Lajmet

​Aksion para Qeverisë, QIKA kërkon që të hiqet TVSh-ja për produktet menstruale

Published

on

Për të katërtin vit radhazi, Qendra për Informim, Kritikë dhe Aksion – QIKA ka mbajtur aksion simbolik para Qeverisë së Kosovës, duke kërkuar heqjen e Tatimit mbi Vlerën e Shtuar (TVSh) për produktet menstruale.

Rreth 7 mijë e 500 nënshkrime të mbledhura për peticionin “Peceta nuk është luks” janë dorëzuar te ministri i Financave, Punës dhe Transfereve, Hekuran Murati.

Organizatorja e Qendrës QIKA, Medina Dauti tha se qëllimi i këtij aksioni është që t’ia rikujtojnë ministrit Murati, se produktet menstruale nuk janë çështje luksi dhe si të tilla duhet të jenë pa TVSh. Ajo potencoi se mosreagimi i tij lidhur me këtë problematikë, tregon indiferencën e tij, për çka thotë se përkrahja e taksës për këto produkte është ‘seksiste dhe ndikon në mosqasjen e tyre’.

“Sot kemi ardhur për t’ia dorëzuar ministrit Hekuran Murati 7 mijë e 500 nënshkrimet që i kemi mbledhur vitin e kaluar për peticionin ‘Peceta nuk është luks’. Kemi përpiluar hartimin që ministri nuk po ka guxim dhe vullnet ta përpilojë vet që është vendim që ndikon mbi heqjen e taksës, e heq taksën menstruale dhe ndikon në zbutjen e varfërisë menstruale…Është viti katërt radhazi që jemi duke kërkuar prej ministrit të hiqet taksa, ai nuk ka dal dhe nuk e ka folur asnjë fjalë për çështjen në fjalë. Kjo ndikon edhe indiferencën e tij, si po e përkrah këtë taksën që është absolutisht seksiste dhe ndikon keq në qasjen për produkte menstruale”, tha Dauti.

Ndër të tjera, Dauti tha se qasja në produkte menstruale është e drejtë bazike dhe nuk duhet të kushtëzohet me taksë prej 18 për qind, duke e futur tek “produktet e luksit”.

“Po ashtu, duam t’ia rikujtojmë për herën e katërt radhazi, që produktet menstruale nuk janë luks dhe çdo grua dhe person tjetër që menstron nuk kanë zgjedhje për menstruacione. Qasja në produkte menstruale duhet të jetë e qasshme për të gjithë dhe është e drejtë bazike që nuk duhet të kushtëzohet apo taksohet 18 për qind si produkt luksi”, potencoi Dauti.

Sipas një studimi nga Fondacioni Thomson Reuters, që prej kur Kenia u bë vendi i parë që hoqi TVSH-në për produktet menstruale në vitin 2004, të paktën 17 vende e kanë ndjekur këtë shembull.

Në Evropë rreth 20 vende kanë ulur TVSH-në për produktet higjienike, dhe Italia është ndër shtete e fundit që e ka bërë këtë gjatë vitit të kaluar.

Bota

Von der Leyen: Bashkëpunimi BE-SHBA në interes dypalësh

Published

on

Presidentja e Komisionit të BE-së, Ursula von der Leyen, dhe kancelari gjerman, Olaf Scholz, u shprehën në Forumin Ekonomik Botëror në Davos për rëndësinë e bashkëpunimit të ngushtë mes Bashkimit Evropian dhe Shteteve të Bashkuara të Amerikës.

Von der Leyen paralajmëroi presidentin e ri të SHBA-së, Donald Trump, që të shmangë nisjen e një lufte tregtare me Evropën dhe theksoi gatishmërinë e BE-së për negociata. Ajo theksoi se ekonomitë e BE-së dhe SHBA-së janë të ndërthurura në një masë të jashtëzakonshme dhe se vëllimi i tregtisë mes dy palëve arrin në 1.5 trilion euro, që përfaqëson 30 për qind të tregtisë botërore. “Të dyja palët do të rrezikonin shumë”, tha Von der Leyen.

Kjo deklaratë vjen pas njoftimit të Trumpit gjatë fushatës zgjedhore se kishte për qëllim vendosjen e tarifave të reja për importet, përfshirë një tarifë deri në 60 për qind për mallrat kineze. Trumpi ka shprehur shqetësimin për deficitin tregtar dhe dëshirën për të forcuar prodhimin amerikan.

Kancelari Scholz gjithashtu shprehu shpresën që SHBA të mbetet një aleat i ngushtë i Gjermanisë edhe nën presidencën e Trumpit, por theksoi se duhet të ketë maturi në qëndrimet ndaj SHBA-së, duke shtuar se jo çdo deklaratë ose postim nga Uashingtoni duhet të shkaktojë tensione të mëdha në Evropë. Ai theksoi se bashkëpunimi mes BE-së dhe SHBA-së është kyç për paqen, sigurinë dhe zhvillimin ekonomik global./UBTNews/

Continue Reading

Lajmet

Kontingjenti i FSK-së, pjesë e ushtrimit “Winter EX 2025” në Turqi

Published

on

By

Kontingjenti i Forcës së Sigurisë së Kosovës, i është bashkuar forcave partnere në ushtrimin ndërkombëtar “Winter EX 2025” që udhëhiqet nga Forcat e Armatosura të Republikës së Turqisë ( FART).

FSK-ja njofton se Ushtrimi Fushor “Winter EX 2025” është një aktivitet shumëpalësh me pjesëmarrje të gjerë nga vendet partnere, agjencitë e sigurisë, organizatat qeveritare dhe joqeveritare të Turqisë, e që fokus ka aspektin operacional dhe taktik në kushte të motit ekstrem dhe brenda kufijve territorial të Turqisë.

Pjesëmarrja e FSK-së, në ushtrim ka për qëllim ngritjen dhe avancimin e kapaciteteve operacionale dhe profesionale të njësive , si dhe ngritjen e ndërveprueshmërisë në operacionet e përbashkëta me partnerët.

Continue Reading

Lajmet

Delegacioni presidencial pjesëmarrës në inaugurimin e Presidentit të 47-të të SHBA-ve

Published

on

By

Delegacioni presidencial ka marr pjesë në aktivitetet e organizuara me rastin e inaugurimit të Presidentit të 47-të, të SHBA-ve, Donald Trump.

Një delegacion presidencial, i përbërë nga Learta Hollaj, Shefe e Stafit të Presidentes, dhe Rejhan Vuniqi, Këshilltare për Politikë të Jashtme, të shoqëruar nga Ambasadori i Republikës së Kosovës në SHBA, Ilir Dugolli, ka marrë pjesë në aktivitetet e organizuara për nder të inaugurimit të Presidentit të 47-të, të Shteteve të Bashkuara të Amerikës, Donald Trump.

Nga Presidenca njoftohet se gjatë këtyre ditëve, ata kanë marrë pjesë në ceremoninë e betimit të Presidentit Trump në Capitol Hill, Tubimin e mbajtur para ceremonisë së betimit në Capital One Arena, Ballon e Komandantit Suprem; Ballon Presidenciale “The Liberty Ball”, Ballon “Black Tie and Boots”, të organizuar nga Texas State Society, Midwest Galla, pritjen e organzuar nga Dr. Miriam Adelson, Tilman Fertitta, Sylvie Legere & Todd Ricketts e Mark Zuckerberg, si dhe në Shërbesën e Lutjeve Kombëtare në Washington National Cathedral.

Me këtë rast, ata kanë pasur mundësinë të takohen me një sërë zyrtarësh të lartë, senatorë dhe kongresistë, si dhe këshilltarë dhe persona me ndikim nga bota e biznesit dhe sfera të tjera të interesit.

Gjatë këtyre aktiviteteve, ata kanë pasur mundësinë të bisedojnë me: Kryetarin e Dhomës së Përfaqësuesve në Kongresin amerikan, Mike Johnson; të nominuarin e Presidentit Trump për Drejtor të CIA-s, John Ratcliffe; Kongresistin dhe Kryesuesin e nënkomitetit për Evropë në Komitetin për Politika të Jashtme të Dhomës së Përfaqësuesve të SHBA-ve, Keith Self; Kongresistin Chip Roy; Kongresistin Ronny Jackson; Senatorin John Cornyn, Kongresistin Ted Cruz; Guvernatorin e Teksasit, Greg Abbott; Guvernatoren e Iowa, Kim Reynolds; Ambasodorin e nominuar të Presidentit Trump në NATO, Matt Whitaker; Zëvendës Guvernatorin e Teksasit, Dan Patrick; Prokurorin e Përgjithshëm të Teksasit, Ken Paxton; ish-Sekretarin e Përgjithshëm të NATO-s, Jens Stoltenberg; Senatoren e Teksasit, Angela Paxton; Këshilltarin lokal, Gino Mulliqi; dhe ish-Kongresistin Jack Fields, si dhe përfaqësues të shumtë të mërgatës.

Në të gjitha këto takime, janë përcjellë urimet më të mira për Presidentin Trump dhe administratën e re në emër të Presidentes Osmani dhe qytetarëve të Kosovës, duke konfirmuar angazhimin e Republikës së Kosovës për avancimin e mëtejshëm dhe të vazhdueshëm të raporteve bilaterale. Në bisedat me zyrtarët amerikanë është theksuar gjithashtu rëndësia e vizitave të ndërsjella, si dhe rëndësia e bashkëpunimit me qëllim të avancimit dhe ruajtjes së sigurisë në rajon dhe përtej.

Continue Reading

Lajmet

Lajçak: Marrëveshja e Ohrit hapi rrugën drejt normalizimit të raporteve Kosovë – Serbi

Published

on

Miroslav Lajçak, emisari i Bashkimit Europian për dialogun, ka folur për takimin që zhvilloi dje me presidentin serb, Aleksandar Vuçiç, në kuadër të përpjekjeve për të përshpejtuar procesin e dialogut ndërmjet Kosovës dhe Serbisë.

Në një postim në platformën X, Lajçak theksoi rëndësinë e Marrëveshjes së Ohrit të vitit 2023, e cila, sipas tij, ka hapur një rrugë të re për normalizimin e marrëdhënieve ndërmjet dy vendeve. “Theksova se Marrëveshja e Ohrit e vitit 2023 hapi rrugën përpara drejt normalizimit”, shkruajti ai, duke theksuar se avancimi në këtë drejtim është jetik për të ardhmen e dy vendeve dhe të gjithë rajonit.

Lajçak shtoi se progresi i mëtejshëm është në interes të Kosovës, Serbisë dhe të ardhmes së tyre, duke i bërë thirrje të dyja palëve të vazhdojnë përpjekjet për të arritur një marrëveshje përfundimtare që do të kontribuonte në stabilitetin dhe paqen në Ballkanin Perëndimor./UBTNews/

Continue Reading

Të kërkuara