Allegri dhe Morata fjalosen ashpër gjatë ndeshjes Juventus-Genoa

Allegri vendosi ta largonte Morata-n nga loja dhe ta inkuadronte Moise Kean në vend të tij.

Published

5 years ago

December 6, 2021

UBT news

Trajneri i Juventusit, Massimiliano Allegri dhe sulmuesi Alvaro Morata u përfshinë në një debat të ashpër gjatë ndeshjes të së dielës kundër Genoas.

Me Juventusin që avanconte me rezultat 1-0 në minutën e 73-të, Allegri vendosi ta largonte Morata-n nga loja dhe ta inkuadronte Moise Kean në vend të tij.

Vendimi i Allegrit nuk i pëlqeu Moratas dhe kjo u pasua me ofendime ndaj njëri-tjetrit në vijën e fushës derisa Morata u ul në pankinë, përcjellë KosovaPress.

Morata po bëntë paraqitje shumë të mirë në pjesën më të madhe të ndeshjes dhe në minutën e 72-të, sulmuesi u ndëshkua me karton të verdhë për përplasjeje me Davide Biraschin e Genoas.

Kjo e shtyu Allegrin ta largonte spanjollin dhe derisa ai po ecte pranë Allegrit ky i fundit i shtyu me krahë dhe i tha disa fjalë në formë kritike.

Mikrofonat në brendësi të fushës e kapën Allegrin duke thënë: “Ke bërë një faull, duhet të heshtësh!”

Sulmuesi u përgjigj me inat: “Çfarë kam bërë?!”

I pyetur nga “DAZN” për incidentin pas ndeshjes, Allegri tha: “Ai u ndëshkua me karton të verdhë, ai po vazhdonte të debatonte dhe kështu unë preferova ta largoja”.

Juventusi e fitoi ndeshjan ndaj Genoas me rezultat 2-0 me golat e Dybalas dhe Cuadrados.

Kosova nis pa medalje garën në Grand Prix të xhudos

Published

4 hours ago

June 26, 2026

UBTNews

Në Qingdao të Kinës ka nisur të premten Grand Prix i xhudos, ku në ditën e parë u paraqitën tri xhudiste nga Kosova, por pa arritur të sigurojnë vazhdim në garë për medalje.

Në kategorinë deri në 48 kilogramë, Erza Muminoviq e nisi mirë garën duke e fituar luftën e parë ndaj Su Yon Jon nga Koreja e Veriut, por u ndal në xhiron e dytë pas humbjes ndaj kinezes Wenna Zhuang.

Fatjona Kasapi u eliminua në luftën e parë në kategorinë deri në 52 kilogramë, pasi u mposht nga bartësja e parë, gjermanja Mascha Ballhaus.

Ndërkohë, edhe Flaka Loxha u ndal që në përballjen e parë në kategorinë deri në 57 kilogramë, duke pësuar nga Maysa Pardayeva e Turkmenistanit.

Të shtunën në garë për Kosovën do të zbresin Laura Fazliu dhe Dardan Cena.

D.L

Sport

Holanda fiton bindshëm, Tunizia eliminohet pa pikë

Published

5 hours ago

June 26, 2026

UBTNews

Holanda ka regjistruar një fitore të sigurt 3:1 ndaj Tunizisë në Kansas City, duke e mbyllur fazën e grupeve në vendin e parë të Grupit F me shtatë pikë.

Ndeshja nisi furishëm për holandezët, të cilët kaluan në epërsi që në minutën e tretë pas një autogoli të Ellyes Skhirit. Vetëm katër minuta më vonë, Brian Brobbey dyfishoi avantazhin, duke e çuar rezultatin në 2:0.

Tunizia u rikthye në lojë në minutën e 54-t me golin e Hazem Mastourit, por Holanda reagoi shpejt. Në minutën e 62-të, Jan Paul van Hecke vulosi fitoren me golin për 3:1.

Me këtë disfatë, Tunizia i humbi të tre ndeshjet e grupit dhe i jep fund paraqitjes në turne.

D.L

Sport

Japonia pa humbje, Suedia kalon si e treta

Published

6 hours ago

June 26, 2026

UBTNews

Japonia dhe Suedia kanë siguruar kualifikimin në fazën e nokautit të Kupës së Botës, pasi barazuan 1:1 në ndeshjen e fundit të Grupit F.

Takimi, i zhvilluar të premten në Arlington para rreth 70 mijë shikuesve, ishte vendimtar për renditjen përfundimtare të grupit. Japonia kaloi në epërsi në minutën e 56-të me golin e Daizen Maedës, ndërsa Suedia reagoi shpejt dhe barazoi gjashtë minuta më vonë, kur Anthony Elanga realizoi për 1:1.

Japonia e mbylli fazën e grupeve pa humbje, duke grumbulluar pesë pikë dhe duke siguruar vendin e dytë në grup. Ndërkohë, Suedia, që në kualifikime kishte përfunduar pas Kosovës, avancoi nga pozita e tretë me katër pikë.

Në fazën e nokautit kualifikohen tetë përfaqësueset më të mira të vendeve të treta nga 12 grupet e turneut, ndërsa Suedia ishte njëra prej tyre.

Për Japoninë, ky është kualifikimi i tretë radhazi nga faza e grupeve dhe i pesti në shtatë pjesëmarrje në Kupën e Botës.

Edhe Suedia vazhdon serinë pozitive, pasi ka kaluar fazën e grupeve në secilin prej katër edicioneve të fundit në të cilat është kualifikuar.

D.L

Foto: aljazeera

Sport

Fitorja ndaj SHBA-së nuk i mjaftoi Turqisë për kualifikim

Published

6 hours ago

June 26, 2026

UBTNews

Turqia e mbylli me fitore paraqitjen në Kupën e Botës, por suksesi 3:2 ndaj SHBA-së nuk mjaftoi për të siguruar një vend në fazën e nokautit.

Në ndeshjen e zhvilluar në Inglewood, të premten në mëngjes sipas kohës së Kosovës, turqit triumfuan falë një goli dramatik të Kaan Ayhan në minutën e 98-të. Megjithatë, dy humbjet e mëparshme ndaj Australisë dhe Paraguait rezultuan fatale për ekipin turk, që e mbylli garën në vendin e fundit të Grupit D me tri pikë.

SHBA-ja, pavarësisht humbjes, e ruajti pozitën e parë në grup me gjashtë pikë dhe avancoi në fazën tjetër. Australia u rendit e dyta me katër pikë, ndërsa Paraguai përfundoi i treti, gjithashtu me katër pikë, dhe pritet të sigurojë kalimin tutje si një nga ekipet më të mira të vendeve të treta.

Për Turqinë shënuan Arda Güler në minutën e 10-të, Burak Yılmaz në të 31-tën dhe Kaan Ayhan në minutën e 98-të. Për SHBA-në realizuan Auston Trusty në minutën e tretë dhe Sebastian Berhalter në minutën e 49-të.

Amerikanët, të cilët e kishin siguruar më herët kualifikimin, u paraqitën me një formacion të ndryshuar, duke aktivizuar nëntë lojtarë të rinj nga minuta e parë.

Turqia kishte udhëtuar drejt SHBA-së me pritshmëri të larta, pasi në plejof kishte eliminuar Kosovën, por dështimet në dy ndeshjet e para ia pamundësuan vazhdimin e garës.

Në ndeshjen tjetër të Grupit D, Australia dhe Paraguai barazuan 0:0.

D.L

Foto:.theguardian