Lajmet

Agani: Qeveria po synon që para themelimit të Asociacionit ta shtrijë sovranitetin në veri

Agani ka thënë se kryeministri Albin Kurti duke u munduar që të shtrijë sovranitetin në veri të vendit, me çështjen e dinarit ka bërë gabim në hapat që ka ndërmarrë.

Publikuar

2 muaj më parë

më

Kryetari i Partisë së Drejtësisë, Ferid Agani, ka thënë se kryeministri Albin Kurti po synon që ta shtrijë sovranitetin në veri të vendit para se të formohet Asociacioni i komunave me shumicë serbe.

Kjo sipas tij ka ndodhur pasi nuk është bërë një analizë më në detaje të implikimeve të cilat mund të ndodhnin si shkak i implementimit të rregullores së re të Bankës Qendrore të Kosovës.

Agani ka thënë se kryeministri Albin Kurti duke u munduar që të shtrijë sovranitetin në veri të vendit, me çështjen e dinarit ka bërë gabim në hapat që ka ndërmarrë.

“Është i qartë synimi i qeverisë që para se të vihet në fazën përfundimtare të rregullimit të marrëdhënieve me shtetin e Serbisë në bazë të marrëveshjes së Brukselit dhe aneksit të Ohrit. Fillimisht të rrumbullakohet më tepër sa është e mundur sovraniteti i shteti në veri. Tash çështja e dinarit edhe largimi i tij nga tregu ka të bëjë edhe me rrumbullakimin e sovranitetit financiar. Në fazën paraprake ka arrit një shkallë e konsiderueshme e sovraniteti në rrafshin e sigurisë në alokimin e trupave të shtuara të Policisë në vend dhe me shtimin e sundimit dhe rendit e ligjit në veriun e vendit”, ka thënë Agani.

“Kjo përpjekje e qeverisë është e qartë dhe po tentohet që para se të procedohet në draftin e Asociacionit në Gjykatën Kushtetuese të vendit dhe para se të hyhet në themelimin e këtij obligimi të cilin tani më Kosova e ka marr qysh prej viti 2013, fillimisht shtrihet sovraniteti në masën maksimale në veri të vendit në të gjitha aspektet e rëndësishme. Por në gjithë këtë proces si duket është bërë një gabim në hapa dhe pa një analizë më në detaje të implikimeve të cilat mund të ndodhin”, ka thënë ai.

Agani ka thënë se veprimi i qeverisë pa një analizë se si kjo rregullore do të reflektoj në jetën e qytetareve në veri ka bërë që vendi të vije në një situatë në të cilën është tejkaluar kufiri i ndjeshmërisë dhe i tolerancës së partnerëve ndërkombëtarë ndaj veprimeve të qeverisë, ku kanë pasur edhe reagimet e ashpra të tyre.

“Se si kjo do të reflektojë në jetën e popullatës në Mitrovicën e veriut dhe tri komunat e tjera të veriut të vendit, atyre komuniteteve të margjinalizuara, bëhet fjalë për pensionistet dhe personat me aftësi të veçanta. Do të thotë kemi ardhur në situatën në të cilën është tejkaluar ai kufiri i ndjeshmërisë së partnerëve tanë ndërkombëtarë, i tolerancës së tyre ndaj veprimeve të qeverisë dhe kemi pasur një reagim të ashpër në lidhje me këto veprime të qeverisë”, ka thënë ai.

Kryetari i PD-së ka thënë se reagimet që ka marr Kosova si shkak i kësaj çështje nuk e gëzojnë as kënd në vend, kjo pasi sipas tij, çdo gjë që ka arritur Kosova është falë ndërkombëtarëve. Ai ka thënë se qeveria duhet që të ndërmarr masat të cilat do të korrigjon këto mos pajtime cilat kanë ndodhur.

“Natyrisht as një qytetar të vendit kjo nuk e gëzon, duke pasur parasysh faktin se çdo gjë që ka arritur Kosova në dekadat e fundit, posaçërisht në tri dekadat e fundit ka qenë fal një bashkëpunimi tejet konstruktiv dhe bashkëpunimi sistematik me partneret ndërkombëtarë. Në radhë të parë ShBA-të dhe shtet e BE-së. Shpresoj që qeveria e ka kuptuar gabimin e saj në këtë aspekt ndërsa do të ndërmarr masat të cilat do të korrigjojnë këto mos pajtime cilat kanë ndodhur. Dhe ajo me më rëndësi do të ndërmerr masa të cilat në radhë të parë përmirësojnë cilësinë e jetës e qytetareve në veriun e vendit, pra kjo është me rëndësi që as një qytetarë në vend të mos jetë i kërcënuar dhe i rrezikuar për shkak të mungesës së mjeteve të tyre, të cilat është mësuar që ti merr më shumë se dy dekada në shtëpinë e tyre në mënyrën siç e kanë marrë deri tash”, ka thënë ai.

Etiketa
Vazhdo të lexosh

Lajmet

Funerali i presidentit Raisi do të mbahet të martën

Publikuar

19 minuta më parë

më

20 Maj, 2024

nga

Funerali i presidentit iranian, Ebrahim Raisi dhe ministrit të jashtëm, Hossein Amir-Abdollahian do të mbahet të martën, raportoi gazeta iraniane Tasnim.

Një zyrtar iranian Hassan Hakikian tha se do të zhvillohet në qytetin e Tabrizit, në Iranin veriperëndimor.

Para se të bëhet varrimi do të bëhet ekspertiza mjekoligjore./UBTNews/

Vazhdo të lexosh

Lajmet

Të reshurat e shiut shkaktojnë dëme në Prishtinë, komuna me thirrje për qytetarët

Publikuar

37 minuta më parë

më

20 Maj, 2024

nga

Të reshurat e shiut kanë shkaktuar dëme materiale në disa zona të kryeqytetit. Ekipet e zjarrfikësve në bashkëpunim me policinë e Kosovës janë duke i sanuar të gjitha dëmet.

Komuna e Prishtinës u bën thirrje qytetarëve që të kenë durim deri në sanimin e të gjitha dëmeve.

“Pas shiut të rrëmbyeshëm të mëngjesit të hershëm, në disa zona të kryeqytetit janë shkaktuar dëme materiale, të cilat ekipet e zjarrfikësve dhe Drejtorisë së Sigurisë dhe Emergjencave në bashkëpunim me policinë janë duke i sanuar. Ju lutemi të keni durim në trafikun e ngarkuar i cili është shkaktuar për shkak të ndërhyrjeve në sanim nga ekipet e emergjencave. Çdo rast rreziku ju lutemi raportoni në Qendrën Emergjente të Kryeqytetit në numrat: 0800 112 33 ose 0800 112 44”, thuhet në njoftimin e komunës së Prishtinës.

Vazhdo të lexosh

Lajmet

Hamasi në solidaritet me Iranin pas vdekjes së presidentit

Publikuar

1 orë më parë

më

20 Maj, 2024

nga

Hamasi ka shprehur solidaritetin e tij me shtetin e Iranit, pas përplasjes së helikopterit ku mbetën të vdekur presidenti, ministri i Jashtëm dhe disa zyrtarë të tjerë të lartë. Grupi militant tha se ndan dhimbjen me vëllezërit iranianë.

Grupi tha “se përplasja e helikopterit ka lënë të vdekur disa prej liderëve më të mirë iranianë që kishin një karrierë të shquar në rilindjen e Iranit”.

Grupi militant është në luftë me Izraelin që nga 7 tetori pas sulmit të tij tronditës në Izraelin jugor. Hamasi është një nga grupet e shumta militante të mbështetur dhe financuar nga Teherani, i cili ofron fonde, armë dhe trajnime./UBTNews/

Vazhdo të lexosh

Lajmet

Kurti: 600 mijë euro për Onkologjinë, investim substancial

Publikuar

2 orë më parë

më

20 Maj, 2024

nga

600 mijë euro është kostoja e renovimit të Klinikës së Onkologjisë në Qendrën Klinike Universitare të Kosovës (QKUK). Bashkë me renovimin është shtuar edhe numri i shtretërve.

Në ceremoninë e përurimit të renovimeve të kësaj klinike, i pranishëm ishte edhe kryeministri Albin Kurti e ministri i Shëndetësisë, Arben Vitia. Kryeministri Kurti, ka thënë se janë bërë renovime substanciale prej rreth 600 mijë eurosh në këtë klinikë dhe se krahas renovimeve, është shtuar edhe buxheti për blerjen e barnave.

“Kemi një investim substancial prej 600 mijë euro që e ka transformuar në mënyrë fort domethënëse për mjekët, infermierët, stafin mbështetës që janë gjithsej 70 por para së gjithash për pacientët. I kanë pasur 45 shterët e tash i kanë 60 shtretër. Dhe së shpejti do të jenë 110. Me aksliratorin e ri të cilin e kemi instaluar lista e pritjes është zero. Ky investim kap shifrën 1 milion e 444 mijë euro. Unë jam i lumtur që mora vesh se procesi i dhënies së vaksinës HPV-së i sëmundjes së kancerit të mitrës është duke shkuar mirë, lista esenciale e barnave është zgjedhuar dhe se buxheti është shtuar. Nga 24 milion euro në 60 milion euro. Në Kosovë qytetarët e Republikës blejnë 120 milion euro barna gjysmën e blejnë ata e gjysmën tjetër paguan shteti. Nga dy rezonanca magnetike vetëm këto tri vite janë edhe tri rezonanca të reja. Terapia tabletare tash ipet edhe në Prizren. Është një ditë e veçantë për pacientët, mjekët e stafin të cilët i falënderoj nga zemra”, ka thënë Kurti.

Nga ana tjetër ministri i Shëndetësisë, Arben Vitia ka thënë se është shumë i lumtur pasi që tash pacientët marrin shërbime pa listë të pritjes.

“Shumë i lumtur e i gëzuar që një Klinikë kaq vitale për një grup të pacientëve tash e tutje do të marrin shërbime pa listë të pritjes. Falënderoj stafin e Klinikës së Onkologjisë të cilët kanë ndihmuar të rinovimin rrënjësor. Uroj të ketë më pak sëmundje të tilla. Rrallë kund edhe në rajon i kanë mundësitë të marrin shërbime të tilla modern”, ka thënë Vitia.

Vazhdo të lexosh

Të kërkuara