Udhëheqësi suprem i Iranit, Ayatollah Ali Khamenei, ka kundërshtuar kategorikisht mundësinë e zhvillimit të negociatave me administratën e presidentit amerikan Donald Trump, duke e përjashtuar çdo mundësi për një marrëveshje të re bërthamore mes të dyja shteteve.

“Askush nuk duhet të negociojë me një qeveri si kjo”, tha Khamenei të premten, duke theksuar se negociatat me Shtetet e Bashkuara nuk do të sjellin zgjidhje për problemet e Iranit. “Negocimi me Amerikën nuk do të zgjidhë asnjë problem. Provë? Përvojë!”, shtoi udhëheqësi iranian.

Khamenei e akuzoi administratën e SHBA-së për mosrespektimin e detyrimeve të saj në kuadër të marrëveshjes bërthamore të vitit 2015, e cila ishte arritur në Vjenë dhe që parashikonte kufizimin e aktiviteteve bërthamore të Iranit në këmbim të heqjes së sanksioneve ekonomike. Ai e vuri theksin në faktin se kjo marrëveshje ishte thyer nga presidenti i kaluar amerikan, Donald Trump, kur ai u tërhoq nga marrëveshja në vitin 2018, duke krijuar një krizë diplomatike të rëndë.

“Amerikanët nuk e respektuan atë marrëveshje. Po i njëjti person që është tani në detyrë e prishi marrëveshjen”, theksoi Khamenei, duke i bërë një thirrje të drejtpërdrejtë administratës Trump, që të mos presë bisedime të tjera me Iranin.

Në sfondin e një krize ekonomike të thellë, për shkak të sanksioneve të ashpra perëndimore, fitorja e Trump në zgjedhjet presidenciale të nëntorit ka ngjallur një debat të brendshëm në Teheran mbi mundësinë e rifillimit të negociatave dhe heqjen e sanksioneve. Trump ka sugjeruar mundësinë e bisedimeve nëpërmjet një postimi në platformën e tij “Truth Social” të martën, duke theksuar se ai është i gatshëm për një “marrëveshje të verifikuar të paqes bërthamore” me Iranin, ndërkohë që insistonte në faktin se Irani “nuk mund të ketë një armë bërthamore”.

Në këtë kontekst, presidenti iranian Masoud Pezeshkian ka treguar gatishmërinë për t’u angazhuar në bisedime, por theksoi se vendimi përfundimtar do të marrë formë vetëm nën udhëheqjen e Khameneit, i cili ka të drejtën e vendimmarrjes finale në çështje të tilla të rëndësishme për sigurinë kombëtare të Iranit.

Gjykata Ndërkombëtare Penale në Hagë ka hapur një hetim ndaj qeverisë italiane, duke përfshirë Kryeministren Giorgia Meloni dhe dy ministra të kabinetit të saj, në lidhje me veprimet e tyre në lidhje me rastin e riatdhesimit të një oficerit të lartë libian, Gjeneral Almasri. Ky hetim ka të bëjë me akuzat për pengimin e administratës së drejtësisë dhe për favorizimin e kryerjes së krimeve kundër të drejtave të njeriut.

Çështja ka filluar pas vënies nën hetim nga Prokuroria italiane të Francesco Lo Boi, Kryeprokurorit të Antimafias, për nxitje dhe favorizim të një operacioni të dyshuar për riatdhesimin me një avion shtetëror të kreut të Policisë Gjyqësore të Tripolit, Gjeneral Almasri. Ky oficer është shpallur në kërkim nga Gjykata Penale Ndërkombëtare për krime të rëndë, dhe ky akt ka tërhequr vëmendjen ndërkombëtare.

Gjykata Ndërkombëtare Penale në Hagë ka filluar një hetim për të vlerësuar ndikimin e veprimeve të qeverisë italiane mbi administrimin e drejtësisë dhe lidhjen e saj me krimet e dyshuara të Almasri. Në dokumentin e hetimit, të siguruar nga mediat italiane, janë renditur emrat e Kryeministres Giorgia Meloni, Ministrit të Drejtësisë Carlo Nordio dhe Ministrit të Brendshëm Matteo Piantedosi, të cilët akuzohen për favorizimin e veprimeve të padrejta dhe të rrezikshme për të drejtat e njeriut.

Çështja ka origjinën nga denoncimin e një refugjati sudanez, i cili ka akuzuar Gjeneral Almasri për tortura të kryera ndaj tij dhe gruas së tij në vitin 2019, kur ata ishin të burgosur në Libi. Sipas kërkesës, ata dhe shumë të tjerë ishin viktima të abuzimeve dhe krimeve të drejtuara nga Almasri. Refugjati, një shtetas sudanez nga Darfuri, tani i ka bërë thirrje autoriteteve ndërkombëtare për të hetuar veprimet e qeverisë italiane, e cila, sipas tij, ka mbështetur kriminelët që po i shmangen drejtësisë.

Në dokumentin e denoncimit prej 23 faqesh, avokatët e refugjatit përshkruajnë me detaje trajtimin çnjerëzor të grupit të emigrantëve të cilëve u përkisnin viktimat. Këto dëshmi janë bërë pjesë e një kallëzimi penal të mëtejshëm që ka ngritur shqetësime për rolin që mund të ketë luajtur qeveria italiane në mbështetje të këtyre krimeve të rëndësishme.

Sipas hetuesve, Almasri qëndroi në Itali nga 18 deri më 22 janar, periudhë gjatë së cilës ai u lirua nga një gjykatë në Romë, pavarësisht kërkesës së Gjykatës Ndërkombëtare Penale. Pas lirimit, Almasri u kthye në Tripoli me një fluturim të siguruar nga shërbimi sekret italian. Ky akt ka rritur akuzat për favorizim të krimeve të drejtuara kundër të drejtat e njeriut dhe për ndërhyrje të papranueshme në sistemin ndërkombëtar të drejtësisë.

Përveç kësaj, avokatët e refugjatit sudanez kanë njoftuar se janë duke përgatitur shtesa në denoncimin e parë, pas marrjes së konfirmimit për hapjen e çështjes nga Prokuroria. Ky zhvillim ka ngjallur shqetësime të mëdha në lidhje me ndikimin e politikës ndërkombëtare mbi sistemet juridike dhe mbrojtjen e të drejtave të njeriut, veçanërisht në kontekstin e krizave humanitare dhe emigracionit./UBTNews/

Ish-kryeshefi ekzekutiv i Korporatës Energjetike të Kosovës (KEK), Nagip Krasniqi, dhe i akuzuari Isuf Zejna janë deklaruar të pafajshëm, kurse Ymer Dragusha ka arritur marrëveshje me Prokurorinë Themelore në Prishtinë për pranimin e fajësisë, lidhur me akuzën për keqpërdorimet në KEK.

Krasniqi, Zejna dhe Dragusha akuzohen për veprat penale “keqpërdorimi i detyrës apo autoritetit zyrtar”, “zbulimi i fshehtësisë zyrtare” dhe “ndihmë në keqpërdorim të detyrës apo autoritetit zyrtar”.

Në nisje të shqyrtimit fillestar prokurorja e rastit, Fikrie Fejzullahu u deklarua rreth marrëveshjes së arritur mes Prokurorisë dhe të akuzuarit Dragusha për pranimin e fajësisë për çka tha se është bërë në mënyrë vullnetare nga vetë i akuzuari.

Sipas prokurores, Zejnullahu marrëveshje e dakorduar parasheh dënim në kohëzgjatje prej 2 vitesh e cila nuk do të ekzekutohet në rast se i pandehuri nuk kryen vepra penale gjatë kësaj periudhe.

“Për pikën 1 të dispozitivit është rekomanduar dënimi me burgim në kohëzgjatje prej 8 muajsh, për veprën në dispozitivin 2 në kohëzgjatje prej 6 muajsh, për veprën penale nga dispozitivi nën 3 të aktakuzës po ashtu me dënim me burgim prej 6 muajsh, si dhe për veprën penale nga dispozitivi 4 i aktakuzës dënim prej 6 muajsh, e që me dënim unik është llogaritur dënim me burgim në kohëzgjatje prej 2 vitesh i cili nuk do të ekzekutohet nëse i pandehuri përmbush këto kushte: kushtëzimi vije në detyrimin e tij që të plotësoj detyrimet nga marrëveshje e statusit të tij si dëshmitarë bashkëpunues e datës 19 maj 2023. Se periudhën 2 vjeçare afat ky për kushtëzimin e këtij dënimi nuk kryen ndonjë vepër penale”, theksoi ajo.

Mbrojtësja e të akuzuarit Ymer Dragusha, Sabrije Krasniqi pohoi se pranimi i fajësisë nga klienti i saj është bërë me vullnet të plotë dhe pa presion nga askush.

“Është bërë në mënyrë vullnetare dhe pa presion nga askush dhe me vetë dëshirë“, theksoi avokatja Krasniqi.

Se me vullnet të plotë dhe duke pas parasysh pasojat e ka pranuar fajësinë për katër veprat penale që e ngarkon Prokuroria edhe vetë i akuzuari, Ymer Dragusha.

Më pas, kryetari i trupit gjykues, Rrahman Beqiri shpalljen e aktgjykimit për të akuzuarin, Ymer Dragusha e ka shtyrë deri në përfundim të gjithë kësaj çështje penale.

Pas kësaj, seanca e shqyrtimit fillestar vazhdoi me leximin e aktakuzës, sipas të cilës Nagip Krasniqi në cilësinë e kryeshefit të KEK-ut, Ymer Dragusha në cilësinë e ushtruesit të detyrës së drejtorit të zyrës së prokurimit dhe Isuf Zejna, si përfaqësues i kompanisë “Rexhepi Zeqiri Zejna L.L.C”, me veprimet e tyre i shkaktuan dëm buxhetit të shtetit rreth 37 milionë euro.

Prokurorja e rastit, Fikrie Zejnullahu tha se i akuzuarit, Nagip Krasniqi dhe Ymer Dragusha me veprimet e tyre kanë keqpërdorur autoritetin zyrtar duke dëmtuar në shkallë të lartë buxhetin e Kosovës.

“Krasniqin që si kryeshef i KEK-ut dhe i pandehuri Ymer Dragusha si u.d i drejtorit të zyrës së prokurimit në periudhën kohore prej 17 janarit 2022 deri më 27 janar 2023, duke keqpërdorur detyrën dhe autoritetin zyrtar, kanë tejkaluar kompetencat e tyre me qëllim që t’i mundësojnë përfitim personit tjetër- në këtë rast operatorit ekonomik “Litëin S.A’’, t’ua shkelin të drejtat e personave tjerë, në këtë rast operatorit ekonomik si dhe t’i shkaktojnë dëm buxhetit të Kosovës…. 25’50 si rezultat i veprimeve të të pandehurve për periudhën kohore 19 korrik 2022 deri më 6 maj 2023, blloku A5 ishte jashtë funksionit, andaj KEK u detyrua që të importojë energji elektrike në sasi prej 890,016 MËh, duke i shkaktuar KEK-ut dhe buxhetit të Kosovës dëm në shkallë të madhe, në shumën prej 36 milionë e 349 mijë e 638 euro e 62 centë”, thuhet në aktakuzë.

Tutje sipas aktakuzës ish-kryeshefi i KEK-ut, Nagip Krasniqi së bashku me Ymer Dragushën në mënyrë të kundërligjshme ka lidhur kontratë të dëmshme edhe me operatorin ekonomik “Rexhepi Zeqiri Zejna LL.C”.

“I pandehuri Ymer Dragusha, edhe përkundër faktit se ishte në dijeni se kërkesa e të pandehurit Nagip Krasniqi, ishte në kundërshtim me LPP-në, më 2 mars 2023, e fillon procedurën e prokurimit me titull “Angazhimi i një kompanie konsulent ligjor” përmes shkresës drejtuar KRPP-së. Përkundër rekomandimit të KRPP-së, të 6 marsit 2023, që për këtë aktivitet duhet të zhvillohet procedurë e hapur, të pandehurit Krasniqi dhe Dragusha, kanë zhvilluar procedurën e negocimit me operatorin ekonomik “Rexhepi Zeqiri Zejna L.L.C më 3 prill 2023 pas urdhrit të Krasniqit, i pandehuri Dragusha e nënshkruan kontratën me operatorin ekonomik “Rexhepi Zeqiri Zejna L.L.C” në vlerë prej 60 mijë euro”, thuhet në aktakuzë.

Dispozitivi i gjashtë i aktakuzës thotë se i akuzuari, Nagip Krasniqi në periudhën kohore 2022-2023 me dashje dhe në cilësinë e personit zyrtar ka zbuluar fshehtësi zyrtare lidhur me procedurat e prokurimit të cilat po zhvilloheshin në KEK, duke i ndarë me personin jozyrtar, përkatësisht me Dejona Mihalin.

Sipas aktakuzës, më 4 gusht 2022 Krasniqi gjatë komunikimeve në rrjetin social “Signal’’ i ka dërguar Mihalit, kërkesën drejtuar Qeverisë së Republikës së Kosovës përkatësisht kryeministrit të Kosovës dhe ministrave të Qeverisë për plotësim/ndryshimin e vendimit për shpalljen e emergjencës energjetike.

“Dhe se më 16 maj 2022, gjatë komunikimeve në rrjetin social ‘’Signal’’ i ka dërguar Mihalit, një komunikim-foto me shkrimin e tre emrave dhe pozitave të zyrtarëve në KEK: Driton Bytyqi, Emin Tmava dhe Mustafa Kavaja, pas të cilës e njëjta i kthen përgjigje dhe për secilin veç e veç i jep informata për profilin e secilit nga të lartcekurit. Me çka ka kryer veprën penale “Zbulimi i fshehtësisë zyrtare”, thuhet në aktakuzë.

Derisa avokati, Isuf Zejna akuzohet se gjatë dhjetorit të vitit 2021 e deri në prill të 2023-ës, në Prishtinë, Zejna si përfaqësues i kompanisë “ Rexhepi Zeqiri Zejna L.L.C” me dashje dhe me qëllim të përfitimit personal, ka ndihmuar të pandehurin Krasniqi që ta keqpërdor detyrën zyrtare në lidhje me tenderin e titulluar “Angazhimi i një kompanie konsulent ligjor”.

Lidhur me të gjitha akuzat që u ngarkua ish-kryeshefi i Korporatës Energjetike të Kosovës(KEK), pas leximit të aktakuzës është deklaruar i pafajshëm.

“Plotësisht i pafajshëm në të gjitha pikat”, tha ai.

Fajësinë nuk e pranoi as avokati, Isuf Zejna.

“Nuk e pranoj fajësinë“, tha ai.

Seanca e kaluar e shqyrtimit fillestar për aktakuzën e dytë ndaj ish-kryeshefit të Korporatës Energjetike të Kosovës (KEK), Nagip Krasniqi, Ymer Dagushës si dhe Isuf Zejnës, të akuzuar për keqpërdorime në KEK dështoi pasi mungoi i akuzuari, Ymer Dragusha.

Lidhur me këtë rast Prokuroria Themelore e Prishtinës ka ngritur aktakuzën më 30 dhjetor 2024.

Shtetet anëtare të NATO-s kanë nisur një mision të ri strategjik me qëllim të forcimit të mbikëqyrjes dhe shfaqjes së një pranie më të fortë në Detin Baltik. Ky mision është një përgjigje ndaj shqetësimeve të rritura për sigurinë dhe stabilitetin në këtë rajon të rëndësishëm, veçanërisht pas incidenteve të shpeshta që kanë ndodhur kohët e fundit.

Anija ushtarake gjermane “Roja e Baltikut”, me ekuipazhin e saj prej 60 ushtarësh, është dërguar për të patrulluar në Detin Baltik gjatë një periudhe prej 8 javësh. Ky mision ka si objektiv të sigurojë mbikëqyrje të ngushtë dhe të minimizojë mundësinë e incidenteve që mund të kërcënojnë sigurinë e rrugëve detare dhe infrastrukturën nënujore, siç janë linjat e telekomunikacionit, elektricitetit dhe karburantit, të cilat janë shpesh objekt i veprimeve të dyshimta.

Përgjatë vitit 2023, infrastruktura nënujore në rajon ka qenë shënjestra e ndërprerjeve të mëdha, shumica e të cilave janë lidhur me anije tregtare që vinin nga Rusia. Disa nga këto ndërprerje kanë ngjallur dyshime për mundësinë e sabotazhit, megjithatë, nuk ka ende prova të mjaftueshme për të vërtetuar se këto kanë qenë veprime të qëllimshme. Sidoqoftë, incidentet e ripërsëritura kanë nxitur NATO-n të ndërmarrë një veprim të menjëhershëm për të forcimin e pranishmërisë dhe mbikëqyrjes në këtë rajon strategjik.

Komandanti i anijes “Roja e Baltikut”, Marc T. Tippner, theksoi se, edhe pse situata aktuale nuk është jashtëzakonisht e tensionuar, ka shqetësime serioze për aftësinë e NATO-s për të reaguar në kohë dhe për sigurinë e rrugëve detare në këtë zonë. Ai shtoi se autorësia e incidenteve të tilla ende mbetet e paqartë, duke theksuar nevojën për më shumë mbikëqyrje dhe përforcim të sigurisë për të parandaluar ngjarje të ngjashme në të ardhmen.

Në këtë kontekst, shtetet e NATO-s janë të angazhuara për të forcuar praninë dhe mbikëqyrjen e rajonit, duke e konsideruar atë një hap të domosdoshëm për të ruajtur sigurinë dhe stabilitetin e rrugëve detare dhe infrastrukturës nënujore në Detin Baltik.

Ky mision shërben jo vetëm si një përgjigje ndaj kërcënimeve aktuale, por edhe si një parandalues për të siguruar që rajoni të mbetet i sigurt dhe i qetë, dhe që incidente të tjera të papranueshme të mos ndodhin më në të ardhmen.DW.