Sport

Al Nassr reagon ndaj kërkesave për dëbimin e Ronaldos

“Ronaldo pësoi një dëmtim. Në ndeshjen me Gustavo Cuéllar, ai mori një dëmtim në një zonë të ndjeshme”, thuhet mes tjerash.

Published

on

Gjesti i Cristiano Ronaldos pas humbjes së Al Nassr nga Al Hilal po vazhdon të përflitet shumë. Kjo pasi avokati saudit, Nouf bin Ahmed, doli para drejtësisë me një peticion që kërkonte depërtimin e portugezit nga ky vend.

“Unë nuk e ndjek sportin. Nëse tifozët e Al Hilal provokuan Cristiano Ronaldon, ai nuk dinte si të përgjigjej. Sjellja e Cristianos përbën një krim. Një akt publikisht i pahijshëm që kërkon arrestimin dhe dëbimin kur kryhet nga një shtetas i huaj. Ne do t’i paraqesim një peticion Prokurorisë Publike në lidhje me këtë”, shkruan në Twitter avokati, i cili është edhe profesor në Universitetin e Xhenovas dhe këshilltar në qendrat e arbitrazhit të Kombeve të Bashkuara për të Drejtën Ndërkombëtare Tregtare.

Më vonë, Nouf bin Ahmed konfirmoi se rasti tashmë i është referuar drejtësisë.

Avokati vuri në dyshim edhe gabimin e Ronaldos ndaj Gustavo Cuéllar gjatë të njëjtës ndeshje:

“Është një shkelje e vogël. Agresioni i Cristianos ndaj një lojtari të Al Hilal nuk përfshihet në duelet e zakonshme sportive. Duhet theksuar se Cristiano njihet për bilancin e tij. Cila është arsyeja e ndryshimit të sjelljes dhe prirjes ndaj agresionit pas nënshkrimit për Al Nassr?”, ka thënë ai.

Në lidhje me këtë zhvillim, klubi i Ronaldos ka dërguar një reagim pranë agjencisë EFE, ku thuhet:

“Ronaldo pësoi një dëmtim. Në ndeshjen me Gustavo Cuéllar, ai mori një dëmtim në një zonë të ndjeshme. Sa i përket kërkesave të tifozëve, ata janë të lirë të mendojnë çfarë të duan”.

Sport

Xherdan Shaqiri për mentalitetin e tij: Në fushë jam shqiptar, në jetën e përditshme zviceran!

Published

on

Futbollisti i Baselit, Xherdan Shaqiri së fundmi ishte në një intervistë në emisionin “Blu Sport” në Zvicër.

Shaqiri bëri një deklaratë të fuqishme që ka nxitur shumë reagime në rrjetet sociale.

Ish-lojtari i Liverpoolit tha se në fushë është një shqiptar i vërtetë, kurse në jetën e përditshme një zviceran.

“Unë jam shqiptar në fushën e futbollit, zviceran në jetën e përditshme”, u shpreh Shaqiri.

33-vjeçari nga Zhegra e Gjilanit gjatë këtij sezoni ka zhvilluar 32 ndeshje me Baselin, ka shënuar 16 gola dhe ka bërë 18 asiste.

Continue Reading

Sport

Gjakova dhe Cena garojnë sot në Evropianin e xhudos

Published

on

By

Pas suksesit madhështor të Distria Krasniqit, e cila një ditë më parë u shpall kampione e Evropës, sot vëmendja e sportit kosovar është sërish në Podgoricë, ku Akil Gjakova dhe Dardan Cena do të zbresin në tatami për të përfaqësuar Kosovën në Kampionatin Evropian të xhudos.

Të dy xhudistët janë në formë të mirë dhe parashikimet janë premtuese – pritjet janë që të sjellin edhe ata medalje për Kosovën, duke vazhduar traditën e artë të këtij sporti që tashmë është bërë krenaria kombëtare.

Nën drejtimin e trajnerit Driton Kuka, xhudoja kosovare ka kthyer në zakon sukseset në arenën ndërkombëtare, dhe ky kampionat duket se po vulos një tjetër kapitull të ndritur për ekipin tonë.

Continue Reading

Rajoni

​Ylli rizgjidhet president i Komitetit Olimpik Shqiptar

Published

on

By

Fidel Ylli është rizgjedhur Presidentit i Komitetit Olimpik Kombëtar Shqiptar (KOKSH) edhe për 4 vitet e ardhshme. Në Asamblenë e 31-të të Përgjithshme Zgjedhore të mbajtur në Tiranë, Ylli ka marr besimin për të drejtuar Komitetin Olimpik Kombëtar Shqiptar për një tjetër mandat.

Gjatë punimeve të Asamblesë është votuar edhe për zv Presidentin e Komitetit Olimpik. Erli Pellumbi mori besimin nga asambleja dhe u ri zgjodh si zv President i Komitetit Olimpik.

Asambleja votoi dhe për Komitetin Ekzekutiv të KOKSH, që do të përbëhet nga Alfred Tahiraj, Enkeleda Caushi, Florend Kalivopuli, Julinda Dhame, Izmir Smajlaj, Krenar Dila, Leonard Luli, Pavlina Evro.

Siç është bërë traditë në çdo Asamble të KOKSH, janë dorëzuar Urdhrat Olimpikë, për figura që kanë dhënë kontribut ndër vite në sportin shqiptar, që përkonin me emrat e Theodhori Driza, Emin Lishi, Mustafa Fagu, Krenar Luto dhe Sytki Tafili.

Continue Reading

Sport

Marcus Rashford ‘nuk dëshiron’ të luajë sërish nën drejtimin e Ruben Amorimit

Published

on

Sipas BBC, Marcus Rashford nuk pritet të luajë përsëri për Manchester United, ndërsa Ruben Amorim mbetet në krye. 

27-vjeçari, aktualisht i huazuar në Aston Villa , ka rizbuluar formën me katër gola që nga transferimi i tij në shkurt – duke përfshirë një në humbjen e fundit 2-1 ndaj Manchester City.

Megjithatë, pavarësisht se ka kontratë me Man United deri në vitin 2028, marrëdhënia e Rashford me Amorim duket e tensionuar.

Edhe pse Rashford besohet të jetë i hapur për një rikthim në “Old Trafford”, ai nuk dëshiron të luajë nën drejtimin e Ruben Amorim.

Amorim e përjashtoi Rashfordin nga skuadra në dhjetor dhe nuk e ka përzgjedhur atë në skuadrën e ndeshjes, përveçse e emëroi atë një zëvendësues të papërdorur në humbjen ndaj Newcastle.

Continue Reading

Të kërkuara