Kronikë e zezë

Aksion policor në rajonin e Prishtinës dhe të Pejës, arrestohen 10 persona

Prokuroria ka bërë të ditur se janë kontrolluar 12 lokacione.

Published

3 years ago

on

Prokuroria Speciale e Kosovës ka informuar sot se janë arrestuar dhjetë persona, nën dyshimin se kanë qenë të përfshirë në veprat penale ‘’Krim i organizuar’ dhe ‘Organizimi i skemave piramidale dhe bixhozit të paligjshëm.

Prokuroria ka bërë të ditur se janë kontrolluar 12 lokacione, si dhe janë intervistuar edhe 15 persona të tjerë në cilësinë e të dyshuarve, të cilët janë liruar në procedurë të rregullt.

“Me urdhër të Prokurorisë Speciale të Republikës së Kosovës (PSRK), Drejtoria për Hetimin e Krimit të Organizuar, në kuadër të Policisë së Kosovës, ka zbatuar urdhëresën e Gjykatës Themelore në Prishtinë-Departamenti Special, për arrestimin e dhjetë (10) personave të dyshuar dhe kontrollin e disa lokacioneve, për shkak të dyshimit se personat e dyshuar kanë qenë të përfshirë në veprat penale ‘’Krim i organizuar’ dhe ‘Organizimi i skemave piramidale dhe bixhozit të paligjshëm. Prokuroria Speciale njofton se pas hetimeve disa mujore operacioni është realizuar në rajonin e Prishtinës dhe të Pejës, ku personat e dyshuar në bashkëveprim me njëri-tjetrin dyshohet se kanë kryer veprat penale të lartcekura për një periudhë të gjatë kohore. Gjatë operacionit janë kontrolluar dymbëdhjetë (12) lokacione si dhe janë ndaluar dhjetë (10) persona me aktvendim mbi ndalimin si dhe janë intervistuar edhe pesëmbëdhjetë (15) persona të tjerë në cilësinë e të dyshuarve të cilët lirohen në procedurë të rregullt, të njëjtit janë hasur duke mundësuar zhvillimin e lojërave të bixhozit online”, është bërë e ditur në komunikatë.

Sipas prokurorisë, gjatë kontrollit edhe gjashtë (6) të dyshuar tjerë nuk janë hasur në lokacionet e tyre, andaj të njëjtit mbeten në kërkim policor.

Prokuroria Speciale ka njoftuar se në cilësi të provave materiale janë sekuestruar:

Para të gatshme – 4,423.00 euro

Aparatet e lojërave të fatit – 2 copë

Telefona mobilë – 25 copë

Llap top – 2 copë

DVR – 2 copë si dhe

Materiale/dokumente relevante për rastin.

“Me urdhër të prokurorit të Prokurorisë Speciale dhjetë (10) personat e arrestuar janë dërguar në mbajtje për 48 orë”, ka bërë të ditur Prokuroria Speciale.

Related Topics:
Continue Reading

Lajmet

​Vrasja e gjyqtarit Astrit Kalaja, lihen në burg Gjon Shkambi

Published

6 hours ago

on

October 27, 2025

By

Në Gjykatën e Apelit sot u mbajt seanca për vrasjen e gjyqtarit Astrit Kalaja.

Gjykata e Apelit ka vendosur të lë në burg Gjon Shkambin dhe punonjësin e sigurisë, Banush Koxhaj.

Ndërkohë vrasësi i gjyqtarit Elvis Shkambi nuk e ka apeluar masën e arrestit me burg.

Gjon Shkambi akuzohet se kishte dijeni mbi planin e nipit, akuza të cilat i ka mohuar. Koxhaj dyshohet se shpërdoroi detyrën duke mos kontrolluar dhe mos vlerësuar alarmin e detektorit që tregoi se vrasësi po hynte me një pistoletë./S.K/KP/

Continue Reading

Lajmet

Aksidentoi dy turistët francezë, arrestohet 35-vjeçari në Korçë

Published

7 hours ago

on

October 27, 2025

By

Policia e qarkut Korçë ka vënë në pranga një 35-vjeçar nga fshati Grabovicë, pasi u përfshi në një aksident rrugor ku u plagosën dy turiste franceze.

Sipas njoftimit zyrtar të Policisë, E. C., 35 vjeç, u arrestua në flagrancë për veprën penale “Shkelja e rregullave të qarkullimit rrugor”.

Ngjarja ndodhi një ditë më parë në aksin rrugor “Korçë–Pogradec”, ku automjeti që drejtohej prej tij u përplas me mjetin në të cilin ndodheshin dy shtetaset franceze.

Të plagosurat u dërguan fillimisht në Spitalin Rajonal të Korçës, dhe më pas u transportuan për trajtim të specializuar në Spitalin e Traumës në Tiranë, ku ndodhen nën kujdesin e mjekëve, në gjendje shëndetësore të stabilizuar.

Policia bën me dije se grupi hetimor po vijon punën për të përcaktuar me saktësi shkakun dhe rrethanat e aksidentit./S.K/KP/

Continue Reading

Lajmet

Sulmohen zyrtarët policorë në Ferizaj dhe Kaçanik

Published

8 hours ago

on

October 27, 2025

By

Dy raste të sulmeve ndaj zyrtarëve policorë janë regjistruar në Ferizaj dhe Kaçanik. Sipas raportit të Policisë së Kosovës, zyrtarët policorë në të dy rastet kanë pranuar tretman mjekësor.

Në Ferizaj dy meshkuj kosovar nuk i janë përfillur urdhërave duke penguar e më pas sulmuar zyrtarët policorë në detyrë.

“Ferizaj / 26.10.2025 – 00:50. Janë arrestuar dy të dyshuar meshkuj kosovare pasi që të njëjtit duke mos përfillur urdhrat e ligjshëm, i kanë penguar dhe sulmuar zyrtarët policorë në kryerje të detyrës. Si pasojë, një zyrtar policor ka pësuar lëndime trupore dhe i njëjti ka pranuar tretman mjekësor. Me vendim të prokurorit të dyshuarit janë dërguar në mbajtje”.

Ndërkaq në Kaçanik, Policia e Kosovës pas njoftimit të një aksidenti kanë dalë në terren ku më pas njëri nga personat nuk ka zbatuar urdhërat duke sulmuar zyrtarët policorë.

“Kaçanik / 26.10.2025 – 18:00. Patrulla policore ka shkuar në një rast aksident trafiku dhe aty kanë hasur dy meshkuj kosovarë te përfshirë ne aksident. Njeri nga personat duke mos zbatuar urdhrat e zyrtareve policor, nuk iu është bindur dhe ka sulmuar zyrtaret policor. Zyrtarët kanë marrë tretman mjekësor. I dyshuari është arrestuar dhe me vendim të prokurorit është dërguar në mbajtje”, thuhet në raportin e Policisë së Kosovës./S.K/KP/

Continue Reading

Lajmet

Shqiptohen mbi 1 mijë e 400 gjoba trafiku shqiptohen brenda 24 orëve të fundit

Published

8 hours ago

on

October 27, 2025

By

Policia e Kosovës ka njoftuar se kanë shqiptuar 1438 gjoba për kundërvajtësit e trafikut brenda 24 orëve të fundit.

Gjithashtu, brenda këtyre 24 orëve të fundit janë raportuar 37 aksidente trafiku me dëme materiale, kurse 34 aksidente trafiku kanë përfunduar me të lënduar.

Policia e Kosovës ka arrestuar 18 persona kurse 8 janë dërguar në mbajtje./S.K/PK/

Continue Reading

Të kërkuara