Lajmet

Aktivistët libanezë kundër ndërtimeve buzë plazhit

Ndërtimet e pakontrolluara kanë penguar aksesin në plazhe.

Published

3 years ago

July 22, 2023

UBT news

Në një pjesë të pacenuar të bregut verior të Libanit, një vizitor i rrallë detar ka nxitur kundërshtimin ndaj një zhvillimi buzë detit, në një vend ku ndërtimet e pakontrolluara kanë penguar aksesin në plazhe.

Grupi mjedisor Terre Liban ka paralajmëruar se një zhvillim i propozuar në terren rrezikon të shkaktojë shembjen e shpellës, duke shkatërruar vendin e izoluar.

Fokat mesdhetare dikur ishin të bollshme, por tani konsiderohen të rrezikuara nga Bashkimi Ndërkombëtar për Ruajtjen e Natyrës, i cili përmend kërcënime duke përfshirë humbjen e habitatit.

Milad Fakhri nga Qendra Kombëtare për Shkenca Detare thotë se foka janë parë në ujërat libaneze në vitet e fundit, por “asnjë studim zyrtar nuk është kryer” për numrin e tyre.

Abi Yunes, një nga ata me fat që kishte shkrepur një foto të fokës e cila shihet pranë plazhës ku është shpella në fjalë, tha se ishte i vendosur të mbronte zonën.

“Kjo vilë nuk duhet të ndërtohet… mbi një shpellë që është shtëpi për një kafshë të kërcënuar me zhdukje”, tha ai.

Banorët e Amchit akuzojnë autoritetet për dritën jeshile të ndërtimit.

Pjesa më e madhe e bregdetit të Libanit është e mbushur me struktura dhe zhvillime formale dhe joformale, disa prej tyre të braktisura.

Ndërtimi i shfrenuar nuk është i ri në Liban, por tani “njerëzit mobilizohen më shumë për të mbrojtur domenin publik”, tha Ayoub.

Grupi i tij ka regjistruar më shumë se 1100 shkelje ndërtimi në bregdetin libanez./UBTNews/

Vendi

Mbi 100 gramë kokainë dhe marihuanë kapen në Vërmicë

Published

15 hours ago

June 19, 2026

UBT News

Dogana e Kosovës, në bashkëpunim me Policinë e Kosovës, ka zbuluar dy raste të substancave narkotike gjatë kontrolleve në Pikën Kufitare të Vërmicës.

Në rastin e parë, gjatë kontrollit të një automjeti që po hynte në Kosovë, janë gjetur 104.90 gramë substancë e dyshuar si kokainë, e fshehur në çantën personale të një udhëtari.

Ndërkaq, në rastin e dytë janë zbuluar 5.53 gramë substancë e dyshuar si marihuanë, e fshehur në bagazhin e një automjeti. Gjatë kontrollit është gjetur edhe një thikë kuzhine e padeklaruar.

Rastet janë proceduar për hetime të mëtejshme nga autoritetet kompetente.

/A.K/

Vendi

Mbyten dy vajza të mitura në Tale

Published

16 hours ago

June 19, 2026

UBTNews

Një ngjarje e rëndë ka ndodhur mesditën e sotme në plazhin e Tales, ku dy vajza të mitura, të moshës 11 dhe 9 vjeçe, janë mbytur në det.

Sipas njoftimit zyrtar të Policisë, tragjedia ka ndodhur rreth orës 12:50. Pas marrjes së informatës, zyrtarët policorë kanë dalë menjëherë në vendngjarje dhe, në bashkëpunim të ngushtë me pushuesit e tjerë, kanë bërë të mundur gjetjen dhe nxjerrjen e trupave të pajetë në breg.

“Në bashkëpunim me pushuesit, është bërë e mundur gjetja dhe nxjerrja e trupave të pajetë në breg“, thuhet në njoftimin e policisë. /E.A/

Vendi

Dyshime për cilësinë: Bllokohen mbi 1 mijë e 400 infuzione në Spitalin e Mitrovicës

Published

18 hours ago

June 19, 2026

UBTNews

Shërbimi Spitalor Klinik dhe Universitar i Kosovës (ShSKUK) ka njoftuar se ka bllokuar përkohësisht 1,432 njësi të një produkti mjekësor në Spitalin Rajonal “Sami Haxhibeqiri” në Mitrovicë, pas dyshimeve se ai mund të mos jetë brenda specifikave të kërkuara të cilësisë.

Bëhet fjalë për infuzionet e llojit Compound Sodium Lactate (500 ml). Alarmi u ngrit fillimisht nga farmacistja përgjegjëse e spitalit, gjë që vuri në lëvizje Inspektoratin Farmaceutik dhe Agjencinë e Kosovës për Produkte dhe Pajisje Medicinale (AKPPM).

Pas një inspektimi të dytë të kryer më 17 qershor, autoritetet urdhëruan bllokimin e menjëhershëm të këtij kontingjenti deri në pranimin e rezultateve nga analizat laboratorike. ShSKUK ka njoftuar opinionin publik se ky është një masë parandaluese dhe se mbetet e përkushtuar për të garantuar sigurinë e plotë të pacientëve dhe cilësinë e barnave nëpër spitalet publike. /E.A/

Lajmet

KQZ gati për rezultatet përfundimtare: Përfundon rinumërimi i 185 vendvotimeve

Published

19 hours ago

June 19, 2026

UBTNews

Komisioni Qendror i Zgjedhjeve (KQZ) ka përmbyllur zyrtarisht procesin e rinumërimit për të gjitha 185 vendvotimet e kontestuara. Sipas zëdhënësit të KQZ-së, Valmir Elezi, procesi ka përfunduar sot në orën 12:00 dhe të dhënat e reja tashmë janë përditësuar në platformën zyrtare të rezultateve.

Me këtë hap, KQZ-ja ka mbyllur teknikisht të gjitha aktivitetet e administrimit të votave dhe është gati për shpalljen e rezultateve përfundimtare të zgjedhjeve të 7 qershorit.

Megjithatë, përpara shpalljes zyrtare, duhet të respektohen afatet ligjore për ankesat e mundshme. Elezi sqaroi se sot përfundon afati për ankesat lidhur me administrimin e numërimit nga dita e mërkurë (17 qershor), ndërsa po ashtu do të pritet nëse do të ketë ankesa për procesin e rinumërimit të përmbyllur sot.

Për më tepër, para se të procedohet tutje, KQZ-ja do të kërkojë një konfirmim zyrtar nga Paneli Zgjedhor për Ankesa dhe Parashtresa (PZAP) për të vërtetuar nëse ka ndonjë ankesë tjetër ende në shqyrtim.

Në fund, Qendra e Numërimit dhe Rezultateve (QNR) do të hartojë një raport të detajuar për gjetjet në secilin prej 185 vendvotimeve. Ky raport synon të konfirmojë se procesi i parë i numërimit nëpër komuna është zhvilluar me saktësi dhe në përputhje të plotë me vullnetin e shprehur të qytetarëve, raporton Ekonomia Online. /Ekonomia Online/ /E.A/