Sport

Albi Mall Superliga vjen me tri duele në program

Ndeshjet luhen me fillim nga ora 15:00.

Published

3 years ago

March 31, 2024

Betim Gashi

Sot (e diel) në orar për t’u luajtur janë tri përballje interesante në kuadër të Albi Mall Superligës së Kosovës.

Ndeshjet e vlefshme për javën e 27-të fillojnë me përballjen ndërmjet Feronikeli ’74 dhe Fushë Kosovës, ndeshje e cila do të luhet në Drenas. Fushë Kosova qëndron prapa Feronikelit për gjashtë pikë dhe me një fitore do ta merrte veten.

Më pas Gjilani pret në shtëpi Dukagjinin, për një duel të zjarrtë, teksa synimi i gjilanasve siç dihet është mbetja në Superligë, pasi që para tyre renditet pikërisht Dukagjini me tetë pike më shumë.

Ndërkaq Liria udhëton te Llapi i cili po e ndjek Ballkanin në garën për titull, me diferencë vetëm një pike më pak.

Ndeshjet luhen me fillim nga ora 15:00./UBTNews/

Related Topics:ndeshje Albi Mall Superliga e Kosoves

Up Next

Real Madrid i bindur për talentin e River Plate, gati për garën me skuadra të tjera evropiane

Don't Miss

Rikthehet Albi Mall Superliga, dy përballje të zjarrta në orar

Vendi

Akil Gjakova mbyll garën pa medalje në Abu Dhabi

Published

2 days ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

2 days ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

2 days ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/