Lajmet

Ambasadori i Izraelit në Tiranë: Kosova është me rëndësi për ne pasi ka ambasadë në Jeruzalem

Noah Gal Gendler: Ne punojmë në mënyrë intensive për ti forcuar marrëdhëniet.

Publikuar

3 vjet më parë

më

Kjo e enjte e 19 Gushtit 2021 shënon 30 vjetorin e vendosjes së marrëdhënieve diplomatike mes Shqipërisë dhe Izraelit, edhe pse shteti i Izraelit ishte njohur nga qeveria shqiptare që në vitin 1949.

Noah Gal Gendler Ambasador i Izraelit në vendin tonë në një intervistë për Top Channel dha këtë koment për 30 vjetorin e marrëdhënieve shqiptaro-izraelite.

“Ne vijojmë të njohim njëri tjetrin dhe po ngushtojmë hendekun e viteve që nga koha kur Shqipëria njohu shtetin e Izaelit në vitin 1949. Deri në vitin 1991 asgjë nuk ndodhi pasi Shqipëria ishte e izoluar. Ne nuk denim asgjë për Shqipërinë pasi për ne ishte pjesë e bllokut lindor rus. Ne nuk denim asgjë për këtë vend. Erdhëm në vendin tuaj gjatë vitit 1991 dhe më vonë hapëm ambasadën. Tanimë ajo që ne duhet të bëjmë është shtimi bashkëpunimit të disa fusha. Më së shumti besoj në fushën ekonomike si agrikulturë e turizëm natyrisht edhe në gjëra të tjera të lidhura me studimet akademike, teknologjinë kompjuterike dhe në shkencë.Kjo është qasja e ambasadës tonë në Tiranë dhe ajo e ambasadës tuaj në Izrael”.

Pas marrëveshjes së vitit të shkuar në Shtëpinë e Bardhë nga ku Kosova pranoi hapjen e ambasadës së saj në Jeruzalem, e pyesim ambasadorin Noah Gal Gendler nëse vendi i tij është i gatshëm të lobojë për njohje të reja të Kosovës shtet.

“Jo ne nuk e bëjmë një gjë të tillë. Ne nuk lobojmë për njërin apo tjetrin shtet ne nuk ndërhymë në konflikte mes shteteve në Ballkan, pasi e dimë sa e komplikuar është kjo në rajonin tonë. Por që prej momentin kur ne vendosim marrëdhënie me një shtet natyrisht ne punojmë në mënyrë intensive për ti forcuar marrëdhëniet. Kosova është me rëndësi për ne pasi ka ambasadë në Jeruzalem, duan të bashkëpunojnë me Izraelin në shumë fusha. Por ne nuk ndërhynë në marrëdhëniet ndërkombëtare të Kosovës”.

I pyetur për rrezikun që i kanoset Shqipërisë pas strehimit të 3.000 muxhahidinëve iranian, ambasadori Noah Gal Gendler thotë se Irani nuk është një problem vetëm për Izraelin është një problem për të gjithë vendet e botës.

“Absolutisht që Irani është edhe problem për Shqipërinë. Të gjitha vendet që nuk ndjekin linjën e Iranit përbën një risk. Nuk ka dyshime për këtë. Nëse nuk gabohem ata ju kanë quajtur si “vendi i vogël djallëzor i Ballkanit”. Kjo është tipike”.

Etiketa
Vazhdo të lexosh

Lajmet

UNRWA ka fonde deri në fund të gushtit

Publikuar

11 orë më parë

më

25 Qershor, 2024

nga

Kreu i agjencisë së Kombeve të Bashkuara që mbështet refugjatët palestinezë tha të martën se ka siguruar fonde deri në fund të muajit gusht.

“Ne kemi të ardhura deri në fund të gushtit”, tha Philippe Lazzarini, kreu i UNRWA-së, i cila koordinon pothuajse të gjithë ndihmën në Gaza, porse është përballur me një krizë të ardhurash që nga muaji janar, kur shumë vende pezulluan fondet pasi Izraeli akuzoi diku 13 mijë punonjës të Gazës për përfshirje në sulmin e 7 tetorit nga Hamasi./UBTNews/

Vazhdo të lexosh

Lajmet

Policia apel mërgimtarëve: Respektoni rregullat e trafikut!

Publikuar

12 orë më parë

më

25 Qershor, 2024

nga

Policia e Kosovës u ka dëshiruar mirëseardhje të gjithë bashkatdhetarëve që do të kalojnë pushimet verore në Kosovë.

Bashkë me urimin e mirëseardhjes, Policia ka lëshuar edhe një apel për ta, duke u kërkuar që të respektojnë rregullat e trafikut për sigurinë e tyre dhe të familjeve.

Në apel, Policia ka bashkëngjitur edhe gjobat për secilën shkelje të rregullave të trafikut, siç parashikohen me Ligjin e ri të trafikut.

Vazhdo të lexosh

Lajmet

Konfirmohet nga Apeli, shtyhet ekzekutimi i Regullores për organizimin e brendshëm dhe Sistematizimin e Vendeve të Punës së SHSKUK-së

Publikuar

13 orë më parë

më

25 Qershor, 2024

nga

Konfirmohet nga Apeli, shtyhet ekzekutimi i Regullores për organizimin e  brendshëm dhe Sistematizimin e Vendeve të Punës së SHSKUK-së

Avokati Ardian Bajraktari, ka deklaruar se Gjykata e Apelit ka konfirmuar ligjshmërinë e vendimit të Gjykatës së Shkallës së parë, e cila e ka refuzuar si të pa bazuar ankesën e Shërbimit Spitalor dhe Klinik Universitar të Kosovës, lidhur me shtyrjen e ekzekutimit të Regullores për Organizimin e Brendshëm dhe Sistematizimin e Vendeve të Punës së SHSKUK-së.

Bajraktari ka shprehur bindjen se epilogu përfundimtar i këtij procesi gjyqësor do të jetë në favor të tyre.

“Sot pranova Aktvendimin e Gjykatës së Apelit, ku kjo e fundit e ka refuzuar si të pa bazuar ankesën e Shërbimit Spitalor dhe Klinik Universitar të Kosovës, lidhur me shtyrjen e ekzekutimit të Regullores me numer 1024 dates 08.04.2024 për Organizimin e Brendshëm dhe Sistematizimin e Vendeve të Punës së SHSKUK-së, si dhe e ka vërtetuar Aktvendimin e Gjykatës Themelore në Prishtinë  – Departmenti për Çështje Administrative A. nr. 1795/2024, të datës 13.5.2024. I bindur dhe shpresëplotë se i tillë do të jetë edhe epilogu përfundimtar i këtij procesi gjyqësor. Besimi në drejtësi rritet me vendime të drejta”, ka shkruar ai.

Vazhdo të lexosh

Lajmet

OBSH kërkon hapjen e pikëkalimit në Rafah për evakuime mjekësore

Publikuar

13 orë më parë

më

25 Qershor, 2024

nga

Mbyllja e pikëkalimit në Rafah mes Egjiptit dhe Gazës ka pamundësuar evakuimet mjekësore të së paku 2.000 pacientëve, tha një zyrtar i Organizatës Botërore të Shëndetësisë (OBSH), duke bërë thirrje që Rafahu dhe rrugë të tjera të rihapen.

Para mbylljes, “afër 50 pacientë kritikë janë larguar nga Gaza çdo ditë… Do të thotë, që nga 7 maji të paktën 2.000 persona nuk kanë mundur të largohen nga Gaza për të marrë trajtim mjekësor”, tha Rik Peeperkorn, përfaqësues i OBSH-së për Gazën dhe Bregun e pushtuar Perëndimor.

Pikëkalimi në Rafah ishte rruga kryesore për evakuime, por edhe për kalimin e ndihmës humanitare, në fillim të luftës mes Izraelit dhe Hamasit, grupit palestinez të shpallur organizatë terroriste nga Shtetet e Bashkuara dhe Bashkimi Evropian.

Megjithatë, ky pikëkalim u mbyll pasi Izraeli nisi një operacion në Rafah në maj.

Javën e kaluar, SHBA-ja, Egjipti dhe Katari zhvilluan bisedime me synim që të rihapet ky pikëkalim dhe të rriten dërgesat me ndihmë humanitare. Por Rafahu, ku Egjipti dëshiron që trupat izraelite të tërhiqen dhe të rivendoset prania palestineze, vazhdon të jetë i mbyllur.

Ndërkaq, ka lëvizje në pikëkalimin e afërt të Kerem Shalomit që kontrollohet nga Izraeli, por sipas Peeperkorn ky pikëkalim është i pasigurt.

Të paktën 10.000 persona kanë nevojë të evakuohen nga Gaza, tha Peeperkorn.

“Na duhen më shumë rrugë për evakuime emergjente mjekësore. Ne duam që Karem Shalom dhe rrugë të tjera të hapen po ashtu për evakuime mjekësore dhe pacientët të mund të dërgohen në spitale në Jerusalemin Lindor dhe Bregun Perëndimor”, tha ai.

Lufta në Gazë nisi pas sulmit të paprecedent të Hamasit në jug të Izraelit më 7 tetor, kur u vranë afër 1.200 persona dhe u rrëmbyen 250 të tjerë. Ndërkaq, si pasojë e ofensivës izraelite, në Gazë deri më tani janë vrarë më shumë se 37.000 persona./REL

Vazhdo të lexosh

Të kërkuara