Kulturë

Aktorja indiane then heshtjen për sulmin seksual

Sulmi i saj bëri bujë.

Published

4 years ago

on

Bhavana Menon, një aktore e famshme nga shteti jugor indian i Kerala, e cila u rrëmbye dhe u sulmua seksualisht në vitin 2017, theu heshtjen pas pesë vitesh, duke e përshkruar “rrugëtimin e saj të vështirë nga të qenit viktimë në një të mbijetuar”.

Menon, e cila ka punuar në më shumë se 80 filma në gjuhët indiane jugore dhe ka fituar një numër çmimesh prestigjioze, u sulmua nga një grup burrash ndërsa udhëtonte nga Thrissur në Kochi në shkurt të vitit 2017.

Sulmi i saj bëri bujë, veçanërisht pasi Dileep, një nga kineastët më të shquar malajalam, është i pandehur dhe po akuzohet për sulm seksual. Ai i mohoi akuzat, por ishte në paraburgim për tre muaj para se të lirohej. Çështja po shqyrtohet në gjykatë.

“Isha një vajzë normale, dhe pastaj ky incident ndodhi dhe ma ktheu jetën përmbys. Shumica e njerëzve shohin fotot e buzëqeshura që postoj në rrjetet sociale, por unë jam përballur me ferrin”, deklaroi ajo mes tjerash.

“U bëra viktimë, “aktorja e sulmuar”. Dhe për shumë kohë vazhdoja ta pyesja veten, “Pse unë?”, e fajësoja veten dhe kërkoja një rrugëdalje”, deklaroi ajo.

“Por në vitin 2020, pasi filloi gjyqi, kalova 15 ditë duke dhënë dëshmi në gjykatë. Dhe atëherë gjërat ndryshuan. Doja ta harroja dhe të vazhdoja, por më pas m’u desh të kujtoja gjithçka, çdo detaj të vogël të çështjes”, deklaroi ajo tutje.

Në ditën e sulmit, Menon po udhëtonte nga vendlindja e saj Thrissur për në qytetin e Kochit, ku do të dublonte për një film ditën e nesërme, kur u rrëmbye. Sulmuesit i bënë një video të sulmit, “ndoshta donin të më shantazhonin”, tha ajo.

Duke marrë parasysh statusin e saj – dhe të Dileep-it, personazhit të famshëm, rasti mori vëmendje të madhe mediatike në këtë rast dhe në çdo ditë të caktuar, kanalet lokale të lajmeve ftuan panelistët të flisnin pro dhe kundër saj./UBTNews/

Related Topics:
Continue Reading

Lajmet

Galeria Lumi91 hap dyert me një ekspozitë të rrallë fotografike për Prishtinën

Published

15 hours ago

on

August 31, 2026

By

Galeria e re Lumi91 hapet në Prishtinë me ekspozitën “1928 – Rexhep Rakovica, Portrete”, e cila sjell para publikut një përzgjedhje të fotografive të fotografit Rexhep Rakovica (1909–1988).

Ekspozita përfshin portrete individuale, familjare dhe grupore, duke ofruar një pasqyrë të rrallë të jetës dhe kujtesës së Prishtinës së dikurshme. Rakovica nisi të merrej me fotografinë në vitin 1928 dhe gjatë veprimtarisë së tij dokumentoi momente të rëndësishme të jetës së qytetit.

Hapja e galerisë dhe ekspozitës synon të sjellë një hapësirë të re për artin dhe kulturën në kryeqytet, ndërsa fotografitë e Rakovicës rikthejnë për publikun një pjesë të rëndësishme të trashëgimisë vizuale të Prishtinës./A.K/

Continue Reading

Lajmet

Inspektorati nis kontrollet, udhërrëfyesit turistikë duhet të jenë të licencuar

Published

17 hours ago

on

August 31, 2026

By

Inspektorati Qendror i Mbikëqyrjes së Tregut ka nisur inspektimet në terren për të kontrolluar ushtrimin e veprimtarisë së udhërrëfyesve turistikë në Kosovë.

Sipas njoftimit, rastet e ushtrimit të kësaj veprimtarie pa licencë po ndëshkohen me gjoba, në përputhje me legjislacionin në fuqi.

Inspektorati u ka bërë thirrje të gjithë personave që ushtrojnë këtë veprimtari pa licencë që të kryejnë procedurat e licencimit dhe të vazhdojnë punën në mënyrë të rregullt dhe profesionale.

Sipas autoriteteve, licencimi përbën një detyrim ligjor, por njëkohësisht edhe një garanci për ofrimin e shërbimeve më profesionale dhe cilësore për turistët.

“Një turizëm i zhvilluar kërkon rregulla të qarta, zbatim të ligjit dhe shërbime cilësore për vizitorët”, thuhet në njoftim./A.K/

Continue Reading

Lajmet

Përvjetori i lindjes së Ali Podrimjes, një prej zërave më të fuqishëm të poezisë shqiptare

Published

4 days ago

on

August 28, 2026

By

Sot shënohet përvjetori i lindjes së poetit të madh shqiptar, Ali Podrimja, një prej figurave më të shquara të letërsisë shqipe bashkëkohore.

Ali Podrimja lindi më 28 gusht 1942 në Gjakovë dhe gjatë karrierës së tij letrare ndërtoi një prej opuseve më të rëndësishme të poezisë shqiptare.

Ndër veprat më të njohura të tij është “Lum Lumi”, një vepër e fuqishme dhe e ndjeshme që është bërë pjesë e rëndësishme e trashëgimisë së letërsisë shqipe.

Poezia e Podrimjes u dallua për gjuhën e veçantë, figuracionin e pasur dhe temat që lidhen me jetën, humbjen, dashurinë, atdheun dhe identitetin.

Ai u nda nga jeta më 21 korrik 2012, por vargjet dhe krijimtaria e tij vazhdojnë të lexohen dhe të vlerësohen nga breza të ndryshëm.

Emri i Ali Podrimjes mbetet i lidhur ngushtë me poezinë moderne shqiptare dhe me një trashëgimi letrare që vazhdon të ketë ndikim edhe sot./A.K/

Continue Reading

Lajmet

Nisin xhirimet e filmit të shkurtër “Deltar” me regji të Ibër Dearit

Published

5 days ago

on

August 27, 2026

By

Kanë nisur xhirimet e filmit me metrazh të shkurtër “Deltar”, me regji të Ibër Dearit, ndërsa producent dhe skenarist është Afrim Muçaj. Filmi është i subvencionuar nga Qendra Kinematografike e Kosovës.

“Deltar” sjell historinë e një djaloshi i cili detyrohet të largohet nga shtëpia së bashku me familjen, ndërsa qeni i tij mbetet pas, i lidhur në zinxhir.

Filmi trajton tema si lufta, braktisja, humbja, ikja dhe ndarja nga gjithçka që një fëmijë njeh dhe do, duke e sjellë luftën dhe pasojat e saj përmes përjetimit të një fëmije.

Në kastin e filmit janë Ledion Mulaki, Afrim Muçaj, Gentrit Shala, Mia Muçaj dhe Valon Nuhiu, së bashku me aktorë të tjerë./A.K/

Continue Reading

Të kërkuara