Lajmet

Aliu: Përzgjedhja e komunave për banimin e përballueshëm s’ishte e qëllimshme

Published

on

Ministri i Mjedisit, Planifikimit Hapësinor dhe Infrastrukturës, Liburn Aliu ka thënë se marrëveshja me katër komunat për banimin e përballueshëm social, tri prej të cilave udhëhiqen nga Lëvizja Vetëvendosje, nuk ka qenë e qëllimshme.

Në një prononcim për media, Aliu ka thënë se banimi i përballueshëm do të menaxhohet nga niveli qendror në bashkëpunim me komunat, ndërsa banimi social do të jetë në menaxhim të plotë nga komunat. Ai shtoi se ligji i ri i parasheh pesë kategori sociale, duke filluar nga niveli i varfërisë ekstreme deri te nivelet e mesme të cilat do të mund të përfitojnë këto banesa.

“Të hënën do të nënshkruajmë me Komunën e Istogut po ashtu dhe presim që pasi t’i rregullojmë kushtet me çështjet e pronave nëpër komunat tjera e po ashtu kemi bërë thirrje edhe për komunat të cilat nuk është aplikuar të aplikojmë sërish për banimin social dhe të përballueshëm. Ligji është në Kuvend dhe presim finalizimin e tij në Kuvend që të hyjë në fuqi dhe kjo do të zgjidhë edhe problemet tjera që kanë të bëjnë me banimin e përballueshëm dhe çështjen e pronësisë”, ka thënë Aliu.

“Banimi i përballueshëm është banimi i cili do të menaxhohet, shpërndarja e banesave nga niveli qendror në bashkëpunim me komunat, ndërsa banimi social do të jetë në menaxhim të plotë nga komunat…Ligji i ri i parasheh pesë kategori sociale nga niveli i varfërisë ekstreme deri te nivelet e mesme të cilat do të mund të përfitojnë këto banesa”, ka thënë Aliu.

Ministri Aliu mohoi se përzgjedhja e komunave të Gjilanit, Podujevës, Pejës e Kamenicës për projektin e banimit të përballueshëm është bërë në mënyrë të qëllimshme, pasi tri nga katër komunat udhëhiqen nga LVV-ja. Gjilani, Podujeva e Kamenica udhëhiqen nga VV-ja. Ai tha se lokacionet duhet t’i plotësojnë kriteret në mënyrë që të përfitojnë nga ky projekt.

“Jo nuk ka të bëjë kjo me atë që janë të Vetëvendosjes. Ne iu kemi bërë thirrje komunave të gjithave dhe iu bëjmë thirrje prapë. Nëse lokacionet të cilat komunat i përzgjedhin i plotësojnë kriteret sipas planave hapësinore, lokale dhe dokumenteve të planifikimit hapësinor lokal, parashihet banim në ato lokacione, është pronë e komunës, e ka infrastrukturën pranë, pra nuk ka ndonjë problem në lidhje me infrastrukturën qoftë teknike, qoftë pozicioni, lokacioni i tyre varësisht prej zonave të banimit që janë jo të jenë të izoluara nga zonat e banimit të qyteteve, e pa dallim të gjitha komunat do të mund t’i marrin ato”, tha ai.

Përveç kësaj, Aliu pyet nëse ky projekt do të mund të fillonte në fillim të mandatit, për çka tha se “nuk ka mundur ky projekt kaq i madh të bëhet menjëherë”, derisa përmendi disa nga arsyet që sipas tij kanë ndikuar në vonesë.

“E para janë shumë çështje tjera, është dashur të bëhet studimi i fizibilitetit, ndryshimi i projektligjit dhe të analizohet situatat sociale në bashkëpunim edhe me ministritë e tjera. Nuk ka mundur ky projekt kaq i madh të bëhet menjëherë në fillim të mandatit”, tha Aliu.

Lajmet

​Stadiumi ikonik botëror del në shitje për shkak të krizës financiare

Published

on

Një nga stadiumet më të famshme në botë, Maracana në Rio de Janeiro, është vënë në shitje nga autoritetet braziliane për shkak të problemeve financiare të shtetit.

Sipas raportimeve nga “Marca”, qeveria e Rio de Janeiros e ka përfshirë stadiumin ndër 62 asetet shtetërore që pritet të shiten, për të mbledhur fonde dhe për të shlyer një borxh prej rreth 1.7 miliardë paund ndaj administratës qendrore të Brazilit.

Maracana, që ka pritur dy finale të Kupës së Botës: një në vitin 1950 dhe në vitin 2014 i kushton shtetit afro 140 mijë paund për ndeshje në mirëmbajtje.

Presidenti i komisionit që mbikëqyr propozimin, Rodrigo Amorim, tha se shitja mund të sjellë mbi 279 milionë paund të ardhura dhe se mirëmbajtja e stadiumit është bërë e papërballueshme për buxhetin publik.

Stadiumi me kapacitet 78,838 vende, që përdoret nga klubet Flamengo dhe Fluminense, është pjesë e identitetit sportiv të Rios dhe ka pritur gjithashtu ceremonitë olimpike dhe koncerte të mëdha.

Megjithatë, vendimi për ta privatizuar ka shkaktuar zemërim të madh publik, pasi shumë e shohin Maracana-n si një simbol kombëtar të futbollit brazilian.

Propozimi për shitjen e tij pritet të votohet nga Asambleja Legjislative e Rios në javët e ardhshme./S.K/KP/

Continue Reading

Lajmet

Ky pritet të jetë trajneri i ri i Zhegrovës te Juventusi

Published

on

Juventusi është pranë emërimit të Luciano Spallettit si trajneri i ri, pas shkarkimit të Igor Tudor, me një strukturë kontrate që tashmë po merr formë.

Sipas informacionit të raportuar nga “La Gazzetta dello Sport” marrëveshja pritet të jetë afatshkurtër, por me bonuse stimuluese.

Spalletti thuhet se është pranë arritjes së një akordi që do ta lidhte me klubin deri në qershor në fund të sezonit aktual.

Elementi kyç i marrëveshjes do të ishte një klauzolë e qartë: rinovim automatik i kontratës nëse Spalletti arrin ta kualifikojë Juventusin në Ligën e Kampionëve (duke përfunduar sezonin në katër vendet e para). Kjo strukturë pasqyron prioritetin e menjëhershëm të klubit-shpëtimin e sezonit dhe sigurimin e futbollit evropian fitimprurës, ndërsa njëkohësisht ruan fleksibilitetin për planifikimet afatgjata.

Një takim midis Damien Comolli dhe trajnerit pritet të zhvillohet sot, dhe nëse gjithçka shkon mirë, italiani do të jetë shumë afër emërimit zyrtar./S.K/EO/

Continue Reading

Lajmet

Xhaka vrapon më së shumti në Premier League, Reinildo e quan ëndërr paraqitjen përkrah tij

Published

on

Futbollisti i Sunderlandit nga Mozambiku, Reinildo ka thënë se është ëndërr e realizuar paraqitja e tij përkrah mesfushorit Granit Xhaka.

Të hënën mbrëma Sunderlandi ka prezantuar të dhënën se Xhaka është lojtari që ka vrapuar më së shumti këtë edicion në Premier League.

Mesfushori shqiptar tashmë ka arritur shifrën e 100.83 kilometrave të kaluara. Ai po ashtu nuk ka munguar në asnjërën nga nëntë ndeshjet e deritashme.

Bashkëlojtari i Xhakës, Noah Sadiki, është i dyti në listë me 100.14 kilometra. Të tjerët kanë më pak se 100 kilometra.

Për të veçantat e Xhakës, ku nuk përfshihet vetëm vrapimi, ka folur 31-vjeçari Reinildo, që ka bërë karrierë edhe tek Atletico Madridi e Lille.

“Graniti është lojtar shumë i madh dhe të flas për të është e veçantë. Ai ka mendësi aq të mirë. Është ndryshe, në nivel shumë të lartë. Ai ka aq shumë kualitete, jo vetëm në fushë por edhe jashtë saj. Ai na shtyn para në stërvitje. E ndan me ne përvojën, është e veçantë. Jam shumë krenar që luaj me të, është ëndërr”, ka thënë Reinildo./S.K/EO/

Continue Reading

Lajmet

Rusia bën ofertë për ta organizuar EURO 2032, pas shqetësimeve rreth stadiumeve në Itali

Published

on

Në shtatë vjet, Kampionati Evropian i Futbollit për meshkuj 2032 do të mbahet në Itali dhe Turqi, dhe së fundmi raportohet se Rusia ka bërë një ofertë surprizë për të organizuar EURO 2032.

Megjithatë, së fundmi janë shfaqur dyshime për stadiumet italiane, për frikën se stadiumet italiane nuk do të jenë gati për shkak të infrastrukturës së vjetër.

Për shkak të këtyre shqetësimeve, është bërë e ditur se Rusia po e vendos veten si kandidat për të marrë rolin e një prej vendeve pritëse.

Sipas “Gazzetta dello Sport”, presidenti i Federatës së Futbollit të Moskës, Alexander Dyukov, i tha faqes ruse “Sport.ru”:

“Italia ka një problem me stadiumet. Nëse humbin organizimin e stadiumeve, ne jemi këtu. Rusia është e gatshme të organizojë Euro 2032 në vend të Italisë”, ka thënë ai.

Është sugjeruar se vetëm një nga 10 stadiumet e propozuara në Itali është miratuar nga UEFA.

Megjithatë, pas pushtimit rus të Ukrainës në shkurt 2022, UEFA dhe FIFA pezulluan të gjitha ekipet kombëtare dhe klubet ruse nga të gjitha garat.

Rusia bëri gjashtë ankesa ndaj vendimit, por të gjitha u hodhën poshtë nga Gjykata e Arbitrazhit Sportiv (CAS).

Në gusht, presidenti i organit qeverisës të ligës italiane, Ezio Simonelli, shprehu shqetësimet e tij se vendi mund të humbasë të drejtën e organizimit.

“Jam shumë i shqetësuar për Euro 2032. A rrezikohet kandidatura? Shpresoj të jetë vetëm shqetësimi im, por kur presidenti i UEFA-s thotë se stadiumet tona janë në gjendje koma dhe EURO është pas gjashtë vitesh, rrezikojmë të mos bëjmë një përshtypje të mirë ndërkombëtare. Është turp, megjithatë, që përveç Udine, Bergamo dhe Torinos, pjesa tjetër e stadiumeve tona janë në gjendje koma. Ceferin i kritikoi fuqishëm stadiumet italiane dhe unë pajtohem me të”, tha ai.

Muajin e kaluar, presidenti i UEFA-s, Aleksander Ceferin, foli po ashtu për ndalimin aktual.

“Ndalimi për ekipet ruse, mendimi im është tre e gjysmë vjet. A ka përfunduar lufta? Jo. Pra për tani, nuk e di. Duhet të them se me situatën në Rusi dhe Ukrainë, ka pasur një presion politik shumë të fortë. Tani është më shumë presion nga shoqëria civile sesa nga politikanët, sepse politikanët, kur bëhet fjalë për luftëra dhe viktima, janë shumë pragmatikë. Nuk mund të them se çfarë do të ndodhë. Ka bisedime për gjithçka, por personalisht, jam kundër përjashtimit të sportistëve”, tha ai/S.K/EO/

Continue Reading

Të kërkuara