Sport

Alcaraz sërish protagonist, spanjolli triumfon në finalen e ‘Indian Wells’

Spanjolli e gjeti veten në vështirësi në setin e parë pas shifrave 6-6, ku iu desh ‘tie-break’ (5-7) për ta fituar.

Published

3 years ago

March 18, 2024

Betim Gashi

Carlos Alcaraz arriti ta ruajë fronin në ‘Indian Wells’ ku në finale mposhti tenistin rus Daniil Medvedev, gjë të cilën e kishte bërë edhe një vit më parë.

Spanjolli e gjeti veten në vështirësi në setin e parë pas shifrave 6-6, ku iu desh ‘tie-break’ (5-7) për ta fituar. Kurse setin e dytë, Alcaraz e mbylli pa asnjë problem me rezultat 6-1, duke mos i lënë asnjë shans kundërshtarit rus.

Kështu numri dy i botës kthehet të fitojë një turne pas ‘Grand Slam-it’ të Wimbledon verën e shkuar.

Pas këtij suksesi, Alcaraz shndërrohet në tenistin e dytë që arrin të fitojë pesë tituj Masters 1000 para se të mbushë 21-vjeç, teksa i pari që ia ka dalë është Rafael Nadal.

Gjithashtu Alcaraz është edhe tenisti i parë pas tetë vitesh që fiton dy tituj radhazi Indian Wells, teksa më parë këtë turne e kishte fituar tri herë radhazi Novak Djokovic në vitet 2014, 2015 dhe 2016./UBTNews/

Up Next

Skenat tronditëse në Turqi, tifozët e Trabzonsporit sulmojnë lojtarët e Fenerbahçes

Don't Miss

Albi Mall Superliga vjen me tri duele në program

Vendi

Akil Gjakova mbyll garën pa medalje në Abu Dhabi

Published

9 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

9 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

11 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/