë për të organizuar EURO 2032.

Megjithatë, së fundmi janë shfaqur dyshime për stadiumet italiane, për frikën se stadiumet italiane nuk do të jenë gati për shkak të infrastrukturës së vjetër.

Për shkak të këtyre shqetësimeve, është bërë e ditur se Rusia po e vendos veten si kandidat për të marrë rolin e një prej vendeve pritëse.

Sipas “Gazzetta dello Sport”, presidenti i Federatës së Futbollit të Moskës, Alexander Dyukov, i tha faqes ruse “Sport.ru”:

“Italia ka një problem me stadiumet. Nëse humbin organizimin e stadiumeve, ne jemi këtu. Rusia është e gatshme të organizojë Euro 2032 në vend të Italisë”, ka thënë ai.

Është sugjeruar se vetëm një nga 10 stadiumet e propozuara në Itali është miratuar nga UEFA.

Megjithatë, pas pushtimit rus të Ukrainës në shkurt 2022, UEFA dhe FIFA pezulluan të gjitha ekipet kombëtare dhe klubet ruse nga të gjitha garat.

Rusia bëri gjashtë ankesa ndaj vendimit, por të gjitha u hodhën poshtë nga Gjykata e Arbitrazhit Sportiv (CAS).

Në gusht, presidenti i organit qeverisës të ligës italiane, Ezio Simonelli, shprehu shqetësimet e tij se vendi mund të humbasë të drejtën e organizimit.

“Jam shumë i shqetësuar për Euro 2032. A rrezikohet kandidatura? Shpresoj të jetë vetëm shqetësimi im, por kur presidenti i UEFA-s thotë se stadiumet tona janë në gjendje koma dhe EURO është pas gjashtë vitesh, rrezikojmë të mos bëjmë një përshtypje të mirë ndërkombëtare. Është turp, megjithatë, që përveç Udine, Bergamo dhe Torinos, pjesa tjetër e stadiumeve tona janë në gjendje koma. Ceferin i kritikoi fuqishëm stadiumet italiane dhe unë pajtohem me të”, tha ai.

Muajin e kaluar, presidenti i UEFA-s, Aleksander Ceferin, foli po ashtu për ndalimin aktual.

“Ndalimi për ekipet ruse, mendimi im është tre e gjysmë vjet. A ka përfunduar lufta? Jo. Pra për tani, nuk e di. Duhet të them se me situatën në Rusi dhe Ukrainë, ka pasur një presion politik shumë të fortë. Tani është më shumë presion nga shoqëria civile sesa nga politikanët, sepse politikanët, kur bëhet fjalë për luftëra dhe viktima, janë shumë pragmatikë. Nuk mund të them se çfarë do të ndodhë. Ka bisedime për gjithçka, por personalisht, jam kundër përjashtimit të sportistëve”, tha ai/S.K/EO/

Continue Reading

Të kërkuara