Kronika e zezë

Aktgjykimi ndaj Gucatit e Haradinajt shpallet më 18 maj

Seanca ndaj ish-krerëve të Organizatës së Veteranëve të Luftës së UÇK-së do të fillojë në orën 10:00.

Published

3 years ago

May 4, 2022

UBT news

Trupi gjykues në krye me Charles Smith II ka caktuar 18 majin 2022 si datë për shpalljen e aktgjykimit në rastin ndaj Hysni Gucatit dhe Nasim Haradinajt, njoftojnë Dhomat e Specializuara të Kosovës me seli në Hagë.

Seanca ndaj ish-krerëve të Organizatës së Veteranëve të Luftës së UÇK-së do të fillojë në orën 10:00.

“Sot, më 4 maj 2022, Trupi Gjykues II caktoi shpalljen e aktgjykimit në çështjen kundër Hysni Gucatit dhe Nasim Haradinajt më 18 maj 2022 në orën 10:00. Këtu mund ta gjeni urdhrin për caktimin e datës”, thuhet në njoftim.

Ndërsa Zyra e Prokurorit të Specializuar kishte kërkuar që Gucati e Haradinaj të dënohen me nga 6 vjet burgim dhe nga 100 euro gjobë.

Gucati e Haradinaj u arrestuan më 25 shtator 2020 prej kur edhe po qëndrojnë në paraburgim në Hagë.

Rrjedhja e disa dokumenteve që dyshohet të jenë nga Specialja, të cilat nga persona të panjohur janë dërguar në zyrat e OVL-UÇK, dhe bërja publike e kësaj ngjarje nga krerët e organizatës, është arsyeja pse po gjykohen Gucati e Haradinaj.

Mbi ta rëndojnë akuzat për vepra penale kundër administrimit të drejtësisë, konkretisht për pengim të personave zyrtarë në kryerjen e detyrave zyrtare, frikësim të dëshmitarëve, hakmarrje dhe shkelje të fshehtësisë së procedurës.

Related Topics:Hysni Gucati Nasim Haradinaj

Up Next

Kaluan ilegalisht kufirin, arrestohen tre shtetas të Serbisë në Leposaviq

Don't Miss

Pal Lekaj dhe të akuzuarit tjerë deklarohen të pafajshëm në rastin e 53 milionë eurove

Kronika e zezë

Kanoset një grua në Prishtinë, intervistohet i dyshuari

Published

3 days ago

July 15, 2025

UBT News

Një person dyshohet se ka kanosur një grua.

Sipas raportit 24 orësh të Policisë së Kosovës bëhet e ditur se rasti ka ndodhur në orën 17:00 më 12.07.2025 në Prishtinë.

Tutje në raport thuhet se pas intervistimit në konsultim me prokurorin rasti shkon në procedurë të rregullt.

“Është raportuar se i dyshuari mashkull kosovar ka kryer veprën e lartcekur ndaj viktimës kosovare. Pas intervistimit të palëve në konsultim me prokurorin rasti shkon në procedurë të rregullt”, thuhet në raport. /Telegrafi/

Kronika e zezë

Arrestohen tre persona për fajde në Prizren

Published

10 months ago

October 2, 2024

UBTnews

Policia e Kosovës ka arrestuar sot tre persona në Prizren nën dyshimet se janë të përfshirë në veprat penale fajde dhe detyrim.

Në vendbanimet e personave të dyshuar janë sekuestruar dy automjete, para dhe dëshmi të rëndësishme, të cilat do të përdorën si dëshmi në procedura të mëtutjeshme.

Dyshohet se këta persona duke kanosur viktimën, në vazhdimësi kanë tentuar ta detyrojnë që të veprojë kundër pasurisë së tij.

Të dyshuarit pas intervistimit, me aktvendim të prokurorit ndalohen për 48 orë.

Kronika e zezë

Një qytetar në veri të Mitrovicës sulmohet, fyhet në gjuhën shqipe dhe serbe

Published

10 months ago

October 1, 2024

UBTnews

Policia e Kosovës ka njoftuar se në Mitrovicë të Veriut është raportuar një rast sulm dhe fyerje.

Sipas policisë, ankuesi ka njoftuar se derisa ishte duke ecur në trotuar me tre persona, dy motorë skuter me nga dy persona të cilët kanë qenë duke lëvizur në rrugë i kanë fyer në gjuhen shqipe dhe në gjuhen serbe dhe të njëjtit i kanë gjuajtur me një shportë plastike duke e goditur viktimën.

“Viktima nuk ka pësuar lëndime trupore, ndërsa të dyshuarit janë larguar në drejtim të urës lindore”, thuhet në njoftim.

Kronika e zezë

Aksident i rëndë trafiku në Lipjan, lëndohet një këmbësor

Published

10 months ago

October 1, 2024

UBTnews

Një këmbësor ka pësuar lëndime të rënda dje si pasojë e një aksidenti në Lipjan. Deri tek aksidenti ka ardhur pasi një burrë duke e drejtuar një motoçikletë e ka goditur këmbësorin viktimën mashkull kosovar.

“Rr. Avdi Kelmendi, Lipjan 30.09.2024-15:20. Raportohet se i dyshuari mashkull kosovar derisa ishte duke drejtuar një motoçikletë e ka goditur këmbësorin viktimën mashkull kosovar. Si pasojë e aksidentit viktima ka pësuar lëndime të rënda trupore. I dyshuari është arrestuar dhe me vendim të prokurorit dërgohet në mbajtje”, thuhet në njoftim.