Lajmet

Aktori Spahiu debat në UBT: Në Kosovë janë yje opinionistët, jo artistët

Aktori i njohur kosovar, Fatmir Spahiu zhvilloi një debat me studentët e UBT-së./

Publikuar

Studentët e UBT-së, në ciklin e debateve javore me personalitete nga jeta publike, këtë të mërkurë, kanë zhvilluar një debat përmbajtësor e mjaft interesant me aktorin e mirënjohur kosovar, Fatmir Spahiu.

Studentët janë interesuar për investimet e shtetit në fushën e kulturës, veçanërisht për mbështetjen e teatrit dhe projekteve filmike, disa prej të cilave kanë arritur të marrin vlerësime në festivalet më të njohura ndërkombëtare.

Aktori kosovar tha se fatkeqësisht mbështetja institucionale është tejet e vogël në krahasim me potencialin që ka Kosova në kinematografi, ku filmat me producentë, regjisorë e aktorë vendorë po marrin edhe trofe në festivale ndërkombëtare të njohura e të vlerësuara të filmit.

Spahiu e quajti “humoristik” buxhetin e ndarë të shtetit për kinematorgafinë dhe kulturën.

Komplet kinematorgafia kosovare, sipas tij, ka pasur një shumë simbolike të parave për realizimin e dhjetëra filmave.

“Nëse jeton në Kosovë ti kurrë nuk e arrin famën, pasi nuk të vlerësojë. Vetëm nëse vjen nga Londra atëherë të vlerësojnë edhe këtu.”

“Ndërsa po të shkosh kudo në botë ke respekt si filmbërës nga Kosova”.

As shteti e as televizonet, qoftë ai publik apo ato private, sipas tij, nuk kanë ofruar mbështetje serioze për projekte filmike e as për dokumentarë për figurat emblemantike të Kosovës.

Ai ka komentuar edhe në lidhje me realizimin e mundshëm të një filmi për Komandantin Legjendar, Adem Jashari.

“Në një film për figurën e Adem Jasharit do të duhej të investoheshin dhjetëra mijëra apo miliona euro buxhet”.

“Më shumë prodhime për luftën e Kosovës ka RTS serbe, sesa RTK-ja. Serbët prodhojmë e bëhen pronarë të gënjeshtrës, kurse ne jemi viktima të së vërtetës kemi shumë figura ku mund të shndërrohen në dokumentar”, deklaroi Spahiu. 

Duke folur për jetën e tij si aktor, Spahiu u tha studentëve se rolet më sfiduese i ka pasur në teatër.

Ai ka paralajmëruar një projekt të ri vjeshtor i cili lidhet me gjuhën e urrejtjes në rrjetet sociale.

Në diskutimin me të rinjtë, Spahiu tha se shpreson që rinia të ngelet në Kosovë e të mos ikin jashtë vendit.

Aktori i njohur foli edhe për produksionin e tij të quajtur “Buka”. Po ashtu, ai u tha studentëve se si aktor kosovar është edhe anëtar i Akademisë Evropiane të Filmit ku merr pjesë edhe në vlerësimin e prodhimeve filmike të vlerësuar nga kjo akademi.

Por ai pati kritikat e tij për hapësirën shumë të madhe që i jepet politikës në telvizionet tona.

Sipas tij, në Kosovë është më yll një opinionist se sa një aktorë, duke e parë këtë si padrejtësi dhe rrezik.

“Tash për tash, në televizionet tona kemi vetëm politikë e energji negative. Emisioni politik është më i lirë, sjellja e politikanëve është shumë e lirë, shikueshmëria është e madhe”, u shpreh ai, duke potencuar se në emisione zbavitëse, argëtuese e edukuese investohet tejet pak. 

Lajmet

​Vrasja e gruas në Ferizaj, Aliu: Dorasit t’i shqiptohet dënimi i merituar

Në llogarinë e tij në Facebook, ai tha se janë të tronditur nga ky lajm, teksa ka treguar se i plagosuri është vëllai i viktimës.

Publikuar

nga

Kryetari i Ferizajt, Agim Aliu, ka reaguar pas rastit të rëndë në këtë komunë, ku mbeti e vrarë një grua. Në llogarinë e tij në Facebook, ai tha se janë të tronditur nga ky lajm, teksa ka treguar se i plagosuri është vëllai i viktimës.

“Të tronditur thellë, morëm lajmin se pak minuta më parë, një bashkëqytetare e jonë është qëlluar për vdekje nga ish bashkëshorti i saj derisa dorasi ka plagosur edhe vëllain e viktimës. Viktima dhe dorasi po merrnin shërbime pranë Qendrës për Punë Sociale në Ferizaj, derisa dorasi ka shtënë mbi viktimën dhe vëllain e saj si dhe ka kërcënuar me armë edhe punonjësen e këtij institucioni”, ka shkruar ai në Facebook.

Aliu gjithashtu bëri thirrje për institucionet e drejtësisë që t’i japin dënimin e merituar dorasit.

Vazhdo të lexosh

Lajmet

​“Zëri juaj është i çmuar”, Macron vlerëson rolin e Ramës në dialogun Kosovë-Serbi

Ai tha se normalizimi i marrëdhënieve mes dy vendeve është i nevojshëm për sigurinë e rajonit të Ballkanit Perëndimor.

Publikuar

nga

Presidenti i Francës, Emmanuel Macron ka përgëzuar Shqipërinë për ecurinë drejt integrimit në BE gjatë konferencës për shtyp që mbajti me kryeministrin Edi Rama, i cili po qëndron për vizitë zyrtare në Paris.

Në adresimin e tij për media, Macron përsëriti angazhimin e Francës në favor të angazhimit evropian të Shqipërisë dhe më gjerë të lëvizjes për Ballkanin Perëndimor.

“Ju e dini se mund të keni besim tek vendosmëria ime për t’i intensifikuar edhe më shumë. Dua të përsëris angazhimin e Francës në favor të anëtarësimit të vendit në BE dhe të lëvizjes që ne kemi për Ballkanin Perëndimor.Siç e nënvizova para 6 muajve në Tiranë këtu bëhet fjalë vetëm për bashkimin e Europës për ta bërë më të fortë, më sovrane në kontekstin e agresionit rus kundër Ukrainës, por gjithashtu përballë kërcënimeve dhe sfidave të përbashkëta. Është gjithashtu një premtim paqeje për të gjithë rajonin”, tha Macron.

Ndërkaq duke folur për rolin e Shqipërisë në dialogun Kosovë-Serbi, presidenti francez e vlerësoi lartë rolin e Tiranës zyrtare, duke thënë se zëri i saj është i çmuar. Ai tha se normalizimi i marrëdhënieve mes dy vendeve është i nevojshëm për sigurinë e rajonit të Ballkanit Perëndimor.

“Në të gjitha çështjet rajonale është i nevojshëm normalizimi i marrëdhënieve ndërmjet Kosovës dhe Serbisë ku zëri juaj është i çmuar. Shkëmbimet tona të sotme do të lejojnë të vazhdojmë në këtë rrugë dhe të bëjmë bilancin e kantiereve që kemi hapur së bashku për të forcuar partneritetin tonë të cmuar në të gjitha fushat dhe të gjitha këto kantiere kanë avancuar dhe gëzohem për nënshkrimin pas pak të një marrëveshje ndër-qeveritare që do t’i jap një impuls të ri bashkëpunimit tonë”, tha ai.

Vazhdo të lexosh

Lajmet

​Gjermania i kërkon Iranit të mos ndërmarrë veprime ushtarake kundër Izraelit

Kancelari Scholz tha se qeveria gjermane ka biseduar me aleatët e saj perëndimorë, si dhe partnerët e saj në rajon, për të parandaluar një konflikt më të gjerë në Lindjen e Mesme.

Publikuar

nga

Kancelari gjerman Olaf Scholz shprehu të premten shqetësimin për përshkallëzimin e mundshëm në Lindjen e Mesme dhe i kërkoi Iranit të mos ndërmarrë veprime ushtarake kundër Izraelit.

“Ne po i marrim shumë seriozisht rreziqet që po shfaqen atje në lidhje me veprimet e mundshme nga Irani”, tha Scholz në një konferencë shtypi në Berlin, mes raporteve të mediave që pretendonin se Irani mund të hakmerret kundër Izraelit brenda 24 deri në 48 orëve të ardhshme.

Kancelari Scholz tha se qeveria gjermane ka biseduar me aleatët e saj perëndimorë, si dhe partnerët e saj në rajon, për të parandaluar një konflikt më të gjerë në Lindjen e Mesme.

“Si unë, edhe ministri i jashtëm dhe e gjithë qeveria, kemi bërë gjithçka që është e mundur, si shumë nga partnerët tanë, për të dërguar mesazhet e duhura dhe për ta bërë të qartë se nuk duhet të ketë ndonjë aktivitet të tillë ushtarak atje”, u tha ai gazetarëve.

Izraeli është në gatishmëri të lartë mes frikës për një sulm të mundshëm iranian si hakmarrje për një sulm të supozuar izraelit në Konsullatën iraniane në Damask më 1 prill.

Të paktën shtatë anëtarë të Korpusit të Gardës Revolucionare Islamike të Iranit u vranë në sulm, duke përfshirë dy gjeneralë të lartë.

Ministri i Jashtëm izraelit, Israel Katz, kërcënoi të mërkurën se ushtria e vendit të tij do të godasë Iranin drejtpërdrejt nëse Teherani fillon një sulm nga territori i tij kundër Izraelit.

Përshkallëzimi vjen ndërsa Izraeli vazhdon të kryejë një ofensivë ushtarake vdekjeprurëse në Rripin e Gazës pas një sulmi ndërkufitar në fillim të tetorit nga Hamasi, i cili vrau rreth 1200 njerëz.

Më shumë se 33.600 palestinezë janë vrarë që atëherë në Gaza dhe mbi 76.000 janë plagosur në mes të shkatërrimit në masë dhe zhvendosjes./AA

Vazhdo të lexosh

Lajmet

IKSHPK: Rriten rastet me kollën e mirë

Më 29 mars, ky institut kishte raportuar për tetë raste të regjistruara me kollën e mirë.

Publikuar

nga

Instituti Kombëtar i Shëndetësisë Publike të Kosovës (IKSHPK) tha se ka regjistruar raste të reja me sëmundjen ngjitëse të kollës së mirë, apo siç njihet ndryshe edhe si pertussis.

“Gjatë vitit 2024, IKSHPK ka regjistruar 14 raste të konfirmuara me laborator të pertussisit, kryesisht te moshat e reja, që paraqet një rritje të lehtë krahasuar me vitet paraprake”, u tha në njoftim.

Më 29 mars, ky institut kishte raportuar për tetë raste të regjistruara me kollën e mirë.

“Kjo sëmundje ngjitëse mund të shfaqet në çdo moshë, por më shpesh i prek fëmijët dhe adoleshentët. Më të rrezikuar janë fëmijët nën moshën 1-vjeçare”, tha IKSHPK-ja.

Kjo sëmundje, që shkaktohet nga bakteri bordetella pertussis, përhapet lehtësisht nga personi në person përmes spërklave nga kollitja ose teshtitja e personit të infektuar.

Sipas IKSHP-së, simptomat zakonisht shfaqen shtatë deri në dhjetë ditë pas infektimit, por mund të shfaqen edhe deri në 21 ditë më vonë. Simptomat janë të ngjashme me ftohjen e zakonshme, përfshirë teshtitjen, rrjedhjen e hundës, temperaturë të ulët dhe një kollë të lehtë.

Sipas IKSHPK-së, mënyra më e mirë e parandalimit të kësaj sëmundjeje është vaksinimi, duke u bërë thirrje prindërve të vaksinojnë fëmijët dhe foshnjat për këtë sëmundje ngjitëse./REL

 

Vazhdo të lexosh

Të kërkuara