Kulturë

Aktorja e njohur flet për divorcin me Charlie Sheen: Unë nuk do të doja që vajzat e mia të martoheshin me një burrë si ai

Sheen ka një histori abuzimi me substanca narkotike dhe është akuzuar për sulm seksual.

Published

4 years ago

on

Aktores dhe personalitetit televiziv amerikan, Denise Richards, iu desh pak kohë për të shqyrtuar divorcin e saj nga ish-bashkëshorti Charlie Sheen në podkastin e kësaj jave të Dear Media, ‘Divorced Not Dead’.

Sheen dhe Richards u divorcuan në vitin 2006 kur ajo ishte gjashtë muajshe shtatzënë me vajzën e tyre të dytë, Lola. Ajo i tha intervistueses Caroline Stanbury: “I thashë vetes: “A do të doja që vajzat e mia të martoheshin me këtë burrë?”

Sheen ka një histori abuzimi me substancat dhe gjithashtu është akuzuar për abuzime të shumta seksuale dhe akuza për sulm, raporton Entertainment Tonight.

Richards, 51, zbuloi se ishte e vështirë për të pranuar ndarjen e saj nga Charlie dhe tha se ajo “ndihej fajtore për ndarjen e familjes”. “Kam luftuar me këtë për vite”.

Alumi i ‘Real Housewives of Beverly Hills’ shtoi më tej, “Nuk ishte një situatë e mirë”.

Richards zbuloi se ajo dhe Sheen u pajtuan pas lindjes së Lolës, por u ndanë menjëherë pas kësaj, duke e cilësuar martesën e tyre “shumë toksike”. Më pas ajo kërkoi kujdestarinë e plotë të dy vajzave të tyre dhe paraqiti një urdhër ndalimi ndaj Sheen menjëherë pasi ata u divorcuan.

Megjithatë Richards tha se ajo gjithmonë bënte përpjekje për t’i lejuar vajzat të shihnin babanë e tyre, edhe pse ajo ka mbajtur kujdestarinë ligjore të tyre që atëherë.

“Ka shumë gjëra që publiku nuk i di dhe kurrë nuk e dini se çfarë ndodh pas dyerve të mbyllura”, tha ylli i ‘Wild Things’.

Pavarësisht se ka momente të vështira dhe mosmarrëveshje, Richards thotë se nuk është penduar që u martua me Charlie, duke shtuar se ajo “beson vërtet se ai dhe unë u bëmë bashkë për të pasur vajzat tona”./UBTNews/

Related Topics:
Continue Reading

Lajmet

Dita e dytë e “Javës së Kulturës së Kosovës në Berlin”

Published

25 minutes ago

on

June 18, 2026

By

Në kuadër të “Javës së Kulturës së Kosovës në Berlin”, më 16 qershor është shfaqur filmi “The Beauty of the Donkey” i regjisores Dea Gjinovci.

Filmi dhe mesazhi i tij kanë përcjellë emocione të forta te publiku, duke trajtuar plagët e luftës në Kosovë dhe përjetimet e familjeve që kanë humbur të dashurit e tyre, si dhe çështjen e personave të zhdukur gjatë luftës.

Në shfaqje kanë marrë pjesë përfaqësues të institucioneve gjermane, ambasadorë, trupi diplomatik, gazetarë, artdashës dhe bashkatdhetarë nga diaspora, duke krijuar një atmosferë të veçantë dhe emocionale.

Ky aktivitet është organizuar në bashkëpunim me Qendrën Kinematografike të Kosovës dhe Albanian Film Festival Berlin.

/A.K/

Continue Reading

Lajmet

Në SHBA hapet ekspozita “Liria” e fotografit kosovar Hazir Reka

Published

59 minutes ago

on

June 18, 2026

By

Në kuadër të aktiviteteve për shënimin e Ditës së Çlirimit të Kosovës, Ambasada e Republikës së Kosovës në Shtetet e Bashkuara të Amerikës ka organizuar ekspozitën fotografike “Liria” të fotografit kosovar Hazir Reka.

Ekspozita sjell një përmbledhje fotografish që dokumentojnë sakrificën, qëndresën dhe shpresën e popullit të Kosovës në periudha të ndryshme historike, duke pasqyruar edhe rolin e SHBA-së në rrugëtimin e Kosovës drejt lirisë dhe pavarësisë.

Ambasadori i Kosovës në SHBA, Ilir Dugolli, e ka cilësuar Rekën si “kronistin jozyrtar të historisë moderne të Kosovës”, duke theksuar se fotografitë e tij dokumentojnë periudhën e represionit, rezistencës paqësore, luftës, çlirimit dhe shtetndërtimit.

Ai ka veçuar edhe një fotografi të vitit 1990 në Prishtinë, gjatë vizitës së delegacionit të Kongresit amerikan të udhëhequr nga senatori Bob Dole, si simbol të shpresës dhe mbështetjes ndërkombëtare për Kosovën.

Sipas ambasadorit, ekspozita përbën një dëshmi vizuale të historisë së Kosovës dhe marrëdhënieve të saj të veçanta me Shtetet e Bashkuara të Amerikës.

/A.K/

Continue Reading

Lajmet

Hapet në Prishtinë ekspozita performuese “Në Ikje” mbi përvojat e zhvendosjes gjatë luftës

Published

1 hour ago

on

June 18, 2026

By

Më 19 qershor 2026, nga ora 18:00, në Barabar Centre në Hotel Grand Prishtina, hapet ekspozita e gjallë performuese “Në Ikje”, e organizuar nga YIHR-KS.

Ekspozita sjell rrëfime të drejtpërdrejta mbi përvojat e zhvendosjes së detyruar gjatë luftës në Kosovë, duke u fokusuar në historitë e personave që kanë përjetuar largimin nga shtëpitë e tyre, pasigurinë e rrugëtimit dhe jetën në kushte të përkohshme.

Përmes materialeve nga Muzeu Virtual i Refugjatëve, këto rrëfime paraqiten në formë performative, me qëllim afrimin e publikut me përvojat njerëzore të luftës dhe zhvendosjes.

Sipas organizatorëve, ekspozita synon të krijojë një hapësirë reflektimi mbi kujtesën kolektive, duke trajtuar temat e humbjes, qëndrueshmërisë dhe dinjitetit njerëzor në kohë krize.

Ekspozita “Në Ikje” është kuruar nga Çlirimtare Januzaj, ndërsa dizajni i posterit është realizuar nga Aurora Bytyçi.

/A.K/

Continue Reading

Lajmet

Shqipëria zgjidhet anëtare e Komitetit të UNESCO-s për Trashëgiminë Kulturore Jomateriale

Published

5 hours ago

on

June 18, 2026

By

Shqipëria është zgjedhur anëtare e Komitetit Ndërqeveritar të UNESCO-s për Ruajtjen e Trashëgimisë Kulturore Jomateriale, duke shënuar një vlerësim të rëndësishëm ndërkombëtar për angazhimin e saj në mbrojtjen dhe promovimin e trashëgimisë kulturore.

Lajmin e ka bërë të ditur ministri i Jashtëm, Ferit Hoxha, i cili theksoi se zgjedhja përfaqëson njohje të rolit aktiv të vendit brenda UNESCO-s.

Sipas tij, Shqipëria ka dëshmuar përkushtim të vazhdueshëm në ruajtjen, promovimin dhe transmetimin e trashëgimisë kulturore tek brezat e ardhshëm, duke kontribuar në mbrojtjen e identitetit dhe diversitetit kulturor.

Hoxha rikujtoi se disa prej vlerave më të njohura të trashëgimisë shqiptare tashmë janë pjesë e Listës Përfaqësuese të Trashëgimisë Kulturore Jomateriale të Njerëzimit, përfshirë Iso-polifoninë shqiptare, Xhubletën, K’cimin e Tropojës dhe Transhumancën.

Ai falënderoi shtetet anëtare të UNESCO-s për mbështetjen dhe besimin e dhënë ndaj Shqipërisë, duke theksuar se vendi do të bashkëpunojë me partnerët ndërkombëtarë për avancimin e mbrojtjes së trashëgimisë kulturore jomateriale.

Përmes këtij mandati, Shqipëria pritet të luajë një rol më të madh në promovimin dhe ruajtjen e vlerave kulturore në nivel ndërkombëtar gjatë viteve të ardhshme.

/A.K/

Continue Reading

Të kërkuara