Lajmet

Alyssa Milano: Gratë po refuzojnë të heshtin që nga nisja e fushatës “MeToo”

49-vjeçarja ishte vetë viktimë e sulmit seksual gjatë një xhirimi në vitet 1990.

Published

on

Pesë vjet pasi “ndezi fitilin” e fushatës MeToo, aktorja amerikane Alyssa Milano thotë se është e kënaqur me mënyrën se si gratë “refuzojnë të heshtin”.

“Shumë ka ndryshuar”, tha Milano për AFP, që kur bëri postimin e saj të famshëm në Twitter më 15 tetor 2017, ku u kërkon grave të ndajnë historitë e tyre të ngacmimeve seksuale nën hashtagun #MeToo.

49-vjeçarja ishte vetë viktimë e sulmit seksual gjatë një xhirimi në vitet 1990.

“Gjëja më e dukshme është se ne po refuzojmë të heshtim dhe të bashkohemi vërtet”, tha ajo në Kanë, ku po merrte pjesë në festivalin televiziv Mipcom.

Ajo vuri në dukje legjislacionin e ri kundër diskriminimit dhe ngacmimit gjinor në të gjithë Shtetet e Bashkuara, si dhe futjen e “koordinatorëve të intimitetit” për të ndihmuar gjatë skenave seksuale në filma.

“Nuk kishte kuptim për mua se si, nëse do të kishte një kafshë në xhirime, do të duhej të kishim dikë nga shoqëria civile që të mbikëqyrte shëndetin dhe mirëqenien e kafshës, e megjithatë aktorët janë në situata të tilla të cenueshme jo vetëm me skena dashurie, por me lloj-lloj skenash emocionale”, tha Milano.

Lëvizjet e fundit për të ndaluar abortet në Shtetet e Bashkuara ishin një reagim kundër fuqizimit të grave të shkaktuar nga MeToo, shtoi ajo./UBTNews/

Vendi

Funksionalizohet Gjykata Administrative

Published

on

By

Sot është bërë funksionalizimi i Gjykatës Administrative, institucioni i parë i specializuar në Kosovë për trajtimin e konflikteve administrative dhe kontesteve të punës në sektorin publik.

Ministrja e Drejtësisë në detyrë, Donika Gërvalla, u shpreh se kjo gjykatë është një mekanizëm i ri i shtetit ligjor që do të rrisë profesionalizmin dhe llogaridhënien në administratën publike. Edhe pse fillon punën me një barrë prej mbi 10 mijë lëndësh të bartura, Gërvalla theksoi se specializimi i kësaj gjykate do të sjellë efikasitet dhe vendime më të shpejta për qytetarët.

“Gjykata Administrative është gjykata e parë e specializuar në vendin tonë, e cila do ta trajtojë konfliktin administrativ dhe kontestet e punës në sektorin publik. Kjo do të thotë se qytetari, zyrtari publik dhe institucioni do të kenë një adresë të qartë, më profesionale dhe më të specializuar për çështjet që lidhen me administratën publike”, është shprehur ministrja Gervalla

Nga sot, qytetarët dhe zyrtarët publikë do të kenë një adresë të veçantë për mbrojtjen e të drejtave të tyre në raport me vendimet e institucioneve shtetërore.

 

Continue Reading

Lajmet

Shmanget shtrenjtimi i energjisë, ZRRE shpërndan kostot në dy vite

Published

on

By

Zyra e Rregullatorit të Energjisë (ZRRE) ka miratuar të hyrat maksimale për operatorët e sistemit energjetik (KOSTT, KEDS dhe KESCO), duke shmangur kështu rritjen e tarifave të rrymës për qytetarët.

Në mbledhjen e fundit, ZRRE-ja caktoi të hyrat për KEDS-in në vlerë prej rreth 186 milionë eurosh, shifër kjo 21 për qind më e ulët se ajo që kishte kërkuar vetë kompania. Ndërkaq, për furnizuesin KESCO janë aprovuar mbi 442 milionë euro.

Kryesuesi i Bordit të ZRRE-së, Ymer Fejzullahu, sqaroi se kostot nuk janë reduktuar, por janë shpërndarë në një periudhë dyvjeçare.

Ky veprim strategjik është bërë me qëllim që të ruhet siguria e furnizimit dhe të evitohet barra financiare për konsumatorët gjatë këtij viti.

 

Continue Reading

Vendi

Profesoresha e UBT-së, Jeta Kiseri-Kubati bashkëautore në publikim shkencor në Dentistry Journal Q1 me Impact Factor 3.3

Published

on

By

UBT vazhdon të forcojë pozicionin e tij si institucion lider në arsimin e lartë dhe kërkimin shkencor ndërkombëtar, përmes një tjetër suksesi të jashtëzakonshëm akademik. Profesoresha Jeta Kiseri-Kubati ka shënuar një arritje të rëndësishme profesionale dhe shkencore, duke qenë bashkëautore në një hulumtim ndërkombëtar të publikuar në Dentistry Journal, një nga revistat prestigjioze shkencore të kategorisë Q1 (Quartile 1), me Impact Factor 3.3.

Punimi shkencor me titull “LOESS-Based Cephalometric Growth Curves for Clinical Assessment of Craniofacial Development: A Cross-Sectional Study” përfaqëson një kontribut të rëndësishëm në fushën e stomatologjisë, ortodoncisë dhe zhvillimit kraniofacial, duke sjellë një qasje inovative për vlerësimin klinik të rritjes dhe zhvillimit të strukturave kraniofaciale.

Ky studim ndërkombëtar përfshiu një mostër të gjerë prej 1,147 pacientësh të moshës 5 deri në 20 vjeç, duke përdorur metodologjinë e avancuar statistikore LOESS (Locally Estimated Scatterplot Smoothing) për të krijuar kurba të detajuara të rritjes cefalometrike, të cilat mund të përdoren si një mjet intuitiv dhe praktik për identifikimin e devijimeve në zhvillimin kraniofacial.

Hulumtimi ka rëndësi të veçantë për praktikën klinike, pasi ofron:

  • vlerësim më të saktë të modeleve të rritjes kraniofaciale,
  • identifikim më të hershëm të anomalive zhvillimore,
  • përmirësim të planifikimit ortodontik dhe trajtimeve klinike,
  • mbështetje për vendimmarrje më të avancuar në trajtimin e pacientëve.

Publikimi në një revistë të rangut Q1 është një dëshmi e cilësisë së lartë shkencore, relevancës ndërkombëtare dhe standardeve akademike që UBT promovon vazhdimisht përmes stafit të tij.

Continue Reading

Lajmet

Kaq kushton nafta sot në Kosovë

Published

on

By

Ministria e Industrisë, Ndërmarrësisë dhe Tregtisë ka caktuar çmimet tavan për shitjen e derivateve për 24 orët e ardhshme.

Sipas njoftimit zyrtar, çmimi maksimal i lejuar për naftë është 1.68 euro për litër, për benzinë 1.49 euro, ndërsa për gaz 0.82 cent.

Kjo rritje e çmimeve vjen si pasojë e tensioneve të fundit në Lindjen e Mesme dhe pasigurisë në tregjet globale.

Edhe pse javë më parë u shënua një rënie e lehtë, situata gjeopolitike mes SHBA-së dhe Iranit ka bërë që çmimet e naftës të shënojnë përsëri trend rritës.

 

Continue Reading

Të kërkuara