Sport
Alisson, heroi i Liverpoolit ndaj PSG-së
Liverpooli siguroi një fitore të artë 1-0 në “Parc des Princes” ndaj PSG-së, falë një performance të jashtëzakonshme nga portieri brazilian, Alisson Becker.
Edhe pse goli i vetëm i takimit u shënua nga Harvey Elliott, protagonisti kryesor i mbrëmjes ishte Alissoni, i cili regjistroi 9 pritje vendimtare, duke ndalur çdo tentativë të parizienëve dhe duke siguruar një fitore historike për “The Reds”.
Vetë gardiani i Liverpoolit e përshkroi këtë ndeshje si ndoshta më të mirën e karrierës së tij:
“Ndoshta ishte paraqitja më e mirë e jetës sime,” tha ai për “TNT Sports”. “Trajneri na paralajmëroi se do të ishte një sfidë e vështirë, ndaj PSG-së dhe lojtarëve të saj të jashtëzakonshëm me topin. E dinim çfarë na priste dhe ishim të përgatitur për të vuajtur. Ishte një natë e shkëlqyer për ne”.
Statistikat tregojnë dominimin e PSG-së, me plot 27 goditje drejt portës, por falë mrekullive të Alissonit, asnjë nuk e gjeti rrjetën. Liverpooli, në anën tjetër, pati vetëm dy gjuajtje në portë, por doli fitues nga përballja.
Me këtë rezultat, Liverpooli do të ketë një avantazh minimal për ndeshjen e kthimit në “Anfield”, ku synon të mbyllë kualifikimin për çerekfinale./UBTNews/
Barcelona regjistroi një fitore të rëndësishme 0-1 ndaj Benfikës në Ligën e Kampionëve, falë një paraqitjeje spektakolare të portierit Vojçek Shezni (Wojciech Szczęsny). Gardiani polak, i cili sapo ishte kthyer nga pushimet, u kthye në protagonistin absolut të ndeshjes duke bërë plot 8 pritje vendimtare, duke siguruar një fitore të pastër për ekipin katalanas.
Kjo performancë nuk ishte vetëm vendimtare për fitoren e Barcelonës, por gjithashtu vendosi një rekord historik. Shezni u bë portieri i parë i Barcelonës që arrin të bëjë 8 pritje dhe të mbajë portën e paprekur në një ndeshje të Ligës së Kampionëve që nga sezoni 2003-2004.
Mbrëmja ishte e portierëve, pasi edhe Alisoni i Liverpoolit spikati me pritjet e tij, por ishte Shezni ai që la gjurmë në historinë e katalanasve. Me këtë paraqitje, ai konfirmon formën e tij të jashtëzakonshme dhe rëndësinë që ka për skuadrën e Çavit në rrugëtimin europian./UBTNews/
Bruno Pizzul, komentatori legjendar italian i sporteve, ka ndërruar jetë në moshën 86-vjeçare në spitalin e Gorizias. Pizzul, i njohur si “zëri i kombëtares së kaltër” të futbollit italian, u nda nga jeta vetëm tre ditë para ditëlindjes së tij të 87-të.
I lindur më 8 mars 1938 në Udine, Itali, Pizzul filloi karrierën e tij si futbollist profesionist, por një dëmtim në gju e detyroi ta ndërpriste atë herët. Pas studimeve në jurisprudencë, ai iu bashkua RAI-it në 1969 si komentator sportiv dhe fitoi famë si zëri kryesor i ndeshjeve të kombëtares italiane, një pozicion që mbajti nga viti 1986 deri në 2002. Pizzul ishte dëshmitar i disa momenteve të paharrueshme, përfshirë Kupën e Botës 1990 dhe finalen e Kupës së Botës 1994, si dhe finalen e Kampionatit Evropian 2000.
Në vitin 2022, Pizzul u nderua me titullin “Komandant i Urdhrit të Meritës së Republikës Italiane” për kontributin e tij të jashtëzakonshëm në gazetarinë sportive. Ai do të mbahet mend për zërin e tij të veçantë dhe përkushtimin e tij të palëkundur ndaj sportit dhe gazetarisë./UBTNews/
Sot do të zhvillohen ndeshjet e tjera të fazës së 1/8-ave në Ligën e Kampioneve.
Interi do të luajë në transfertë kundër Fejnordit në orën 18:45, ndërsa mbrëmjen do të sjellë tri supersfida që do të tërheqin vëmendjen e tifozëve nga e gjithë bota.
Në orën 21:00, Bayern Munchen do të presë Bayer Leverkusenin në një derbi gjerman në Europë, ndërsa Barcelona do të luajë në transfertë ndaj Benfikës.
Megjithatë, supersfida e mbrëmjes është pa dyshim përballja mes PSG-së dhe Liverpoolit, dy ekipe që synojnë të fitojnë trofeun e Ligës së Kampioneve këtë sezon./UBTNews/
Sulmuesi i krahut, Lamine Yamal, do të vazhdojë kontratën me Barcelonën përtej vitit 2026, ka konfirmuar agjenti i tij, Jorge Mendes, të mërkurën.
Yamal, 17 vjeç, është një lojtar që po shkëlqen dhe ka bërë një ndikim të jashtëzakonshëm që nga debutimi i tij me Barcelonën në prill të vitit 2023. Ai ka qenë pjesë e suksesit të Spanjës në fitimin e Evropianit dhe ka arritur të shënojë 11 gola dhe të regjistrojë 16 asistime në 35 paraqitje për Barçën këtë edicion.
Si një prodhim i akademisë së Barcelonës, Yamal ka tërhequr vëmendje për aftësitë e tij të jashtëzakonshme. Pas një takimi me presidentin e Barcelonës, Joan Laporta, agjenti i tij Mendes ka theksuar se fokusi është te aspektet sportive dhe se Yamal do të qëndrojë te Barcelona për të zhvilluar karrierën e tij.
“Yamal do të vazhdojë te Barcelona. Gjëja e rëndësishme është të mendohet për anën sportive”, ka thënë Mendes.
Prekazi historik me mijëra vizitor
Starmer: Mbretëria e Bashkuar do të luajë rol kryesor në sigurinë e Ukrainës
“Ju qëndruat me ne”, Zelensky falenderon Evropën në samitin e Brukselit
Mbyllja e përkohshme e TikTok-ut, flet Edi Rama
Studimi shkencor i profesorëve të UBT-së mbi ndikimin e moshës në trajtimin ortodontik publikohet në revistën ndërkombëtare
A do t’i hiqet Orbanit e drejta e votës në BE? Kallas flet për bllokadën hungareze
KQZ sot mban mbledhje
Lavrov: Rusia do ndihmojë Afrikën të forcojë aftësitë luftarake ndaj kërcënimeve
Franca i ofron Ukrainës informata të inteligjencës, pasi SHBA-ja pezulloi shërbimin
-
Magazinë3 months agoKy mendohet se është djali 20 vjeçar i Parashqevi Simaku, Luke Nohfe
-
Bota1 month agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota1 month agoFluturimet e dëbimit kanë filluar, thotë Shtëpia e Bardhë
-
Bota1 month agoShtëpia e Bardhë: Armëpushimi në Liban do të zgjatet deri më 18 shkurt